明廚

比佢影的相吸引過來，又證明多人like少差評餐廳都可以中伏建議只點招牌菜：醉瀨尿蝦/太子炒飯/馬友（冷盤），其他全部出面食到而且平一截，尤其係個油浸荀殼，無鮮味，大排檔都好過佢如果可以接受收五星級價錢但service預大排檔，咁可以黎ga…-啲枱好迫，隔離枱食客行出行入一定撞到-用餐時間2小時但訂枱時無講，同佢WhatsApp預訂菜單無講，佢去到一入門口就話只可以坐2個鐘-仲有小插曲係，訂枱時WhatsApp佢叫佢send menu比我，佢叫我自己睇OpenRice..只有1次，不會再來

飲品內有一大曱甴，朋友飲時以為甲甴觸鬚是頭髪，一望發現是一全隻大甲甴在可樂內，原本不打算投訴，因之前帶眼鏡男同事很誠懇道歉，但埋單時，女四眼年紀較大經理態度極差， 我們看一下單見收飲料的$25，順便告訴她剛才發現甲甴，她態度極差說已換了1杯新的，說話極度惡劣，以為要貪佢小便宜 。之前去幫襯幾千蚊；今次2個人都2千5蚊，好似人哋為咗要佢扣兩杯飲嘢錢，受氣！以後唔會去，所有朋友都唔會再去！重要生日插枝蠟燭喺個壽桃包上面，想點！

去過咁多間中餐廳，入到去竟然同我哋講佢哋唔係中餐，係「粵菜」😳 真係大開眼界。坐低諗住叫經理介紹菜式，點知呢位經理嘅反應係：「我點知你想食咩，你想食咩味食咩囉」 我哋成圍枱當時O咗嘴。後來換咗另外一位𡃁仔，佢嘅態度比嗰位經理好多倍。我哋嚟係見到網上介紹，專登預訂佢哋嘅奄仔蟹、龍蝦伊麵、瀨尿蝦。醉瀨尿蝦的確好特別，好食嘅。相比之下，椒鹽瀨尿蝦就有啲遜色，啲肉有啲霉霉哋。奄仔蟹都唔錯，價錢都算性價比高。龍蝦伊麵都尚算可以，冇驚喜。最「驚喜」嘅係茶錢收$30一位 😳 感覺真係有啲大鄉里出城：而家啲茶錢咁貴嘅咩？😅

味道非一般，頗有風味，大排檔食海鮮都平不過普通酒樓，這裏起碼有很多特色菜，好食又可以打卡。說平不平，說貴不貴，好像同北角出名大排檔差不多，膏蟹蒸糯米飯係時價，啤酒50蚊，服務一般般。

20年花雕琥珀醉瀨尿蝦非常好味，花雕酒一流👍🏻👍🏻👍🏻👍🏻,如果有白飯真係想用花雕撈飯。必食推介係火焰火油鹽焗香港火焰奄仔蟹，另外亞麻籽龍蝦多士超好味，煙燻龍井少爺雞，龍井茶葉好特別，脆脆地雞油非常之嫩滑，值得推介。又大份 😋😋😋前菜係琥珀合桃，值得試😊😊😊下次一定要再嚟呢度多一次慶祝EOY👍🏻👍🏻👍🏻

同朋友3個人食慶生飯，呢間地點幾就腳同環境唔錯😌一共叫咗8個餸左右，上菜有啲慢，有2碟剛入座就叫嘅小炒最後過咗個幾鐘食到尾聲先嚟到，total應該追咗3次單，而且個場唔full🫡食物賣相幾好，但有3個餸想試，waiter都話冇，唔知係冇貨定點啦haha食落啲肉都幾韌同埋鹹，份量唔多🫠Service就真係好好，極主動又 nice and helpful👍🏻如果對食冇咩要求，純極睇重service嘅話都可以一試🙂‍↕️

想試咗好耐，就午餐試試，當日午市有party餐廳中間全部坐滿總括一下食品：- 炸生蠔水準正常一般- 湯普通- 粉絲蟶子正常一般水準.新鮮嘅.- 招牌菜脆炸牛柳肉質已經乾硬.退了可能只是期望太高.

个之前喺九龍名聲幾好，好多人評分好高，所以今次特別訂銅鑼灣，試吓新地方今晚嚟到，感覺都幾舒服，前菜食咗個海蜇，比較一般黃金炸魚皮，應該係成晚最好食的一個之後開始上主菜茶葉葷雞，賣相和香味幾好，在雞表面再灑上茶葉，有些高級食府的氣氛，除此之外，冇乜特別（聽聞是新鮮雞）最期待的炸筍殼魚，失望，雖然做法和其他的唔一樣，但係有腥味，唔收貨出名的火焰蝦，煮過龍炒和牛，好似普通牛肉粉絲蒸蟶子蒜唔錯炒花甲一般椒鹽魷魚都可以比較好的就是服務

話說其實都之前的媽媽生日飯, 不過啱啱見到原來都影過相食過，所以做返個食評……依間成日都想試, 媽媽生日就試吓，喺鬧市中食返餐海鮮餐仲要係都幾高質素的👍👍價錢真係唔太平，但係米芝蓮level 加埋價錢同質素相等真係值得一試吖……叫咗個火焰蟹，一個鹽焗田螺，，避風塘斑馬賴尿蝦，一個芝士龍蝦……兩個人唔食得太多，樣樣試吓…個蟹真係唔差喎一出嚟已經玩火已經夠看睇頭另外啲蟹膏同啲蟹肉真係好鮮味，鹽焗田螺就正常地發揮，個芝士龍蝦做得唔錯好香好好味，賴尿蝦好食因為大隻所以多肉又炒得好味😋佢其實太多我想食嘅餸菜，會再幫襯的….

廿年陳釀巨型瀨尿蝦，保證有膏、回味無窮 🤩 鬼火深喉巨型瀨尿蝦，野味香辣慢慢滲透 🌶️ 煙燻龍井少爺雞，上菜前在面前注入松木煙，滿滿儀式感、煙熏味 😋 椒鹽無骨九肚魚，脹卜卜脆卜卜🫰環境優雅舒適，員工服務態度佳、有禮貌又貼心 🥰 最重要，營業至凌晨二時，絕對是宵夜好去處 🕑 是近年少見用心製作，自創新一派中菜小品 🥢 價錢雖非大眾化，但絕對物有所值 👍 作為香港人，要支持香港小店、承傳屬於香港味道的中菜～ 💪

最近發現，原來遲左收工都唔使食得頹！❣️呢間有格調中菜開到凌晨3點，夜晚晚都可以嘆海鮮❣️入面環境好舒服，店員服務都好好🦀油鹽焗香港火焰奄仔蟹(一隻) $588- 用火燒🔥好吸睛，而且好食到難以形容！😍蟹爆曬膏之餘好香口似鹹蛋黃，大大隻肉質結實鮮甜，口感亦好juicy，鮮味🈵！🐟椒鹽無骨九肚魚$128- 漲卜卜好肥美，難得嘅係魚肉好香口，仲甜甜地，加上炸皮上嘅椒鹽，惹味得來唔唔油膩🐔煙熏龍井少爺雞$298- 會先用煙熏1分半鐘，打開真係好香。雞肉食落去好特別，滿滿煙葷香入曬味，而且每件肉（就算係雞胸）都好滑身，嫩嫩地入味，連埋上面鋪滿嘅炸龍井，好香口滋味，真係會食上癮估唔到夜晚晚銅鑼灣都有咁高質海鮮、小菜，唔再怕無嘢食！

鮮人參鷓鴣燉螺頭$78-1位油盬焗火焰奄仔蟹$588椒鹽無骨九肚魚$128紅燒龍𧄌班腩煲$288瑝瑶柱帶子炒反$198上次同朋友食歲好回味，今晚帶媽媽來試，先睇價錢唔算吸引，但佢食完個九肚魚頭盤大讃好味，足料，份量大

同同事講開而家D餐廳未到12點就關哂門, 有時夜左收工想搵個好D既地方食宵夜都難。浦開銅鑼灣既同事就介紹左哩間明廚, 開到凌晏3點😆D野真係得, 環境仲好唔錯添, 重要service好, 經理very nice~星期5夜晚9點黎到都full house, 好多枱都開左酒仲食緊飯。同事講明必食🦀油鹽焗香港火焰奄仔蟹🦀上枱前最好準備定相機先, 店員會淋上酒然後點火, 個下都幾猛火, 然後就聞到香味啦好鬼正!!隻蟹勁大隻又厚肉爆哂膏。一啖咬落D蟹膏度超爆滿足!!!! 蟹膏甘香蟹肉鮮美, 用鹽+酒更加吊起蟹鮮味, 當然都要隻蟹本身真係優質先得, 冇得輸!椒鹽無骨九肚魚 炸漿薄得黎鬆脆，九肚魚滑嘟嘟, 椒鹽香口惹味送酒一流。芝麻脆皮雞 雞皮脆脆地唔會痴住好多肥膏, 雞肉滑又juicy, 加埋皮位D芝麻成個味道又更加香。雖然我地冇叫酒飲, 淨係叫左可樂但係見住佢地好忙都會比埋冰杯幫你斟埋, service值得一讚!

明廚銅鑼灣店位於堅拿道西十五號永德大廈地下鄰近鵝頸橋位置明廚主打原創生猛海鮮以及鑊氣小炒菜式油鹽焗香港火焰奄仔蟹奄仔蟹選用菲律賓拉戈諾伊灣獨家貨源；簡單油鹽焗配搭花雕酒以及玫瑰露火焰肉質豐厚鮮甜同時蟹膏油潤甘醇個人真心推薦脆皮新鮮牛腩牛腩漿粉金黃透薄酥脆同時牛腩肉質軟嫩肥瘦均勻口感層次豐富配搭蜜糖芥末蘸醬可以中和油膩感慢煮黑椒牛肋骨慢煮牛肋骨肉質粉嫩口感柔軟同時脂肪豐腴油花細密配搭黑椒醬汁超級惹味

現在很多食肆營業時間都收得比較早，想宵夜選擇已經不多，最近發現本來在旺角的明廚，分店已開到銅鑼灣，今晚便專程來到一試。這裏裝修比旺角更加高貴，座位更加舒適，還有很多不同酒類提供，果然是宵夜的最佳選擇。油鹽焗香港火焰奄仔蟹(一隻) $588，侍應會先將白酒倒在奄仔蟹上面，再點火，頓時香氣四溢，是拍照的最佳時候。奄仔蟹的蟹膏甘香可口，口感比較紮實，加上酒的香味和鹽的鹹味，頓時帶起了蟹肉的鮮味，果然是這間食肆的招牌菜。椒鹽無骨九肚魚 $128，炸醬不會破口，香脆可口，九肚魚入口融化，不用加任何調味，已經非常美味了。芝麻脆皮雞 (半隻) $298 ，芝麻的香味和香脆可口的雞皮非常配合，肌肉有香濃的雞味，吃得出是用新鮮雞秘製而成，在加點淮鹽，便是一道美味的脆皮雞了。