星巴克咖啡

营业中

休息中

呢排天氣熱了不少😭經開Starbucks 我就入去叫左杯新出既「特濃朱古力咖啡意式奶涷星冰樂」 仲專登叫佢落多啲cream添😋嘩！飲落好大陣朱古力味、咖啡味一齊湧左出黎 兩種味道配合得好正 而且吸到最底仲有好滑溜溜既奶涷 成杯野飲好香好濃郁又滑😳唔怪得咁多人都叫黎飲啦而且 因為係星冰樂既關係 飲完真係成個人都透心涼 涼浸浸 好舒服☺️💦但係呢 可能係沙冰磨得好幼既關係啦 飲落完全唔覺有啲大大舊既冰 口感上造得好好👍

作為Starbucks 金星會員，每逢有什麽新產品，我也躍躍去試，這次是我最喜歡的red velvet cake & Christmas Cookies Latte ~ 這次不說Christmas Cookies Latte，因為真的沒什麼特別~~~ 反而red velvet cake可以說說。本來打算切開兩半再和大家探討，但是切開後視覺效果核突，所以最後都沒有放上來。這個red velvet cake 本身就不是太red velvet ，那種質地比較creamy，我吃過最有red velvet 的口感是在twelve cupcakes 那裡，很杰身。而這一款很容易入口，吃後也不太覺得很漏~ 像一個raspberry cake 多過red velvet cake，作為飯後甜品算不錯喔! 

繼續佔領Starbucks秋天限定既食品又點止甜食呢？今次一人晚餐，自己試哂兩款:^)烤茄子雜菜千層闊麵　Lasagna Roasted Vegetable焗過之後感覺好乾身，也有點浮油，不太吸引表面既芝士份量不多，加上焗得乾身唔係好牽絲，但芝士既香味都夠濃郁既麵層邊邊有少少脆口，但都幾乾身，食落唔夠稔軟餡料既蔬菜又未至於有怪味，只係質感上全部都係稔身仲要係泥蓉感覺，冇咩可以嚼咬，個人認為一般肉醬千層闊麵　Lasagna Beef Bolognese翻焗後金黃帶焦香，賣相及香氣甚為吸引表面有少許芝士，香濃牽絲，份量不多所以膩度不高麵層邊位微脆，食落濕潤不爛，有點韌度肉醬份量不少，肉碎少脂肪，無筋蕃茄味幾濃，酸酸甜甜，大大降低肉碎及麵層既膩滯感味道及質感上，感覺比蔬菜好食話說當日拎住帶住好多物品多得隔離枱等緊見客既男士幫手睇一睇d野:^)咁先出到去拎食物

本人為starbucks忠實fans. 一直都鍾意嘗試Starbucks 唔同既新野飲同食品, 有時仲會買好多番屋企同屋企人, 朋友開心Share呢! 今次就share一下本人去得比較多既一間starbucks---德福分店! 琴日去叫左杯熱latte, 口感幼滑,綿密既奶泡加上香濃既特濃咖啡, 而且每次都會有既一個用奶泡拉成既心心, 味覺加上視覺既雙重享受一杯簡單既Latte, 都已經可以為忙碌生活中帶黎一點既生活樂趣!琴日鋪頭既Staff仲推薦左 秋季新推出既兩款野飲俾我同我個朋友, 法式雲呢拿鮮奶咖啡 同埋特濃焦糖鮮奶咖啡, 因為趕時間既關係, 無映到相俾大家睇,不過, 都可以照分享一下對新產品既食評^^我試左焦糖個杯, 一向熱愛焦糖既我, 略嫌今次呢隻特濃焦糖太甜, 我諗下次都會聽番D STAFF講, 叫佢地做番少甜, 不過整體黎講杯野幾特別,面頭有CREAM同DARK CARAMEL SAUCE, 同我一樣熱愛焦糖既你地點可以唔試! 而我個fd就試左凍既法式雲呢拿LATTE, 佢話口感幾特別特濃咖啡同法式雲呢拿醬既味道配合得好好, 同平時飲開既VANILLA LATTE唔同好

食完飯已飽但都仲係未夠喉需要一d糖氣去充充電:^0知道Starbucks出左幾款Loaf Cakes同埋Frappuccino好啦一於就全部試哂佢:^)Very Berry Loaf Cake蛋糕體甜度適中且不油膩，但感覺太乾身雖然唔係一拮就完全散碎，但佢係一大塊一大塊咁裂開/___莓果酸甜，配上朱古力濃香，味道豐富卻又清新只可惜佢莓果既部分真係太少，加上蛋糕乾身整體食落真係好易滯，好似塞乾蛋糕落口咁，又難吞嚥，要靠飲品沖下……Double Chocolate Chip Loaf Cake未食就覺得有d油膩了，表面稍有亮光朱古力味十分香濃，佢唔只係蛋糕頂有兩款朱古力打響頭炮連蛋糕體都係朱古力底坐陣:^0朱古力粒香甜帶微苦，因此膩度降低而且呈半溶狀態，入口即化，令朱古力香氣充滿口腔每一個角落朱古力蛋糕體唔算過分乾身，但大抵都可以話係偏乾另外係佢真係有少少油膩，又幾甜，食食下都有d滯Orange Poppy Seed Loaf Cake呢個係我個人認為比較食得落既蛋糕濕潤度充足，就已經解決左先前兩款蛋糕既乾涸問題香橙味道夠清，又唔會太假我唔中意食香橙味製品既，尤其係香橙朱古力，但此道本人認

這間starbucks的肉醬通粉批，温度剛剛好，不會太熱，也不會太冷。批身不會太硬，焗得非常好。通粉的口感很有彈性，可見時間控制得非常好。吃一口批，再喝一口green tea latte,簡直是人生一大享受。綠茶的香氣和咖啡的味道融合得很好，沒有肥膩的感覺，十分清新。這間鋪的裝潢給人一種休閒的感覺，燈光雖暗，但很有情調，讓人在吃喝之間，不經意放下了生活中的忙碌。

生活壓力大, 所以行出黎坐下. 點左杯Javachip, 人流不多所以都很快手. 不過清理恨慢而且對非西裝佬態度特別差.坐低一飲, 靠... 超難飲, 過甜而且無攪拌均勻. 一下勁甜一下勁粗的感覺非常難喝, 朱古力很粗.飲了兩啖飲管塞晒冰飲唔到, 要吹返舊冰出黎先得, 一杯做了幾次相同動作先完成, 非常麻煩.本來心情嘛嘛, 飲完之後心情更差了. 確實不同地方的水平差很遠呢. 食物水準同服務態度也有需要改進.

2013年的最後一天，以一杯out of my expectation的Praline Mocha作為總結。亦以此作為我在Openrice的開端。Byebye 2013.Happy 2014 :-)

一真都喜歡吃星巴克的藍莓芝士蛋糕，覺得芝士味濃同埋好多藍莓係返上面，無咁油膩感。見佢地新出左個紅莓既芝士蛋糕，諗住試下啦，點知就中伏了，好甜同埋芝士味相對淡左，無咁出色，紅莓主張是醬，變相油膩感好重，太甜。難怪藍莓芝士蛋糕可以賣咁耐

最近成了抹茶迷知道Starbucks有出抹茶系列所以星期6的早上比自己一個 good morninggreen tea latte : 照舊的脫脂奶再走甜, 結果就是我喜愛的甜中帶苦抹茶味道依然濃香 , 茶味和奶味配合得岩岩好~紅豆抹茶Muffin : 買的時候我叫佢唔洗叮熱比我, 所以我係公司用微波爐叮左1min叮完睇落好乾身, 食落重好濕潤嫁 Muffin本身唔甜 , 只有淡淡的抹茶味但配上甜度適中的紅豆粒 , 味道就岩岩好la食到下面紙杯的部份 , 驚見全是紅豆餡 (紅豆粒+紅豆蓉)  勝在佢唔太甜~配Muffin / latte 無得頂ar結尾: 身為starbucks的粉絲, 好開心佢的抹茶甜食做得咁出色不枉我一直咁愛你<3報告完畢~~~

我首先承認我對抺茶係有情義結, 我亦係starbucks的粉絲但我近期先知starbucks有Green Tea Latte二話不說就跑去試了~落order的時間我同個個女staff講我要用脫脂奶, 之後佢就問返我:咁洗唔洗少甜or走甜?好問題!!可能我話要用脫脂奶,佢已經估到我係減肥人士我諗左兩秒, 佢接住講:不如試下走甜la, 因為d抺茶粉都有甜味~好!!!我就信你!!!我重要買左最大size果然我無信錯你!!!Green Tea Latte用脫脂奶再走甜,結果我覺得個甜度岩岩好  (如果無走甜/少甜,我應該會接受唔到)抺茶味好濃!! 甜中帶少少苦!! 宣佈: 我已經愛上了starbucks的Green Tea Latte了 <3報告完畢~~~

若非姐姐近年養成假日咖啡的習慣，小妹大概不會與星巴克結緣。既然要作私人早餐速遞，也順道買一個草莓士干餅試試看。草莓士干餅($16)，屬於較為扁身的鬆餅類型。烤至金黄的面層，鋪滿粒粒草莓果乾及種籽，外型相當吸引。餅邊極鬆化，充滿牛油咸香，有傳統牛油皮蛋撻的影子。鬆餅的中心略帶微溫，濕潤軟綿而富蛋香。草莓果乾酸酸甜甜，味道清新之餘亦頗有嚼勁，再加上脆脆的草莓籽，囗感很有層次，比起上次所吃的無花果口味優勝得多。下一次試什麼才好呢?

正當人人新年出外拜年派/逗利是, 宅女選擇初一初二還是留在家休養生息.還好現在新年巳不像以前一樣, 最後1,2年, 很多連鎖店在新年時節都仍然營業.像生活態度不能缺的STARBUCKS便是其中一個例子.經過突然想喝杯MOCHA, 此時正好看到他們這期正在推廣的肉丸跟西蘭花看著餐牌的肉丸好像幾吸引, 便外賣來試試就算是外賣店員也會替你加熱的, 過程約等5分鐘左右.打開仍然熱烘烘的, 份量不太大, 不過如果胃口細的女生當午餐, 或是正常人用來當下午茶應該夠飽的.一盒內除了有茄汁肉丸, 還有2片麥包.麥包沒有烘過, 吃起來軟巴巴的, 不過仍帶點鬆軟, 沾茄醬吃味道會好一點.肉丸有4-5粒, 尺寸跟宜家的差不多大, 不過入口肉質很鞋, 幸好肉味夠, 宅女始終仍是比較欣賞宜家那款肉丸.另外還有4-5舊薯仔, 是連皮的, 吃起來帶粉, 普通.幸好是茄醬夠濃稠整體只能算是普通, 以HKD$38的價格, 比較貴.

本人從來都沒什麼生活態度, 所以STARBUCK其實好少去.一杯星冰樂閒閒地都要上四十多元, 對我來說絕對是奢侈品, 所以只有很耐唔中的時候才會享用一杯半杯.這天回家時經過此店, 發現推出了個新口味- 海鹽焦糖朱古力咖啡星冰樂有海鹽又幾新奇, 反正很久沒飲, 就試一杯吧.不過入口海鹽味又不太能嘗到, 可能焦糖味巳蓋過了一切.而且這次做得比較稀, 很水的感覺. 平常飲開的焦糖星冰樂不會那麼水的, 不過這個可能只是失手而已.加上又帶點朱古力味, 其實整杯都幾甜.我想, 海鹽什麼的看來只是卓頭而已....

是日約左好友 但時候未到又未食野所以又去搵我至愛 starbucks買杯野飲坐下等時間過.叫左近期新寵 - 紅豆綠茶星冰樂企埋一邊見住佢沖 杯冰打到出黎得8成滿冇錯! 係8成滿咋 淨返果2成? 1成用紅豆遮住另外果1成咪唔知去左邊囉!!!!!有冇咁離譜! 我都知你地人手唔夠 但係都唔係咁亂黎成杯野真係唔滿 睇佢用紅豆去遮左唔夠果個高度其實"不"不好多紅豆 所以更加睇得出杯冰打少左好多平時去買親 staff都會有淨係果個兜入面 但今次睇住佢個兜倒哂出黎都唔full呢一下覺得好唔抵 錢我就比足 飲品你就咁樣黎呃我雖然我鍾意食紅豆 但都唔代表你可以用紅豆去"湊夠數"湊數都算 仲要湊唔夠!!!! 唉 都唔知話你失敗定點好總之今之係好反感