明記甜品 (西灣河街)

营业中

休息中

入夜後的西灣河依然熱力逼人，於是到明記甜品避避暑，吃碗透心涼的甜品。西灣河有多間糖水舖，始終偏愛在西灣河內街自成一角的明記甜品，環境舒適。冰凍的蘆薈喳咋黑糯米帶來消暑效果，味道都好有驚喜。喳咋應有的椰香夾雜淡淡米香，黑糯米增加了喳咋綿密的口感，同時配搭爽口的蘆薈，口感過癮。雜果西米露是一款穩陣的糖水。明記的西米露都發揮穩定的水準，一般的西瓜、蜜瓜、哈密瓜和火龍果都有齊，香蕉和珍珠是較不常見的配搭。不過西米露明顯下多了水，沖淡了椰汁的味道。明記甜品在西灣河屹立多年，傳統港式糖水有一定的保證。下次會再試店內其他的特式甜品。

剛剛係附近食完晚餐， 如果吃多碗糖水就完滿，行一個街口就到，時間還早， 沒有很多客， 例牌跟阿嫂同樣叫碗楊枝甘露外賣， 明知呢碗嘢唔少卡路里， 但真係抗拒唔到, 對上一次食時的柚子有點苦苦， 芒果亦一般，可能不合時，又或者剛剛嗰柚壞了， 今次就好好了， 芒果亦很甜，材料亦很多， 很多芒果同柚子粒。最近他在銅鑼灣開了分店，就在時代廣場後街， 很多人去的甜品店對面，哈哈跟別人打對台，聽阿嫂講， 價錢比這裡貴， 那我當然下次都會來這分店喇。

我同朋友一人叫左一個左面係芋圓紅豆配豆腐花右邊係意大利芝士凍餅呢碗豆腐花個人覺得一般般 同出面食到既差不多😌😌 芋圓都係好Q彈 幾好味 但未置於話係超好味 只能說一般的水準😛😛因為個人來說 對芋圓有一種執著 要Q得來又要有蕃薯/芋頭香味才叫好 可能依家坊間好多芋圓都唔係自己新鮮咁用原材料整 所以都沒有一些一食就覺得好好味 要再食的感覺了～另外呢個Tiramisu就真係唔錯啦😍😍😍好有咖啡香 質感又滑又smooth一口一口的接著食 停唔到😂😂😂我同朋友都特別中意食佢面頭既oreo碎餅 為整個cake增加左層次同味道☺️☺️☺️好想再食一次呀💕💕💕👍🏻👍🏻👍🏻

原本除夕晚特登由北角搭車黎食梳乎厘點知當晚太多客人所有特色焗製甜品都做不切但老闆叫我地明天(一月一曰）再黎一定有，所以下定決心今晚再來食，但當我們下單侍應就話太多人做不切暫停供應😞當我非常失望準備離開🙊老闆突然話我整比你我唔想你梨2日都失望而回，我私人焗一個俾你地😁😍最後來了一個好大好鬆軟金黃色勁香蛋味既梳乎厘介！真是我食個最好味甜品，男友就叫左個焗棉花糖燉蛋，上層係好香甜既棉花糖（好似bbq果d），下層𣲙涼燉蛋！出奇地夾左👍🏻👍🏻👍🏻

其實黎過明記好多次老實說味道唔係特別出色 只係好多時係太安樓掃完街就會想黎食個糖水做ending😂10次有9次黎都係食芒果小丸子（$43）除左個雪糕唔太出色之外 個芒果沙冰底同的丸子都幾好食 今次轉轉新意思食芒果撈珠（$40）我覺得芒果撈珠無芒果小丸子禁好食同埋唔係好夠凍禁食落去無芒果小丸子禁有滿足感因為小丸子係成個底都係芒果沙冰而撈珠係糖水為主下次都係照舊🤗

8月1號本來諗住去舊店明記糖水，不過冇開，咪去左呢間明記甜品，但原來係唔同老闆既，不過一場黎到未坐低試吓囉！朋友叫左西米露，我叫左喳咋，朋友食咗一口西米露已經話甜到不得了，而我碗喳咋完全冇味，同店員講佢仲話加啲糖水比我，我當然立即拒絕，轉左一碗綠豆沙！我仲叫店員自己立即去試下西米露有幾甜！一句講晒，咁簡單既甜品都做唔好，我唔會再去！

晚飯過後踏進小店已發現差不多全院滿座，還好餘下兩個座位，LUCKY~!!!甜品選擇不少，有生果加雪糕之類，亦有傳統中式糖水~男朋友點的芒果小丸子份量很充足，芒果夠甜，而且小丸子很有口感合桃糊+芝麻糊合桃糊的味道有點淡，不夠濃稠，如果單點的話可能真的會不夠味還好加了芝麻糊這個救星，芝麻糊就濃郁很多兩種糖水加起來就剛剛好了!不過以西灣河地區來說，價錢也真的不便宜~~

天氣轉冷，有D乾燥，冬冬地最好食碗甜品。同一條街有4間同名甜品鋪，呢間寫明只此一間，仲登埋電視訪問相片。先來一碗合桃糊，師傅即叫即磨，要稍為耐心等下，熱辣辣端出來的合桃糊，碗邊都冇抹，証明新鮮整起就直接倒出來，吾係用微波爐叮熱那些超市貨，合桃糊濃度剛好，食落有份量好滿足，而旦少甜，食落健康D。朋友叫了杏仁旦白茶，我試了兩口，真材實料，旦白凝結與杏仁茶配合得宜，杏仁新鮮磨起，食落口腔充滿杏仁味，感覺滋潤。見到人地個芒果芝士餅成個湯碗咁大，而且好多芒果肉，都吾洗$3O，下次要試下。

 店名：明記甜品地址：西灣河西灣河街138號好味指數：8／10價錢：$42香芒小丸子芒果沙冰配上新鮮芒果和小丸子，再加入一球雲呢嗱雪糕，口感清新。沙沙打得幼滑，芒果味重，小丸孑爽滑煙韌，配合沙冰吃一流。 

食完飯朋友話想去食甜品.就去左明記。$38 原個西瓜.9月食呢個西瓜都仲幾甜.老闆將整個西瓜內的肉搞成汁,再將整個西瓜送到枱上,西瓜汁內並沒有加糖,每口都是啖啖西瓜肉及西瓜清香的汁,非常出色!!!最難得是..竟然9月了..都能夠吃到香甜西瓜,真的有福喔!!!!我自己一個人飲,飲完整個都抱住個肚走呢.又有西瓜汁飲又有肉食.都幾抵玩,只但係唔夠冰凍.凍D會更正.下午10時多,我們4位去吃就不用等位。

特如其來的甜品8號風球的關係，另到我們可以賺多幾粒鐘，提早放工。但店舖早收，確實去的地方不多。所以送女朋友返屋企前，我們選擇到附近的甜品店食個甜品，傾下計，消磨下時間。可能太早的關係，數間甜品店，只見”明記甜品” 這間有開，所以就試下佢啦。店鋪雖小，個甜品種類繁多，睇埋牆上的甜品相片，確實難以選擇。我們點選了2樣甜品1. 芒果凍餅(件) $32食落去感覺似食雪糕的，但粉粉地，消暑一流，凍餅內外都有芒果，味度很好，又不會太甜。份量很多，以呢個價錢黎說，確實吸引。2. 法式西多士配雪糕 $50相信西多士只是一個名稱，有別於茶餐廳既西多士啊！法式麫包加上蜜糖一齊烘，麫包林林地，甜甜地，味道不算差，就是麫包加蜜糖的味道^^。好想食茶餐廳既西多士啊。不論價錢、份量、味道，”明記甜品” 都算是一個不錯的選擇。

睇完戲個fd話唔想咁快散，所以就一齊去左西灣河明記食糖水。之前食過幾次已經覺得好好味，今次再去我繼續嗌翻平時食開既芒果小丸子，呢個甜品可以加雪糕，但嗰日唔想食所以就無加，依然咁好食，小丸子好多，芒果好新鮮，唯獨可以再涷啲！而朋友就叫左雜果涼粉，呢個都係明記比較出名既糖水黎架，最後仲嗌左糖不甩，唔係好甜，岩岩好。

明記晌西灣河都好出名吓，今次係一個住西灣河長輩(李姨姨)帶我去試，因為食咗晏先過哩食，所以真係只係當食甜品呢間甜品店有成幾十款糖水，眼花撩亂，新派又有，傳統又有，近輪潮流興嘅佢都有，小食、拉麵、烏冬亦都有! 總之乜都有!我揀咗鮮雜果河粉Ｄ「河粉」鋪滿成個碗面，而且Ｄ「河粉」又白雪雪又好滑口，撥開下面有好多生果（西瓜、哈蜜瓜、蜜瓜、芒果、香蕉同黑珍珠），Ｄ生果都幾甜，好好味不过 D 服務態度就真係認真麻麻，有 D 粗聲粗氣，希望改下啦

忽然想食甜品，打開openrice 睇下有咩好介紹，睇左d食評後就決定去這一間－明記甜品，地方乾淨，坐位都ok，今次點了個蘋果金寶配雪糕，等了20分鐘卒之都來到，放上枱已經聞到濃濃的蘋果香，熱辣辣的蘋果肉，配上凍冰冰的雲呢拿雪糕，這種感覺真是太幸福了。同老闆娘閒談間得知，別店經常說是他們分店，其實都是抄襲他們的。他得知我會到openrice 寫食評，立刻拜託我一定要告知大家他們暫時沒有任何分店哦！

細個住西灣河, 成日放學去食明記, 個陣D款都無而家咁多, 得傳統既糖水, 而家明記都唔同左, 可能競爭大左, 而家連綿綿冰都有賣! 不過黎到明記我始終鐘情傳統糖水!而我每次黎親明記都係食呢款糖水: 芒果涼粉加芒果汁加珍珠, 一上枱感覺係超大碗, 芒果新鮮多汁唔酸, 加埋芒果汁係真係無得輸, 而且涼粉底都係傳統片糖底, 呢D就係兒時回憶, 真係唔知可以食多幾多年!!每一次黎食都令我感覺年輕灑!!多謝明記!!