影片
更多
2011-05-31
75 浏览
好野！終於有新野食喇，上次聖誕冬季果期Ｄ新野已經試完又食再食喇，唔知點解果期果幾個月好似過得好慢咁，定係出得唔夠多野食呢？冇新野食真係好慘哩~~今次都覺得新食唔係好多架，包類和甜點各４款，真係容乜易就試勻丫！而家希望款款都好食，能讓我可一試再試都唔厭就好了。＜荔枝慕司 Lychee Light Cream Cake ($29)＞夏天食荔枝，Starbucks係咪第一次用上荔枝作甜品呢？我本身唔食荔枝嘅，不過係Starbucks咯，都要試吓嘅~~嘿！頂層一粒荔枝果肉藏入荔枝果凍內，幾靚仔，果凍好有荔枝味，好清新，算幾甜。果凍內層是冇乜果味的海綿蛋糕，一層一層到輕軟的荔枝慕司，的確好有荔枝味，幾清香又唔會過甜都幾恰當，好味。＜黑松露野菌火腿卷 Wild Mushroom & Ham Wrap with Black Truffle ($38)＞每次都係試新Cake，今次倒不如試吓多Ｄ其他新食啦，見到呢個卷好靚仔，餡料又好似好豐富喎，最正係有薯片係側邊，即時令我更想食喇....哈哈哈！！我鍾意食墨西哥卷皮，所以對呢舊野特別有興趣，其他三文治就唔會試架喇，卷內餡料真係好多，有兩種菜、菇菌同厚火腿
今次都覺得新食唔係好多架，包類和甜點各４款，真係容乜易就試勻丫！
而家希望款款都好食，能讓我可一試再試都唔厭就好了。
＜荔枝慕司 Lychee Light Cream Cake ($29)＞
夏天食荔枝，Starbucks係咪第一次用上荔枝作甜品呢？我本身唔食荔枝嘅，不過係Starbucks咯，都要試吓嘅~~嘿！
頂層一粒荔枝果肉藏入荔枝果凍內，幾靚仔，果凍好有荔枝味，好清新，算幾甜。
果凍內層是冇乜果味的海綿蛋糕，一層一層到輕軟的荔枝慕司，的確好有荔枝味，幾清香又唔會過甜都幾恰當，好味。
＜黑松露野菌火腿卷 Wild Mushroom & Ham Wrap with Black Truffle ($38)＞每次都係試新Cake，今次倒不如試吓多Ｄ其他新食啦，見到呢個卷好靚仔，餡料又好似好豐富喎，最正係有薯片係側邊，即時令我更想食喇....哈哈哈！！
我鍾意食墨西哥卷皮，所以對呢舊野特別有興趣，其他三文治就唔會試架喇，卷內餡料真係好多，有兩種菜、菇菌同厚火腿條，好味，唔知係咪我未食過黑松露所以唔知咩味呢？佢話有黑松露醬係卷內，我又真係唔覺喎！？雖然係咁，都覺得呢個卷幾好食，不過最好食都係側邊果堆Lays鹽味薯片同塊墨西哥卷皮囉...哈！
＜咖啡撻 Coffee Tart ($10)＞０９年夏季推出嘅咖啡撻喔，雖然你只有都爹利街冰室同海洋中心先有得食，好彩你依舊係到冇被淘汰，突登外賣拎去其他分店，實在太愛你喇，總之有你係到一日，我都會繼續食你架！
＜榛子咖啡卷 Coffee Hazelnut Roll ($12)＞
出咗超過一年多了，真係好彩佢冇被淘汰，因為Starbucks定期出嘅蛋糕都係限定架嘛，點知係上年３月冇被介紹過而無啦啦推出後就生存到而家，真係好。
雖然你每隔幾個月就變細咗，榛子Cream又少咗，不過我就係鍾意而家冇咁多Cream的你，價錢又依舊，希望你繼續生存，雖然你唔係我每次的第一選擇，但每逢試完新野冇野好揀時我一定係揀你架！真心覺得好食。
张贴
