明記甜品 (已結業)

呢間甜品店好吸引，次次都係排長龍。如果太多人想有個空間靜靜地傾下計可以問職員可唔可以上樓上食，樓上係一個唔錯嘅小空間，可以容納到10-20個人左右，仲可以搧埋到門大聲傾計。好鍾意呢間店個榴槤甜品，榴槤味濃，而且好香滑。仲有朱古力心太軟好味呀，唔會太過甜。必嚐！不過呢間店無賣椰子燉蛋，希望快D新增多D中式甜品啦

明記係一大班人re u 呀，玩完食宵夜既重要地點!以前西灣河個邊係食多，估唔到筲箕灣都開左間!相比起，筲箕灣呢間好似走high class d 既路線?西灣河一年四季都有綿綿冰食，生果西米露涼粉又大大碗咁，但入到筲箕灣呢間見到隔離全部份量都係偏細。發現見到有waffle嗌，張相又幾靚，終於就叫左兩份!黎到的確好靚呀！紫薯個個有好多珍珠好搞笑😂但食落紫薯味唔太濃。朱古力個款連個waffle都朱古力味，相對好味過紫薯味。但最後太飽冇食個威化筒，半份已經好夠!

明明鋪面無咩客 但落單都要等 我意思係等佢砌貨 (落完單 製作過程 再慢慢執都得啦)當然又少不了上錯食物啦 衛生方面 最不堪入目係將來貨膠箱放於餐桌 (有客就放於地 無客又放回枱)

今日放假，趁住囡囡去補習社開派對的時候，我同老婆去行街過二人世界，行到東大街見到明記甜品原來係呢度都有分店，於是入去坐低。間鋪唔算大，但係好似好多明星都有嚟食過。我叫咗一個芒果西米露，食物好冰涼，芒果好香。老婆就叫咗個招牌榴槤西米露，佢話啲榴槤真係好香好正。

第一次打食評Because of the first time , really didn’t know that have to write 200 words for the 笑哈哈平時好日唔食一次甜品見格泥好滿曬人就入左呢間得一枱既比個menu 既傳統紅豆冰呢幾個字吸引左所以叫左個健康d既傳統紅豆冰加芝麻糊我未見過一碗咁水既紅豆沙當我好奇問下個哥哥仔既時候佢話：係嫁係咁水嫁我相信碗野入面大約有30粒紅豆左右 食左兩啖我決定走人多謝

早晚秋風送爽， 但日間仍然有30度。由於工作要走嚟走去，所以就行到邊食到邊， 在朋友口中得知，東大街來了一間新甜品店，仲提醒，一定要試下桑寄生蛋茶，適逢又在附近工作，攻略就係吃掃街後，留番個肚， 重點係食明記甜品！😋😋😋筲箕灣〈〈明記甜品〉〉裝修簡單舒服風， 最啱三五知己相聚🤗榴槤味嘅甜品選擇多🍨傳統中式甜品🤤👍西式甜品🤤👍睇見餐牌咁多選擇未食先開心😍先來，生磨蛋白杏仁茶， 唔會好甜，令你食到杏仁香味😉🤤芒果涼粉， 芒果十分夠分量，正！最愛芒果 😋😋😋食芒果涼粉時，有一個小插曲，店員好細心，問夠唔夠花奶，所以見到啲花奶係滿滿的， 呢份細心值得一讚👍👍👏👏👏💚朱古力心太軟配雪糕， 暖暖朱古力凍雪糕， 加埋鬆軟蛋糕， 入口溶化， 口感不錯！ yummy！😎🤤最後仲買咗個芒果撈珠外賣，返去做彩蛋， 雖然雪咗一晚先吃，但係都無冷場，撈珠 食起嚟好有層次感😃🤤總括而言，係一間四季都有好選擇嘅糖水舖！🤤😋😋😋👍👍👍👏👏👏😍😍😍

這天和朋友難得來到東大街吃宵夜，東大街的甜品愈來愈少，朋友告訴我原來明記開了一間新式甜品才知道它原來跟明記糖水吃的不同。裝修十分典雅，雖然店舖位置有限。沒想到心太軟也有三個款式，令人心大心細，每款都看似十分吸引。榴槤愛好者來到這裡，會有很多選擇，組合配搭特別。我們點了一個凍豆腐花淺嘗，很香滑，糖也很幼細，表面的糖不會太多而令到豆腐花味道太甜。另外，點了半份朱古力窩夫，賣相值得加分，配料很足夠，有片片的香蕉。朱古力窩夫外脆內軟，朱古力味香濃而自然，滿滿的朱古力醬令人的口水都紛紛欲滴。至於心太軟，由於紫薯心太軟比較少見，於是我們點了一客來嘗嘗。那球雲呢拿雪糕像一個白白的雪球，配料的設計也十分有心思，小丸子和珍珠黑白互相配襯，更顯出雲呢拿雪糕的雪白，味道香滑。心太軟的流心是紫薯制成的，味道比較濃和香甜，與雲呢拿雪糕形成一個很大的對比，和而不同。三款甜品裡，我還是最欣賞朱古力窩夫，因為雖然只有半份，也相當足料，而且味道不會太甜，會再來一試其他味道的窩夫。

抹茶窩夫$78半份，窩夫係即叫即整，到枱時仲外脆內軟，配抹茶果凍，紅荳蓉同埋抹茶雪糕，抹茶雪糕有點像哈根大師， 整體都很不錯。榴槤甘露$43用嘅唔係榴槤容，係用新鮮榴槤肉。食起上黎好有口感😋😋 筲箕灣東大街42-52號金來大廈地下E號舖

聽講明記終於進駐左東大街啦，咁啱係附近食完晚飯就黎食一食甜品傾多一陣啦！芒果蛋白所謂既蛋白其實係白布丁，加上芒果醬。加埋啲配料口覺都幾豐富。蛋白杏仁茶蛋白杏仁荼比出面既杏仁茶多左陣蛋味。焦糖燉蛋焦糖面有啲厚，鐘意食硬身啲既朋友就啱哂喇，而燉蛋就偏甜左少少，濃味控就啱哂你啦。榴槤河粉榴槤配上河粉既配合都幾新鮮，好少係出面食到火龍果汁就咁睇都見到佢用左好多火龍果入去，絕對唔係大量溝水之作。香蕉鮮奶奶味同香蕉味都好濃

同朋友係附近食完嘢，想繼續吹水梗係要去食個甜品慢慢傾啦附近都有唔少糖水舖，不過見呢間幾新正就入咗呢間，而且中西式甜品都有！自己叫咗個芒果蛋白($42)，個蛋白其實係white pudding嚟，勁大一個，配埋芒果食都好夾以下係朋友叫嘅甜品，杏仁茶($30)榴連河粉($47)焦糖燉蛋($45)，呢個試咗啖，個焦糖面都幾厚，連埋燉蛋個part食好有口感見價錢唔貴，我地再叫咗兩個飲品share，火龍果汁($28)同埋香蕉鮮奶($32)

上星期六同朋友嚟東大街食潮州粉麵，離開時發現對面開咗間「明記甜品」。聽朋友講，「明記」喺西灣河已經經營咗近十幾年，係街坊名店，有好多明星幫襯，而近年分店越開越多，除咗西灣河舊舖外，仲有分店喺銅鑼灣、天后、荃灣同筲箕灣。不過由於嗰晚實在太飽，食唔落甜品，所以過門而不入，趁今日要去東區覆診，就一於拉埋朋友再闖東大街。到埗後拉開趟門而入，店內地方不大，用餐區以白色同淺木色為主，椅桌擺放得整齊企理，牆身掛滿大大幅甜品相片，未嘗味道已能先賭為快，令人胃口大開。安坐後再細看四周，裝潢簡約摩登，明顯走年輕人路線。翻開餐牌，甜品多達數十款，選項甚豐，傳統與新派兼備。除了有不少中式糖水，例如生磨合桃糊、蛋白杏仁茶、芝麻紅豆沙等等之外，還有芒果系列、特色窩夫、榴槤系列、新鮮果盤同一系列適合後生仔的甜品，如心太軟、梳乎厘、烤棉花糖燉蛋等，最啱想要多選擇的朋友。雖然天氣仍然熱辣辣，不過其實上個月已經立咗秋，踏入初秋，脾胃和皮膚都開始乾燥，需要滋潤下，所以先來一客生磨合桃糊 ($34/熱)  補一補。合桃糊上桌時仍冒著熱煙，舀起一匙入口，質地不太稠，味道香濃幼滑，而且甜度適中，不過如果入面再混入一些合桃顆粒的話

明記甜品舖頭又開了新分店，今次係係最多野食的筲箕灣東大街！以後開完餐可以行過兩步即刻有下場了！入去就見到舖頭裝修比較行小優雅平實風，所以供應的食品有女生最愛的窩夫，心太軟，也有大眾口味的水果涼粉和傳統的中式糖水等。看到宣傳品上的杏仁茶是美國杏仁，有別於一般中式糖水，又想試試推介的合桃露，我個就點了一碗合桃杏仁茶。另外有港女同伴就要了半份綠茶窩夫和一份梳乎厘。最先送到的竟然是窩夫！半份也有四片窩夫，另外有倒轉的甜筒窩夫，插在綠茶雪糕上，旁邊有紅豆和綠茶寒天。超脆的窩夫，內面濕潤，口感一流！不會過甜，帶淡淡的綠茶香，温暖的一份窩夫。寒天不夠綠茶味呢。紅豆是粒粒的，以為會打成蓉呢，比窩夫甜多，但和同樣較甜的綠茶雪糕同吃就很配了。到我的合桃杏仁露了合桃露超厚身，每一口都像在吃合桃醬。相反，杏仁露就稀得多，很甜的，和合桃露同食兩者的質地就平衡了。最後是梳乎厘超富蛋香的梳乎厘空氣感十足。頭一下還以為在吃蛋泡呢！最喜歡焗得焦糖啡色的表面，蛋味最重。𥺦着碗邊的最甜，糖都結焦了。明記甜品的出品總是一個保證，窩夫更是驚喜，推介窩夫窩夫窩夫！

今晚搵到住附近的朋友去飲野吹水之前淨係識約去西灣河明記，原來筲箕灣都有明記，仲要喺東大街！超方便呢。呢間明記比西灣河走的風格同路線都唔同，連放menu個架都靚d! 有多款糖水及精美甜品供應。真係好吸引，流晒口水啦。平日夜晚黎，都差唔多坐滿，證明甜品係有一定市場。裝修都唔錯呢。我叫左個生磨蛋白杏仁茶好香口，入面蛋香夠多，好滑，唔會太甜。朋友叫左個招牌生磨芝麻糊再追加湯丸朋友話招牌野，梗係要試，仲話一定唔會伏又啱wor2碗都好正又暖胃最後梗係加多個甜品啦💓我地叫左個紫薯窩夫窩夫同個cone都好脆！窩夫做到外脆內軟感覺，厚厚的紫薯蓉好像雪糕球，賣相靚！ 另外亦配一球有云尼拿雪糕。另外，小丸子好彈牙又有口感。我地埋單時已經有人排隊，真係好生意啦！得閒會再黎。

今天晚餐本來想去筲箕灣東大街歎一歎久違的牛腩麵店，卻忘記了營業時間。幸好發現新開張的明記，先來一份甜品吧。聽說這家店連鎖經營，筲箕灣的店剛開業，裝修還算舒適，好像光顧咖啡店一樣。看過餐牌後，好像很多東西也很吸引。對於我這個甜點控來說，真的心花怒放。傳統的香港甜品楊枝甘露，很多甜品店也可以吃得到，不過很多時候由於選材問題，有時候芒果太酸，有時候柚子太苦。這家店的不單材料十足，而且芒果香甜，柚子清香不苦澀。Prefect!薑汁湯圓是其中一種我個人常吃的甜點，看似簡單，要做得好，薑汁要濃，加上適量的糖，才可以香得來不辣。湯圓皮要薄但不失口感，內涵要豐富，才吃得滿上。看看我吃的這一碗，便知道以上所提的全中。最後來半份紫薯窩夫，紫薯香默默的藏於窩夫內，配以雪糕和丸子，口感有趣得來，吃起來滿口紫薯香。人們說甜點可以使人開心，吃吃這份窩夫，便知不假。僅僅是甜品，已經不經不覺填飽肚子，而且是開開心心的晚餐，很爽。

星期六到筲箕灣閑逛，剛好走到東大街發現明記甜品在此開一新舖，於是馬上食個下午茶。新式及傅統甜品任君選擇，價錢適中。招牌生磨芝麻糊食芝麻糊從來只可以吃生磨的，市面上開粉的根本不能入口。 芝麻糊味道濃郁，質感稠密但口感依然滑溜，做到「掛碗」。榴槤西米露一飲甘洌透涼，甜蜜緊隨其後，榴槤香濃美味，西米晶瑩剔透，香滑與嚼勁兩者兼得，兩者相得益彰。朱古力窩夫朱古力味濃郁的窩夫，即叫即製，新鮮熱辣，外層香脆，內裡鬆軟，配撘透心涼的雪糕，簡直一流。