明記黑山羊專門店

营业中

休息中

羊肉騷味不太重的同時也不會因而損失羊肉的香氣，烏冬彈牙口感好，湯底清甜好喝，一定要試下叫佢加芝麻同酸菜！這道姬鬆茸蟲草花羊骨湯黑山羊烏冬米線是一道非常獨特且滋補的美食。以下是我的食評： ### 食材與湯底這道米線的湯底使用了姬鬆茸和蟲草花，這兩種食材都以其高營養價值和滋補功效而聞名。姬鬆茸具有增強免疫力和抗氧化的作用，而蟲草花則有補肺益腎、潤肺止咳的功效¹。湯底還加入了羊骨，經過長時間熬煮，湯汁濃郁，散發出淡淡的羊肉香氣²。 ### 黑山羊肉黑山羊肉質地細嫩，沒有一般羊肉的騷味，反而帶有一種獨特的香氣。羊肉片的份量充足，每一口都能感受到肉質的鮮嫩和湯汁的濃郁³。 ### 烏冬米線烏冬米線的口感非常Q彈，與濃郁的湯底和嫩滑的羊肉相得益彰。米線吸收了湯汁的精華，每一口都充滿了濃郁的味道⁴。 ### 總結這道姬鬆茸蟲草花羊骨湯黑山羊烏冬米線不僅味道鮮美，還具有很高的營養價值。湯底清甜，羊肉鮮嫩，米線Q彈，是一道非常值得推薦的滋補美食。

自選三餸車仔麵 ($43) ●●●●○╰► 招牌爽口米線╰► 豬紅、豬腸、菜脯煎蛋╰► 配腩汁豬腸乾淨不太肥，滷水味唔重豬紅有5、6塊菜脯煎蛋好大份🤣唔驚食唔飽 同埋出奇地係最濃味嗰款配料～但係米線有啲太彈牙🙂‍↔️唔似食緊麵，而且唔掛湯（個湯底本身都冇咩味）整體抵食😙✍🏻 佢哋招牌係黑山羊米線，遲啲再試下📍明記黑山羊專門店💰：●●●●◐環境、服務：●●●◐○

呢間明記 我係今日第一次食 不過我外賣拎走 順便幫同事買埋大份夾抵食 我今次嗌咗個純羊米線我因為太忙冇時間係最熱嘅時間食到佢但羊湯同羊肉真係好正 我好中意食羊羊味好濃 湯底又正同埋因為我手拎住一袋二袋啲姐姐好貼心咁幫我將四袋 每兩袋串起佢等我易拎啲 真係好多謝你地🙏🏻🥰

因為今日有野做到比較夜先食飯，已經9點鐘，附近啲野食都收得7788，見到東廣場依間仍然有唔少食客，所以就選擇左佢。雖然店名係黑山羊，但佢仍都有其他選擇，由於我唔食羊，所以就揀左車仔麵。兩餸車仔麵我就揀左牛筋同牛腩，米線，配辣汁同腩汁。個湯底明顯都有啲心思唔會好稀咁，個汁都唔會好辣，係幾香，少少似咖哩咁。而牛筋唔鬆散，但咬落就幾淋，要叫👍🏻牛腩相對就比較普通，但唔係唔好食，係未有預期入味。而米線方面，由於佢話用傳統方法整，會比較硬身。而食開爽米線既我都覺得係偏硬。所以建議可以落單既時候同佢講要淋啲。奶茶方面，茶底唔夠濃。加左杯奶茶$6，成餐總共$42，絕對係抵食👍🏻

3點去食，2個人，叫了2個餐。清湯羊腩好好食，又有大份。好淋好份味。咖哩羊腩，雖然唔辣，但個汁點簿餅食，十分好味。基本上係食唔晒，價錢又抵，係冇餐飲送囉。以為細份仲要咗碟菜，飽到呢，會再黎過。環境同侍應係差啲，茶記feel。

某啲員工太唔識做，下午茶有嘢飲送嘅，得嗰幾分鐘又唔提我哋，幫下一個客寫就送埋杯嘢飲，好明顯玩緊我哋啫，妳話要入機落單嘅就有情有理，手寫單都唔洗入機，食咗好多次㗎

每次路過都聞到好香今次終於忍唔住去試下🥰首先羊肉嫩滑濃郁多汁另外湯底都好關鍵，調味得當，濃郁但唔漏2樣加埋真係無得彈👍而且仲可以加餸，強烈推薦牛𦟌👍👍如果鐘意食羊肉，建議試下呢1間，無介紹錯🥰

1.外賣體驗： 3餸麵但打開冇麵2.堂食體驗：環境惡劣，好多時候啲客走左都唔會清潔枱面，就叫下一個客坐，為左多啲客，仲會好多時候客食緊都趕人走3.員工態度：極差，成日計錯數，試過2次都被計多或者計少左錢，佢地做緊$40換一個印花，但員工長期聽錯野同落錯單，試過叫4餸麵但員工落左3餸，仲計錯數話客唔夠$40唔可以換印花，但明明叫左4餸+飲品係$52，收左$42但品唔比印花4.經常加價：原本見係小店，所以先幫襯支持佢哋，原本3餸車仔麵/飯：$40，但已經改為3餸飯：$42，3餸車仔麵：43，本身諗住加幾蚊由得佢，但食物份量都減少埋，原本一個餸叫丸類係有4粒，但而家係2粒5.環境衛生：差，有次被安排坐近垃圾桶，都見到有蟑螂，亦試過麵有類似蟲，但員工話唔係同攞左換，驚死被客留證據

從未試過食車仔面一個餸叫菜係會得2條菜!!!! 係2條菜. 真係估唔到咁CHEAP 我諗係全港最CHEAP 既一間車仔面. 絕無不次味精湯都算. 真係好難接受一個餸係2條菜. 4個餸. $40 蚊 即係10蚊一個餸, 5蚊一條菜真係垃圾仔面

買個下午茶3餸$42，問佢有無限制揀咩餸，佢話$6又得$10又得，我話我要3餸下午茶，佢話：咁咪少啲餸囉，然後得一隻雞翼，仲衰過我散叫，唔想平唔好做下午茶啦，態度又衰，唔會再幫襯！

食物無問題，但服務態度極有問題！黃店唔代表可以服務態度差！我同朋友20/8下午茶時段幫襯，一坐底餐牌都未開始睇，廚房個男人就大叫話叫左嘢飲先，但完全無講係咪額外收費！因為唔知係咪要收錢，佢又淨係大叫唔知係咪同我哋講，所以我同朋友都無理佢。半分鐘後佢行去我地枱邊催我哋落嘢飲，呢個時候都無講係咪收費，要我問先講係包埋！其實我哋都係剛剛坐低，係咪可以比客人一啲時間睇下個menu先，有必要咁急叫人落單？催客嘅呢種態度真係好令人反感！另外，要求客人落左嘢飲先無問題，但應該同客人講清楚係包埋！基本尊重同溝通都唔識唔該唔好開鋪！就算食物質素尚可，價錢亦相宜，但咁嘅態度永遠都唔會再幫襯！邊個前世未被人催過就去食啦，觀塘澳牛當之無愧！

雖然夏日炎炎，但都係間唔中會掛住呢間位於觀塘東廣場嘅黑山羊米線～平時下午茶時間去會有得送飲品，但份量唔會話因為下午茶時段而少咗。除咗米線之外仲有車仔麵同飯，但我都係鍾情於佢個黑山羊米線黑山羊米線 （$54）下午茶送飲品鍾意佢個湯底夠清夠補，唔會搶過羊肉嘅味道，加埋佢檯面上嗰盒酸菜簡直不得了，一啖酸菜一啖羊肉，係連羊個少少味都唔會發現到。另外佢個米線比起平時食開嗰啲更加爽口唔易斷，鍾意食爽口米線嘅可以一試～

一定要問佢，另外想多一碟辣汁！實在太惹味！下次會同朋友返嚟再食！車仔麵選擇多，推介食辣汁魷魚、豬皮蘿蔔、豬腸油面！聽講下午茶嘅時候會送埋嘢飲，咁就真係好抵食，！另外個朋友食咗羊腩米線. 都好吸引，嗰啲羊腩煮得啱啱好，米線嘅質感好特別，唔係平時出邊食到嗰一種煮到林晒嘅米線。同埋見到佢哋出外賣都好快，啱晒我呢啲趕時間嘅人，下次要拎走嘅話會優先選擇呢間，唔會要人等10分鐘都未拎到。店員有禮貌招呼好，得閒會幫佢哋宣傳吓。

為咗醫肚呢個商場聚集一啲小店，經過呢間餐廳見到有黑山羊米線，就點咗一碗$54佢嘅湯底係藥膳湯底啲湯冇乜味精重好好飲，成碗都係片片羊肉冇蘇味👍🏻+小食手抓餅🫓煎得乾身又鬆脆好食

食羊已經少見係觀塘美食街既小店 更加少見羊腩黑山羊米線 $54哥仔叔仔姐仔全部好有朝氣 好有禮貌湯黎到都會提示客人小心而且效率很快！一黎到 湯面都夠熱當然要試佢既無味精湯底啦的確唔錯！羊骨湯恰到好處 飲落好暖胃養身米線方面 估唔到都有驚喜位 米味重 原汁原味 比平時食既偏硬 但食得出 唔係批發入貨個一種米線再試下佢既秘製辣椒油因為我平時唔食得太辣 所以都係小小啖咁試呢一個醬 又再次令我驚訝 佢完全唔辣 但有麻油香味 加埋個米線食 更加惹味 所以我應該加左四次有多！到最後 當然要講下佢個羊腩啦我就冇影到相 但佢就唔似係腩位雖然好多好多件 但係偏瘦 亦都冇湯底味咁濃但總括來說 都係值得一試