明星海鮮燒鵝專門店

营业中

休息中

因為有親戚嚟咗，決定去屋企附近酒樓吃個便飯，最終就揀咗新開無耐嘅呢間明星酒家……入到去都有6成坐滿，最終叫了：沙薑雞 ($58)：晚飯其中一項特價，用嘅係雪藏雞，雞肉有啲「鞋」口白灼蝦 ($88)：蝦幾新鮮，份量都可以，入味味道都幾鮮甜清蒸沙巴仔 ($88)：屋企人話蒸得個火喉啱啱好，無overcook，啲肉好嫩口，亦無戥味另外亦有點個上湯野菌菜煲，簡單菜式味道可以，最終4個人夾埋食咗418蚊，價額都可以不過話晒呢個位置都係做街坊生意多，但明星晚飯簡單餸菜種類本身唔係好多，價錢亦唔太平民化，如果或者引入晚飯8:30後特價，又或是幾餸套餐，相信對附近居民就有多一個好選擇。

服務態度從未試過咁差 那位侍應(吳x菁)由初頭見落單走開，叫佢嚟落單，佢一輪咀話好忙，見佢收聲做野落單，佢仲不停埋怨，叫佢唔好寫佢叫我自己落單，好，我自己去落單，飲茶飲到咁，第一次咁差服務

今日老豆生日，諗住出街食晚飯，咁岩屋企樓下商場明星新開張，所以就去呢間。一去到發覺最特別係米色公筷上面印住「公筷」二字，同埋茶壺唔似一般酒樓咁套住茶名的紙，而係直接在茶壺蓋上印上「普洱」、「壽眉」，仲幾環保！呢度冇限制每枱叫幾多樣特價野，所以我地叫曬咁滯。等我逐款野講下：1. 薑蔥焗桶蠔 - 味道較淡，但冇乜腥味2. 大沙巴龍躉兩味：a. 金菰枝竹蒸頭腩 - 不過不失b. 荔茸龍躉片 - 呢樣幾特別，用芋頭茸煮魚，值得推介3. 沙薑雞 - 不錯4. 花膠螺頭燉雞湯 - 老實講... 幾淡，湯渣內冇螺頭，同埋只得2條蟲草花，可能係我地唔好彩吧...5. 果醋黑豚肉 - 幾特別，唔太酸，而且用青提子乾煮6. 白灼生蝦 - 不過不失7. 壽飽 - 個人覺得太細個整體都算不錯啦！

11月11日新開張，係正老公生日。新店唔敢試住，都係等佢開一排先會幫襯，遇正今晚唔想煮，上網揾下佢有無特價野食先。點知出奇地多，唔係特價只可選一款，放大細字睇都無限order一款，所以即去試，不過我係未坐低前問定有乜限制同賣哂未，因為係數量有限麻。點知我想食果d都有，即揾位坐。價錢唔算太貴，但份量係好足。2人食，叫左4 款真係有d過份。片皮鴨 .... 正，全皮少肉。沙薑雞，都係特價野，以為係比例牌，點知係全隻，更係食唔哂要打包走喇！！！但講真隻雞好老，d肉好乾。粉絲蟹，有1隻，肉ok, 係d粉絲差左d, 無汁又硬，上台時賣相真係差，同埋都成$98,都唔係平。蒸黃立倉，ok好味，又大條又好肉，不過前後台既送都黎哂，遲過我地入坐，佢地order既都上哂台，有張台重食埋走埋，但我地既魚，食哂其他野都未到，唯有追單，好快，即到 .....我唸要即蒸耐d喇另外服務真心係好，可能重係新喇，比起其他酒樓算係好好態度，要乜都即比唔會耍我走左去等好耐果隻，希望keep住，因為呢間個位真係無1間做得長呢！