明記甜品 (西灣河街)

营业中

休息中

好少咁有火要走上嚟俾劣評！但真係唔掂！本身唔係住西灣河，但嚟開呢區食晚飯，諗住想揾甜品食，見呢間咁多好評，無死啦！點知... 叫咗一個芝麻糊+合桃糊 同齋合桃糊，難食到難以形容，食完都唔知係乜！合桃味同芝麻味完全係零！開粉都算，開粉應該都有味㗎？芒果小丸子，得個甜字！芋頭西米布甸，呢個真心地覺得好食！但整體要$108食呢幾樣嘢，唔會有下次，都唔會建議其他人！

晚餐過後，仲有D想食野~~決定就去左明記甜品，試一試~~叫左兩個甜品，1. 木瓜燉雪耳,份量;3幾足。木瓜算多，甜味適中。雪耳爽口。2.紅豆沙加湯圓都算OK，但冇同糖水MAX得好。價錢問題，20蚊左右既糖水，真系算唔錯唔錯LA XD 

難得跟長輩們吃完頓中式晚飯後，再到附近找甜品吃！同行的姑姐推介明記，明記在同一條街有幾間分店，我們去的這間最大，據說是由小店慢慢擴張到這間較大的分店。去到時正值宵夜時間，裡面已坐滿，幸好今天天氣不算冷，坐外面有時也是不錯的選擇。我們都點了舊式糖水，來個懷舊之夜。我選了桑寄生蓮子蛋茶（熱）＄２１。自出生以來，第一次吃這款舊式糖水，其實是因為同行的嫲嫲和爸爸都點了，聽說很補，好奇之下我也點了。原來桑寄生蓮子蛋茶是藥膳糖水，性質溫和，集合多種藥材，適合長者及孕婦食用（雖然我兩者皆不是）。桑寄生蓮子蛋茶的顏色確實與平時吃的中藥十分相似，不過因為加入了蓮子和糖的關係，沒有藥材的苦澀味，而且對我來說太甜了。同行還點了銀杏腐竹雞蛋（熱）＄２０。姑姐十分喜歡這裡的腐竹糖水，應該不錯吧。也點了芝麻糊＄２３。最後妹妹點了北海道鮮奶燉蛋白（熱）＄２６。據說初時口感頗嫩滑，但越吃越甜，所以最後吃不完，有點可惜。整體來說，舊式糖水的水準一般，而且定價也不便宜。不過店主和店員們態度親切，默默工作，感覺是用心經營的小店，而且見餐單上還有不少新式糖水的選擇，如果有機會再來跟長輩們試試吧！

十點幾突然想食糖水，於是乎落西灣河明記知佢無咁早收。 雖然新派糖水甜品確實有新意又吸引，間唔中試下都唔錯，但係講真我比較喜歡唔好花巧嘅舊式糖水，比較實在親切啲。 明記新、舊甜品俱備，所以八、九點開始都好多人幫趁堂食或外賣。杧果椰汁西米露 - 呢度嘅西米露冷熱都好食，椰汁夠濃郁而杧果就剛熟透份外香甜，西米細細粒食起上嚟滑滑溜。蕃薯糖水 - 一睇糖水顏色就知落足片糖，薑味剛好，蕃薯金黃色無根又索晒啲片糖同薑味，好好味。

約友人一行4 人食飯後糖水, 因晚飯於西灣河SOHO, 朋友推介,就去西灣河明記一試見到門口推介盆栽甜口, 超可愛. 我地試了芒果和朱古力, 好好味呀. 有支真的無忘我插在花盆上, SO CUTE 超大碗, 合核芝麻露最好味

考完試總免不了想要輕鬆輕鬆，但明日又要一早上課，故只能限於四周出沒！於是有友人提議，到西灣河一游，一致通過！誑完太安樓，手抽兩大袋，偶經明記，頓時心癢難當！明記環境擺設並無特別之處，一如一般糖水舖。不過燈光明亮，大致乾淨清潔。我們四人正好坐在卡位，卡位不算寬敞，但可以接受。四人叫了三款甜品，分別是小妹最愛的芒果木槺凍餅、芒果豆腐花和雜果西米露！既然能作為小妹最愛，此物必有一定水準！甜而不膩，微凍口感在口腔內化開，一字既之曰，正！芒果豆腐花，亦相當不錯。也許是因為小妹對芒果情有獨鍾，故此這香甜的芒果大大取悦了我。至於，雜果西米露，好吃。小妹友人對此讚賞有加，個人很喜歡芋頭和蜜瓜！不得不提，此店的甜品份量相當大，四人吃三個已經很有飽足感！

想食返個飯後甜品~於是黎西灣河做左好多年的明記~我地點了:1)西瓜西米露: 西瓜不太甜…不過份量不少~$20都算抵食~2)芒果西米露: 芒果有D好酸~有D好甜~~好大差異~~不過芒果配西米露好味過西瓜~~難怪要$24~~3)糖不甩: 呢個唔係太好味…..因為溫度只係暖…而且太稔….只係覺得一入口就係一PAT野咁….有待改善!而家好多地方的甜品都愈來愈貴~呢到價錢合理~而且份量十足~~值得一試~!

同友人係太古城食完晚飯就來明記再食糖水每次來此店我必叫涼粉珍珠椰果,這個甜品我必叫係因為此店提供既椰果真係比其他糖水店更多.再加上我本身好喜歡食涼粉,另外加上椰奶又香又滑十分討好, 所以好都好少叫其他糖水.至於友人就叫左個芒果小丸子, 我試左幾啖味道都唔錯, 小丸子好煙韌有嚼口芒果汁做底都同樣香濃果甜.

四月既時候食完到而加先有時間打朝早同男朋友屋企人去佐大尾篤踩單車之後BBQ個個都好飽男朋友仲話想食甜品本身以為冇人會理佢啦點知我喺車度訓到豬咁既樣既時候架車已經泊佐係明記隔離其實我不嬲都唔係好食甜品 所以諗佐好耐先決定食焦糖醬蛋白配雪糕雖然唔鍾意食甜品 但偏愛焦糖既product ( 例如焦糖燉蛋焦糖布甸焦糖雪糕 )整體都幾好味但係略嫌蛋白啖佐啲而且唔值$32 男朋友叫佐個士多啤梨益力多沙冰好酸 個味又好奇怪冇點飲到就打包拎走(因為個個都已經食曬)外賣加$1 但拎到番屋企都係掉落垃圾桶因為真係太難飲而加諗諗下 明明係佢話食甜品 點解佢會叫佐野飲??

因為團購的因由，山長水遠去到西灣河食拉麵，食完拉麵後耳猶未盡繼續揾食，在網上找到一間甜品店，而且食評也不錯，於是慢慢從鯉景灣走過去，就當是飯後散步~經過一橦名為太安樓的地方，裡面原來有很多小食，下次過來可以試一下~沿着地圖顯示去走，不難找到這店， 看了餐牌後有幾樣都想食，因為選擇很多，眼花潦亂，最後選擇了兩個比較特別的甜品，榴槤撈珠（$36）及芒果三色撈麵（$35）。榴槤撈珠有台灣珍珠，爆珠，泰國珍珠，榴槤好香也很腍，有些還溶在糖水中，香味四溢，台灣珍珠煙煙韌韌，泰國珍珠有口感，爆珠很特別也很有趣，外表幾乎和真的珍珠一樣，但咬開會有乳酸流出，整碗榴槤撈珠的味道配合得很好，真的令人流連忘返~芒果三色撈麵用苟蒻做做成麵條形，味道清甜又煙煙韌韌，雲呢嗱雪糕加上鮮芒果肉更加好味，還有星型的椰果粒做陪襯，這碗麵很快就俾我食完了，很滿足喔~如果下次我再來這區的話，我一定會再次光臨這店！

其實都一段時間之前幫襯嫁啦, 襯我依家開左個戶口, 就補返個食評俾佢啦!!其實都已經食過好多次, 由剛開店都出晒夠上晒雜誌, 一直都有間中幫襯一下。價錢都算合理, 因為佢份量真係多! 由其是D涼粉類, 左配右配多選擇到不得了, 而且一大碗!!真係咪話只不過係甜品/宵夜, 唔係好大食的人食一個涼粉, 真係會用"飽"字黎形容!!不過D什果就麻麻地, 因為好多時都唔係全部都好新鮮好靚...不過依點同鋪頭都冇直接關係ge, 始終都係要睇D生果本身同埋係咪當季~~

好耐無黎, 估唔到仲係度, 依間糖水舖唔係係大街, 亦唔係SHOPPING MALL, 而係係後街既角落, 唔識黎唔奇, 唔係街坊既話, 怕且都要有黎開既人帶路先識黎. 不過, 佢D甜品種類多得黎有D特別, 我都算算地鐘意食甜品既, 有D款我都未係其他舖見過, 就只有依度有! (不過都可能係我見識少, 如果有人係其他地方見過既話, 唔該係我個ACCOUNT度留言比我, 話我知.)******************************好可愛好靚既小星星蒟蒻!! 一粒一粒滑又甜~士多啤利味三色撈麵: $35 (~~強烈推介~~)有好多好大粒既士多啤利, 大大個VANILLIA 雪糕球, 3種唔同顏色滑DO DO既"麵" (應該係D LYCHEE味既蒟蒻切成條狀既透明"麵"再加其他"麵"), 仲有好可愛既星星型蒟蒻, 浸著係D甜美既淺粉紅色既士多啤利汁度..真係好甜好滑好好味~******************************多芒果肉既西米撈!芒果西米撈: $24我朋友食既, 所以唔知會唔會有D特別野. 不過, 就咁睇, 已經覺得D芒果肉好多, 應該都幾唔錯.********

食完burger，想食糖水既心癮又起，於是我地去左西灣河間明記，去到冇位，要等。等左一陣就有位。我地叫左綿花冰，多芒小丸子同雜果西米露。so far so good la最好都係個多芒小丸子。其他OK啦始終都係LIKE金滿堂多D食完大家back home)

前日出左街做野, 係西灣河~行到累又見口渴, 想搵D糖水食下~醒起西灣河既明記糖水就去食下~西灣河有2間明記的~坐底左問呀姐有咩推介~佢就介紹左我食芒果木糠凍餅, 咁我就試下啦~芒果木糠凍餅28$ 大大件, 唔貴呀~佢既質感似雪糕架~木康呢就幾香既~個餅呢入面同出面都有芒果肉~出面既就新鮮芒果, 入面就夠晒凍~2種唔同既口味~我食完個餅都飽晒, 因為真係好大件...如果2個人SHARE 就喏啦~@@

今日突然想食糖水..所以叫我正在回家的爸爸順路去買糖水返黎..諗起之前明記D糖水OK...個陣媽媽又話明記出名...所以叫爸爸去明記買...想叫佢買芒果班戟...點知佢同我講...明記話無bo..個陣已經好無奈..諗緊:下..甘食咩好呢..諗黎諗去都諗吾到...跟住明記D人就響到催話要關門..又話咩甘我就話要凍咋喳喇~點知買到返黎...食一啖...哇..完全無味..就連甜味都無!!凍咋喳...好吾掂...