明珠冰室

营业中

休息中

服務差，超難食，不衞生，仲有幾個老細係藍絲😡😡😡 上星期同女朋友去，一入去等佐五分鐘無人理。 終於有伙記理，一嚟就裝我女朋友雙腳，因為佢著短裙😡 之後仲見到去鼠🤮🤮🤮千萬唔好去😷😷😷

呢頭其實有唔少好野食，但終於出現我最期待既冰室。比起同一區既茶記唔同既係，呢度環境真係好乾淨！我黎食果陣係午餐時間，叫左個碟頭飯食。味道都ok。係一個落街食飯既唔錯選擇。

下午茶時間經過，對於本身也是常餐迷的我，對常餐要求已經好高，正常普通茶餐廳既常餐已經唔會食，見到依間個常餐係配迷你菠蘿油咁得意嘅配搭，於是就去試吓啦。早餐同其他時間嘅常餐分別係$35同埋$40嘅分別，今日食完有得揀嘅我早餐先嚟啦。常餐通常好多餐廳都有叉燒意粉/通粉/面，但係我就好少會揀呢個組合，因為通常啲叉燒都係向啲燒臘舖買，九成九時間都係食得落口但唔會好食，就算係啲燒味茶餐廳有自製燒味我都唔會叫，因為通常個多士同埋炒蛋都唔掂，太興個常餐係ok但係又冇叉燒面食，所以同時間係燒味粉絲嘅我絕對唔會揀叉燒。咁我最後叫咗個雞翼麵，凍奶茶。凍奶茶先來，有淡淡的茶味加上少少嘅澀味，雖然用咗紅白淡奶但係唔滑又唔香，飲到一半已經好淡。所以我成日覺得奶茶冰鎮係最好的。雞翼就係兩隻細細地炸過有少少乾身冇味既炸雞翼。個面係好耐冇食過嘅福字麵，福字麵本身點煮都會偏琳身，勝在夠平，有得揀點都唔會揀福字麵，寧願大光麵。蛋算係滑，火腿普通，最特別嘅菠蘿油有再爐烘一烘，還有點脆口，牛油夠凍，雖然個包唔算鬆軟，但都還可以。整體除咗個蛋都OK之外，其實都係一般，這個價錢來說. 正常既。

第一次黎食，見到人流都幾多，叫左個常餐，叉燒通粉，湯底唔錯，有火腿同炒蛋，仲有細既菠蘿油，不過個菠蘿包有d淋。另外叫左茶走，好滿足。係店外望到有個玻璃櫃，入面有樽裝朱奶！下次想試！

今日去粉嶺做d野，還掂未夠鐘，搵間茶記食早餐先，呢間野朝早都幾多人，都等左十分鐘先有位，一入去d侍應都好有禮貌，會同你講早晨，好過好多黑口黑面既餐廳，食都都係一般冰室野，火腿炒蛋，雪菜肉絲面，凍奶茶，味道都不過不失，唯一唔同係早餐唔係跟方包，係跟迷李波蘿油對我呢個波蘿包愛好者，真係加唔小分，波蘿包微溫，牛油冰凍正！！另外杯奶茶都好味

最近聯和墟開咗一間新嘅冰室，今日終於入去一試，2點左右可能過左食飯時間，都都唔太多人，但又唔係無咩人喎，坐低叫咗一個常餐：有一個迷你菠蘿油，炒蛋，一塊火腿，一碗沙嗲牛肉通粉，一杯熱檸水。等左2分鐘唔夠就上左一杯檸檬水，3分鐘唔夠又上左碗沙嗲牛肉通粉，隔多一陣再上埋碟炒蛋火腿迷你菠蘿油。上菜速度好快👍🏻👍🏻👍🏻夠熱👍🏻👍🏻👍🏻菠蘿油夠熱好味，係細個啲啫🤣炒蛋好滑好好食👍🏻👍🏻沙嗲牛肉通粉食到有花生碎，我鐘意，而且唔係太辣都幾香杯熱檸水有4塊檸檬，出面最多3塊，呢度真係唔錯唔錯。

其實張相有個菠蘿包，不過餓得濟食左先影，呢間平時朝早都排滿人，今日假期早出門口先唔洗排隊，不過都要搭枱。因為茶記早餐都係咁上下，所以都好難話好特別，但感覺佢地食物用心，所有食物都好熱咁上到枱面，天氣凍，食熱野開心好多

試左個叉燒雙蛋飯和沙爹牛米餐，有火腿，滑蛋，菠蘿油 跟餐。1）沙爹牛米屬正常 ，但個滑蛋真係滑，有蛋汁。 個樣已經好吸引。 最值得一提係個菠蘿油。 $34 餐 仲有個脆既菠蘿油。2）叉燒雙蛋飯 （鼓油汁）鼓油汁唔係生抽亦唔係美極， 相信廚師自己制過個鼓油汁，加埋蛋黃汁撈飯，好親切既味道。 叉燒先係重點， 雖然同我認知既燒味鋪既叉燒有出入，有種炭燒既味道，相當特別。+$8 有維記樽裝鮮奶，而家係餐廳仲有樽裝鮮奶架咩？

食咗一間試業中嘅冰室，見到咁多人排隊，我梗係唔執輸喇！有冰室當然唔少得枝裝牛奶同汽水喇！佢地餐牌唔多選擇，但早餐去到12點㗎！睇吓個蛋同菠蘿包！好吸引呀！而枝裝奶嘅味，唔可以有嘢代替到㗎囉！個雪菜肉絲米都好夠味，份量正常！見到侍應們都係非常年青，應該係幾個年青人夾手夾腳開嘅！講到明係試業中，當然會有少少唔順暢，漏單呀！上錯嘢呀！入客慢呀！通通都有，但佢地對客人都好有禮貌，令到客人都嬲佢地唔落！希望佢地keep住呢份禮貌同對工作嘅熱度喇！