明將迴轉壽司餐廳 (已結業)

之前行過，見到好多人排隊等位，以為好野同 gf 平安夜去，唔駛等位入到去知賴野，選擇少得可憐，又無三文魚壽司，要叫先有。佢地 d 壽司係我見過之中，最大舊飯，而 d 飯又用普通米，硬既。所以甜蝦壽司係最搞笑既配搭我真係未見過咁大舊飯咁細舊刺身既壽司。Oh my god雖然係平，$42 左右任食，不過入到去基本上食幾件已經飽，所以呢 $42 有 $38 係用黎食白飯既，所以覺得真係唔掂。

今次第三次食,感覺好左.唔知會唔會同生理有關早上食完麥片(無糖),到下午四點先得閑去食野!!想食壽司又想平又想勁食,咁唔係呢度去得邊!!起初個十碟講真真係覺得好好食,我諗大約十五碟度開始覺得唔掂.....另外有樣野覺得奇怪,我出去埋單時經過近門口有二張摺枱, 見到有一碟食剩的壽司飯,係散晒的....都唔太小...最特別就係寫住我坐個張卡位個枱號.咩意思呢?? 我們又無食剩咁多但又無話過我們唔好再食剩(因食剩一件十蚊)個碟野我估計係咁多碟食剩的零零碎碎加埋都似

岩岩比完賽諗緊食咩好, d 隊友話食明將, 心諗已經o my god同希望有改善(之前食過一次)!入到去坐底睇下有咩食先, 見到迴轉無3文魚sushi, 咁梗係即刻落order啦! 一路食一路等大約4個字, 見到有三文魚成盤放係到但無人理, 叫個writress 跟跟單, 佢望住盤3文魚then回答我地整緊ga la, 等多陣!!再等, 點知隔離頂唔順再叫追單我地先有有食!!基本上你嗌咩, 佢都係唔會幫你整住, 等到無晒先再整的! 有d仲無feedback tim!食物: 3文魚簿到呀媽都唔認得, d機飯又係大到呀媽都唔認得, 仲要叫你唔好浪費唔係要比$! 真係食飯多過食餸!最搞笑係甘蝦, 得果一條, 好心你啦, d飯cut一半都好丫, 你知唔知條甘蝦幾咁lonely先得ga!其他食品都係中下下!本身覺得最好都係栗米同腐皮..唔係話好好食, 不過就最正常!

中午與同事來到這間3年以來都沒來過的餐廳午膳，相信以後也不會來了。同事們所叫的滑蛋豬扒飯／炸蝦飯，所謂的滑蛋都是半生熟的，似窩蛋多於滑蛋。同事大部分的食物都不太熱，甚至涼涼的。雖然我看到麵豉湯是有熱氣上升的，但當我的飯也是涼涼的。可幸的是，我所選擇的日本元貝火鍋（見圖一）竟然有私人的邊爐煮著，熱騰騰的……不過，這餐廳的地雷也實在太多，餐飲叫了杯「西瓜牛奶（見圖二）」，粉紅色的，完全沒有西瓜味，如果說是士多啤梨，倒也可以試試欺騙自己。這次評分是整體而言的。

因為在附近工作，好奇之下入去試下。點知一坐低，就知中招。限個半鐘食野唔係問題，因為我食左二十分鐘就走左 ---- 實在太難食。細節如下:1. 啤機飯: 又硬，仲係熱既。2. 縮水透光三文魚生: 個長度仲短過舊飯。仲要係薄如蟬翼 --- 真係要讚下師父D功夫，咁薄都"片"倒出黎。3. 轉黎轉去都係得果五，六樣壽司，全部係最cheap果類。我而家明白點解峰，板前咁多人等。貴係貴D，不過貴得有道理。走果一刻突然好掛住隔離新德興果D叉雞飯。

午餐, 同事提議去試, 都唔係講到咁差, 可能吃午餐關係, 當日有多款選擇, 但我都係無睇, 跟同事一起要了銀雪魚定食, 一碗唔知嘜野湯, 用日本湯碗上, 普通日本湯味, 但好神奇, 有兩舊豬肚…?主菜有一塊不太大的銀雪魚, 幾好味呀, 與一般日本餐廳差不多, 不過只有沙律醬, 沒有甜汁, 送一碟螺肉兩小隻, 再配一小杯甜品, 行貨, 花奶啫喱, 還有兩杯飲品, 綠茶包及咖啡, 價錢三十五, 灣仔區, 唔貴呀, 合理以上啦!

今次第二次去明將,上次去西九龍,個次個位可以睇到d員工點做壽司,同埋點執客人order的壽司.今次就去灣仔道呢間,同西九龍好唔同,人客少好多(下午3點).呢間話唔可以order,只可以囉迴轉緊個d.侍應話想要咩可以叫佢地......佢地會放落迴轉帶.講反食物,壽司種類就無西九龍咁多........最少無八爪魚同加洲卷...飯就實左無上次咁易散.豉油都係一樣咁咸......上次西九龍我寫食評叫人可以試吓 !! 咁今次都係咁講呢 !! 感覺上好食過西九個間.我個人覺得人人話三文魚點薄,飯點易散....都係其次,最好改善吓個豉油....真係好咸....個負責訂豉油的人要打....人地百佳的壽司個絛魚型的豉油好味過幾多.

大大話話起呢間食過幾次四十幾蚊任食壽司大致都偏咸，而且係勁咸壽司的飯是熱的唯一比較多三文魚壽司但味道一般唔新鮮最愛都係有粉絲有菜果隻壽司（唔記得左個名）

早幾日一個人經過見幾多人，諗住試下，雖然係平，但食到無哂尊嚴，真係貼錢買難受！唔駛錢都唔會再食！超憤怒！！食物、服務都其差，唔新鮮兼勁難食，放o係上面轉個d，得最cheap最難食個幾款，例如：豆腐皮、中華沙律、螺肉等，連三文魚都無！上面d刺身又小又薄，飯就大舊，仲要係暖，食左兩碟，有半舊飯未食，就即刻走過來同你講唔可以剩，駛唔駛咁急呀！簡直一路食一路比人監督，坐監咩！問佢可唔可以order，佢竟然話無，你等下啦，嘩！大佬呀！第一：我趕住返工，第二：輪米咩！過左一陣，居然聽到隔離o個個人叫三文魚，但今次佢無話無囉，咁我都即刻叫碟，但d三文魚濕濕o地，感覺太差！最後食左5碟就走哪！惠康、百佳都好過佢呀！超級垃圾！唔明點解仲咁多人幫襯，應該快d執，唔好再遺害人間！隔離酒店d自由行應該好多中招！

間唔中我都會同男朋友去食,因為平,$41.9 (1.5小時)任食算係咁啦.選擇都唔小都有10多種.只是個蓋睇落比較不清潔.壽司又唔係話都好清潔,冇咩問題.其實我見到都有好多人食呀.都唔係話咁唔受歡迎.$41.9任食算係咁啦,唔好要求太多吧.如果去元氣個d起馬都要2百元落樓.只是坐得迫了點吧!!

話說今晚買左戲票睇9:30, 6點幾cwb個天落緊雨..到處食市開始要等位..就唸住行去灣仔食明算啦...唔使排隊ma..我唔係第一次去食...所以已經對依間野冇要求(當了自己去食個快餐一樣)..包括一夾即散的正方形飯,冇味既3文魚..因為我明白比咁既價錢冇可能有元氣既質素同服務....但我真係估唔到...臨尾..我揀左碟酸"益"味既sushi...吃了一口..真係吞不下了..d 蛋是霉的..而我男朋友揀的炸帶子sushi..唔知係米d 油用得太久..舊飯又係有d怪...於是我地當然食不下這3件sushi..埋單..有位馬尾女人自稱是負責人的強烈要求我們必須吃掉全部食物否則10元一件收費處理...我們起初禮貌解釋原因..然後她自己都話d 蛋味係難聞的..但這位所謂負責人依然要求我們必須吃掉...就連我話食左可能會嘔吐...佢都係繼續講.."冇問題..一定要食晒..唔係每件加收10蚊"結果我地係要報警等差人叔叔先搞得掂..差人叔叔一來到個女人不斷重覆"一定要食晒..唔係每件加收10蚊"..差人叔叔叫佢收聲..同佢講"咁而家你個客食到你d 野有問題, 咁你都仲係要迫人食左佢?!"個女人冇聲

垃圾中的垃圾, 食過2次, 1次食佢d拉面, 都叫正常環境又污濁, d waiter又串又冇禮貌而壽司任食簡直就係垃圾, 係比豬食的d飯又硬又大舊三文魚熱的中華沙律好似頭髮咁又乾又冇味飛魚子好似沙咁要比錢重要排就真係咪食啦, 比$25食麥記好食100倍啦

四十幾蚊任食，睇落好似好抵，其實係食垃圾，啲壽司師傅好似餵狗咁，唔尊重啲食物，又唔尊重啲客，擠到條運輸帶爆晒都係啲又平又唔好食既壽司，見到爆晒都仲要擺，搞到有啲反晒，浪費晒啲食物，如果咁0既價錢係做唔到就唔好勉強，做到自己個名臭晒，我唔會再去亦會叫人千祈唔好去！

都唔係咁誇張丫~如果LUNCH去食通常叫定食~(穩陣d)如果果日有排hea就會食壽司~(可以座好耐)上次問個待應佢話可以座到5-6點~我地12點幾入去~前日去jo食~都係叫定食~* 沙爹肥牛鍋飯~跟e個蜜瓜牛奶d定食都ok丫~不過果d鍋飯個底就真係好多油去e到唔建議食壽司~因為真係唔多得~同埋d飲品有點兒淡~叫檸樂就最穩陣!d侍應都唔係差丫~入到去佢地炒緊場都有理我地等d客埋jo單就入位我地~不過分開座之ma~

今日成兩點先去,,冇乜人,,如果係LUNCH TIME去有排排,, 試過係西九龍等左兩粒鐘"黎之前都知道D野食係點主要目的唔係真係想食好野既為左填飽個肚..開頭狂食D三文魚,鰻魚,,帶子,,鰻魚係幾好食,,黎黎去去都係果十幾樣本身冇帶子,鰻魚果D,我地叫佢地整大家見冇咩野食,可以叫佢地整不過只係某D,..坐左三個鐘先走..."目的達到