明記甜品 (已結業)

先談食物我和男朋友點了 凍芒果西米露 及 熱芋頭紫米露 各一份量很多. 紫米露, 煮得太稀.男友的西米露竟然有芋頭, 是驚喜可惜芋頭在凍甜品好像失去了味道?講到服務態度,這是一次不快的經歷當晚大概是九點幾店中只有三, 四枱客人突然間廚房傳來一堆碗碟跌落地下的響聲其他枱的客人都很關注, 四處張望, 小店內突然變得鴉雀無聲下一秒 店主先生就 破口大罵一連串粗言穢語 劃破了頃刻寂靜只見那位員工低頭不語慢慢收拾 "爛攤子" 面對這場面, 本來跟男朋友高興地吃糖水的興致和氣氛被破壞了在眾多客人面前鬧員工是絕對不應該吧? 這不是好的管理.一句句問候別人母親的說話簡直不堪入耳另外兩個員工只有強顏歡笑地對著我們幾個客人想試著緩和剛才尷尬的氣氛又有一個很年輕的員工只是用背脊挨著牆發呆要揮揮手叫埋單才回過神來收錢 臨走的時候我感到這間店充滿負能量糖水店不應該是充滿暖意, 人情味的嗎?此店不想再去第二次.

同朋友仔食完晚飯，好似有點欠缺咁，朋友仔又極力推介話呢度既綿花冰好味，於是就決定一試。去到唔多人，唔使等位，叫左個芝麻綿花冰，賣相坦白講就麻麻地，不過勝在配料多，又有水果。先試線花冰，入口無滑既感覺，個口感比較似台灣雪片，個人不太喜愛，加埋個顏色，我跟朋友說笑：「覺唔覺得我地好似非洲既人咁﹖」朋友即笑道：「係囉，好似無野食要食樹皮。不過我地比非洲人仲折墮，因為我地俾錢食樹皮」XD 真係笑死我不過點都好食過糖百府，起碼冰既味道都算唔錯之餘，配料都幾好~但係都係鍾情於元朗既綿綿冰，又夠香又夠滑

一直係西灣河明記+durian dessert fans!當然要搵機會黎呢間父子店試食啦~入到去,店內有lcd,可以睇tv..但太逼..好多人..有d嘈..menu上既野都有唔同急不及待order先~榴槤甘露男友依舊order佢至愛但係唔知點解覺得西灣河好似多d咁!但都係一樣咁好味!榴槤凍餅想試下新野..新出左榴槤味喎嗯~初頭佢上黎既時候,我仲以為佢比錯我,點睇都似朱古力味既木糠布丁點知一食落去真係榴槤味喎!入面仲有d榴槤肉粒,所以食落好香!!喜歡吃凍餅/木糠布丁的朋友不要錯過喔!其實天后同西灣河都唔係咁就腳,所以...去邊間都冇咩所謂..但我覺得都值得入去食~!榴槤凍餅

食完飯之後就去左明記去食甜品!!一向都覺得明記甜品好正, 又平又大碗!!有保證!呢排發覺明記新推出的綿綿冰都好好食!!好香好有口感!!榴槤綿綿冰仲有榴槤肉!!連冰都好香榴槤味!!好濃味!!真係一流!芝麻豆腐味好新,從未o係其他甜品舖試過呢隻味!!好特別,又好香!

食完大餐之後, 女友唔想食風景的芝士餅, 反而想到明記食甜品, 生日梗係要就佢啦一去到, 女友已急不及待叫佢地個朱古力木糠有甸了, 我之前食過佢地個原味的布甸, 覺得味道都幾好, 不過朱古力就覺得有少少苦, 無原味咁好食而且今次的木糠, 雖然我地係叫個硬的, 但可能雪得太硬, 所以好難撬得個布甸開 而且可能雪過籠, 食落的口感係比較鞋身, 有啲似蛋糕咁, 無咁好食好彩女友無唔開心, 不過下次再食, 要叫番軟有甸比較穩陣!

去到清風街一帶找甜品食, 云云甜品店最後同fd 決定落腳明記甜品我同fd一人食一個心太軟, 大家都對呢味甜品十分鍾意, 不過我覺得好食, 佢就覺得一般! 我覺得呢個心太軟好食係因為d朱古力味道好正, 雖然佢地用的朱古力唔係好高級的, 但係牛奶味好夠, 而且仲做得好"流", 即係好似流沙咁, 一更一更畢入口再慢慢dap, 好享受的fd 唔滿意係因為個蛋糕比較粗糙, 口感比較鞋, 我就無咩所謂, 最緊要朱古力味唔苦就ok, 球雲呢拿雪糕都好或者我的標準比佢低, 但我都會俾個笑面佢

星期六晚飯過後的甜品係明記的朱古力木糠布丁這間甜品店都很受歡迎吖, 我十點入去坐, 不單全場坐滿, 仲不時有人拉門入內等位木糠有丁的硬度幾強, 用匙更係很吃力的去畢, 不過味道不錯放入口的時候係很硬同很凍, 含住一分鐘, 漸漸的讓有丁溶化, 過程讓我的舌頭享受雲呢拿的甜味, 幾正~店員講原來仲有軟的, 下次一定要試試

路過附近，到訪明記想吃碗糖水叫了椰汁紫米露、芝麻糊椰汁紫米露︰幾好、唔會太甜，紫米又唔會煲得過腍，都有得咬下；如果無咁杰，稀返少少多d椰汁味會仲好芝麻糊︰幾杰、唔算太甜，芝麻味較濃；芝麻磨得夠滑，因此口感幾好兩碗糖水都唔算太甜，如果唔太鐘意吃甜的朋友應該會幾岩口胃我自己就較喜歡吃甜，因此我對明記糖水的評價，只是中上水平純粹題外話︰我見餐牌上，也有出售現時幾流行的雪花冰一碗單味的雪花冰，要賣成三十五大洋相比「糖仁街」、「糖佰府」較馳名的雪花冰，也只是賣三十六元，明記賣得會否貴了點呢？

7月31日（星期五）晚，吃完晚飯後，甜魔女友當然要去吃甜品，就過去對面街的「明記」。這裡的選擇很多，感覺上比西灣河的還要多。是晚女友叫了碗木瓜雪耳糖水，而我見到這裡有心太軟，就來一客試試！木瓜雪耳糖水：材料十足，有很多的木瓜、雪耳和南北杏，甜度適中，味道不錯，清淡健康之選；朱古力心太軟：落單時哥哥仔已叮囑要等十五分鐘已上，已知是即叫即製。外層朱古力蛋糕鬆軟且味道濃郁，內裡的朱古力更洶涌而出，朱古力味同樣濃厚。突然，我喜歡將少許雪糕伴著朱古力蛋糕來吃，口腔內一冷一熱，滿足了味覺上的感覺！這裡的地方頗狹窄，我們吃完甜品之時人客亦開始多了，我們惟有趕快埋單離開。

同朋友係維園泳池游完水, 哈哈!唔知係唔係游得耐, 特別渴同肚餓不過估唔到會比朋友拉左去食糖水!未入去之前見到窗口貼滿哂明星相, 再抬頭望一望明記甜品, 好像沒怎麼聽過...一坐低就緊係睇下有咩野食先啦, 哈! 估唔到除左甜品之外仲有小食拿手即時叫左個XO醬蘿蔔糕先同蜜瓜西米露先!首先上枱既係蜜瓜西米露, 同平時食開既西米露有少少唔同,呢到既西米露係用榔汁底做成, 加上蜜瓜, 唔知係唔係蜜瓜夠甜,加上加凍既西米露, 真係好食到爆呀!而個XO醬蘿蔔糕呢, 感覺上同出面的沒甚麼分別不過呢個XO醬的味道還不錯, 嘿嘿最後啦! 同朋友再叫多個心太軟Share黎食! 等左差唔多三個字, 終於黎啦!第一個感覺係外觀上沒甚麼特別, 只是一個朱古力蛋糕加一球雪糕一放上枱就見到那些朱古力慢慢地由蛋糕流出, 果然係心太軟呢! 嘿嘿味道方面呢, 雖然同大酒店的沒得比之外, 其實是還不錯啦 (這就叫做一分錢一分貨吧)最貼心既就係, 唔駛我地出聲都竟然有人比杯水我地呀! 食完就好滿足(肚子)咁走, 下次如果再黎開呢頭, 我都會再黎幫親下!

dinner完，無意經過這間甜品店，出面係威係勢咁擺出多張明星相，即使不好吃也不會太差吧，咁就入左去喇。朋友叫了桂花糕，我試了一口，中下水平。。。我只可以叫它做＂帶少少桂花香的大菜糕＂。。。我朋友整的桂花糕好食好多我就要了一個心太軟，細細舊＄３０仲要等４個字！（好食就話啫）令人最失望的是由外到內都係lum bei bei ！　我頂！下面的朋友說毫無層次，真的太厚道喇！這個心太軟簡直是一個弄濕了的普通朱古力蛋糕，就如大家吃一口朱古力蛋糕但不咀嚼，含著直至口水滲透蛋糕的那種口感。比我整的心太軟失敗品更難食！（自信心大增！）隔離的雪糕球細到一口吃下也填不滿我的口（i'm girl）第一次在openrice打食評，令我踏出第一步的竟是這間店給我的怒火，整整一個月也不能忘記，真的想上來告訴大家和訴一訴。我吃東西的要求真的不算高，順帶一提，整甜品也很水皮，但＄３０在一間門口貼滿明星相的店子吃這種垃圾你說火不火大？！

有日同女友係CB漫步行到黎呢到天后.見個口乾乾地就諗住食下甜品.有幾間.但都係簡返之前食過既明記.因為上次食過佢地(什果雙珠小丸子?)唔係好記得個名.食過番尋味.所以再黎.!去到1個人都冇.可能4.5點冇咩人.我諗都唔洗諗我就決定左.但女友就簡左好耐..最後佢要左個椰汁紅豆涼粉.我就要多個XO醬蘿蔔糕.咁好期待呀.黎左女友個椰汁紅豆涼粉.我倆都有D失望.原來係紅豆沙+涼粉+小小小小小椰汁我地都以為係1粒粒紅豆+涼粉+椰汁食落去個味我覺得怪怪.唔係好配到D涼粉.我見女友好似食到好慘.要食哂D涼粉先食D紅豆沙比我再叫我寧願叩1碗正常既紅豆沙...之後就黎個XO醬蘿蔔糕.味道幾好.不過對我黎講辣左小小因為我唔食辣.最後就係我好期待既什果雙珠小丸子.比女友試下先啦.點知食左淡佢話.咁淡既.我唔信啦.我自己食左淡..真係冇咩既.甜都唔甜.成碗食哂我淨係覺得最甜係個芒果.點解會差左咁多架?我之前食好好味架.唯有下次試佢其他甜品啦.....

天后一帶甜品舖林立, 已經成為我地一班朋友想食甜品時候, 第一時間想起的目的地了今次去食明記, 我自己食的蜜瓜西米露都唔錯, 榔汁底的, 甜度合適, 同行的朋友就食招牌的木糠布甸,要軟的 味道都ok, 聽佢講口感唔錯額外叫一碟鹵水腎食, 超爽, 鍾意落左芝麻, 野味, 不過都幾多味精, 食完超口渴, 唯一要彈的地方!!!

我一向都好喜歡品嚐甜品及奶茶，如果杯奶茶或個甜品做得好，就好容易留住我的腳步，甚至好似有心癮咁，唔去唔安樂...就好似明記咁，自從住在天后附近後，就開始來明記，而且越去越密，因為我食過它的甜品，就會以佢作基準，來比較其他甜品的好與壞，因為它的出品，一般情況下也永無失手，尤其我的最愛-芝麻糊豆腐花，簡直食到上癮，如有機會經過，總會ORDER外賣回家...因為它唔會太甜，又有香滑質感、豆味又重，值得推介，其實很難用言語形容，你食過有比較，那份感覺實在D！不過，在我品嚐過的豆腐花中，我記我有一間在大澳的小店(唔記得個名)做出的豆腐花，那份豆味比起明記有過之而無不及，有機會都會再長途跋涉入去品嚐，當然市區的甜品中，明記也是不錯了。而且經常幫襯，食到與老板都有兩句，所以萬一當晚老板知道偶有失準，怕食慣的熟客一食便分出差別，令人失望，都會叫你ORDER另外一種甜品，咁有HEART的老板，當然食物水準有保證啦！最後，也會推介它的心太軟，味道也不錯。

飯後來個甜品, 心情會更好! 這是我的格言, 所以我好多時食晚飯都會留少少肚來吃甜品今次的甜品是清風街的明記, 記得佢最耍家都係個木糠布丁, 但係我對這個牛奶味布丁的興趣只係一般, 反而比較喜歡食朱古力味的甜品, 不過今次唔想食朱古力木糠, 改為食心太軟此店的心太軟比較簡單, 一件心太軟朱古力配一球雪糕, 無其他花臣, 都好, 因為搞得多野唔好食都無用, 將心機放哂落主力度仲好, 個心太軟味道不俗, 蛋糕外殼的朱古力味濃郁, 加上流出來的朱古力夠念, 夠杰, 有種甜到入心的感覺, 不過又真係有甜過頭的感覺, 抵讚係每人有一杯水送, 所以即使甜過頭, 都唔怕口渴味道其實唔錯, 甜品都幾有心機做, 得閒都會嚟食