明朝人氣甜品店 (已結業)

甜品時間，來到元朗很有名的涼粉店旁幫襯另一甜品店。看見人氣推介的西瓜盅，當然要一試啦，竟是意想不到的豐足。除了西瓜肉及雜果外，更有自選的雪糕球一個（是次選了紅豆味），好味之餘更是飽足！

呢間糖水鋪係元朗應該都算新吧。咁當然佢開正老字號隔離，食客難免會有比較既！(雖然我覺得個間事實係麻麻既!)不過地方黎講，佢真係好細間，坐等都幾逼下。而我係呢間鋪頭堂食過都有3次嚕！每次食都會order招牌菜，無敵西瓜盅！so far佢第1次比我既印象係幾好，生果夠凍夠甜，杯西瓜汁亦都夠凍！而雪糕佢亦有問我要咩味！感覺係唔錯！不過，之後2次佢既西瓜盅同杯西瓜汁分開上，要咩味雪糕都冇問，隨機比我，我就有d微言。食完個西瓜盅杯西瓜汁先到，不太好啦！始終都係一個set,一齊上既感覺好d。希望佢呢個可以改善下！可能第1次食既時候人冇咁多，後2次都比較多人，所以服務態度亦可有改善空間！每次食都會order佢既班戟!!呢個[[[[香蕉班戟]]]]真係好好味!!!!!!佢個隻cream真係好好味!!好似係用個隻anchor!!真係好滑!!我本人係喜好cream的亦order過法式焦糖燉蛋！呢個就普普通通吧，一試無妨！就係比其他會多左生果咁。有一次亦都order左香蕉船！食左呢個又係超級飽。3個雪糕球，一個人食真係多左d！btw係好食既！又係因為人多，雪糕口味又隨機左！！而因為時間關係我就外賣過1次香蕉

香港人對於飲食文化非常重視，而且巿民對於一些特色食物更加支持，在這些因素之下，為創業人士加上原動力，驅使他們進軍飲食界。而各類食肆中，以甜品店最為本小利大，十分適合中小型投資者，特別是中式糖水鋪，店鋪裝修可以簡單，甜品糖水可以預先製造，而且申請領牌比起餐廳較為容易得多。正因為這個原因，香港的甜品糖水屋越開越多。要在這個競爭的巿場立足，做的甜品一定要創新，難怪今時今日甜品越來越多花款。這間明朝是位於元朗又新街，短短的一條街道，已有三間不同的甜品店。要在此處立足，店裡的甜品一定要創新。"西瓜盅" 就是這裡的熱賣甜品，而且只有這家店能吃到的。店裡裝潢簡單樸素，𥚃面並不大，坐位不夠時便加幾張摺枱，椅安排坐在出外，非常簡單。這晚，我們叫了兩個西瓜盅，分別配了紅豆和芝麻雪糕。等了大約十五分鐘，西瓜盅終於端上枱。賣相十分可愛吸引，西瓜盅裡面放了新鮮生果，有蜜瓜和西瓜，再配了一些涼粉和西米粒，上面加了一個雪糕球，非常豐富。吃得出紅豆雪糕𥚃的紅豆粒粒分明，而且紅豆味重。芝麻雪糕也不錯，也有很重的芝麻味，口感也很細滑。至於西瓜盅裡面的配搭，也是和我們平時吃開的雜果涼粉沒分別。可能先吃了甜雪糕關係，再吃水果

早前喺instagram見到有朋友post左一張好得意嘅食物相，細問之下原來係黎自元朗嘅新開甜品店，明朝嘅西瓜盅。明朝，一聽到呢個名，令我立刻聯想到尖沙咀嘅糖朝，係有要模仿嘅意思嗎？Anyway，基於呢個咁特別嘅西瓜盅，我決定去試試。一行九人坐低，店員隨即擺低餐牌，係好大嘅餐牌。等左10分鐘左右，西瓜盅終於黎。望落好可愛，究竟味道係點嘅呢？答案係一d特別都無。西瓜唔係特別甜，雪糕只係成本極低嘅雀巢雪糕，入面嘅其他生果竞然係無味架！總括而言，新屎坑，三日香。如果食物質素再無改善，廚師再唔認真製作嘅話，都好難做得長。

元朗食街周邊的糖水店愈開愈多，佳記泛后不再獨大，松記發記五代同堂相繼開業，最大膽的還是開正在佳記旁的明朝，光鮮店面與年青店員，確實吸引到不同的客源。芝麻糊確實不稀，放匙羹上面也完全沒有下陷的痕跡，但就像吃罷溶了的芝麻糕，而且間中還有粉粒，心知肚明焦糖燉蛋自稱為酒店級，是嗎? 面層的焦糖倒做得不錯，但蛋漿不甜且薄身，毫無質感可言，滑溜的雞蛋布丁不應在creme brulee出現冷氣極大，收碟極快，桌與桌要讓座才可出入，沒有下次

同幾個FD行街街^^之後一齊想食甜品之後先回家完呢間未食過就諗住試下我就叫左個甚麼西瓜 我也不記得全名了份量幾多 但係唔係太甜 可能我吃慣甜食吧XD之後我偷食左個FD個奶涷 都幾OK喎 幾特別 可能夠奶味再偷食埋另外一個FD個楊支 還可以吧最後加多D小食埋單都係90幾 OK抵啦@@

一向鍾意試新野，雖然吃完晚飯已十分飽肚，但見Ｂ仔附近開了新甜品店，還要是以「創意」作招徠，故拉了阿妹兩個人去食甜品。時間尚早，大約7pm，但都十分滿座!這兒的甜品雖然以創意見稱，但MENU的創意甜品其實選擇不多。最多人點了西瓜盅，貪其大件又好玩，但我們覺得創意度不高，故選了「奇奇怪怪」、夠晒特別的「榴柑歲月($28)」榴柑歲月，顧名思義，有榴蓮肉和柑橘，汁底是椰汁西米和一些椰果。榴蓮肉和柑橘份量都很少，榴蓮只有兩湯匙（榴蓮可是選擇這甜品的最大吸引力呢！）甜品雖然有那麼種材料，但感覺是各吃各的，沒有BLEND起來，味道不太搭單吃榴蓮肉就有榴蓮味，單吃柑橘都有柑橘味，但整個甜品沒有濃烈的柑橘或榴蓮味，更沒有這兩種水果加起來的化學作用！價錢不便宜，但感覺很馬虎！而且我嫌「榴柑歲月」還是太甜了！創新和奇怪，只是一線之差。希望店主真的多試味和改良才推出來！

今天是聯校羽毛球比賽，放工後和同事一行三人走去元朗明朝食甜品！其實同事提議食泛後甜品既，但我建議他們嘗試下新開的明朝！選擇去明朝的原因只是因為新開，而且見標籤新派酒店甜品就和他們試一試~之前和男友來試過一次，那次感覺幾好~怎料這次 失望 可能不同甜品有不同水準吧！ 上次5月7日是嘗試這裡的西瓜盅和榴金歲月，味道可以的 西瓜盅真是很多料，而且還會附上一杯西瓜汁，（是挖走西瓜肉榨成的）盅內有西米、涼粉及各式水果粒，還跟一球雪糕球，外相很好、很豐富的，味道只是食原材料的味道吧，沒有太大驚喜！ 男友就選了榴金歲月，這個甜品值得一試，真是好有榴蓮味，喜歡榴蓮朋友真是要試試，因為有一湯匙榴蓮肉，其他是椰汁西米和水果粒~總括而言，這甜品之所以好味是取決於榴蓮，若沒有新鮮榴蓮作點睛之用，味道肯定一般！！ 說回正題，今天我和另一同事叫了楊枝金露，嘩，真是好難食，外相一般喇，但試上一口後便使你卻步太太太太甜太太太太粉，不知道是否加了生粉節省成本西柚又譅，帶點苦，不好入口，芒果只有很少肉，其餘真是難入口吃了幾口已放下湯匙了 總而言之，新派、創新，這店是做到，但味道就... 未能平衡兩方面，則重創新，不是不好

元朗呢條街糖水店真係多.有泛后.B仔.五代同堂.在不遠處有松記.近來新加入的明朝.有一天下午經過.決定一試..明朝應該同荃灣明師傅一樣.不過呢間店店舖面積相當細.坐得很迫.人手亦不足.樓面同廚都係相同的店員..落單...要等待一下..主打酒店級甜品.我當然要一試.中式糖水一定不是此店專長..涼爽32元好得意食完整個甜品可以飲埋杯椰水..椰肉偏少.椰毂入面成份有點似車仔麵.多餸.有西米,有涼粉.有蜜瓜.有西瓜等相當豐富.仲要加上一球香滑的雲呢拿雪榚..令人相當開心.有賣相.有豐富食物的確唔錯....甜品豐富我都係第一次.我有點不慣..我吃甜品的飲食經驗仲停留住10幾年前.唉....整體滿意.價錢亦合理.只是我個人口味問題.....我覺得呢間店主力的係吸引年輕客人..

外賣自取一碗熱"紅棗雞蛋妃子"足足要等20mins!!返到屋企第一時間睇下碗糖水點解要等咁耐?點之連匙都冇隻我都算!!再打開蓋睇睇!點解..."紅棗雞蛋妃子"連雞蛋都消失埋???真係好激氣!! 再試下碗糖水竟然係唔熱........................一碗$19熱"紅棗雞蛋妃子"換來等20mins, 外賣竟然沒有匙, 連雞蛋都冇, 仲要熱糖水係完全唔熱!!!! 失望!!!! 唔會再幫襯!!!!!

叫了兩樣，兩樣都好唔得，仲話自己係酒店級！個oreo木糠布甸好有奶味，但太軟身，同埋太甜個焦糖布甸個溫度真教人難以接受，上面熱，中間暖，下面凍。個種暖加充滿奶味的甜真惡頂。個鮮果伴少得可鄰，同幅相差好遠。

今日想帶個朋友去食隔離果間好出名既元朗甜品經過時發現依家個樣新新淨淨門口個人又feature話酒店式甜品 咁就試下啦（其實一路都唔係太中意隔離果間，出名就出名喇，但係又唔係特別好食，地方又唔係乾淨，可能就係食依種風味掛）最欣賞依度乾乾淨淨（可能仲新啦）叫左兩三款甜品甜心／朱古力慕絲／楊枝甘露杏仁豆腐有驚喜！甜心即係椰皇入面加椰汁湯圓幾特別之餘又夠滑朱古力慕絲真係餈有酒店式甜品風格上面d朱古力脆脆幾好食楊枝甘露杏仁豆腐我就冇試 不過同行朋友話唔錯d甜品精緻之餘仲要每款2x蚊都算抵食總括黎講 我會再去試下佢其他既甜品值得一去架

明朝開係舊b仔隔離，店仔細細，室外仲有幾張檯，餐牌多數係新式甜品，有d都幾有創意。4個人叫左5個甜品，甜品每個的賣相都好靚，份量適中，味道亦有水準，唔係好睇唔好食 OREO木糠布甸: 打得夠挺身，口感唔錯，只係覺得有些少甜左D。鮮果樂園: 有新鮮雜果，下面有椰果同小小爆爆，最底就有涼粉，味道無咩特別。楊枝金露奶凍: 賣相好靚，味道配搭亦幾好，奶凍夠滑，美中不足係芒果唔夠香甜。雜錦Pancake: 兩舊係唔同味，一舊係全榴槤，另一舊就係芒果，係即叫即造，pancake幾香，個人鍾意食多d cream，覺得cream唔夠多。本來係有爆爆珠，不過我就唔要。香蕉船: 幾樣野中覺得最好味係呢隻香蕉船，外型又靚又好味! 雪糕球有朱古力味、曲奇同埋熱情果味，朱古力雪糕裡面有好脆的朱古力粒粒，好好食，熱情果味雪糕都好香好好味! 總括黎講甜品的味道同賣相都幾好，價錢合理，希望做落去仍然可以保持到水準! 下次會再去試其他甜品!