影片
电话号码
28029822
特色
饮o野倾计
营业时间
今日营业
08:00 - 22:00
星期一至四
07:00 - 21:30
星期五
07:00 - 22:00
星期六
08:00 - 22:00
星期日
08:00 - 21:00
公众假期
08:00 - 21:00
以上资料只供参考，请与餐厅确认详情
世事難料，很多不如意事情總會突如其來！大家也預計不到呢！就好似...事隔十年後又再來香港的黃色橡皮鴨，今次，打孖一起來，怎料展覽第一天的6月10日，因為天氣太炎熱的關係，其中一隻要被迫放氣；當日，跟好姊妹們影相，中午後只剩下一隻形單隻影！我只好找天放工再來影孖鴨吧！ 慶幸我這天來影相，黃昏天色有紅霞，十分吸引！ 大約翌日，大會公佈要縮短香港行程由兩星期至一星期，相信令很多人大失所望及預算嘞！那天放工趁無落雨，加上充氣後的鴨仔回歸重聚，我便把握機會走到金鐘添馬公園影 Double Ducks 鴨仔！其實，起初我打算幫襯金鐘另一間靚景的中信大廈<Starbucks 星巴克> 分店，可是，放工在金鐘站落車行過去，已經收舖嘞！印象中，太古廣場有兩間分店；影完相行過去，地下分店已收舖！只剩下同層另一分店！當時，未到 8:30，落單前，我先問男店員幾點收舖？他答我 9:30，都足夠時間食！雖然，當晚遇上了一些小問題，但是，兩位男店員都好有禮貌！ 亦希望相關投訴得以完滿解決！落單時，男店員都細心問我，熱抹茶牛奶要不要少甜？多災多難事件：1) 當我排隊，排我前面個外籍女食客帶埋隻狗女，佢想用星巴克儲值卡買杯嘢飲，但係，男店員話讀唔到張卡，唔知點講，我幫佢翻譯！我叫佢試吓用另一部機得唔得？都係唔得，好可能係 system error，女食客話張卡有 $500 儲值額，Starbucks concept 用得到，結果，要用信用卡，事情尚未解決，店員叫佢打熱線幫忙，佢好嬲，仲話佢自己喺星巴克工作，一定會 email 投訴呀！2) 當女食客拖住隻狗女，攞埋杯嘢飲去搵位，點知俾佢發現有張枱上，食客漏低部手機！又話俾店員知！3) 輪到我出去攞嘢食嘅時候，男店員話我知，突然焗爐故障，用唔到個焗爐，問我可唔可以轉外賣？！我話算啦！室溫上俾我得嘞！還有，男店員告訴我，可以選擇“循環再用杯計劃”，店方可借用的膠杯 -$2，暫時全線只有5間分店參與這計劃，不過，要掃 QR code 填一些資料！所以，我抗拒填資料而無享用 -$2 優惠！我好奇想看看，要填什麼資料？！我手機上有兩個掃 QR code app，當時，我偏偏好似看不到更 update 那個 app，卻是用另一個較舊的 QR code app 掃完一次又一次都唔得，最終放棄！吞拿魚蛋白車打芝士黑麥包 $32焗爐故障關係，不能翻熱，勝在賣相好睇！黑麥包表面有葵花籽及亞麻籽增強口感！當然，包身口感稍遜，芝士不會溶化 ..配料包括：芝士、蛋白、吞拿魚、粟米粒...口感最突出的是爽甜的粟米粒！熱抹茶牛奶 $44 Tall size 不知道幾時又加價？ 或者不同分店會不同價錢？！翠綠色的抹茶牛奶入口濃稠，甘中帶甜，質感香滑順喉綿密，喝後回甘，正合我口味！就算不同分店，可能不同咖啡師手勢不同，有時口味上會有點偏差！
继续阅读