明洞Express (已結業)

今天天氣好凍，得八度。決定要食熱辣辣的嘢!係旺角行下行下，見到明洞，吸引咗我們，所以就入咗去試下。入到去，亞豬媽好熱情用韓文打招乎，原來係正統韓國人開的店嚟。望完餐牌決定點“泡菜鍋”、“石頭窩飯”、“紫菜卷”點餐方法係要先去比錢，之後坐返埋位等食啦~先嚟咗“石頭鍋飯”，比埋支伴飯醬自己撈，嚟到聞到香噴噴，菜下面仲有隻生蛋，大大碗。食到後期，因為石鍋關係，個飯都保持到仲係暖都，抵讚!而我食既係“泡菜湯飯”，嚟到仲係滾架，我都要嘆咗陣先食到。個泡夠辣，但辣得嚟又唔太蓋過個湯既味道，咁凍天氣食又熱又辣既嘢，真係好正!附餐都有4小碟，煎蛋餅、炸壽司，細細、泡菜、薯仔碟但好好味架跟住就係“紫菜卷”，我覺就ok喇，一般的紫菜卷咁食到中途，有個好得意既女仔入咗嚟，大叫“亞豬媽~”，聽見都覺得好韓式!

I was looking for a Korean restaurant that my friend told me about but I couldn't find it and my boyfriend was getting a bit angry so when I saw a Korean restaurant in the corner, I said this is the one I am looking for. We were lucky to have a table because it was pretty full. This is actually a very traditional Korean place because all the staff in the store speak Korean. We were asked to go to the till and pay for the food first, it seems like a fast food restaurant to me.We were very hungry

呢間野真係好平，其他餐廳牛肋骨湯4、50蚊好細碗，但佢大大碗咁上架！其他野都好大碟。上次朋友帶我食午餐，有汽水送！原來晚餐冇架，SOSAD！呢間要先俾錢，後食野，咁都幾得意丫！好好味的牛肋骨湯。湯中有四至五件極厚的牛肋骨的肉(冇骨架！)，佢比較肥，但將D肉連埋佢D飯一齊食，牛肋骨肉的肥油融和左D飯，哇，好食到冇得頂！好好味的海鮮炸醬麵！足料，啖啖都係魷魚同蝦，最好食係個麵，超彈牙！正野！不過個紫菜飯唔好叫，難食過我媽自己包果D冇乜味又硬…呢個仲精彩！石鍋飯。通常食石鍋飯，碗底的飯焦會黏牙，但呢個係完全鬆脆，我第一次食咁樣的飯焦！不過大家要知道，食石鍋飯咪心急，最後唔郁擺佢一排先食，食做到有飯焦底架。我會去親MK都食呢間~~~~~

女人街條小巷一直都有好多日本野食...星期五同朋友經過發覺開左間新既韓食店, 見到店入面都幾多人決定湊下熱鬧 試下係米好食店內既侍應都係韓國人...老闆娘就識講幾句廣東話打算叫人落單先知原來要自己出收銀機櫃面ORDER 同俾錢...好似快餐店咁!!!老闆娘可能見我地果樣仲咁細 問我地係唔係學生出示學生證仲有免費飲品！泡菜炒年榚賣杷好吸引,睇落以為會好辣 但原來一D都唔辣!唔知係唔係為了遷就番香港人既口味呢!?但年榚炒得幾煙韌，口感唔錯的。另外會有醃蘿蔔,泡菜同湯送!伴菜整體都好好食, 但個湯就太咸了!

星期五晚老公約了同事打邊爐，剩下我女子一人孤單的晚餐（其實覺得很自由~ 哈哈）在旺角女人街行逛了一會就經過這小店，店內頗多人，幸好剛巧還有一個位讓我搭檯。Menu食物款式算多，飯、麵、湯飯、年糕等都有,，出示學生證仲有免費飲品！打算找店員點菜時發覺點菜要到收銀機處，付款後拿單回座位等食。韓式粉絲飯（豬肉）($63) 份量大得像給兩個人吃一樣，坐隔離檯的一班中學男生都不停嚷著好飽好飽，可見份量之大。韓式粉絲和醃豬肉混在一起，豬肉很入味但略嫌乾硬，如果能保持多點肉汁會更好。粉絲煙韌帶麻油香，加上洋蔥和青蔥，送飯一流。另外還有泡菜和其他韓式小食附送，有小魚乾、醃蘿蔔等，再加上一碗清湯，要一個人吃光它們真有點難度！如果和朋友來，再加上一個海鮮蔥餅share吃就更好了

星期五晚上8點左右去，不用等就可入座。當時全店滿店，人氣應該不錯吧。五、六年前去過尖沙咀分店，覺得不錯。初訪旺角分店，並沒讓人失望。上菜速度很快，waitress服務態度不錯，食物份量很大，價錢合理。最難得是食物味道不錯。韓式牛肉拌飯沒有加入奇怪、為配合港人口味的配料。牛肉肋骨和紅蘿蔔都ok入味。附送的小菜也是好吃的。我對韓國菜要求比較高，而這間是難得我覺得在香港合格的「本食店」（분식점）。以後在旺角想吃韓國菜都會來這間。

剛巧一次與友人在旺角女人街行街時揾到呢間韓國料理店 心想反正肚餓就入去試下～這家韓國料理店的經營模式很特別 是要先付錢之後才用餐的 印象中好像只有快餐店才是這樣的呀😆😆 重點來了..我和友人分別點了泡菜湯和韓式泡菜粉絲 他們店的份量蠻大的而且我們是學生還送飲品 價錢也很便宜👏🏾總結來說 這家韓國料理店真係唔錯 老闆娘服務態度好和藹 值得再幫襯

旺角開左明洞，剛好經過去試下。水準ok ，價錢都唔貴，以韓國菜來講算唔錯。人參雞湯夠味，但參味個人覺得淡左點。喬麥冷麵都唔錯，如果再冰點會更爽口。配菜無乜特色就唔講了。今時今日好多韓國菜都係韓燒，好熱氣，想食下普通韓國菜不妨一試lee間。

韓風係香港既受歡迎程度只係有增無減，韓國菜亦吸引左唔少年青人去食。今日經過旺角既明洞express，出於好奇心入左好試下，店內都幾大，容納到二十到三十人，環境都幾清潔，入面d啊朱媽淨係識韓文，點菜都有d難度，最後叫左個牛肉粉絲飯同朋友share。 果然牛肉粉絲分量真係好大，兩人分都夠食有餘，粉絲好入味，配埋牛肉食落真係以為自己係韓國，撈埋送飯食係一流，但係粉絲分量大，所以有種可以觸立成一道菜既感覺。而韓食就一定會有小菜，依度附送左泡菜、芽菜、銀魚，其中銀魚送飯就最野味！想食韓國菜既不妨試下明洞express！

一大清早做完hot yoga，很想吃點冷的食物cool down 一下，想起了韓國水冷麵。一直在旺角都很少吃韓國菜，畢竟旺角又不多韓式（非燒烤）餐廳，剎那間又想不起哪有水冷麵吃。既然一個食唔得多，打算去通記食個麵算啦，俾我見到明洞 Express! 水冷麵的影像再次浮現了…在門外看了menu，見到有幾款冷麵，便進去了。走韓式快餐的明洞 Express，其實質素不錯，只是作為 gathering 的地點就不太適合，畢竟不能訂位嘛；但隨意吃個飯來說，價錢是實惠的。旺角店和金巴利道的一樣，都是自己到收銀處點餐的。我點了個辣泡菜什錦麵，原來午餐是送汽水/柚子茶(冷/熱)，surprise 耶!可能因為已是2pm，餐廳內不是太多人。拿了收據後，職員沒有給我紅色的提示機（食物ready 就會震，叫你出去拎），大約過了3分鐘，便為我送上食物。沒想過份量是這麼多 前菜都有三款，薯仔特別好食！（我身旁的食客特地叫職員把小魚換成薯仔，前菜是可以換的）這個醬其實不算辣，是甜味為主（我譚仔吃小辣的）。要讚的是拌麵的湯是有冰塊的，和麵混在一起，真的夠冷啊，吃一口真是透心涼。真好，旺角終於有性價比高的韓式快餐了

平時去開尖沙咀個間，今次就試下旺角喱間，旺角喱間有點偏辟，係旺角g2000總店隔離翠華再行入去入面食既係正宗韓國菜，連老闆娘都係韓國人，老闆娘好nice，見我似係學生，就請左我飲汽水我今次就試左泡菜豬肉飯再加左個紫菜包飯，泡菜豬肉飯真係好味，泡菜睇落好紅，但食落唔會好辣，辣度岩岩好相反，紫菜包飯就真係有點失望，有d淡口冇咩味道，價錢亦較貴