明記麵食

营业中

休息中

一連數天的車仔麵之旅,點都唔少得旺角明記以前讀中學食lunch,最常幫襯嘅就係明記同佢對面嗰間新口味呢幾年租金不斷上升,眼看新口味已經變成卓悅,明記依然屹立不倒賣嘅只不過係講緊廿蚊一碗嘅車仔麵,實力絕對強橫.明記的車仔餸,首選當然是卥水豬大腸甘香的豬油香味,少少的臊,配上卥水香味除非你不喜歡食豬腸,否則一定上癮.推薦的還有豬紅,別處吃到的豬紅雞紅都是四方體明記的豬紅卻是一片片的,好處就是更滑溜更上味乾脆就配上豬皮,組成一碗三豬麵.湯底是普通豉油湯底,但配合起來總會讓人有一種很raw的感覺車仔麵,就係咁簡單其他車仔餸好唔好味?sorry我次次都係食三豬麵咁濟都試過食魚蛋牛筋嘅,普普通通咁啦,至於水魷,我本身係唔食的順帶一提明記的酸辣醬都好正斗,而且是任加的我最鍾意夾起"注"麵,用支辣醬對準唧落去,費事啲湯浸開啲辣醬,諗起都流口水

家住沙田，所以每次乘火車到旺角，也算是必經這間細細的店舖，一點也不起眼，但今天踏著沉重的步履來到旺角，當我由樓梯慢慢走下，正在想：「吃甚麼呢？」我就抬頭看見這裏了，天氣又熱，又不想再慢慢想到哪吃，今天就一嘗這裏的食物吧！我點了....生菜、墨丸、冬菇，要粗麵。一邊吃一邊看，發覺這裏雖然枱面算不上乾淨，但碗具和筷子都看似很乾淨，我覺得這間店清潔不錯，有時候清潔不光是看門面，也要看它的用具啊！濃得像潽x的湯底，應該是腩汁吧！喝上一口也要喝兩杯水來調和一番！普通的生菜、入味的冬菇、普通的墨丸和普通的粗麵，只要你二十元，不用要求太多，這裏沒有很多選擇，是我這種有選擇恐懼症的人的佳音，普通但方便，舒適。吃罷了，又踏上沉重的步調，坐車子到辦公室面對口不擇言的老闆了，粗麵啊！粗麵！點解我唔可以一路食住你，一路唔使理我老細呢？

如爐兄所說, 這一間車仔麵帶給我們一班新界仔好多回憶. 昔日, 從大埔坐火車出九龍, 九龍塘有榴賣三文治, 雞脾的....名字都忘記了....紅磡...一路行出尖東....昔日的尖東Burger King 同 南京牛肉麵, 亦是令成家一停下腳步的地方. 只可惜, 時過境遷, 以上的一切, 一早已換上新店. 這在只能在記憶中回味.眾多一出火車站便去食既地方, 既然九龍塘有, 紅磡有, 旺角又點會冇呢. 如果一出站朝弼街天橋落山. 明記呢間麵檔仔. 永遠會讓家人, 尤其是母親, 停下來, 食碗麵仔.今時今日, 人已經搬出市區, 旺角東鐵路站, 已經少出入了好多. 來明記食麵, 不是由火車站行落黎食, 而是從彌敦道, 慢慢行入黎, 就回味一下吧. 叫了一個粗麵, 後來後悔沒叫油麵, 因為車仔麵, 油麵先係主角. 看見牛筋牛腩不太靚, 改以豬腸, 牛丸同墨魚丸為伴. 豆腐清湯中, 再加少少腩汁. 雖然牛丸, 墨丸不是什麼靚物, 普通, 每樣三粒, 已經值回票價. 說好食, 個豬腸最好食.自己拿著碗麵, 在長版打個空位坐下, 不用20分鐘, 可以食哂碗麵. 收拾東西出來, 又是旺角的不夜天.

實在好耐無寫港版食評,都係時候做返d野.一早約左班食友打邊爐,從火車站信步而下,自不然又走過去.又唔想食太飽,水魷,豬紅,菜加米粉底,將就將就好了.每次幫趁,最想食既,一定係豬紅,不單滑不溜口,跟平時食到既雞紅,是兩碼子的事.菜淥得過火,而且放得太耐,色澤開始變黃,畢竟係呢類食肆通病,而水魷淥完之後,放入自家調制的醬油內,有咬口之餘,味道亦變得多完化.至於米粉,起初只不過用黎充饑,點知吸左醬油之後,同以前自己仲係細佬仔時食到既回憶味道,有幾分相似.(當年買車仔麵,一係自己帶野去裝,唔係既話,係用牛油紙包起,再落d牛腩汁撈埋一齊,真係好冶味架)

lunch 食完freshness burger 還不夠2小時，又黎食碗車仔面。成兩點幾都仲好多人排隊。用上傳統的雞碗，而家好少地方用雞碗。要了幼面 + 蘿蔔 + 豬紅 + 豬腸 + 牛筋，$25。幼面餅好細，如果lunch 食就要加面餅先夠飽。幼面幾幼身，爽口，無鹼水。豬紅係片裝，並非方粒，很滑很滑，無異味。豬腸要一讚，用上粗肥豬腸，口感更佳，有咬口得黎唔會韌，又入味。蘿蔔呈淺啡色，很入味，無渣。牛筋黏黏彈彈，很好食。湯底係比較咸，但食後無口渴之感。會再黎！

我第一次來點了自己最喜歡食既蘿蔔+豬腸+豬紅+米粉=$20顏色都不錯,挺深蘿蔔係失敗之作,其中一塊好韌,好像某部份乾了,有點想菜圃,第二塊比較正常,但是火候不夠,外表入味(假象),內裡無味,而且不透明,帶點爽豬紅係一片片,但是完全沒有任何味道可言,原味的豬紅好難食豬腸是唯一有一點點鹵味,不韌這個情況之下,我都盡力食左7成.............

行完新世紀之後,搭扶手電梯落左弼街,見到左邊有一間細少既車仔麵檔,但係生意又好似幾好咁,於是同仔仔兩個人就入左去食了!我自己嗰碗係米粉,加左通菜,豬紅,蘿蔔同牛丸,老闆比較cool,全程都無出過一粒聲...湯底係比較似牛腩汁既味道,帶一點甜,但係味道有少少偏咸,不過雖然係咁,我覺得味道唔錯,因為佢個腩汁其實係幾好味!配料方面,豬紅好滑,牛丸就普通,而蘿蔔就俾d腩汁浸到入哂味,幾好食!下次都會再嚟幫襯吓!

隔一段時間就會心思思往明記吃碗車仔麵, 自問對車仔麵要求很高, 也吃過無數咁多車仔麵店, 但明記還是我三甲車仔麵心水之選 另元朗的 2 家車仔麵也不錯. 很怕一些車仔麵店太多古靈精怪的車仔餸, 連炸薯餅也算是車仔餸, 我真不能接受 就是喜歡明記沒有太多車仔餸的選擇, 夠傳統. 就像小時候吃的車仔麵, 來來去去都係個幾樣就夠啦. 所以我來明記多數都會選 : 2 個幼麵 + 豬腸 + 牛根 + 豬紅 + 蘿蔔或冬菇 一直都很喜歡明記的幼麵, 個人覺得麵質很靚 但比較細個, 所以我一定要叫 2 個麵才夠 幫襯了 10 多年; 豬腸.牛根一直保持住水準, 豬紅也沒話可說, 滑嘟嘟, 出面真的很難找到咁靚的豬紅 湯底也是我喜歡的, 味精是一定有, 但明記下得不多囉, 起碼吃後也不會出現狂灌水的情況. 另一樣我一定要讚的 - 就是明記的辣椒醬, 真係好正, 我每次都會下很多很多, 一直懷疑是余均益或是左顯記 ? 祗有這 2 隻老牌子才有這樣的食味 ! 如果你喜歡吃辣, 又喜歡吃麵下辣醬, 你也會和我一樣除車仔麵外也會情迷明記辣椒醬

記得某日專程去找這一間細小嘅車仔麵舖，响花園街入面轉來轉去都找不到。最後卒之有一次跟太座閒逛，先發覺原來就在火車站出口隔籬。真箇是"踏破鐵鞋無覓處"也...坐於高椅之上，嘆一碗三餸油麵。油麵不嬲係小弟吃車仔麵嘅鐵膽。不知怎的，總覺得嗰種滑溜嘅質感跟豬紅、魚蛋、豬腸等配料係份外相襯....例牌先試一口湯，皺了一下眉頭，委實是鹹了一點，且不夠清甜...配料倒是不俗 --- 豬腸夠淰亦無異味，若果腸中間帶點肥膏就更妙；蘿蔔亦頗淰身，但因嗦了大部份湯汁，吃落口亦係偏鹹；最出色係各位食友都有提過嘅豬紅，望落去不像平時吃到嘅四四方方嘅樣子，而是單長而偏身的，食落的確頗滑，有水準....麵嘅件頭對小弟一個血氣方剛嘅中年男人來講，當然係認真濕碎la....唔...下次睇怕要食夠兩碗先得....

去年寫左個食評比呢間食店, 師傅仲大膽講句呢度都可以算係車仔麵之皇! 尋日師傅心癮起, 所以專誠黎呢度食番個車仔麵, 回味一番!入到去叫左一碗幼麵, 要豬皮, 豬紅, 牛筋同埋豬腸四個餸! 師傅第一啖就係先飲啖湯, 湯底依然美味, 好醒神; 豬皮今次就走樣得好緊要, 非常參切, 又唔爽口, 又腍又韌, 同d九流車仔麵店冇分別, 極度失望; 豬紅就依舊維持高水準, 大大舊又唔會一夾就散, 又滑加上有口感, 正呀; 牛筋超腍超入味; 豬腸就依然好好味, 又腍又大舊, 真係食到唔停; 幼麵又係唔爽口, 完全冇左嗰種煙煙韌韌嘅口感, 師傅覺得係入嘅貨已經唔同左, 所以走晒樣!師傅對今次可以話係幾失望, 估唔到可以一下子走樣得咁快, 莫非係驕傲自滿? 定係來貨太貴所以轉左d貨源而差左呢? 師傅真係不得而知, 但希望佢地可以盡快作出改善, 如果唔係師傅我會覺得好浪費架; 一年前師傅話呢度係車仔麵之皇, 今日應該可以收番喇!

以前行親花園街肚餓最鍾意食車仔麵不過味道冇以前咁好了因為宜家每一樣餸都食到好勁既味精 食完一定要灌水先得同埋以前三十幾蚊兩碗落樓對上去食已經加晒價，冇咁抵食了相對店舖環境

見咁多好食評,即管去試試.地方太細,得幾張櫈,等咗一陣.要豬紅豬腸豬皮蘿蔔幼麵,其實食物真係一般,地方又唔得,唔會再辛苦自己囉!

因家弟以前在潮州公學讀書之故,所以十幾年前已光顧.今天坊間的車仔麵弄至五花八門,這間在弼街的明記.十幾年如一日.無論門面,裝修,同中學年代相若.沒有一些新派材料,只有那渣麵最基本的魚蛋,豆卜,大腸,豬紅,豬皮等等,還原基本步.店內更加沒有價錢牌,又是其一特色.簡單要個魷魚,豬紅,大腸同蘿蔔,麵要粗麵.最出色的是大腸,一舊放入口,那種甘香豐滿的感覺,實在難以形容.蘿蔔就有點失色,始終不夠甜.魷魚口感爽脆,豬紅亦滑溜.如果受夠坊間的什麼煎釀三寶獅子狗車仔麵,不如來此重整一下,未必保証吃回初戀那渣麵的感覺,但比一些鬼五馬六的貨色好得多.這次重遇,也算不枉.

小弟上星期六想食好耐沒食過的車仔麵, 就睇下有無人介紹, 之後便跟呢個地址去搵一下, 我搵到了呢間明記食車仔麵, 我叫左一定要有的豬腸,豬紅同蘿蔔試下, d豬腸真係勁正,豬紅很滑,仲有蘿蔔超入味,以前我食過其他舖的車仔麵,d蘿蔔都白雪雪無黎味道,呢間d蘿蔔好入味好甜,只是人就真係很多,地方不大,我都排左一陣先買到,心想咁多人係米真係咁好食阿..但我食完後,感想就係等幾下都值^0^

很久沒有在此吃車仔麵了,我最鍾意就係粗麵加米粉,爽口魷魚再加全城最幼滑的豬紅,簡直就是天下無敵,再加上青綠的菜心及爽口的豬皮,實在為我的星期天的下午添上色彩,唯一美中不足的便是那平凡的魚旦了,多年來始終一成不變,但試問車仔麵又怎可以沒有魚旦呢？所以最後我都機械式的点了！本人曾在太子居住,此店是兒時最愛的餐館之一,保守估計此店也有十多二十年的歷史了,其實唔講你唔知,此店在搬入鋪前是在隔離的"冷巷"擺賣,而且那外賣不是用外賣盒而是用白色膠袋打包的本人走遍香港各地吃車仔麵,最後都係覺得此店是NO.1最後值得一提的是不要用膠碗,一定要用玻璃碗,否則味道有点不同(可能是心理作用)