明園茶餐廳(雲南風味米線) (已結業)

我叫既係時菜斑腩炒米,有例湯送!一打開勁大浸燶味 菜得幾條,斑腩之前都大概7件,都係收$37而家菜得一,兩條,斑腩得5件,見到圖都知我夾左啲燶既米粉出泥 咁就收我$39!!!個外賣呀姐把口好賤!成件事錯哂!!個米粉其實好油,又冇咩味!班腩係好味既.

是日, 去石澳... 就起筲箕灣轉車再入去, 一早知道筲箕灣東大街出名多正野食, 好似魚蛋粉, 煲仔飯等等..出名就自然多人等~ ><時間都唔早喇, 又肚餓~ 所以更加唔想等位, 見呢到唔洗等位, 就黎左呢間食~ 我點左碗米線, 好多款式~點左兩餸, 清湯 "竹笙配蒜泥白肉米線 $26" (單併米線 $21, 加料每款$5)難得有"蒜泥白肉"點, 就想試一試~ E.. 幾大塊, 又幾厚....可惜完全無蒜味不得止, 食落竟然係偏酸既醋味~ 認真麻麻~米線質素不好, 偏粗, 口感不好, 屬於難吸收湯汁既米線~ 另外一個問題係清湯, 非常淡, 似清水一樣~ 我食米線, 男友想食飯, 點左是日午餐~是日午餐, 送餐湯係"甘筍粟米豬骨湯" , 湯偏淡, 略帶少許甜味~"茄汁雞扒腸仔飯 $35", 我就對食好有要求, 男友就對食無咩要求既, 佢竟然今次都話唔好食, 最後無食晒~ =0= 連雞扒都無食晒, 佢話好硬好乾...凍阿華田, 味道正常~呢到服務不錯, 食物有待改善~ =,=

好耐都無來此店食米線, 係東大街突然想食米線這一間是我必定之選.同同事中午來食叫左個肥牛竹笙米線其實配料選擇都係同其他店大同小異, 不過特別喜歡此店既酸辣湯底, 米線內亦配有少量酸菜芽菜酸酸地帶少少微辣確係醒胃又唔肥膩米線亦吸引到湯既酸辣味道唔錯, 肥牛屬冷藏貨式幸好唔會係肥膏多過肉, 竹笙都算合格.整體食物都中上, 加上以茶餐廳來講服務都好好!

之 前 都 食 過 2 - 3 次 ~ 而 且 d 野 食 幾 好 味 又 食 得 飽 ! !所 以 食 早 餐 果 陣 突 然 想 食 哩 間 就 打 俾 男 友 叫 佢 出 黎 啦 我 叫 左 沙 嗲 牛 肉 螺 絲 粉 配 火 腿 炒 蛋 + 凍 華 田男 友 叫 左 沙 嗲 牛 肉 米 線 配 火 腿 炒 蛋 + 凍 奶 茶我 地 2 個 既 口 味 都 係 差 唔 多 , , 哈 哈 睇 落 好 似 好 少 牛 肉 咁 原 來 都 唔 係 . . 都 幾 多 下 ! !野 飲 見 佢 都 幾 多 冰 . . 以 為 會 好 淡 但 原 來 唔 係 . . 好 濃 味 又 夠 凍 ! !個 早 餐 $22 , , 凍 飲 + $2 真 係 好 抵 ! ! 好 過 d 大 乜 乜 麥 乜 乜 ! !又 貴 又 唔 飽 肚 而 且 d 侍 應 姐 姐 好 nice 又 會 不 停 同 客 傾 計 餐牌我既早餐男友既早餐我地既飲品

明園茶餐廳我的最愛!1星期食4-6次 因為平+好食2個人食,今日叫左個班塊飯+奶醬多! $40朋務好好,d阿姐會同你吹水在這裡你會感受到誰是'用心'的服務員. 這不是用金錢可以換回來仲有環境十分好,好有冰室feel...$40十分抵食!!!!!!!!!! 重點推介班塊飯奶醬多

樓下有網友話呢家茶餐廳好溫馨，我係同意既，皆因伙計都係阿姐師奶輩，而來幫襯又多係熟客，所以經常見到閑話家常既場面。之不過除溫情外，食物真係好一般。以我呢份早餐為例，火腿炒蛋，火腿解凍即刻就奉客，點解唔先煎香呢？炒蛋居然係一小片碎碎的，真係奇怪。再加幾粒茄汁焗豆多士，盛惠二十蚊，唔好食，以茶餐廳質素計，唔合格。

今日有少少唔舒服, 所以去到明園只係叫左碗清湯滑牛米線+熱奶茶 ($21). 第一次食這兒的滑牛, 首先, 牛肉份量好多下, 如果去街市肉檔買都要$12-$14. 滑牛果真是好滑, 其實因為有用梳打粉醃, 不過都食到牛香味既. 這兒的米線一直做得不錯, 米線有咬口又夠粗身, 最怕就是那些幼身米線. 清湯湯底則不如我食開的酸辣湯底般野味醒胃.

我每個星期都會有1日去幫襯, 一直幫襯左2年啦. 最鍾意就係食佢地既米線餐, 又平又大碗. 每碗$18包1餸, +$3包野飲1杯, 加餸每款+$3. 佢好似車仔麵咁, 有成40-50種餸任選, 每碗免費包埋芽菜, 酸菜同九菜. 湯底有清湯, 酸辣及麻辣任揀, 佢地個酸辣湯底唔似一般鋪頭咁油膩, 所以唔會食到成口油. 米線煮得剛剛好, 唔會煮到淋晒. 總之一句 : 好味.鋪內伙記全部都係阿姐黎, 除左個廚有時會客串出黎幫下手之外, 係度食野完全feel到阿姐敬業樂業, 招呼週到, 有幾次下午茶時段唔多人, 但剛剛卡位滿坐, 咁我照樣坐中間d圓枱, 跟住卡位有人走, 個阿姐仲主動問我轉唔轉枱, 我話轉, 咁佢就拿拿林幫我搬茶. 果時係無人等緊我之前果張圓枱的. d阿姐有時一路serve客一路好攪笑咁講野傾計, 我感覺佢地真心鍾意係度打工.

鐘意食酸棘米線, 湯底正, 炒飯一粒粒都好好食, 鐘意奶荼夠濃

每次都係食米線，重要係獨孤一味叫：粉腸，因為實在太好食！軟腍又夠滑，都好似係17蚊，勁抵！

老闆公司附近搵老闆食dinner...佢帶左我去食米線...我叫左2餸米線(竹笙+醬爆沙魚丸)~$19; 老闆就叫左個鯪魚球+菜心+金姑+腐皮湯飯$252款食物都好正特別係我既米線; 個湯酸酸地幾醒胃...仲有d酸菜, 芽菜等都唔錯..

之前都食過, 本來唔太好呢度, 因為我食憤雲南米線既湯底係酸既~但係因為呢度待酸辣,我食唔到辣,所以唯有揀冇乜味既清湯~唔知咩叫蒜泥白肉, 見到d網友咁推介, 都要試下~第一食, 原來好似東坡肉咁,不過係酸既...味道幾濃, 幾得意~個阿姐知我想要酸但唔要辣, 但係佢地冇得分開~佢特別向廚房order加少少酸辣, 我食落覺得唔同左味先發覺~ 幾細心, 值得一讚~

我次次黎都係食米線, 個湯夠味, 如果你食得辣叫麻辣都食得過. 佢\好似車仔麵咁俾人揀\"送\" . 都幾多選擇咖!!我覺得佢\d湯底唔錯, 仲有d配菜都好岩個米線, 唔駛30蚊3個送仲有凍飲又唔差, 食得過!<br />不過淨係食米線好喇, 其他野我覺得,,不太食得過

口痕痕想飲奶茶....入去叫左杯熱奶茶飲下.點知....錯用左我一天既quota...d奶茶唔夠香仲有d澀...

多款食物, 最好食係白肉, 湯夠濃, 加埋豬閠會甜d