明將迴轉壽司餐廳 (已結業)

今日消費完一番之後所剩無幾 記得旺角一間sushi$44.9就落左MK試試由於星期日 所以我6:00左右就落左去等 no.000027 行左陣商場都到22我地就坐係度等 等到佢叫27既時候問坐唔坐邊位 我地話唔住佢就睥住我10mins變30mins ok我等 但係當我個fd問佢等到第幾張台佢又無講 到我好聲好氣問佢多一次 佢竟然大聲夾惡咁話: 第一張呀!! 哇好惡囉 都唔知我得罪佢啲咩 又唔係忙喎佢入到去食野 咁既價錢我唔要求佢有啲咩好好味 其實唔錯架 啲種類都唔算少 三文魚要點 其他都唔使 好似鰻魚丫 玉子 鮑片等等 有啲我覺得唔係好好味 e.g.腐皮(見到都覺得唔新鮮!!)雖然個甜蝦係個迴轉 但係佢個蝦細細粒 個飯大大舊飽死人好唔抵!!但係個鮑魚片好好味我係咁食好開心雖然我地係有啲搞事將啲碟整到好高 又有啲飯係碟無食得乾淨 但係只係1-2舊仔 佢就已經同個經理密密湛 同我地講浪費1舊10蚊! 咁掉左落台都要食番??總之野食問題唔大 仲好飽tim 不過啲人就...但係我淨係見過一碟多春魚我無拎crycry!

生平見過一間想食包死你既餐廳. 講質素, 呢間真係below average. 不過見佢d職員做野, 好難唔相信呢間野係想你包死. 選擇唔算少, 味道麻麻地, 想食"buffet", 又想平, 真係要揀呢間.呢度既職員係唔比迴轉條軌有吉位剩 d碟係多到無位放先肯收手, 真係幾變態. 賣相一般, 同$3/件壽司差唔多, 味道唔算新鮮, 不過仲可以落肚. 服務還算可以, 多碟剩時識得收. 我就坐回轉位, 坐得密, 但係背後仲有唔少空間.

明將既$48任食食得多,但$118既任食真係未試過,所以試下,7:30去到唔洗等位,即刻比你入,服務質素ok,送野黎唔算慢,我個晚食咁耐最僧得一樣野,一問去到隊成張單比佢,2個fd叫可樂就即到,我叫杯涷奶茶就可以慢過炸物,最唔鐘意e樣野,其他都ok~係d壽司碟唔堆到高一高佢都唔黎收...好食:,天婦羅蝦,雜菜炸薯餅,地獄式牛肉/叉燒拉麵,牛肉烏冬,牛肉火鍋就得4片咁多...但整體黎講唔錯,但$118未加1,加左就變左$130,我就覺得貴左d==

今次主要講述旺角店明將既三文魚壽c.以往旺角店明將係冇得落order既,所以食唔食 到自己想食既壽c真係要講講運氣(例如:三文魚壽c).但如今真係有一小步的進步,可能因為經過 食客既反映,三文魚壽c終於可以落order.可見出明將既管理層都係對食客既意見係尊重既.但最 可惜既係上講述呢個進步只可以話係名義上的進步,而實際上不但沒有進步,反而造成大倒退. 睇到以上2張相就可以知道我點解要禁樣講.係未有得落order之前既三文魚壽c(以往 風采).可以睇得到以前壽c上既三文魚係長度上,厚度上都係ok既係正常壽c.但有得落order之後 (面目全非)可以見得出壽c上既三文魚係長度上好似孫悟空所用既金剛棒(放係耳仔度個陣).而 係厚度上,好似把一張紙巾細分開三張既一般.如果order左多數碟三文魚壽c,我信相呢位人兄都 唔會有肚食下其他壽c.因為佢係心理上已經......係身理上已經...... 講番深水涉店明將.兩者雙比三文魚壽c,深水涉店的確一路進步.(面目全非)呢一張相, 如果係以前的確可以來形容深水涉既三文魚壽c.但係家陣用(

呢次已經係第二次定第三次去食任食 $ 118 要加 1,食呢邊因為佢真係好過 $ 50 果邊好好多刺身可以狂叫 , 勁快拎黎 , 質素 ok la 感覺上會似食緊百佳果種質素重有火鍋叫 , 又有烏冬叫 , 2 個鐘 其實真係食乜都夠所以強烈推薦大家俾多幾十蚊 , 試下d真正既好野 !

入到去坐低，無茶杯但有苶包，以為侍應唔記得咗拎，跟著問個侍應，原來茶杯要自己拎，好怪~之後個侍應俾咗個「芥末花塔餅」，唔知做乜......我哋5個人，一開始就叫咗5碟三文魚壽司(原來要自己叫的)，跟著等咗成30分鐘就跟問個侍應跟下。本來我地call個侍應，佢笑笑口咁講：「請問有咩幫到你﹖」，跟著我哋同佢講：「唔該幫我跟下嗰5碟三文魚壽司吖！」點知佢即刻黑哂口面，話：「得啦，再等多陣啦！」我唔明點解服務態度可以如此差~沙律壽司：唔錯，加咗好多沙律醬，唔駛點芥末同醬油都好食~肉鬆壽司：雖然又cheap又乾，但係都幾好食~鮮蝦壽司：鮮蝦真係幾鮮，OK~墨魚壽司：面頭有D滑潺潺嘅嘢，又有腥味，難食到想嘔！！鰻魚壽司：香味足夠，又濃，好食好食!!蛋白壽司：難道越普通嘅嘢真係越好食﹖ 普通嘅蛋白加上蛋黃醬，竟然係好食到難以致信~唔知乜魚壽司：賣相差，諗住會OK，點知係難食!! 唔知乜魚嘅魚生質感差，爽得古怪，又有股不明的腥味，以後都怕啦!!!三文魚壽司：等咗好耐，以為會好好吃，點知看下去好怪，面積好細，但好厚，而且紋理古怪~ 食落去有少少三文魚嘅臭味，唔係太好食~ 朋友食完唔想食，點知俾埋另外嗰7

上次食完$49個邊後 ,今次就想試下$118個邊夜晚6點就入到去食 ~可能係平日既關係啦 ~食左好多款刺身同壽司 ~好正 ~仲好食過$49個邊 ........特別推薦三文魚刺身 ,好新鮮 ~飲品同甜品仲可以任食 ~下次有機會一定會再黎 ~

下午４點幾去到，已經要等位，等左４個左就入得被安排在迴轉壽司帶尾，惡夢既開始帶上的壽司睇落已經轉過好多圈．．賣相十分唔討好但初初諗住師傅會整一輪輪壽司出黎，食住等都ｏｋ八爪魚壽司，用筷子禁一禁，出水．．同凹左，一路趙一路出水...差！北寄貝壽司，都算有ｄ甜味，同埋都爽口，ｏｋ玉子壽司，味道過得去，但又係有出水既問題甜蝦壽司，好腥２隻蝦好細隻，一打開蓋已經聞到腥味，我唔要求好甜好大隻，但 起碼都唔應該咁腥坐左１個鐘，發現問題黎啦，１個鐘都未見過帶上面出現過三文魚，只係見過幾蝶紅到好核突既吞拿魚，聽到隔離位落單叫三文魚，所以我地都落左單但等左都幾耐先黎，已經覺得飽（因為ｄ飯！）三文魚壽司，要慢慢咀嚼先ｆｅｅｌ到有三文魚味，同埋舊飯好大舊同硬！覺得比差唔多＄５０食呢ｄ好唔抵．．．呢個下午茶時間去第２度同樣價錢一定好食過佢好多！上一次坐中間位置都算間中拎到ｄ新鮮壽司食，但今次真係選擇好少，下次應該唔會再黎了

個日同D fd 出旺角 ,D fd 提議去食明將 ,上到去之後見到好多人係度等緊 ,囉左飛等左成粒鐘先入到去 ~呢度D環境同衛生情況好過西九個間 ,起碼杯底冇飯粒 XD~D壽司雖然飯大舊左D ,但係味道都唔錯 ~~尤其係三文魚壽司 ,起碼唔會切得好薄 ,而其他壽司都唔錯 ,價錢方面都合理既 ~但係就最好早D黎等~~

没有试过明将的任食，图个新鲜罢了但即使抱着低低的期待，也还是不得不由衷地说一句：好难食！我可以理解寿司饭因为时间过长水分蒸发而变成化石状但连同鱼生一起变成化石……即使我的大脑觉得合理，我的舌头也难以接受朋友实在受不了，剩了半团米饭于是服务生立即指出这样做要罚款OK，加价就加价好了，总之无法下咽，花钱买个教训，下次绝不再来～

壽c味道都ok啦正常壽c,不過舊飯就大左小小,都可以接受.始終都係任食,價錢右唔係貴,所以都唔會對佢地太高要求.但較難接受係冇得落單,姐係佢地出咩壽c你就要食咩壽c.如果真係想食到自己想食既壽c就要睇下大家既運氣好壞.假若你坐係出壽c附近既位,你就可以有一個優先選擇權利.相反的話,只能夠去選擇一d泠門既壽c,因為熱門既壽c已經......已經落哂係運氣較好的人既肚皮中,三文魚壽c就係一個例子.基於店舖位於旺角既原因,以及價錢經濟,係具有一定吸引力.即使店舖持續維持呢一個政策,相信都唔會失去太多既客源.但都希望有關方面在可行既情況之下,可以作出適當既改善.相信管理層都希望每一客人都可以開心來開心走.

還記得三月尾第一次去食的時候都覺得蠻okay畢竟始終都是壽司任食, 以明將質素來說已算是不錯, 所以決定再去食第二次怎料第二次卻令我大失所望::服務態度: 差1. 明明看到店內有很多座位但遲遲不肯讓客人內進2. 除清理空碟外便只顧照鏡聊天, 不理客人招手3. 想落單但某服務生大大聲聲沒禮貌地對我說:不能下單(本人已食過很多次西九龍的明將分店, 每次均會落單, 但本人不知道旺角分店是不能下單的)服務態度差不在話下, 適逢當天黑仔地遇上一行10人的化骨龍團, 壽司師傅甫攏放新的壽司在迴轉帶上, 他們便迅速拿下, 結果其後的客人(包括我)只能默默看著新鮮的壽司被人全數拿走!! 經過這一次後, 本人不會再到訪這間明將壽司

之前因為8掛所以食過 49 蚊任食個隻一次真係以後都唔好去今次食貴個邊er......總括黎講係算幾抵的汽水任飲雪糕任食 ( 牛奶公司細杯裝 )不過刺身得好少......三文魚冇咩味......吞拿魚都係d 甜蝦有d 怪味..苦苦地冇赤貝=.=而且比唔足.........落3塊得1塊..........試左關東煮.........第一舊ok..但越食越唔好味.........d 壽司一般啦......反而d天婦羅 ok.....尤其炸蝦.....有蝦味因為時間得2 小時冇食到拉面個d..........不過d 杯就比較dirty...........

前日，放左學同同學黎呢度食。佢地成日講點平點平，今日終於可以試到啦。呢日都唔算多人，唔使點等位。平日就算係夜晚都要等位，真係巴閉。其實都算係任食既，不過種類就爭小小。我食得最多既係三文魚，不過味道就普通啦。而且都等好耐先有，通常黎既都唔係我想食既壽司。又唔知係唔係好彩，又俾我食到拖羅壽司。真係好難得，次次見到既都係粟米、蟹籽等等既壽司。算啦，唔使五十蚊既任食就係食呢野架啦。無期望又無失望。服務都唔錯，收碟都收得好密。食物就算啦，過得去既。

六時多與5個朋友拿飛等位...因為任食無限時...等等等好不容易先等到我地...睇時間已經9:30...入座唔理三七二十一勁落三文魚^^!,因為唔係坐運輸帶位所以不斷要走出走入去拿~落單速度快,有效率,不過可以增設多d熟既sushi~由於本人不食生...另外,無網友所說的豆腐花及jelly...食左一個鐘個個都勁飽,總算無蝕既,,,埋單出發到TST!有意去食既朋友最好預早早早拿定飛,行下街睇岩時間番去再等!因為等既位置太多人又細好辛苦!好多人都會等唔到而走左,所以夜少少都唔洗等太耐架~不過經過今次經驗,下次去都係揀平日,平夜夜 or 其他特別日子去真係會浪費好多時間