星巴克咖啡 (已結業)

生日禮遇就過期，拿拿臨黎番Starbucks 換左張券，可以揀任何一款食物或者飲品。我最中意食巴斯克蛋糕，濃郁既芝士、表面焦焦地既效果，真係好吸引呀🤩第一次去個陣個蛋糕賣曬，店員主動話可以第二日打電話去問下有貨未。都幾nice

今次Starbucks新野，荔枝碟豆花系列有兩杯新飲品，因為我係新會員有張coupon買一送一6月尾到期，就同🤴🏻一人一杯試新嘢😍😍～～～荔枝碟豆花烏龍茶～～～$41上面紫色下面橙色嘅烏龍茶，其實都幾靚，打完卡撈勻後顏色有少少變淺色😅😅，味道就喺荔枝烏龍茶囉！荔枝味幾重，烏龍味一般！但都係建議少冰😜😜真係有兩粒大大嘅荔枝肉仲要冇核嫁🤗🤗～～～荔枝碟豆花忌廉星冰樂～～～$45呢杯顏色仲靚🥰🥰！紫紫白白咁超夢幻，加左cream雖然荔枝味冇烏龍茶個杯咁濃，但多咗份柔滑嘅甜味，反而鍾意呢杯多啲😚😚

果漾洛神花冷萃咖啡@starbucks 20週年優惠 2020年推出的逢星期2 20蚊一杯 ，3款揀1款我見張圖幾好就揀左佢，一心諗住午後唔好咁飽就無揀星樂冰可能我飲唔慣齋啡類型，只覺得又酸又苦，飲唔到洛神花味，公平地講係好有咖啡味ge，都香ge，但加左酸味就覺得怪，最終飲左幾啖就放棄，食左杯底的西柚就算了 ，西柚新鮮。個杯係幾靚，好像係茶飲的新杯，有品味，影相影出來幾好，岩打卡。如果宜家再俾我揀1次 我絕對會揀星樂冰

萬聖節又到 ，starbucks 季節限定，推出兩款特飲 詭魅咖啡星冰樂 和 南瓜批鮮奶咖啡。今次試下伏吾伏，點咗詭魅咖啡星冰樂。 由黑芝麻、紅豆蓉、咖啡製作而成的沙冰，配上鮮忌廉！就像中式糖水的芝麻糊和紅豆沙混合加入咖啡，中西合璧，大膽創新！ 味道有點不習慣，稍嫌過甜，蓋過咖啡的香味，質感有點傑身！如喜歡芝麻糊和紅豆沙的朋友 可以試下這款咖啡，但建議少甜！

春節假期食得太多，係時候要減一減，所以lunch都只係食三文魚忌廉芝士三文治、肉桂丹麥酥，加杯焦糖Cappuccino，仲要係兩個人分。杯咖啡的確唔錯，味道香濃，奶泡香滑，佢加咗焦糖，飲落零舍香甜。件三文治唔知點解要整到綠色，個樣有啲怪，味道又食唔出綠色究竟係咩嚟。煙三文魚鹹鹹地，但係又食唔到有芝士味，整體味道只是過得去。肉桂丹麥酥好鬆脆，有少少驚喜，因為有乾提子做餡，甜甜地，好食。下次來，都係唔食三文治，要專攻丹麥酥、牛角包嗰類食品，因為佢地整得幾香脆鬆化。

平日鐘意嘆咖啡的我，同朋友傾下計，消磨時間都會去下Starbucks 坐下，去到更有兩款我好鐘意食既甜品，今日我食其中一款我鐘意食的甜品，就係藍莓Cheese Cake➕我愛喝的熱齋啡，朋友就食肉鬆卷➕熱齋啡😊😊😊😊藍莓芝士蛋糕——-平日都會買藍莓生果食，所以蛋糕面頭鋪滿藍莓正👍蛋糕芝士味夠濃郁，餅底夠脆👍👍👍肉鬆卷—-朋友次次都係叫呢個食，佢話好好食🤣🤣🤣🤣咖啡——-香濃夠熱✌️✌️

自讀書時期已開始光顧, 不論溫書或純粹消磨時間, 星巴克都係其中一個好選擇作為全球知名咖啡店, 分店隨處可見, 當然味道也有保証。餐飲冷熱選擇繁多，也有西餅蛋糕有包類..記得有一陣子很沈迷熱的green tea latte, 最近就喜歡Latte，隨心吧, 反正基本上試過的分店味道和水準都統一, so far 沒試過有偏差雖然我不是咖啡迷, 也沒有這方面的專業知識, 但多年來對星巴克也抱存欣賞。這次另叫了一件朱古力丹麥酥$19, 朱古力適中不會偏甜, 翻熱後仍香脆可口。

過年前，為了換特別版利是封，所以預購了些電子咖啡卷，還贈送了一張買一送一的電子 coupon。不過有效日期很快會到，所以，今天一早趁仲記得張 coupon 未過期，就到了咖啡店買咖啡飲。時間尚早，所以，客人唔多。咖啡店正在推廣緊新飲品，【海鹽焦糖脆脆朱古力咖啡】和【沖繩黑糖鮮奶咖啡】，一於每樣買一杯試下。【海鹽焦糖脆脆朱古力咖啡】面頭有好多朱古力碎粒，奶泡上面就見到啲焦糖漿。攪幾攪之後，試飲一啖，感覺有少少鹹味，好古怪。連忙將杯嘢徹底攪勻，好讓焦糖盡量溶入咖啡內，希望把鹹味變為甜味。好彩，好快杯嘢正常番，仲飲到好濃的朱古力味。【沖繩黑糖鮮奶咖啡】鮮奶咖啡一般都知係會淡咖啡一啲，都預咗。不過，又估唔到加咗黑糖之後，杯咖啡又幾好飲，又唔太甜。總結: 我會推介【沖繩黑糖鮮奶咖啡】，而【海鹽焦糖脆脆朱古力咖啡】就不建議了。

基本上咖啡係我精神食糧 , 所以我經常都會得閒買杯咖啡飲，唔同嘅區域都會去買下starbucks但冇諗到今日買杯咖啡 一打開杯蓋來杯咖啡得7成， 泡沫佔一成~ 我從來未試過買過一杯starbucks係少得咁可憐， 而我頭先好趕時間,所以沒有返轉頭問店員， 點解西環.上環 .中環.柴灣.銅鑼灣. 長沙灣分店......... 一般都有八成半 ，都唔會好似呢杯咁樣😤😤😤😤😤😤同步買兩杯一杯差咁遠!!!

放假無無聊聊...走咗去荃灣愉景新城新開既 Ikea 行...行到攰攰地就落咗去 Ground Floor 嘅 Starbucks 食個 Tea！咁啱之前收到佢哋 sent 嚟既 email 通知..話出咗啲 Christmas 特式咖啡同疍糕...咁就當然要試試新口味啦！杯咖啡係 tall size $42...個名叫做聖誕樹特濃朱古力咖啡 (Dark Mocha)！感覺吾係太濃味，跟普通 Mocha 分別不大。飲吾出 Dark Chocolate 味道！疍糕$34...叫 Matcha Cake！其實係一件綠茶流心蛋糕...做得吾錯，而且綠茶味相當重！尤其係 heat 熱咗...暖暖哋幾好食！

頭先買左個辣肉腸包試下，$25貴過平時麵包多多聲。但果然係質素高啲。返屋企叮10秒食，感覺仲係好新鮮!唔知點解個包皮好脆口，食落好健康，因為只係包嘅話，冇咩味的。有啲黑色粒粒係面，估計係胡椒小粒，所以包冇味，但mix左粒粒就好味喇，有啲辣辣地咁好特別條腸本身都有辣味嘅，好香口，平時唔食致癌肉嘅我都食晒

今日放假，終於可以用呢幾日WHATSAPP朋友GROUP入面係咁SHARE個張買一送一STARBUCKS飲品劵！黎到荃灣愉景新城，那條長長嘅人龍，那唯一嘅3半到5半，因為買一送一，吸引咗好多人黎飲！可能係平時買起嘅人、可能係老闆萬歲之後幫忙嘅跑腿、亦有姊妹兄弟情侶夫妻、當然更不少得偷懶蛇經過一個小時嘅消磨戰，終於到我地叫了，服務員不停地做左一個幾鐘依然友善，依然畫笑哈哈，依然問你個姓氏，呢個就係STARBUCKS服務上既過人之處！我叫咗自己嘅至愛亦係新產品:紅豆抹茶星冰樂®Green Tea+ Red Beans Frappucino® Blended Beverage男友叫了COFFEE SERIES:焦糖咖啡星冰樂®Caramel Frappuccino® Blended Beverage我那個好好飲！紅豆大大粒，係高質蜜紅豆，GREENTEA完全係掌握之中嘅質素！STARBUCKS必選嘅GREENTEA LATTE SERIES濃郁嘅抹茶加上紅豆，撞埋一起那種效果，係搵5到第D可取締嘅組合！PERFECT！而男友個杯亦不錯，超甜嘅焦糖調落苦澀嘅咖啡，兩耆並溶在一起，帶來跟普通白沙

買完嘢，去左Starbucks買杯：碎朱古力忌廉星𣲙樂($36)tall(少cream)杯嘢飲好夠凍！忌廉亦都好香滑，朱古力醬更加唔駛講！—超香又唔太甜！星冰樂係冰多，但我飲都D朱古力奶，而且D冰好似加左OREO咁！雖然貴就貴左D，但都幾值得花錢買嚟飲！下次一定會再試！

經過充實的一周終於捱到星期五，午飯後在公司釣魚，決定來杯咖啡叉叉電，否則難捱到收工。黑色星期五的星巴克店來已有滿滿的客人，所以只好買外賣來杯 vente hot latte, 等了十分鐘，來一口熱騰騰的咖啡，奶煮得滑滑如絲帶出淡淡的咖啡香，整個人立即喚醒。感謝店員親切友善的服務，your coffee makes my day 

今日公司早收工，又唔想禁快返屋企，於是去左荃灣愉景的starbucks飲咖啡，為今晚漫長既團年飯充電一下。叫左杯ice latte，奶味足夠，啡與奶的比例總算配合得到，飲第一啖都無咩問題，但再細飲時，唔知係咪因為當時煮啡既職員邊傾邊煮，煮啡煮過左時間關係，總覺會有d微苦帶燶的味…，而少了latte應有的香滑。令到這杯啡略有美中不足之處……環境方面，地方都唔錯，一邊聽音樂，一邊品啡，是其一個賣點，但座位方面略欠整潔，多個坐位台面仍有上一位客人的殘餘垃圾，當時職員大約四位，一人沖啡，一人沖茶，另外兩位…，不斷聊天，但沒理會店面清潔狀況，最後我要作為客人自己執干淨才能坐! 個人認為，這是另一個該店需改進之處。