明星海鮮燒鵝專門店

营业中

休息中

星期日，一家幾口下午時間去飲茶，當然去最近的明星，而且呢個時間唔洗等位，好方便。這間明星都算是正正常常的酒樓，餐具都算乾淨，座位亦算寬鬆。今天我們點了：生菜鯪魚球粥 - 特別提這個粥不是用瓷碗盛載，是用類似鐵兜連蓋（可惜忙了拍照），上枱時還是熱的。牛肉腸 - 正正常常，都有牛肉。鳳凰水餃 - 連阿仔都話好咸已經唔洗講。雷沙湯丸 - 我嫌唔夠雷沙，但內裡的芝麻是足料的。白灼唐生菜 - 我欣賞佢係生菜上有d菇。京式小籠包 - 皮厚，但有汁。香煎蓮藕餅及酥炸鯪魚球 - 我都無食。大致上正常的點心。

今間同家人食咗個平價海鮮蝦蝦餐，只是在普通嘅屋邨酒樓，用這樣的價錢食到這樣水準的海鮮餐，的確係抵食！叫咗咩，一齊睇睇：蒜蓉粉絲蒸蟶子：蒜蓉香口，粉絲將蟶子的精華完全吸收，蟶子更加係好新鮮，正👍加拿大龍蝦：汁醬不是太濃，不會蓋過龍蝦的鮮味，龍蝦肉質結實新鮮，不錯👍星洲汁爆脆蝦球：好特別的汁，配上脆口的蝦球，屋企應無法整到的一個菜式😉黑松露蝦仁炒蛋：我一向都唔會自己主動叫黑松露的食物，家人話試下就叫啦，都ok，味道較淡，啱亞女食☺️楊洲炒飯：原來都有蝦，今晚變咗海鮮蝦蝦大餐🦐🦐🦐

竹園打完乒乓波 ，就去隔離竹園商場醫肚，去到明星海鮮燒鵝酒家， 全場爆滿， 除咗帶位個男部長外其他服務生都不錯，會和阿女互動，有講有笑 ，雖然這間舖頭燒鵝是主打 ，但我哋都係鍾意食海鮮。 酒樓比較嘈， 嘢食很快送到。黑松露蝦仁炒蛋 -多蝦仁，爽口大大隻 ，完全無黑松露味， 但有好多黑色一點點蒜蓉粉絲蒸蟶子 四隻- 聖子王 肉質較老彈牙 難咬 有口感， 粉絲蒜香味重，但略嫌乾身。星洲汁爆脆蝦球 - 超級大愛這個星洲汁， 甜甜酸酸，又帶有微微辣， 非常惹味， 超大大嚿蝦球，啖啖肉 ， 我就超級大愛但老公一般。上湯加拿大龍蝦- 開邊清蒸，沒有海水味，肉質鮮甜。揚州炒飯 - 有蝦仁，叉燒粒 ，翠玉瓜粒，蔥粒，蛋花 用料充足，飯粒乾身， 份量多 ，食唔曬仲打包走㖭時令水果-西瓜四片， 阿女一個人食曬，不給食評但非常多汁。應該幾甜。

12時來到這間連鎖式酒樓，因為是閒日，不用等位。座位算是舒適的，枱與枱之間闊落，最驚喜是出奇的寧靜，食客多是三兩位一枱，低聲細語，唯獨旁邊的一張大枱，食客就高談寬論，顯得他們格外吵鬧。我們坐下，侍應招呼勤快，看看點心紙，發覺點心款式不算多，挑了幾款試試。星期一至六   午巿(12:01至14:00)小點$17  中點$22   大點$25   特點$29  茶每位$8 /  價錢算是一般  鮮蝦腐皮卷(大點) --煎得好味牛肉腸(大點) 味道一般    鮮蝦荷葉飯 $40  --上枱時就有點失望，跟平時的荷葉飯不同，荷葉只有墊著蒸籠底的一塊，所以食落完全無荷葉香味！飯的味道不錯，用料足的！蒸牛肉球(中點)  味道一般/  蠔皇叉燒包(中點)-- 包身好硬，不知是否放涼了！鳳爪(中點)味道一般！整體上算是中規中矩啦，喜歡這裡環境頗舒服，會再來！

今日啊婆生日擺大壽，於是近近地就係屋企附近搵間茶樓，見到呢到3000幾頭就有一圍加上菜單幾好咁就決定黎明星，先上頭盤係乳豬，皮燒得超香脆，又夠啖啖肉，配甜醬簡單係完美，係我今晚最中意既菜，跟住仲有蠔汁鮑魚冬菇配生菜，醬汁唔會話好甜，濃稠度剛剛好，鮑魚應該係罐頭鮑但依然好夠味，蠔油汁唔會遮左種味，冬菇簡直無得頂，夠稔同入味，去到埋尾就有炸子雞，雞稍微有啲乾，如果juicy啲會好啲，最後既炒飯好足料，有蝦仁同蠟腸，熱騰騰係正，蓮容包唔會太甜，亦都fill得好多，總括黎講大力推薦呢到既圍餐！

即慶生日飯，揀左明星。 由於是星期六關係，所以呢就唔夠人手， 好耐先有人寫菜。 服務就一般啦，不過之後服務員都有幫我哋跟跟下啲食物！最欣賞係生炒骨，又香又脆，值得推介。

今日同阿仔行完獅子山後，3點落到 竹園街市搵也食，睇到還有還有下午茶飲，兩個人入去搵位坐低，人頭湧湧，睇來要搭台坐，最後搵到一張十二人台坐低，搭台都坐滿人，好多人中意飲下午茶，可能有特價下午茶點心食原因，我哋兩個人叫咗一個 豉椒牛肉炒河 ，白灼西生菜。份量差唔多一份西生菜，無咩特別之處直得 推介豉椒牛肉炒河，牛肉諗及份量多，唔會河粉多牛肉少，味道，兩個人食兩樣也剛剛好。

依間酒樓，因為起係屋企樓下，所以就間五中都同媽媽落去飲下茶。d員工態度一日比一日差叫佢開枱扮聽五到原來依邊要收枱，又要我行到佢面前先識講轉過頭我坐定左就係到同其他食客講我五買月餅卷又黑我臉，比臉面我睇知你要收枱，又要人坐逼d，都無所謂啦，個個客人都好似熱鍋上的螞蟻甘樣坐到勁逼爆，推車仔個個都難做拉，不停撞到d枱登！一開個openrice原來劣評都已經有幾個👍🏻真係情願落去黃大仙地鐵站個到食d態度好好多又貴又好食！！

6月30日起竹園街市關閉翻新至年底，領展設置的臨時街市又只有蚊型蔬菜水果檔，無晒鮮魚、肉檔、凍肉舖，d街坊唔想日日食齋，就唯有幫襯街市樓上的食肆～明星海鮮酒家。有時唔想煮飯，間中都會去明星食晚飯，鍾意佢有十多款特價小菜，乾淨衞生，但街市關閉後短短三日，毎款小菜馬上加價$10-$50不等，尤其是海鮮和肉類，明星真好識做生意，緊貼市場走勢😅。今晚我哋點左紅燒BB乳鴿、錦江海鮮豆腐煲同欖角蒸黃立倉。紅燒乳鴿超細隻，大約匙羹般的大小，細隻到只能斬開兩邊，size只及平時食嘅一半，食落不單止唔脆、唔香口，仲略帶點苦味，燒得太燶、太乾🤢👎🏻。海鮮豆腐煲有幾隻如5蚊硬幣大小的蝦、魷魚片、元貝仔、蚌片、冬菇、西蘭花，當然還有炸豆腐，用料算唔錯👌🏻，不過味道偏咸和太辣，食到一半要用滾水過一過才可繼續食。全餐飯最好食應該係蒸黃立倉了，算新鮮，簡單蒸煮再配上豉油👍🏻。最後加個燉鮮奶，侍應話晚飯時段喺即燉，唔太甜，幼滑，扺食👍🏻。

這家酒樓員工態度超惡劣，視客人為他們的出氣對象，特別是坐輪椅客，我們本想幫襯下午茶時段但被一位態度奇差知客趕走，其間還破口大鬧我和坐輪椅家人，你們是很想沒有人來飲茶嗎？請大家不要幫襯，因為酒樓員工一點也不友善而且當客人係阻住佢地收工既人而大鬧。對客人一點尊重也沒有，已經不是第一次被員工指指點搬台，他們不知坐輪椅搬台是不便的大聲呼喝人搬台，D員工做人做到咁心地唔好，來這裡是讓你吃一肚氣，唔係吃點心。所以大家盡量不要幫襯，特別係歧視傷殘人士的酒樓。

放假訓到黃朝百晏，起身都到食晏時間，見咁耐冇同屋企人飲茶，今日就去樓下酒樓飲下茶啦。呢個時間原來已經可以飲下午茶喇，有下午茶優惠推介，幾款點心、粉麵飯價錢都幾抵，叫左每人一碗瀨粉加點心。飲開水仙茶，茶味清香，唔會太濃太苦。蜜味叉燒瀨粉叉燒瀨粉都算大碗，叉燒幾多，而且排得整整齊齊，色澤鮮明，睇落好靚，半肥瘦叉燒肉質幾嫩，外層塗左少少蜜汁，帶點點蜜味；瀨粉條條分明，爽口唔會斷開一折折；湯底好清甜。涼瓜煎鯪魚餅涼瓜鯪魚餅，一碟有三塊，涼瓜同鯪魚比例平均，鯪魚中和左涼瓜嘅苦味，所以食落唔會覺得苦，而涼瓜亦帶走鯪魚嘅腥味。日式麻薯丸呢個麻薯丸俾到驚喜我，一碟有四粒，外表好似大粒魚蛋咁，咬落係煙煙韌韌嘅麻糬外皮，內裡原來係香芋餡，味道同食香芋味雪糕差不多，味道唔錯，覺得幾好食嘅點心。

基本上除左在時大節或者有客到，什少在酒樓食飯，會鑽隆鑽嚹揾好野食多啲。怎解會無拉拉一條友上酒樓食飯呢？？當然唔系無拉拉，純粹因為有次飲茶坐隔離只豬仔睇到張《晚飯優惠》，什麼沙巴龍躉兩味138，京式片皮鴨78，姜蔥焗蟹肉(兩只起)88，欖角蒸黃立倉58…都不是什麼吸引力強大的食物，最令我食指大動的是——清蒸阿拉斯加長腳蟹——198一斤啊😭，系西貢食，冇三百幾一斤，你望兩眼好了。我地得三個人，挑左只細細地(都大個塊面)，有四斤。主角最後出場，成只蟹由灰變橙紅，霸左三分一張臺，一剪腳，即刻流汁，啜返，十分鮮甜，有輕微海水鹹，蟹肉十分豐滿，長節入面啲肉真系一絲絲，終於明白怎解蟹柳會整成一絲絲了。除左蟹，我地仲點左58文既沙姜雞。冰鮮肉整到甘滑沒雪味，算系有交帶，幾好。據說明星燒鵝系主打，當然有試一例，正正常常燒鵝一分，肥美。花膠燘炸豆腐，花膠個樣似炸豬皮，豆腐面炸過，入面好嫰，似豆腐花，我食左好多，當食飯。最後一句，啲餐具十分不清潔，上面腫癡住上一手既食物，幾恐怖，但味道算不錯。真系希望洗碗果個比啲心機。

事緣同屋企人飲茶，有屋企人叫咗燉蛋食，之後酒樓嘅人送到過嚟就發現個碗邊有啲紅色嘅嘢，於是就問下伙記屋企人：請問我呢個燉蛋點解個碗邊有啲紅色嘅嘢? 伙記：哦，呢啲紅豆沙嚟呀屋企人：但我叫燉蛋，點解會有啲紅豆沙晌到呀?伙記：可能個伙記拿嗰陣時唔小心整到落去喇，其實都無嘢嘅，都係紅豆沙嚟，可以食得呀可惜屋企人對呢件事唔係咁滿意，佢哋認為呢個係衛生問題，其實唔係一件大事，不過如果酒樓下次有好啲嘅回應，會比較好

年三十先得閑來度呢間新開的明星酒家，來到唔使等位，不過要孖臺，新杯新凳，凳pan彎彎地貼腰，坐得好舒服。我地兩位，叫左五個點心，阿姐話五個甘多…服務態度有好有唔好，好港式，唔夠人手終究系問題…今次，系第一次覺得每一樣食物都好食既酒樓，所以特別寫左呢篇流水帳，真系值得一試再試！

之前舊酒樓執左，終於開返間新，一直未有機會去飲下茶，終於搵個星期日早早起身飲早茶係壺蓋面有印著是什麼茶，好像幾實際同方便腸粉份量較少，不像其他酒樓有3條，但其實拼起來應該也有3條吧，這樣的設計方便了客人自己夾開腸粉沒什麼特別，不過上面的蟹籽可以多dd...內有冬菇, 魚肚, 雞件, 火腿，魚肚不是平常吃滑捋捋那款鋪底的是花生，鳳爪太淋，花生反而不太入味，可以淋d皮薄，不會太黏，但韮菜味太重，下次有機會試試菜苗是否會好一點很久沒有吃叉燒包，這個應該是正正常常吧早茶是要09:30前埋單才算的，09:00左右開始多人，要等位，當日我們早去，所以不用等位，但人手好像不足，都是自己搵位坐低，舉手需要一段時間才有人應