明華餅家

营业中

休息中

某天, 步行回校.平時放學經過也想試試, 但$5 /3個像是很飽, 買一個有點尷尬.今次, 故意扮路經去買.原來早晨時段'貴'd!但也只賣$2一個.買了一個菠蘿包.與太子那脆皮名牌菠蘿包 猝然不同.這兒的, 也熱熱的, 但較腍.而且帶有一種又是'不知何干東西之香氣'.是麵粉? 是香油? 是香料? 不得而之.只知, 可以再吃別的.

★ 合桃酥食過幾次 永無失準好鬆化 好香 而且大大個5元2個 物有所值★ 老婆餅第一次試 點知個皮硬到好難咬得開蓮容餡不過甜 但個皮真是太硬 我樓下餅鋪5元3個做得更出色★ 另外一提 燒餅也是水準之作 煙煙unun有四種餡料-原味/豆沙/奶皇/花生個人偏愛豆沙 甜度岩岩好 正

行經此處﹐見到這裡有多款中式餅賣﹐所以停一停﹐看一看﹐買一買。 燒餅有四種餡料(原味﹐豆沙,奶皇,花生)。 買了原味和豆沙 - 原味味道帶少許甜味﹐豆沙亦不會過甜﹐兩者都很煙韌﹐肚餓時用來作點心真的很好吃。 如原味的燒餅都有豆沙燒餅上的芝麻﹐味道應該會香很多。 如不是剛剛出爐﹐回家後用微波爐或焗爐稍為弄熱﹐味道更佳。見這店將光酥餅一個搭一個﹐弄成一個巨形光酥餅小山蠻得意﹐亦很久沒有吃過﹐所以買了兩個試試。味道不太甜﹐份量亦幾大。雖這處所賣的不是什麼貴價食物﹐但吃落總是甜在心頭。

八號颱風即將到港, 星期六的旺角街頭因而比以往少左一大半人, 落過一兩場雨的街頭, 沒有了白天日的烈日, 沒有擁擠的人群, 我倆共撐一把雨傘, 漫步街頭, 非常寫意.路經此街, 你提到附近有間開了好耐的餅家, 問我食過沒, 並推介呢度的合桃酥, 當時幾多點了? 不太記得了, 但印象中當時都有十點了吧? 我懷疑一間小小的餅店會否開到咁夜, 你信心十足的帶住我向前行, 未行到巳見到此店燈火通明, 之前試過此店的蛋糕, 的確好香蛋味, 但我覺得甜左d, 如果甜度減低少少就正今次買了合桃酥同綠豆餅, 隔左一日食, 合桃酥都係咁鬆脆, 綠豆餅相對味道清清地, 又係另一不錯選擇.

五蚊三個包仔真係好抵食不過唔係成日都咁好彩可以買到新鮮熱辣最好食係雞尾包菠羅包同豆沙包燒餅奶黃餡唔夠 好似無食過咁豆沙就ok 不過兩個都係凍ge十字餅無咩特別光酥餅就夠大個有機會要試下佢個大蛋糕同蛋撻仔先得.

食完肥姐，又繼續行，行行吓見到對面馬路就係呢間麵包店，印象中佢係又平又抵又新鮮出爐....行埋去睇吓，見到D $5/3個嘅包脹卜卜，又大個，一D都唔似迷你包，其實我覺得好吸引架，但係食咗麵包我仲使食其他嘢嘅?所以就買咗$5/2個嘅燒餅，一個紅豆味一個奶皇味，其實如果熱辣辣出爐嘅燒位餅真係好正架，但係可能已經出爐一段時間，所以凍咗，個邊有D硬，而且"chi"牙呢，不過味道本身係唔錯架，紅豆味我無試呀(佢一個人食晒，問都無問我食唔食囉)，奶皇饀不過甜，good！都係果句，如果係新鮮出爐一定好食好多！

熱辣辣麵包吃不到....唯有選擇原味雞蛋糕, $7, 真的好大好大個, 味道不太甜, 但質感略為粗糙, 一次也實在吃不完, 希望有機會可試到新鮮出爐麵包吧!

呢間野好鬼近我屋企，所以都幾經常幫襯今日全日無落過街，就叫媽咪係呢度買左 3 個包俾我做午餐$ 5 就有 3 個真係好鬼抵，又多選擇!最後我要左:雞尾包"勁多餡，個包又軟熟，所以好鍾意食紅豆包"佢D餡真係一D都唔吝嗇，不過紅豆呢個我嫌佢好似甜左少少個紅豆蓉淡返D會好D提子包"唔算多提子，但成個包好香好軟好好味。$ 5 就有 3 個，真係非常之抵，不過我今次覺得D包凍左少少下次等佢新鮮出爐先買應該會更加好味!!!

昨晚由醫院出來後, 已經八時多, 肚子有點空空的, 行經明華, 見豆沙燒餅看來不錯, 便買來試試. 拿上手時發覺燒餅是凍的, 心想好吃不到那裡. 吃起來發覺燒餅外皮帶點脆, 但不算煙韌, 豆沙也算多, 吃起來比想像中的好, 邊行邊吃, 轉眼已經吃完.雖然豆沙燒餅味道不俗, 但與奇趣的相比, 還是差一點點.

在添好運吃了很多的點心後，意猶未盡，走了一段路後見到有中式的包點，又要嚷着要吃，真的是不肥才怪呢。由於也真的是挺飽了，所以也只小試牛刀，只點了香蕉糕、豆沙燒餅及奶黃燒餅。香蕉糕五元三條，一嗅之下，已是聞到很強勁的香蕉味，是香蕉油作怪呢，而咬下一口，也不是太煙韌，但粉也算是搓得軟腍而有咬勁，而吃起來的蕉味也沒有之前的那麼大，但也是好吃的。燒餅薄薄的，咬下一口，卻是很煙韌的，其中那豆沙餡的，餡夠多，且有芝麻在面，很好吃；而那奶黃餡的，餡只有一丁點的，不夠多，也不是太香。吃了五件東西，也只不過是十元，真的是抵到你唔相信。

9/4/2009 (四)一向很少到旺角，只因今天要買波鞋才去旺角波鞋街逛逛。經過此店，看見有很多價錢平的唐餅和麵包，於是買了兩個唐餅($5/2個)來試：豆沙酥：豆沙餡的甜度剛剛好。酥皮「正常」質素。嚤囉酥：起初以為餡料是傳統的冬瓜蓉加椰絲，切開來，驚訝地發現是豆沙蓉。餡料很滿，甜度也是剛剛好。好味！日後有機會，要試試它的麵包（好像是$5/3個，很平～）

其實我經常會去旺角，但就好少行到去花園街近登打士街果邊，上星期日晚收工後要落去攀山中心買野，所以買完野就過去買合桃酥同埋蛋散喇。合桃酥做得又香又脆，係少有的餅店做得出色，而蛋亦都係一樣，夠脆而且又唔太咸，咁多年都依家仍然出色，十分難得。其他麵包款式就未試過買。

尋日試左燒餅(豆沙,奶皇,花生)豆沙燒餅真係好好味 煙煙unun 唔會太甜 豆沙又香又滑 仲有芝麻香! 暖暖地好食!不過奶皇味就唔好食 唔需要試~花生居然咸咸地既? 不過都ok之前覺得奇怪 原味冇餡都有咁多人買既!? 食落發覺真係層皮最好味!

(這應是三個月前的食評)去旺角上堂，見到呢間餅家仔，阿媽又話想食雞仔餅，就買左半磅俾佢試。阿媽平時係極奄尖的人，但佢對呢間老店的雞仔餅讚口不絕，話夠味夠傳統喎。後尾到左中秋，我又去買左幾個月餅，阿媽都話唔錯。老人家鍾意食金腿，講真我唔想佢食哂四個，但逐個買去奇華之流又超貴，響呢隻買剛好，二十幾蚊個，食得兩老好滿意，所費無幾又唔會浪費。下年中秋我都識買月餅囉。

12月12日 晚上7點我咁啱經過,不如買定d麵包,明天做早餐,5蚊3個麵包,又可以唔同配搭,就要雞尾+提子+菠蘿,當雞尾仲係暖暖地,不如食左雞尾先,留2個明早食~~~雞尾 *我3口就食晒lu,裡面既椰絲分佈得好平均,每一啖都有,好好味呀!!!而且好香麵包味,麵包又軟熟........正!第2日,用焗爐焗一焗,都近似新鮮出爐既一半呱,提子 *麵包依然軟身,而且仲有好多提子呀!!菠蘿 *菠蘿皮好香口,加上焗一焗仲好脆口添,4啖食晒lu......正我覺得舊式麵包店既麵包係最食好,夠香夠麵包味,食落口好溫暖~~