明珠冰室

营业中

休息中

港式早餐不外乎都係一個麵配腸仔/餐肉/火腿/蛋再加個包，個包一般都係多士或者餐包，又或者近年大熱嘅丹麥多士，菠蘿油通常都係獨立存在，好少跟餐會有。 黎到明珠冰室，今次叫左沙爹牛肉麵，麵底係福麵（比較少見，可能我見識少），牛肉唔會用好多粉去醃。火腿太陽蛋，太陽蛋最緊要有燶邊，蛋白唔會太生，蛋黃完整無爛。重點係跟餐迷你菠蘿油，真係比較少地方有。 環境方面係懷舊裝修，整體上都乾淨企理。懷舊冰室買少見少，近年好多都係新派扮懷舊，做唔出嗰種感覺。

晏起身又想食早餐，鍾意明珠冰室早餐到12點都仲有得叫。其實過咗早餐時段，都有常餐全日供應嘅，午餐唔想食得咁勁就啱晒。楔喺枱同玻璃之間嘅餐牌，望落簡單唔係話好多款式，有啲係頹飯feel，但唔同嘅配搭都足夠俾你選擇，另外仲有每日更新嘅午餐牌。簡約舊式冰室裝修，環境乾淨企理，座位唔多，好多街坊都經常幫襯，平日都要等一陣位，假日直頭好多人排隊，所以我通常平日先去食。#港式早餐 $38叫咗C港式早餐，有唔同配搭可以選擇，沙嗲牛肉大塊，沙嗲汁濃郁，份量唔少，個麵係用福麵，麵質煮得剛好，湯底夠多。炒蛋炒得好滑，就咁望都見到有蛋汁，火腿有煎過，配咗迷你菠蘿包。#西式早餐 $45另外叫咗D西式早餐，即煎豬扒熱辣辣，醃得入味唔乾身，豬扒邊位同骨位都煎得幾焦香，餐肉煙肉煎得香，茄汁豆我本來就一般，但係佢個茄汁豆有啲唔同，可能佢係有煮過，其他地方嘅茄汁豆係凍嘅。有牛油多士同炸薯餅揀，梗係揀炸薯餅啦。同埋鍾意佢個凍飲夠大杯，舊時啲冰室通常用透明細膠杯，有啲唔夠飲。總括嚟講係用心製作，有heart去煮嘅，食客一定feel到。#明珠冰室地址：粉嶺聯和墟聯安街27號地下

傳統冰室模樣，一碗一筷都係嗰隻feel, 店員多係後生仔，感覺懷舊得嚟有活力啲。食過兩次，第一次都係人地推介。嚟第二次，出面等候嘅人已經比等一次多好多，睇嚟已做到口碑。試過後果真不錯。同區茶餐廳大把，同呢度同feel嘅少有。食物——配嘅面包竟然係菠蘿油！正呀，抵食！個蛋覺得好足呀，又滑，出面有啲好似得半塊蛋皮咁咖🥲福面，好蝦人煮，但呢到都煮得岩岩好，唔會放到淋哂。衛生方面，餐廳唔係開好多年嗰種，so far 2次去都好是正。服務就無乜，勝在快靚正，落單無覆單但係無漏無錯嘅，classic 冰室style。餐廳係細，但座位枱面夠闊，坐得舒服嘅。👍🏻

本身係因為外賣平台而認識明珠冰室，常餐周圍都有得食，但配迷你菠蘿油真係少見，特別外賣可以有呢個質素真係好好。點知最近冇得再係外賣平台叫，惟有親身去到聯和墟食，冰室環境設計懷舊，門口有傳統雪櫃再配玻璃樽汽水，充滿童年回憶，而室內燈光充足又乾淨，冇咗一般茶餐廳嗰種昏暗同污糟嘅感覺。一如以往叫常餐，除咗欣賞菠蘿油，亦都欣賞個炒蛋，每次都做到滑蛋嘅水準，沙嗲牛肉嘅牛肉都好厚身，好足料。臨走問店員點解冇得再嗌外賣，原來因為平台縮短咗送餐距離，睇嚟以後要再食都要親自去啦！

✨ 明珠冰室 ✨行山前係附近搵番d嘢食補充番啲體力🤤聯和墟麻雀雖小五藏俱全，想食咩都搵到。🍱港式早餐 $38（6/10）喺香港都好難搵到平過$40有咁豐富嘅早餐港式早餐包咗一個迷你菠蘿油細細隻好得意 每啖都咬到牛油再拼火腿炒蛋/叉燒/雞翼…揀一樣我簡咗雞翼 雞翼炸得好香口 外脆內軟 不過就咸咗小小 配翻麵剛剛好🤙🏽┄ ♡ 評分區 ♡ ┄💰價錢：3/10🌆 舒適：6/10😚 返兜：7/10📍#明珠冰室 (粉嶺) 地址：粉嶺聯和墟聯安街27號地下

想講嘢食好唔好味係其次，服務態度差都唔係最大問題，但係擺明被人打尖就興到一個點😡。平時食飯叫野，條四眼仔俾錯野重要發人俾氣，好似我哋唔啱咁。大佬呀，我地當中有人高唐尿真係唔飲甜野，唔係都同你飲左去呀！！！今日（11/7/2021）重大熱天時，12點烈日當空等到中暑咁，一個唔該見2條麻甩佬對個四眼職員/老闆單個眼就可以入去，明明收銀叫住我地前面夫婦入去都叫人出番來，痴線！！！！心痛係💛店已經不多，咁樣不公義的事你哋都做得出，重好意思叫自己做💛？？？唉。。。。咁樣真係好難支持你地。。。。

朋友之前推薦過話呢間冰室好食又大份所以今日得登黎食個早餐！點知出面排哂隊，但美食係值得等待既，前提係... 如果佢係美食既話😌我見入面有一定人流，心諗應該唔錯掛！點知試伏專員又出現啦🤣.今日我地三個人叫左三個餐店員淨係落左兩個，後尾先發現漏單🤦🏻‍♀️.我就叫左港式早餐 $34 📌雞翼通粉通粉完全無味，滾水通粉！雞翼細細地有兩隻，但炸得太乾！食嘢一向都好小心既我，仲要發現有隻生物係個碗入面😳🤯.📌迷你菠蘿油菠蘿油唔夠熱唔夠脆皮，再加上雪凍左既牛油，令成個包更加凍😂而且菠蘿包唔夠鬆軟，一般！.📌火腿炒蛋火腿正正常常，炒蛋過熟，個面夠滑，但底部全熟 Well Done 😅.📌枝裝麥精套餐加$5! 枝裝係無得輸既.總括黎講，無下次！完。。。

今日突然間好想食頹飯, 有D掛住午餐肉呀漢堡扒陣味, 🤣🤣🤣見到呢間明珠有呢個可以話係包羅萬有既頹飯, 我就當然係深深咁比佢所吸引住啦, 唔單止有哂頹飯既固定班底: 午餐肉, 同時仲有叉燒, 火腿, 漢堡扒. 仲有埋咖哩汁比你撈飯!!!😍😍😍😍😍疫情既關係 我就叫左外賣自取. 拎到上手最驚喜既地方莫過於佢既外表, 真係一D都唔頹, 仲幾靚TIM!✨✨✨味道既話其實所有呢D頹飯料都係差唔多, 午餐肉同火腿都好細心咁有煎過! 好味!😋😋😋小弟食頹飯最擔心既就係D餸唔夠多 有時食完哂餸仲有勁多飯,而呢個飯係完!全!唔!會!🥳我食完D飯仲有好多餸剩, 爽呀!!!🤣🤣🤣

五月某日經過粉嶺聯和墟, 適逢未食午餐行過幾間餐廳都依然未有頭緒然後抬頭見到呢間門面企理有一定人流嘅食客在內, 心諗應該可以一試店舖裡面位置唔多, 不過難得同友人都放假就不妨等一陣叉燒雙蛋飯常餐- 迷你菠蘿油餐呢間冰室真心有意想不到嘅驚喜 眼見冰室打理人都係後生仔女可能只係普通冰室食物但普通一個常餐炒滑蛋能夠做到滑而不漏奶茶又香滑夠濃如果有時食唔到佐敦名氣茶餐廳, 不妨可以黎呢度食炒滑蛋不過記得留意返, 明珠冰室營業時由07:00-18:00

我諗係聯和墟數一數二服務最差嘅食肆一入門口已經冇招呼,自己坐低跟住叫嘢食嗰個有紋身嘅後生女侍應呼呼喝喝感唔知以為得罪佢！有啲外賣車手嚟到攞嘢直頭好似喝狗咁！絕對唔會有下次幫襯

黯然义燒夠鬆軟 旋轉炒蛋夠香滑黃金菠油夠鬆化咖喱撈丁夠惹味燒豬頸肉夠香腍番茄牛通夠濃郁生炸雞脾夠入味招牌公司飯夠澎湃馳名奶茶夠香濃椰汁紅豆冰夠足料餐廳伙記年青有禮一個字：無得輸

喺粉嶺聯和墟，時間尚早，食個tea. 明珠冰室門面絕對唔係靚裝架啦，不過店舖乾淨。收銀枱放左酒精搓手液同埋空氣淨化噴霧機 呢啲時勢 餐廳注意清潔都會令食客安心啲。有心思既係 膠袋紙巾杯都係印左餐廳名「明珠」-常餐 （迷你菠蘿油、火腿炒蛋、雪菜肉絲米線、熱檸茶）值得一讚既係菠蘿油🤩細細個 過下口癮 好過平時食餐包咁乾同悶；蛋都炒得滑😋-明珠叉燒包配紅豆冰（叉燒包再加左沙律醬同煎蛋，流到朋友成手蛋黃 🍳 紅豆冰就一般啦）

我叫义燒飯！唔知比左D咩肉我！🤦🏻‍♀️原全同相片相差好遠！個雞髀又唔好食！不會再幫襯！完！送餐時間內唔緊要！但都唔好咁求其啦！真心尼次係我第一次寫食評！因為太失望了！希望此餐廳可以好好改善！

原來我冇寫過明珠食評，下次一定要補返個早餐食評，我好鍾意食架😂今次第一次黎食午餐，原本都知選擇唔多，不過，最重要啱心水，夠好味，我同爸爸都叫咖哩。我係咖哩豬頸肉撈丁🍝，咖哩惹味濃郁，唔會太椰奶，辣度有後勁🌶️🌶️🌶️。豬頸肉厚度適中，咬得開之餘又有咬口，仲燒到少少香🐷🐷 。爸爸食公司咖哩飯，即係變種公司三文治，包羅萬有嘅送，滿足食肉獸爸爸嘅願望，有大香腸🍖，雞翼🥓，火腿，明珠招牌炒滑蛋🍳。媽媽配杯熱奶茶，完美。🥰

星期六日，難得可以訓到晏一晏，訓到十二點一點先起身。起得身已經過哂早餐既時間，但係又突然想食茶記早餐。咁岩有事黎粉嶺呢邊，就記得好似冇宜家市區開到周圍都係主打常餐、叉燒滑蛋飯既冰室類茶餐廳。誰不知朋友話我知近幾年聯和墟都開左唔少新餐廳，其中就有呢個冰室，而且佢既常餐並唔係跟方包而係跟迷你菠蘿油。身為菠蘿油既愛好者，仲咁岩想食常餐，呢個match簡直係perfect。冰室因為都算新開，乾淨企理，不過位唔算多。一坐低就唔洗諗啦，常餐沙嗲牛肉加$3轉出丁。麵，火腿炒蛋同餐飲都係正正常常既味道，而轉左出前一丁，佢會俾埋包麻油你。迷你菠蘿油，雖然細細隻但都唔影響佢菠蘿包加上雪凍左厚牛油雙重既口感同滋味。而且可能菠蘿油比較新鮮，熱辣辣加埋塊牛油，再令常餐加番個與別不同既地方。岩哂想間中放肆下又唔想食太多既人。少食多滋味。