明園粉麵茶餐廳 (已結業)

有一段時間寫唔到食評,現在有基會我會寫返,有時間就睇下,卑d意見1/12我有D病,要妹蛋陪我食粥,門口大大隻字寫住生滾粥,就入去試試魚腩粥--魚腩好淡,粥底好淡冇味道豬腰粥--豬腰唔爽唔脆,有異味,粥底好淡冇味道唔通呢d係探病粥,方便買去廣華

睇左飲食男女，上一次每三十晚摸門釘，今次終於去到喇！點左魷魚肉餅+咸蛋同窩蛋牛肉，魷魚肉餅好ok，好入味！果然係實至名歸，飯亦有好多飯焦，對比出面果d煲到焦黑既，呢間明顯贏好多個馬位！窩蛋牛肉亦都唔錯，食個位Mr 大讚，整體黎講！價錢好低！因為呢個係有質素既煲仔飯。如果唔計環境，呢度可以有滿分，另外值得一提，呢度d侍應真係唔錯，對比其他茶餐廳，呢度好有禮貌！

心血來潮夜,硬把損友拉出街陪小弟食煲仔飯,西環佢又話遠,近近地就老廟,點知四季的人龍望見都投降,損友便二話不說,拉小弟左穿右插,十分鐘後,一樣坐街邊等食飯.是夜例湯是南瓜湯,甜是預料中,可惜師傅有少許,有點美中不足.食煲仔飯是貪其熱辣辣,在寒風中縮下縮下咁食就最正,可惜當日唔夠凍,有點無癮,友人的鳳爪排骨飯是幾足料,舖上一層椰菜,賣相不俗,而排骨亦唔係淨骨無肉既騙徒貨式,老實講,要一煲煲仔飯出色,火侯拿揑最考功夫,煲底要微焦帶香而唔係帶苦,但呢煲明顯地唔夠水準,陰陽怪氣的有點濕,有些過焦,奇怪.小弟的窩蛋牛肉飯,最喜歡把蛋黃插穿,讓蛋液流入飯中,再焗一陣,然後攪個天翻地覆,等每粒飯都沾上蛋汁,溝少少鼓油,真係人間一絕,不過一如損友所言,醬油唔得牛肉唔掂,有點令人失望.

星期六去食煲仔飯, 比附近O嘅「明苑」好味。叫左兩個土魷肉餅飯,要等十五分鐘,但係大部分嘅人都係食煲仔飯。成煲飯個底都係飯無,正......舊肉餅又唔老,O岩O岩好。鼓油唔咸噃,.......仲有自家製嘅冰製奶茶。幾好味,但係十七蚊就貴左啲。

事出突然,兩個麻甩即興的晚飯,微涼的天氣之下,就想起煲仔飯,老廟的四季條人龍,比在英國在郵局排隊拿救劑金的人龍更長.立即轉戰旺角尾的明園.店員問我倆坐入面定坐出面?)我倆麻甩,當然坐出面,在街邊吃煲仔飯,倍添市井味道.記得這店以前也有一個半個炭爐在店內,今天好像不見了.炭爐同煲仔飯,大抵是其中一對最佳拍檔.如果後者沒有前者之助,又欠缺了一份煲仔飯應有的街頭風味.小弟的鳳爪排骨飯很快便上,份量十足,一打開煲蓋,熱氣沖天.再焗一會便可吃.面頭的材料不俗,鳳爪惹味,排骨有肉味,但飯底嫌有點濕,底部的飯焦亦焦香,可是不知是否火力問題,燒得似乎不夠均勻,有些位是比較膿.再說其豉油,很咸,是死咸,沒有咸中帶甜的層次感.其後友人的窩蛋牛肉飯,淺嘗其一片牛肉,好像比梳打粉糟質過.早知的話,信友人之言,在西環坤記同人逼餐死.

係旺角的茶餐廳佢都真係算威水....試諗下佢做到要擴充....係隔離開多間鋪....你話佢幾威最出名的...應該都係佢的blow 仔飯食左3個blow 仔飯+一個茄子blow...最好味係佢的肉餅blow仔飯都幾好味~~~係咁的價錢....有咁的質素算係不錯當然環境服務就冇得要求嫁喇~哈~

青檸先生喜歡食煲仔飯，我之前都有提過。所以，我用左好多時間係openrice search邊間整煲仔飯靠得住，睇過關於這間的食評後，最後，就決定來呢度試下。地點，離旺角市中心好遠，對我地來說，不就腳。食物，叫了鳳抓排骨飯和窩蛋牛肉飯。鳳抓排骨飯較窩蛋牛肉飯好，但d飯都係有d生米，好濕，都未收水。d煲仔豉油一d都唔咸，唔好味。窩蛋牛肉飯果d牛肉片無(葉)過，無味，似瘦肉多過牛肉。衛生方面，個地好dirty，我地一邊在吃飯，他們就一邊掃地，食煙，真係有點影響食慾。受歡迎程度，可能我地夜左小小去，好少人，不是別人說得咁受歡迎。總括來說，不太好，不想再講太多了，不好意思。明天是星期六，十個開心！只有青檸先生先知答案！

响傳媒吹捧之下，呢度嘅煲仔飯登時成為熱點。小弟跟太座又湊一下熱鬧試一試...以為要大排長龍，估唔到去到就直入店中，等都唔使等，仲有卡位坐添...先來枝樽仔奶茶。一枝玉泉忌亷咁嘅size賣成十六大洋，不可謂不貴。試一口，頗香茶味，飲得出應該係用咗立頓茶包再溝咗其他茶葉嘅。印象不錯，跟灣仔金鳳各有所長...一人一個煲仔飯就係鐵膽la...土魷肉餅加北菇雞，另加臘潤腸各一...先嗶一口飯吃，做得不夠乾身，濕得滯，冇咗口感。太座嗰兜好D，但都係覺得太濕；飯焦雖有，但唔係一刮即起，且有D燶底；豉油亦落得太多油la...欠缺炭香就冇計嘞，因佢哋用煤氣爐ge...但單論飯及豉油，係絕對唔合格...相反餸料就做得不俗--- 肉餅頗有肉鮮，若肉質再彈口D會更好；膶腸味夠濃且甘；雞件亦頗滑...但飯始終係個靈魂，冇得傾...老實講，當你食多D其他舖頭嘅煲仔飯，你就會發覺更好(甚至最好)嘅就响你身邊，以後唔使四圍揾la...响邊? 西環坤記是也...

天氣轉涼，常常都想吃煲仔飯，朋友介紹，就來這店試試。雖然認識此店已久(坐車常經此處)，但從末試過。當晚食左土魷肉餅、簡單的鳳爪排骨加辣椒、樽裝奶茶、凍檸賓。土魷肉餅很香魷魚味，肉汁亦多，非常非常好味，寫此食評時，想起亦流口水想再吃。鳳爪同排骨不是很突出，但絕對是水準以上，加入辣椒，野味非常。最重要是連豉油也不馬虎，很香。不過飯焦是小了點，焦香亦不夠，不過這是口味問題，相信有不少人會喜歡。奶茶都不錯，不過焦點放在煲仔飯上，必會常來用餐。可能坐在路邊，負責人有留意我們，提點我們食飯時要注意之事，很認真。

天氣突然轉涼, 最好當然係食煲仔飯暖暖肚. 星期三晚, 又係上堂的日子, 之前就係附近吃個煲仔飯.去到店前已有人龍, 馬上去排. 不過都係等了幾分鐘就有街邊位. 老闆還落多兩錢咀頭話甚麼街邊食煲仔飯仲甜蜜蜜. 當然, 係長街的一角去吃暖暖的煲仔飯也真是別有滋味. 反正條街也不是太多車經過, 食塵指數不太高的.一坐底, 即刻要了窩蛋牛肉飯同鳳爪排骨飯.鳳爪排骨飯$40: 9分, 等了差不多十五分鐘先有得食, 等的時候, 有老闆的棟督笑, 甚麼直行十三步, 個卡位係你的了, 點都要試下坐街邊食, 直逼黃興桂. 這裡的鳳爪排骨飯真係相當正, 擺底, 先馬上倒豉油, 等透氣位無煙就食得. 豉油已係店方所定的精華, 有豉油雞油花椒等等, 倒小小已經好夠. 一打開煲蓋飯粒已經吸收了豉油同豉汁的精華, 好入味, 飯粒爽口, 飯焦也好靚, 排骨都係入了味. 又有菜心中和一下. 或許不是炭燒, 風味係差了點, 但係其他各方面的水準都係令人滿意的.窩蛋牛肉飯$34: 7分, 這個比較便宜, 點解? 先講牛肉係麻麻靚, 大大件, 也有化學品的痕跡, 肉味不太有. 也沒有豉汁在內, 煲飯的味道係比較淡的, 沒

我老公很喜歡吃煲仔飯,周圍試過很多間,這裡的煲仔飯屬頂級,有飯焦,很香,很正,必試,一定要來這裡食,不過如果不落豉油的話,一定要在送上煲仔飯時要講,否則會用快到無輪的速度幫你落豉油,無得救。還有這裡的冰鎮奶茶,無冰,但是支裝凍奶茶,非常有奶茶味,十分好飲,推介!

收工前收到兩張優先場，拿拿臨搵少少野醫肚然後趕去睇crash，望望門面，一套「架撐」煲粥，又有麵檔，就試試睇下咩料。一貫茶餐廳格局，水吧放滿一罐罐黑白牛奶，牆上貼滿著雜誌介紹這裡的樽裝奶茶，是無加冰就咁雪凍而成奶茶，即是灣仔金鳳的friend。要了自製鯪魚河，掛住諗野，由佢慢慢整，結果等左十分鐘先上，真係有無搞錯，魚肉一早整定，河滾一滾就可以上，唔明個師傅搞乜，唔憂做咁，又係茶記一貫風格，就係師傅同伙計個個都有性格。鯪魚大大件，不修篇幅，該是自製的，打到起膠，幾有咬口，不過就好腥，勉強食o徙，白色微杰的湯底，唔似魚湯，飲唔出是什麼名堂，味精總有少少，唔算嚴重，個河粉幾滑，配淡口既湯都唔差，就湯河而言，交到貨仔。餐加$7配凍奶茶，茶膽做得唔錯，夠濃郁，可惜奶還奶味，茶還茶味，好似水溝油咁，怪哉。呢排寫的食評都是麵，莫講話睇個位朋友，連寫個位都寫到悶，最衰就係食唔厭個下慚，是時候換個口味．．．．．．

都係KC兄夠眼利, 留意到佢地個雪櫃裡面一樽樽o既係凍奶茶. 今晚經過"明園", 雖然無打算食煲仔飯, 但一諗起o的奶茶就想試一試, 於是就買o左一樽一路行一路飲.15蚊一樽o既"樽仔奶茶" 係汽水樽o既size, 茶味夠濃, 花奶夠滑, 甜味又o岩o岩好, 唔會太甜或太淡, 三樣材料配合得好好, 又雪得夠凍, 好飲過一般茶記o既超甜凍奶茶多多聲. 15蚊一樽聽落好似好貴, 但我認為物超所值, 夏熱天時飲仲正! ^_^

星期六一個人來到，這裡是一貫茶餐廳格式。叫了窩蛋牛肉飯，煲仔飯是用石油氣爐煲，當然沒有炭香味，但上檯仍閒到砂煲味撲鼻，睇落幾對辨。加了豉油焗一陣，味道好香，好快食完一煲。飯底應有糯米滲入，因見住個師傅在溝米。另叫了這裡的涷奶茶，是一樽樽沖定再雪入雪櫃，所以是透心涼，如果大熱天時飲就無得彈。埋單45蚊，都算幾抵食。

上年o係報紙專欄睇到呢度賣煲仔飯好出名, o係年尾抱住一試o既心情去幫襯, 結果就幫襯到依家.呢度每逢秋冬就好旺場. 佢地o既煲仔飯由最平o既單送飯起($30), 雙送飯($35), 到最大堆頭o既師傅飯($50), 送料配搭相當自由, 加蛋/梅菜都係3蚊, 加送係5蚊, 點叫法都咁抵.今次我叫o左排骨滑雞加蛋($38), 個煲仔飯豉油(一碗仔, 同飯分開上) 滲入牛腩汁, 所以幾鮮甜. 煲飯要15分鐘到上檯, 熱辣辣. 煲飯o個位師傅替我倒o左小小腩汁豉油落o的飯面度再焗一兩分鐘, 佢話咁樣會好食o的, 令飯面o既送料入味.的確, 焗一焗o的送係入味o的, 而送o既份量好足, 除叫o左o既三送之外, 本身仲跟埋三條菜心中和o下. o的雞肉同排骨好滑, 隻蛋o岩o岩熟, 樣樣配合得好好. 不過最得都係o的飯: 聽聞呢度o的飯加o左糯米去煮, 仲驚住會軟淋淋, 但食o左咁多次都係一粒粒軟硬適中, 連o的飯焦都咁好味. ^_^細細間茶餐廳雖然只係得一位企堂阿叔, 但服務周到; 煲飯o個位'師傅仔' 非常忙碌但同樣態度良好. 抵佢地咁旺o既.