明記麵家

营业中

休息中

整體體驗相當不錯。這裡的餐點價格非常實惠，只需$33，讓人感到性價比高。餐廳的環境簡單舒適，非常適合快餐或小聚。我點的湯偏咸了一點，這是我唯一的小缺點。不過，湯的味道依然不錯，還是能讓人感受到一些鮮香。其他的食物方面，質素沒有讓我失望，無論是食材的新鮮度還是做工都相當不錯，完全沒有讓人可以挑剔的地方。

宵夜好去處莫過於慈雲山明記麵家牛腩有味好食牛筋夠腍基本上所有牛的食品非常有味，能夠帶出牛的口感。特別是最凍的日子坐於門口一路隨着涼風一路進食，潮州粉面，簡直有風味，有才方面只有菜心及生菜供應有少少美中不足但勝在其他配套搭救，特別是價錢便宜又有味，由於附近有多間中小學林立一到午膳或放學時間非常多人特別是午膳基本上要買外賣回學校食。最重要阿叔超態度超好曾經飲品唔夠油，佢都會話我幫你入去加多杯人情味濃，即刻推介。

好食嘅粉麵店係香港買少見少，行過呢區見到入去試吓，無抱好大期望。點知碗麵係勁足料又新鮮，河粉彈牙好味，啲雲吞每隻至少有3-4隻蝦😋。仲有係老細好好人我帶唔夠cash🙈佢唔俾我去撳錢，食咗先，叫我吓次行過再俾 (我食完當然有仆去撳)。下次會試埋其他嘢。

明記係我同男朋友每次想食牛腩麵嘅唯一選擇，因為佢真係我嘅食過最足料價錢又合理又地道嘅粉麵舖🥰今次我哋食嘅係牛腩餛飩米同牛雜河粉🍜牛腩腍滑肥美；餛飩皮薄足餡，裏面嘅蝦鮮甜彈牙。河粉滑，牛雜炆到索晒啲腩汁，好入味，完全唔會有嚼唔爛嘅情況。尤其值得一讚嘅係佢哋嘅腩汁湯底，味道剛剛好，唔會過咸。😋餐廳營業時間至凌晨，所以如果夜晚有人肚餓，呢度絕對係食宵夜嘅好選擇！總括嚟講，明記麵家絕對值得一試，份量足，價錢又公道。如果你都喺慈雲山附近，不妨去試下！

小編食過幾間牛腩麵店，唯獨食左依間之後，再試其他店舖，都係掛住明記既粉麵，情有獨鍾❤️每次想食牛腩呀雲吞呀⋯⋯都係諗起佢😋—————————牛腩麵🍜牛腩肥瘦適中，好有牛香，好入味😚每次都回味無窮🥰—————————雲吞河🥟每隻雲吞非常足料，大大粒！入面有幾隻蝦仔拼少少豬肉，好香😚一碗雲吞河入面有5隻雲吞架🤩🤩🤩—————————炸魚皮🐟大大碟炸魚皮，又大塊又香脆，浸落湯度仲「索索聲」好正😙😛

星期四晚上完堂返到慈雲山肚餓想坐低食野，由於10點幾都未食晚餐，所以就想食返碗麵醫肚暖胃，㨂左間平時好少去的《明記麵家》一入去望見全部清一色男人，各自一人一枱，我就㨂左最入邊個張枱坐低，因為冷氣最夠，近門口位既話三十度既夜晚會好熱的點了一碗墨魚丸麵，本身無話好大期望，聽到幫襯既客人問店主呢度既雲吞係咪自己包，佢話係啊每日都自己手包的，所以聽完都覺得食物都有加分左（聽聞呢度既牛腩同雲吞都係出名的，但因為最近要戒某d食物，所以今次就無試了）講返碗麵，墨魚丸有五粒，有菜，麵爽口，$31一碗仲要晚市都收哂之下，呢個價錢同食物份量質素我俾五粒星佢。*十點幾都仲不斷有人幫襯，估計呢間都係山友宵夜既心水店之一，平靚正*呢度單拼$31（最抵食）雙拼/單拼加油菜$41，汽水好似係加$7

晚餐唔係食咗好多野，所以同肥仔去到10點幾11點就開始肚餓🤣慈雲山話多嘢食其實唔多，話少嘅話又唔少。加上又唔想食太肥膩，最後決定札根咗喺慈雲山好耐嘅中式麵店--明記🤡 之前食過佢啲牛腩，好正~-基本上去到就有位同落得單~夠快!-▫️牛腸牛肚麵($30) 其實係牛雜走淨腸同肚，所以計單併~ 肥美入味，不錯~ 每碗麵仲送2條菜~▫️雲吞麵(細蓉) ($30) 雲吞有5粒，同埋入面嘅蝦都幾大舊，唔會太咸，幾彈牙;而麵底幾好食，爽得黎幾有咬口，唔會係一咬就斷果種麵咁~ 好味~▫️加配油菜(生菜) ($10)份量都幾多，2個人食都夠，主要係補充下啲纖維~▫️加配凍奶茶 ($5)加$5就有凍飲，都算良心價，正常奶茶~▪️環境舊式圓枱，人同人嘅距離會近啲， 一定唔會係食環境~ -味道值：7/10C P 值：8/10 環境值：5/10 - 📍明記麵家慈雲山毓華里18號慈華大廈地舖G/F, Che Wah Building, 18 Yuk Wah Crescent, Tsz Wan Shan

天氣涷涷地，想食啲熱辣辣嘅湯麵類諗緊車仔麵定雲呑麵之際，男友就話去食牛腩啦每次去明記，佢都會叫牛腩，我成日心諗：有冇甘好食呀，見佢掛哂系好啲脂肪都好多甘今次就試下叫啦“牛腩牛魚河”，多葱多冬菜見到啲牛腩太多都冇想象中甘肥，食一啖“嘩，幾香同...好似有種入口即溶feel”. 唔系吹水，平時食開哦牛腩都會肉質比較實，肉絲可以一條條甘咬開，但系佢就唔系果種感覺另外我個人小喜好會加醋同辣油by the way 鍾意食辛辣嘅人唔好錯過佢嘅辣油

係慈雲山長大，呢間牛腩係由細食到大，我覺得係慈雲山最好食嘅牛腩.我黎親都係叫同一樣野，就係牛腩雲呑河粉 + 凍檸茶！呢到嘅牛腩腩汁唔係啲好濃味嘅五香牛腩，食落清清地，食完成碗都唔會覺得好咸。唔知大家口味，我鍾意食有少少肥嘅牛腩，覺得會香啲同無咁乾，好怕食到啲好柴嘅牛腩，所以呢到嘅牛腩好啱我胃口。.呢到嘅雲呑都好正，皮薄饀靚，真係有鮮蝦肉係入面，一啖麵一隻雲呑，啱啱好.一碗雙拼麵加一杯凍飲都唔洗50蚊，非常抵食，所以我有好多個一人晚餐都係係到食

明記嘅牛腩粉麵，係我覺得其中一間最好食嘅！老店粉麵鋪頭，陳舊嘅裝潢，經歷著年月嘅洗禮！入正題😂牛腩米！牛腩超腍超入味！👍🏽👍🏽👍🏽而且肥瘦適中，肥嘅位置入口即融！好正！！🤤🤤🤤唔好睇個湯底咁清，以為佢好淡🤭，實情係因為佢嘅腩汁一啲都唔深色！所以個湯底一加咗腩汁絕對絕對夠哂味！！個米粉正常，爽口👍🏽腐乳通菜！腐乳幾香，啲菜唔會煮到老哂！👏🏽👏🏽奶茶合理，少少偏甜。會唔會番食？絕對會！其實，我係常客🤣🤣

呢間野唔多講 性價比十分高 我個人推薦食牛腩瀨粉 牛肉味好夠 最重要係個湯底好香 好重牛味 最神奇既係佢比起另外既粉面店都好飲 飲落好清香 完全唔覺有味精 會令你口乾瀨粉好爽口彈牙 夾埋一齊食就好鬼正價錢公道 信心之選

不嬲都知慈雲山雖然山卡拉，但其實有好多好野食，去完九龍塘睇醫生都要專登撘的士過黎搵野食。 經過明記門外，本身無諗住食，但朋友話想食牛腩，就是但入左去。小店豪無裝飾可言，係典型old style既港式麵舖。牛腩半肥瘦好香好濃牛味，仲要炆得超級林😳怕肥既朋友唔食肥膏位一樣會食到咁林咁香既味道牛肚都係炆得偏林唔係爽口個種牛腸不得了，好好好好香🤤🤤🤤辣椒油夠辣又野味，一茶匙已經夠曬味回頭率係100%💯🈵🉐

記得好細個行過明記，覺得係舖頭內傳出黎既牛味好「供鼻」，但由中學開始都會食明記，發覺佢裡面係風味多d細個仲會叫清湯，清湯話係無牛（不肯定）照顧唔食牛既客，但如果叫多色=多腩汁，好香濃！佢地既述語好得意：細雍=雲吞麵（個個知啦）牛=牛腩 ， 大餅=魚片，骨=魚皮，加底/加面（加餸），淨食=淨雲吞，「long」起=乾撈我叫左牛腩米加底加骨（另上）27蚊一個lunch邊度搵！牛腩半肥瘦，牛味香濃，唔似出面個d甘老甘鞋，魚皮就係外邊交貨，但非常脆，最正既組合係辣椒油，不過我唔記得影，佢個辣椒油大家不妨一試，沒得買，香辣得黎我覺得有炸蒜味甘，好惹味！最親切係夜晚有個無敵叔叔做樓面，佢日投有時做廚，夜晚樓面，好親切，我試過帶唔夠錢佢都會體諒你下次先比，小店先有既味道！

中一開始食，而家已經畢業6年了牛腩份量多，每一次食都係肥瘦均衡，每一舊都係又林又爽，唔會過瘦，又唔會得肥膏湯底一流望落去好清好淡色，但飲落係另一番滋味再加多幾滴自製辣油，真係人間美食

由細食到大既一間麵舖，我鐘意個湯底帶陣陣胡椒味。牛腩牛什部位可隨意組合，肥腩瘦腩，走肚雙黑等。此終地區小店，牛腩唔可以同其他有名既相比，但廿幾蚊碗麵黎講，好食同抵食！