星小館

营业中

休息中

佐敦區一間裝潢美倫美煥嘅中菜館，地方大兼濶落，用具都好典雅精緻👍文昌雞半隻外皮偏白，肉質偏瘦，不過依然肉嫩，但就冇太大特色咖喱脆炸生蠔配鍋巴咖喱醬偏稠，味道比港式咖喱豐富，生蠔大隻多汁，外皮好脆配埋鍋巴既精嫩，又口感豐富魚腸焗蛋好少好少地方會再做呢道菜，小時食過一次已經搵唔返。。。呢度做得幾出色，調味輕手，主要帶出蛋同魚腸少少內臟味道，混和一體效果真係好正酥炸雙脆炸嘅就係雞軟骨同魷魚鬚，外皮一樣脆口，炸物功夫了得可惜雞軟骨咁細粒，炸起咁大粒，炸漿唔少，建議只黏生粉炸比較好，另外應加配檸檬角比客人，否則只係好普通嘅炸物拼盤沙薑豬手粒豬手細細粒冇煮過熟，皮肉保持爽彈，加埋新鮮沙薑浸泡，非常開胃入味👍欖角脆金沙骨金沙骨肉少骨大，加上外層焦糖皮，其實冇乜嘢食😅 欖角味亦不出眾，甚至骨同骨因為焦糖而黏得好緊、好難夾臘味啫啫芥蘭出色芥蘭只用梗部位，而且削過皮，表現鮮甜爽脆，加埋臘味嘅油脂香，一流斑蘭椰汁糕麻雀嘅外形吸引，內涵保持，有得睇有得食乳酪蘋果包類似奶皇包，外表特色，不過餡料都唔太感覺到乳酪嘅酸同清新環境靚，服務唔錯，有位Mi姐嘅兼職服務態度一流但價錢始終偏高少少。

一家很棒的餐廳！服務和氛圍都好舒適，菜餚味道很好；調味適中，不會太鹹，也不會太油膩😋😋必吃😋巧手糯米釀雞翼 $68/3隻🥢手工菜，皮脆肉嫩、微辣惹味，味道不錯👍😋抵吃套餐😋：極品黃油奄仔蟹餐 （優惠特價$488/位，原價 $738/位)1. 冰燒脆三層肉 2. 厚切黑豚义燒 3. 花膠養生藜麥皇燒翅4. 極品黃油奄仔蟹 (古法鹽香焗)5. 蜂蜜柚子帝皇蝦球鍋巴6. 潤燒脆皮石岐乳鴿7. 玲瓏茄白玉耳泡翡翠8. 巧手金薯小蘋果樣樣都好好味，亦適合打卡🥰

朋友介紹話星小館好味，趁朋友聚會來食，有驚喜。每碟都是慢工細貨，最啱朋友邊傾邊享受美食。推介彩椒攬角一口金沙骨，樣子平平無奇，但放入口個個都讚然後問:「呢味咩嚟，好好味。」另一驚喜，蜂蜜柚子脆帝皇蝦球，上碟好靚好吸睛，亦是打卡好物，脆皮薄，蝦肉鮮美，加上柚子香甜實在好夾。仲有文昌雞，焗魚腸及其他菜色。冇任何優惠，加張單。

我哋4個人點了4個菜，酸菜魚，煎肉餅，糯米蓮藕片，豉油王蝦，問職員啲蝦是否大隻？佢話啲蝦都好大隻，點知送埋嚟六隻蝦只有手指公咁大，我哋見到呆咗，唔知邊度值二百幾蚊 。。。，埋單共$1214

午市點菜後20分鐘還未有點心，請侍應跟進廚房，回應是落單15分鐘催廚房會被駡。再等一會真的無辦法唯有走去前枱請其他侍應跟進究竟有冇落單，才跟住過一會有點心出來。食完點心，加點一個出名的蒸魚飯，知道會等耐一點，冇問題一樣落單。到等了很久未見有蒸飯，請侍應跟進一下，回答是：原來冇落單。🥲🥲🥲「立刻再落單，叫快啲嘅炒粉麵應該會快啲」。不用了，時間就是這樣浪費了很多，如果不跟進再等，不知道原來要繼續等下去。食物不錯，但並不是非常出色，但這樣的服務態度真的很差。

今晚來到星小館食生日飯，点了很多美味的食物，例如有：瑤柱冬瓜盅、生煎包、灌湯小籠包、蔥油餅、聖女果白木耳菜芯苗、鐵板义燒及燒腩仔、炸子雞及文昌雞、炸蝦球、百葉豆腐，甜品名稱好特別，叫十三么，款款食物都很有特色，新鮮熱辣的送到面前，很好味道，另外不收取切餅費，下次一定會再去食啊！

星小館地址📍佐敦吳松街182號榮國中心1樓有同事退休，跟據以往慣例都會由退休同事提議去邊到食退休飯，平時都係去集團式酒樓多，今次退休同事話搞搞新意思，帶我地去食好嘢，開估，就係位於佐敦嘅星小館，入到店舖非常整潔，同事book咗間房，一張大圓枱好闊落有氣派。有幾樣係特別欣賞，金泊蝦球鮮得嚟爽脆又美觀，燕窩羹啖啖燕窩矜貴無比，蒸龍躉都零舍唔同，最後係奶黃包整到好似成籠柑一樣。總括而言呢餐真係物超所值，點解？因為同事話要請客，經過長時間拉鋸，同事最後只肯收回每人300蚊， 既然佢咁堅決， 我哋唯有多謝佢嘅款待。

今日冇返工，跟阿媽去星小館，門口不顯眼，要上一層樓。早上10點半左右，人唔多，台大空間幾好。叫左普洱 茶味都唔錯，可以加茶葉。三個人叫左8樣野上菜一般快，心急就唔好去食。點心好味，用組合點價錢就很合理！ 38.8有兩款又或是48.8有兩款，可重複點。係而家既酒樓，呢個價好無敵架啦，當然份量會細少少，三個人正好，所以份量都可以接受。點心即蒸，味道都唔錯。盅頭飯二十幾蚊都抵食！ 呢間近期可以再去既精品茶樓。

因為姪女唔舒服拖咗一個禮拜先食呢餐細姑姑生日飯地點由我家姐提供，佢一向都係識食分子呢間都唔會差得去邊賣相精緻連張旋轉枱都要自動化（但係我可惜我哋反而想要返啲手動嘢轉得太慢，同埋又要撳掣咁麻煩，果然我哋好難做到上等人🤣）坐低已經有一個好靚嘅盆景係中間由我家姐發板，結果每個單位成為$1500（三個單位）有啲肉赤㗎，雖然都真係好食嘅可能因為我哋嗌咗好多海鮮類，例如豉椒炒蟶子粘米粉底、龍蝦脆米同埋青檸蝦球）我諗呢三樣都佔咗差唔多一半價錢啦另外仲有叉燒拼燒肉，豆豉骨，唔知乜嘢煎蛋、莧菜、糯米釀雞翼同埋小籠包仲有甜品乳酪包/奶皇包（外型做得好神似，一個似柑一個似蘋果）上面嘅海鮮類其實都好好味，蟶子夠大隻、龍蝦亦都爽口啖啖肉、青檸蝦球酸酸甜甜好味。叉燒都唔錯👍🏻其餘嗰啲就普通少少囉

上開飯網見星小館相片幾好，約埋朋友一試。點知其食物質數及服務有驚喜。食物味一般，原來比想像中差。服務態度一絕。足足一個鐘上個炒飯。連阿姐都全店黑面。成枱野又唔收。搵人落單又冇影。下次不會再食。價錢又唔平。

聽朋友講星小館的菜式很特別，今日就來試一試，真沒有令我們失望，一打開Menu太多菜式太特別啦，經理行過來介紹我們有什麼特色菜，我們就叫了$4288. 九個菜式一個甜品，但其實我們只有五個大人兩個小朋友，其餘都要打包🤭，首先嚟咗一個古壇酸菜天然海鱸魚，一開始食唔係咁入味，後來浸耐啲菜同啲粉就好入味，但啲魚已經俾我哋食晒🙈，跟住嚟咗一個金獎燕麥脆米澳洲龍蝦，食第二道菜已經好飽啦，因為嗰啲脆米飯實在太好食，再嚟咗一個蓮藕餅，但唔記得咗影相🤦‍♀️，跟住嚟一個柚子炸蝦桃膠瑤柱燉響螺，呢個湯好足料，但鹹咗啲主角嚟啦，正宗海南文昌雞到呢一個焗蔥油蠔，個蠔好大隻，但係食咗兩隻之後嗰五隻已經打包再嚟一個菠蘿咕嚕肉諗住食唔晒，但係嗰兩個小朋友留肚竟然食晒，跟住嚟埋菜心同埋欖角一口骨，呢個都好好食，但真係太多肉食唔晒最後甜品梗係食晒啦，奶黃包最後埋單$4299

上次食完晚飯，今次嚟食中午，4大人1小朋友，沒有訂位，安排了坐卡位，整體點心不錯，賣相精緻，味道又ok，和牛梨子和紅蘿蔔咸水角，梨子好味一些，，下次再嚟試下其他點心。

呢間係我近期心頭好之一，自從朋友新年帶過我嚟食生日飯之後，我就愛上左佢。以佢位置主打都係做附近熟客，佢價錢唔貴但係用料好足好靚。1.最正係個宮廷雞保翅，真係足料翅，個湯用料好好味；2.仲有個彩椒金沙一口骨係我阿爸最中意食嘅，非常之有口感， 每次嚟都必嗌；3.海鮮亦非常好，果日嗌咗一個龍蝦伊麵，蝦非常新鮮，麵亦有口感；4.安格斯牛非常野味；5. 宮廷雞係招牌菜之一，非常嫩滑肉質彈牙；6.柚子蝦非常清香，蝦亦鮮甜。近期真心推薦。

其實環境都舒服，坐得都不錯，食物嘅質素普普通通，唔係太差，但又唔係特別好，不過服務態度就真係超級差，唔值得去食，嗰度嘅所謂經理嘅服務態度仲差過啲小職員，反而小職員嘅態度比經理更好，一定唔會再去食

服務很好，見你個碟一有嘢就會同你換，又會幫你倒茶，上菜又快。四喜烤麩，好食香煎大蝦，可以小炒王，一般乳鴿，夠味一口骨，好食乳酪蘋果包，好食整體唔錯，坐得舒服，食物ok，服務好。