明星海鮮燒鵝專門店

营业中

休息中

性價比好高嘅晚市👍🏻 今日過開嚟大圍，屋企人話好耐未食過明星🤔 所以特登由大圍站嗰邊行過嚟🚶🏻‍♀️🚶🏽‍♀️🚶🏻‍♀️🚶🏻‍♂️🚶🏻 我哋一行五人，人均消費約$134，晚市茶位就$15/位，食呢啲嘢都幾抵🫶🏻芝士焗生蝦伊麵孖寶 $198 - 芝士焗生蝦伊麵🦐 - 佢嗰芝士底係做得有誠意，亦好味嘅，但扣分位係伊麵煮定先，所以又淋又散，夾唔起🥢 生蝦就唔新鮮🤔 - 薑汁鹹魚蓉炒芥蘭 - 正常小菜，無乜特别燒雞脆龍𧄌餐 $275 - 芥香脆龍𧄌球8件 - 我第一次將龍躉球炸，好好食，好有口感，火喉亦啱啱好😋 但配芥末醬未必係最好嘅配搭🤔 可能普通蛋黃醬仲好😝 - 明星脆皮燒雞 - 呢嗰都好有誠意，樣樣做足，皮脆肉嫩👍🏻 - 海味魚腐什菜煲 - 正常小菜，無乜特别紅燒BB鴿 $23.8/隻 - 用呢個價錢唔算BB，正常質素，抵食👍🏻整體嚟講，呢度啲嘢質素都有返咁上下，係有啲小節位影響咗口感，不過味道真係okay嘅🫶🏻

今朝一上到去，個部長已經叫我自己搵位，我都算啦。跟住我見到有張吉枱但有張卡紙，所以都問下左個樓面係咪有人坐，點知佢一句答返我：我唔知喎。跟住就直接走左，我一個人企喺度成分幾鐘完全無人理我。 服務態度極差，幾個人係度吹水多過做。幫襯左十幾年，越做越差，以後近都唔會再嚟食。野食越來越難食，同價錢完全成反比冷氣又唔夠，聽到幾枱人都話好熱好熱。

今朝到大圍明星飲茶。基於係屋邨附近嘅酒樓，所以對於食物以致服務質素，都控制左自己嘅期望，點知都係同預期有落差。我哋叫左八樣點心，不過當中蝦餃同鍋貼皮好厚。尤其是鍋貼，皮厚令到脆口嘅口感都唔突出。我哋一開已經叫左個蒸飯，但兩次催促下都要九個字後先送上。蒸飯質感過濕，感覺上好似將電飯煲蒸好嘅飯再翻蒸。除左食物質素有待改善，樓面明明有好多人，但舉手有唔少侍應就咁行過，好耐先有人過黎。早茶黎講，呢間餐廳應該下不為例。

我發覺人愈大就愈唔想慶祝生日😆😆😆😆😆😆😆因為好似每次都係提醒自己又老了一歲🙈🙈🙈🙈🙈🙈🙈🙈🙈🙈🙈不過今次係朋友生日，又點可以唔慶祝呢朋友提議食中餐可能年紀大啦😂😂😂😂😂😂😂所以我哋揀左平時飲開茶嘅明星酒樓食飯慶祝🥳🥳🥳🥳🥳🥳🥳🥳🥳🥳🥳🥳🥳朋友中意食海鮮所以我哋今餐食海鮮餐總括嚟講 算唔錯炸子雞又脆又香鮑魚都好夠味魚🐟勁大大大大條價錢又合理又坐得舒服員工態度幾好可以再黎😗😗😗

星期六兩個人去茶樓飲茶，原本係收兩個茶位，到買單嗰陣時收銀員冇禮貌之餘，仲額外收多我一個茶位。態度都係不友善。食物方面不過我不失，其他炒米粉有好多水。不推薦此酒樓。

在禁堂食前黎飲個茶。叉燒餐包睇翻d 相先發現原來有條頭髮。水準很一般，熱度只是僅僅叫做暖，餡料也不多，不會再叫。乳鴿，38元一隻。肉很少，同樣也只是僅僅夠熱，對於是他們的推薦菜色來說，有點兒失望。忘了叫什麼名字。有4粒蝦滑、2粒魚腐，2條魚肚。非常好吃，五星好評。不管是魚腐還是魚肚，都和蝦滑的味道很相配。炸蝦春卷。這碟上枱的時候熱辣辣，應該是剛剛炸好，所以很好吃，蝦的份量也很多。蝦餃2粒，正常水準。燒賣，最早落單，最遲上枱，正常水準。最後是甜品，大良燉鮮奶，14元一位。

今晚突然間想食片皮鴨，上網一查，見有食評讚明星的片皮鴨好食，於是買了一個片皮鴨外賣，皮是脆的，麼麼也相當Q彈，但竟然無京葱，青瓜沒去皮，麵醬無甜味，令人失望，而且還要+$20才有鴨殼。性價比不高。

大圍明星曾經成為我一家人既飯堂，因為疫情關係，我一家人都少去左明星食晚飯，以往一星期起碼一次我們例牌叫生炒骨，雞，片皮鴨，翠塘豆腐，清蒸沙巴龍躉，而家仲有乳鴿送添！

真自費真食評!今日慶大壽呀!難得一聚,成班好耐無一齊食飯啦!約左好耐終於成團啦!入座前要登記資料同電話!人數要預先報數訂位!先上前菜泡雞腳,再黎緊係食龍蝦啦,今期龍蝦平左一於豪氣一下食返碟!部店推介 招牌脆皮雞 椒絲腐乳炒通菜 燒汁肉肋排,龍蝦一隻伊麵底仲有片皮鴨一隻!附甜麵醬,蔥絲,餅皮2籠,仲有一人一隻蒸原隻扇貝上菜需時,食下雞腳當前菜! 脆皮雞,雞皮脆如薯片,雞胸啖啖肉之餘仲夠滑!炒通菜,少辣,加左腐乳有獨特既香味同味道,菜身仍脆綠得黎爽口肉排係連骨,大件啖啖肉,用手食一咬就起肉,唔痴骨,個汁甜甜地幾好食主角龍蝦伊麵上場!正呀! 一隻大龍蝦配麵底,識食一定係食龍蝦鉗位!夠鮮味!伊麵撈埋龍蝦汁食,夠滋味!仲有片皮鴨,手工幾好喎,真係分左鴨肉同鴨皮分開放,個餅皮好Q彈,夾上蔥同麵醬加鴨肉卷埋一齊食鴨皮夠油香之餘仲係脆口既! 原隻扇貝加蒜蓉蒸,食佢鮮甜既肉質,扇貝肉夠肥美大隻!如果有粉絲仲正呀!埋單送紅豆沙!好香陳皮味!煲到好出味!紅豆已經溶成沙沙口感~#明星海鮮燒鵝專門店 #明星酒家 #片皮鴨 評分7/10平均消費$250大圍大圍道1-35號金山樓地下至1樓

可以坐6人，我們五人星期六到達，每人送半隻乳鴿，點了片皮鴨，冬瓜盅一流，消暑，蒜蓉開邊蝦加大量粉絲底，叫多個什菜煲，仲送糖水，連3罐汽水埋單價$689，平日更加抵食，必再來

通常到明星食晚飯，都必定會點片皮鴨，因為平日晚市優惠價只需$108，六、日及假日都也是$118，確實抵食!片皮鴨 $108 試過不同分店的片皮鴨，鴨的質素大都一致，皮脆肉香，不會有太多肥膏。配料方面，有些分店只提供青瓜，或只提供京蔥；然後配搭的麼麼皮，也未必每一間都做到上枱時仍是濕潤軟熟的，大圍這間分店的麼麼皮就比較軟和熱一點。吃時加一點甜麵醬捲起來吃，鴨皮的油脂香氣充滿口腔，肉質軟而多汁。南澳龍蝦 $252近排吃南澳龍蝦真的很便宜，龍蝦有差不多1斤2兩重，肉質鮮味彈牙，以上湯烹煮再加上伊麵底，份量十足，抵食!

同朋友約飲茶，來到大圍呢間酒樓，以前都食過，記憶中味道很不錯。所以今次再次幫襯。我們點左紅米脆皮腸粉紅色的腸粉皮包住油炸鬼，配上甜豉油汁，腸粉皮夠滑，油炸鬼夠脆，好味😋魚翅灌湯餃，真的有魚翅，湯底很鮮甜👍鮮蝦鴛鴦餃。蝦餃是飲茶必嗌的，鴛鴦蝦餃第一次吃，皮薄餡靓，值得一試。嗌左個 例牌燒腩仔皮脆肉嫩，配上黃芥辣醬，好香口，不會太鹹，呢個一定要試👍👍👍印式手抓餅餅煎得好香，有咬口，配上一碗正宗咖喱汁，咖喱汁好夠咖喱味，不過偏辣，食唔到辣的人，可能要點小啲汁，不過真係好好味，食完一件又會再想食多一件。

揀了4-6人盤菜盤菜是2日前訂的會有一張盤菜券用來換盤菜即日會有少量盤菜最理想係1日前預訂進食當日天氣溫暖在廚房熱好盤菜，加了提供的汁醬滾左一陣，才拿到桌上開餐熱烘烘的，食到尾，溫度也可以人少少食盤菜，唔錯！材料豐富每種材料有5件或以上5個人啱啱好墊底的白蘿蔔，蓮藕，炸芋頭偏少味道不濃不淡剛剛好最上層的是乾身的燒鵝，雞，鮑魚，蠔豉，鴨腳，蝦🦐中層是炆物，髮菜，枝竹，北菇，五花腩，豬👅最下層是魚旦，蟹子海胆褔袋，蔬果之類整體滿意盤菜，份量足夠最上層的有各自味道，不會被下層影响中層的，菇和五花腩都夠火候，稔晒

樓面服務態度極差由一入門口開始一入門口無人招待，叫人拎飛，但係之後有人黎，全部直入，提提話等緊位，之後話大枱要等，好多人，但細枱就可以不斷入人，咁你啲枱都入哂人啦，仲點入大枱。跟住成班待應圍埋一齊㩒電話，理都唔理啲客，仲愈講愈大聲，愈講愈興奮咁，咁駛乜派飛排隊，個個直入都得啦。安排極混亂！等咗半個鐘，終於有枱入得，鋪枱個個呢樣又丟，個樣又丟，餐具餐牌全部丟落枱，態度極差，無下次。咁唔想做生意就唔好入客啦。

難得放假，啱啱個星期日同屋企人去飲茶，疫情關係近近地唔好去咁遠，就去咗屋企附近嘅明星海鮮酒家。好耐冇飲茶啦，叫返幾個點心試吓先。酒樓嘅牛柏葉好大份，幾個人食都得，但係就鹹咗啲啲，但都可以接受嘅。另外叫咗個燒腩仔飯，燒腩仔唔算太肥，但係嗰皮可能凍左，已經唔再脆口，不太推薦。我另外叫咗個雞扎，都算係大舊，入邊嘅料亦都充足，特別係大大嚿嘅芋頭，軟綿綿的，值得一試！亦都叫咗個點心拼盤，樣樣野都有dd，啱晒兩個人食，一人一舊唔使爭。總結來講，明星飲茶都算OK，價錢合理，近近地又食到一餐豐富而又多選擇既！