星小館

营业中

休息中

成餐飯感覺差到無語，專登加錢要vip房，點知間房完全無冷氣，佢地既房係喺商業大廈果邊所以平日6點後同星期六日就會冇冷氣，成29度既天氣仲要焗喺房度，冇冷氣真係氣都唞唔到, 好過份...成餐喜慶飯好難得一圍人食飯，完全搞壞晒成個氣氛，成餐飯因為太熱大家都明明好忟，大家都忍住冇出聲，所以成餐飯難得一家人一齊都冇傾計，連氣都抖唔到仲點傾計，叫佢加風扇由4點叫到夜晚8點都未加，8點再問佢先同我講原來係冇風扇要問人借。4點話比我地打麻雀又唔講d房會冇空氣，大熱天時點捱啊？永無下次, 原來星小館不嬲都比人話好差，唔怪得可以叫左4個鍾問有冇冷氣都可以冇人覆冇人理，真心好野

有朋自遠方來，想吃中式fusion菜，位置好方便，佐敦地鐵站步行大約3-4分鐘就可以到達，味道可以，但出菜好慢。復活節假期客人唔多，可以坐得耐啲，比較喜歡前菜小食，例如豬手同魚皮（如果你鍾意麻辣味），環境尚算不錯，另外叫咗個文昌雞，好味；仲有叫咗個齋煲，偏咸，餐廳有獨立房間，私隱度高，適合親戚良朋相聚，有機會會再次光顧，或者試吓佢既點心。佢哋既茶葉選擇都多，會推薦你喝特別茶，當然比一般茶貴，不過朋友都愛喝汽水，所以只叫水仙，茶味也可以！

燒腩肉，蝦餃必食整體係好食 但服務質素一般員工經常西面 啲部長講電話超大聲 驚死人唔知佢啲電話內容服務態度很差 個老男待應忘記落單追左2-3次條魚 個男待應都係叫我哋等最後去到問收銀有冇落單 原來係冇落到

已經係第三次幫襯，服務態度真係越嚟越差，非常失望，唔會再嚟。第一，帶位順便問飲咩茶以為係基本，但一路都冇人嚟過。第二，嘢食冇哂又唔係落單個時通知客人，到人催單先話俾人知冇。第三，待應成日圍埋吹水，就算經過見到你啲茶冇哂都唔會主動添茶。自問要求已經唔高，相信呢啲只係身為飲食業嘅基本要求，但一樣都做唔到，真係非常失望。

家人做冬晚飯，分到餐廳中間圓枱，餐廳在1樓，其入口玻璃門整晚被風吹開，強風不斷打入餐廳令人非常不舒服，多次要求職員處理不獲理會，態度惡劣，輕佻傲慢，玻璃門不能關上反指出面大風就係咁，要客人們在寒冬下吃飯受罪般吹風。食物可以，服務態度好差，一家人吃飯實在不建議。

周姓女經理服務態度差勁，對熟客殷勤招待，生客敷衍了事。口頭承諾不兌現。不知所謂！吃生日宴一吐氣不是已約好朋友慶生，我把不得即時取消，奉勸其老闆謹慎選員工，我說過以後不會惠顧此店

性價比來說中等，服務有待改善。食物方面雞湯翅是好吃的，沒有太多味精。蒸蟶子火侯剛剛好，不會過老。唯獨那個鮑魚雞粒炒飯真的是強差人意，材料很少，不值得，價錢更比其他小菜貴，有點失望，敗筆於此。蜜桃茶的確好喝，可以再試一下。本來覺得服務還可以接受的，但到最後問服務員取外賣盒時，被一職員回應：等下啦，外賣盒等二十分鐘啦，二十分鐘後給你。想請問一下顧客打包有錯嗎？當時也不是後多顧客，只有幾枱卻得到如此答覆，無言。最後結帳人均五六百左右，性價比一般

同前同事飲茶，佢帶埋B女比我地玩。好得意又識得自己食野。餐廳開好早，同事拎左位，叫左白桃烏龍茶好香。個茶用蠟燭燒住保暖。點心算有創意同非常好食，真心唔差，又坐得舒服唔會太噪。價格就大路唔會收天價但可惜食完唔飽要去下場。本身想叫個麻雀牌做型嘅點心可惜冇晒，希望下次有機會食到。

精緻有趣嘅點心，造型特別，適合打卡，價錢偏貴。炒粉麵飯類幾好食。餐館欠缺自然光，燈光偏暗。午市出菜速度有時比較慢。如果8-12人，會安排上十幾樓有電視既房間，可以好好同朋友傾計。

第一次食《星小館》，說實話感覺真係一般。先講講服務，無論佢有其他客定冇其他客，叫佢地加茶真係叫得好辛苦，永遠走來走去，係咪咁鍾意《扮工》？我地一嚟到叫定左《冬瓜盅》，好味足料清甜，味道真係一流既。不過分左6碗之後，一直冇人問過我地有冇需要添不特止，竟然過左陣有個阿姐話幫我地收返入去，What??，當然我地唔俾啦，之後佢幫我地分多左5碗出嚟，到底發生了甚麼事？《脆米》花竹蝦，脆米好味既，不過蝦就不夠鮮甜爽口。《通菜煲》味道夠香夠濃，菜不會太老。《水煮魚》味道正常發揮，夠香麻夠不會太辣，不過魚片同水晶粉偏少。《欖角一口金沙骨》甜香俱備，夠香脆，一口size方便食，呢個無得輸。《椒鹽雙脆》，魷魚酥出色，另一款normal。《蒜心豬腩片》，唔知點解佢用左豆角？😅，算，係好食既，味道香濃，豬腩片爽口。《豉油王炒麵》，沒有預期般既水準，只屬一般。豉油亦不夠香，鑊氣都爭咁啲。

Beware! you need to wait for 1 hour for your dim sum, and the waiters are happy to see you waiting and being impatient, quite a twisted place.guess they have too few customer, so they don't want to serve you fast and well, and you cannot leave before getting your tummy stuffed.what a pathetic restaurant

訂位食飯一肚氣，俾埋電話記錄都話無訂位，擺明係你個支客俾咗自己啲熟客啦，雖然最後有位，但位置極差，員工出出入入撞檯撞凳。雖然菜味道還可以，但服務比澳牛還差勁。個大叔服務員態度惡劣，舉手看到都唔招待，叫佢扮聾，服務速度極慢，上菜漏單，走青又無走，而且等勁長時間先上菜。要其他客人見到出聲，其他服務員先過來。整體來講，雖然呢家餐廳的菜味道口感還可以，但是非常不推薦。服務態度差、餐廳環境差。如果你要體驗自己動手豐衣足食，可以一試，唔係就建議選擇其他餐廳。

今次係第二次幫襯星小館！第一次經朋友介紹嚟幫襯，覺得點心好好味，招呼唔錯！今次專承約另一朋友再來幫襯一次！但怎知今次十分失望😞不是點心令人失望，而是廚房出菜的速度，慢到令你不能相信！我們落了單後等了45分鐘，經過再三催促才有點心到！當時酒樓的食客大約七成滿！請服務員幫我哋催促點心，但有服務員話冇得吹㗎，你哋等吓啦！結果我哋食咗四碟點心，唔敢再叫，因為驚唔知幾點先有得走！😭所以真係唔敢再幫襯啦！好失望！

早兩日約左班朋友係佐敦 #星小館 開餐，一行5人7點就已經坐低，經侍應介紹，揀左以下幾款小菜#生猛澳洲龍蝦-除左賣相靚之外，龍頭本身做緊特價，$438有一斤四両，真心抵食，而呢個龍蝦除左夠肉地之外，上碟仲有少少炒飯同米通，增加唔少口感，好好味，下次再有機會黎而仲有優惠既話，一定會再encore呢個，仲有個驚喜位係個蝦頭，估唔到有咁多蝦膏，勁香甜，撩下撩下好滋味🤤#煎蓮藕肉餅-朋友話呢味係功夫菜，自己唔會整，所以點左黎食，肉餅做得幾鬆，上枱亦好熱辣辣，可惜就係太咸，或者要黎送飯就岩岩好#古壇酸菜天然海鱸魚-初初都擔心會辣，但又想像中無咁辣，值得一賺既係，d侍應會一直留意住個碟底個蠟燭有無熄，熄左就會禽禽青黎點反著，務必令餸菜保持溫度，魚係滑既，不過略嫌清魚骨清得唔夠乾淨，間唔中有一兩塊要挑骨#海南文昌雞-唔知係咪而家既文昌雞唔使行唔使郁，叫左半隻雞但好肥，成口肥膏，但隻雞係整得好滑既#醉粒粒豬手-豬手切到細細粒，要黎送啤酒好正，d毛都算處理得乾淨，只有一兩舊仲有少少，算合格啦最後，想講一件事，我地點餐係7點，但去到8點所有菜都上左，淨係差個龍蝦未到，咁我地正常都追啦，追左幾個侍應，最後頂

📍星小館佐敦吳松街182號榮國中心1樓呢間餐館經朋友極力推介，又適逢時機就走去試吓係咪真係咁好食。首先講吓佢嘅室內裝修，比人一種乾淨企理，感覺舒適。有房間，有卡位，就算坐在大廳都好舒服。兩人食飯，叫咗三樣菜色，有手打芹香馬蹄蓮藕肉餅($148-HKD)，肉餅一般啦，不過不失，若送飯食就正。養生海帶蓮藕尖($65-HKD)，爽口，味道帶酸甜，不錯啊，開胃小食。古壇酸菜天然海鱸魚($268-HKD)，味道好好嘅酸菜魚，啖啖肉，好味，湯底美味清甜，正呀🤤