明星海鮮燒鵝專門店

营业中

休息中

今晚同老婆外家一家人出街食飯，不過因為限聚令，所以要分枱座。點了幾款餸，分別係金銀蛋莧菜、蒜蓉粉絲蒸蟶子、片皮鴨、紅燒豆腐同辣酒煮花螺。成晚最好食嘅係金銀蛋莧菜，其他都麻麻地。先講碟莧菜，都幾大碟同埋幾多咸蛋，啲菜食落去都唔"梅"，正常。到個蒸蟶子，應該蒸得太耐，啲蟶子蒸過龍變得老同韌，粉絲就反而變得乾，所以麻麻地。片皮鴨就不過不失，可以接受。到碟紅燒豆腐先好笑，個侍應上菜嘅時候，話北菇浸時蔬，我哋一聽到就話無叫呢款，不過佢堅持話係我哋，咁緊係叫佢睇單啦，佢見到就轉口話呢碟就係紅燒豆腐，但我哋見到呢碟只有北菇同菜，一嚿豆腐都無，點會係呀。佢聽完之後拎返入廚房，隔一陣先拎返出嚟，真係呢......到碟辣酒煮花螺，呢味真係認真麻麻，先係個賣相，成碟嘢望落去似係人哋食剩啲餸尾，個味除咗辣之外咩都無，完全食唔到啲螺嘅味道，唔掂。

今日同同事去大圍道嘅明星飲茶，點知第一輪食物落單時咗漏嘢，但好快補回，之後再加單時點知又漏嘢，今次漏單就無補回，點知之後埋單時漏單嘅嘢就照收錢！樓面部份職員態度尚算有禮，但部分職員及收銀的態度就有待改善了。食物賣相就中規中矩。其實呢個價位的食肆有好多選擇，唔係特別便宜，下次是否再去真的要好好認真考慮！不過講真佢嘅牛肉、馬蹄牛肉腸、雷沙湯丸又真係要讚一讚，如果佢哋改善漏單、部分樓面職員及收銀員的服務態度，是一間唔錯嘅食肆。

呢排我懶散咗，成日食好西都冇打分享，忙完一定要努力補返尋日去咗大圍的朋友屋企幫手湊人地的小朋友兼執屋，相識多年的朋友去了旅行，將3個小朋友留俾佢老公一個KO，我和好友早幾日上去已經覺得好可怕，所以我一早上朋友屋企，而好友就收工後帶禮物過去，跟住就一齊食晚餐。想去明星晚餐其實係為咗食片皮鴨，沒想到接近晚上8點打電話留到鴨和到留位，換轉係6月或之前的香港，我肯定呢個時間已經冇得食。片皮鴨（假日$128）切得算係中規中矩，皮就唔算好脆，唔太肥，肉都算多，中間的配料比較少，包來食的薄餅算係唔錯，不過件數就少咗DD炒蜆（假日$63），炒得唔錯，起碼有香味，食落都ok~~~今次叫咗頭腩煲配炒菜孖寶（假日$128），我就冇食到魚腩肉，但見賣相都算ok~~~蒜蓉炒菠菜，合曬我和小朋友的口味，原本阿姐話係炒白菜仔冇得選擇，上枱見到係菠菜真係好開心，始終菠菜淋d易入口，最重要係有營養，個菜炒得幾好食，不論就快7歲，還是1歲3個月多的小朋友都食到唔停口。晚餐後有西瓜上，但果陣已經九點廿分左右，我和好友趕搭鐵路回家，所以留底朋友的家人吃，我地三個大人加一個收茶錢的小朋友食呢餐共$408埋單，如果平日食仲可以

星期日黃昏六時，晚市剛開始，人數不多，叫清蒸長腳蟹及一般小菜，待應話要人客落樓揀選蟹，結果我落樓揀， 蟹佬大叔正在手忙腳亂撈蟹，另一食客及我正在等候，蟹佬叫對講機問櫃檯四斤半可以嗎，等了2分鐘回應蟹佬可以，另一食客揀蟹，蟹佬粗魯回應食客蟹未必有6斤，結果一撈就是6斤，蟹佬手忙腳亂撈蟹寫單，我等了十幾分鐘仍未到我！結果上樓同酒樓蘇經理講要隻4斤，他說要我落樓揀，我說為何其他客不用揀而且蟹佬手忙腳粗聲粗氣！最後我們離開，別再幫襯明星酒樓，服務態度其差!

今朝瞓醒冇乜嘢動力去做運動,就打電話比朋友問下佢哋有乜嘢搞,佢哋話冇咩搞啊！過嚟大圍一齊出去食嘢啦,於是我就去左大圍了，去到大圍站佢哋都未出到嚟,我先去搵位，但火車站附近原來冇乜酒樓,我朋友叫我去明星呢一間酒樓坐低等，好多人啊！我攞咗飛揾左個位坐低等叫號碼，等左半個鐘到就有位啦，朋友又啱啱半個鐘後到，佢哋真係好彩，我朋友話要叫鴨，於是我哋帶咗一個例牌，朋友最鍾意食四季豆，我就鍾意食雞札，鮮蝦腐皮卷，另外再叫咗兩個點心同一碟菜心，食多啲菜健康啲嘛。埋單好似都要成$3xx ，星期日冇特價差唔多啦, 開心咪得囉。

話說早幾日先食完團拜個餐（荃新天地中菜）今日食老豆生日飯就去返主場明星呢度食野講真真係平盡沙田（差唔多）成兩斤既沙巴特價$158！大佬！自己去街市買都唔止，佢仲蒸埋比你砵酒桶蠔唔錯薑蔥肉蟹抵食大大隻生蝦（新鮮，味道都鮮無澀味）仲有燒雞（雖然細隻但好食過出面$88半隻）漁香茄子煲次次都食今晚食左11個菜10碗飯4罐汽水$1521.5抵到真係唔知邊到搵但呢度講真有d餸都有伏但整體都ok要自己開發下以前食過紅燒雞包翅 $388 4-6人份好好食但今日有幾個麻麻地既菜海皇蒸滑豆腐（海鮮味唔新鮮又想用味精蓋過去）安格斯牛柳粒（牛肉好少好少，伴碟一舊舊唔知炸咩好似炸粉咁）什菌燴花膠（得個平字，全部都話好難食）

近排大家特登揸車去遠啲都喜歡黎li間街坊茶樓, 到底有咩咁特別呢？而家單係價錢平係唔足以吸街坊的. 等枱時間ok耐(搭枱快啲~30分鐘), 跟隊食過之後都覺得山長水遠都黎不無道理. ·先唔好討論佢嘅價錢(當然係非常親民嘅街坊價呢). 單看每籠點心嘅份量佢已經贏人地幾條街. 最明顯係飲茶必叫嘅蝦餃. 飲開新城市廣場8樓一籠有3粒(蝦大粒d), li度一籠蝦餃有成5粒架🤩🤩, 而且蝦肉滿滿皮薄餡靚. 奶皇包好大件, 係爆餡的; 叉燒包一籠3件都係水準之作; 煎腸粉鋪滿長碟, 面面都煎得微脆+蝦米葱香. ·小籠包唔係專做上海菜嘅茶樓黎講算very good, 皮ok薄而內裡係充滿湯汁的. ·一張枱搭到3但parties唔算迫, 或者咁先有港式茶樓嘅風味呢！實在係平靚正嘅街坊之選呀！

依一晚同屋企人去咗明星食飯，而家做緊嘅牆長腳蟹優惠真係好吸引呀，爸爸滿懷期望咁樣去享受。食落去都覺得好新鮮，好多肉，好甜美。見到大部份嘅食客都有叫呢個長腳蟹，都真係幾好食同埋抵食。另外我哋都叫咗唔同嘅餸菜，食得好滿足。扇貝都好新鮮好彈牙好好味！以上嘅食物都唔錯嘅，啲服務員嘅態度都好好，呢度都好適合一家人大時大節或者食生日返嚟到嘅。今次佢都可以俾我地切生日蛋糕，唔收切餅費，到最後做咗埋糖水添，食到肚腩大大咁樣走了。

位於大圍火車站附近，步行8分鐘左右即可到達，在區內中菜酒家都有好幾間，不過要在假日超值底食，我想一定是這一間，昨晚我們共點了有5餸1湯：1. 沙巴龍躉2味（$198）包括脆肉瓜炒龍躉球啖啖肉，份量十足👍2.蒜蓉金菰枝竹蒸頭腩，肉質彈牙，枝竹放底吸收魚油和蒜蓉香噴噴😋3. 燒雞一隻（$90）皮脆內嫩，即叫即製👍4. 京式片皮鴨一隻（$138）新鮮熱辣辣，皮脆不太油膩，齒頰留香, 回味無窮！5.大籠生炒糯米飯（$78）出來的糯米煙韌乾爽，足夠8人份量，最後要打包回家😛6.老火湯-木瓜瘦肉煲生魚（$128）服務員說熬了三個多小時的味道，好甜好夠味👍环境和服服也十分不錯，我們一行4大3小結賬只是$872，真的是晚飯的好地方，難怪每逢假日都高朋滿座！

今日晚餐，6點幾冇留冬瓜盅，好快就冇得叫了......職員話一日得六個咋.....咁呢我地叫左其他野燒味拼盤乳豬 燒肉雞 义燒食落都幾香口 硬度適中炸雞呢⋯⋯皮好香脆，隻雞整體黎講冇雪藏味肉好嫩！平時我唔太like依味！通常得個酸字。但依個唔同，唔太酸仲有甜甜地入口好似食炸肉既感覺，都幾香口同食唔停呢！蒸蝦好正 蝦既味道浸埋落粉絲度既香蒜蒸蝦！條魚雖然細細條、但係蒸到剛剛好 上湯龍蝦伊麵呢！味道很好 伊麵仲好大個，龍蝦肉都好味！晚餐估唔到依度整得整體上好味！同某某店唔同

大圍市中心，選擇不多。食物一般，主打阿拉斯加蟹。服務可以，阿姐算好招呼。價錢實惠，街坊生意嘛。燒鵝半隻都係一百蚊，唔熱，當然唔好同深井比較，始終一分錢一分貨。龍躉兩味，炒球有六件，啱啱一人一件，有點咸。阿仔話碟炆頭腩D枝竹最正。碟瑤柱西蘭花不過不失，但賣相就……。令人有驚喜竟然係生炒骨，生果味加上脆皮好開胃，食到唔停得口，但食完起碼要跑10km，罪過！例湯係葛菜生魚㷛唐排，好味，但揾唔到生魚，可能游左去另一張枱。白飯無絲苗的香味，成本控制有關。糖水有紅豆沙和西米露揀，送的。人均$120，食得開心又飽飽。

今日中午到大圍明星午膳，發現食物質素方面比之前有進步，但服務方面差到了使人無法接受的地步。上到一樓攞飛，明明下一個輪到我，點知右邊一個女人打尖，去到負責登記女待應身旁搶先攞飛。我立即叫停，話比個待應知我排隊在先，應登記我先。該待應竟然置之不理，然後聲大夾惡話：人地出聲先，所以登記佢先，同埋人地肯搭枱，你不搭枱，所以先登記搭枱的。我即時反問佢，大家未開口之前，你點會知邊個搭枱，邊個唔搭枱。我話完佢之後，個待應深深不忿，轉半身話：黐線。學稻香，轉用機器自助登記啦！