星巴克咖啡

营业中

休息中

呢一間星巴克係星巴克嘅旗艦店，除咗平時會嗌到嘅嘢飲之外，亦都有好多真係手沖或者係需要到特別沖髮嘅咖啡，包括係啖氣冷泡咖啡同埋一啲手沖咖啡，而且啲豆都可以選擇，呢一間舖頭啲咖啡豆都真係幾多種類，而且價錢又唔算話係好平，得閒買返幾包喺屋企自己沖下試吓唔同味道都幾開心。不過其實呢度嘅人都比較多，基本上次次嚟都唔係有位坐，但係個環境就真係幾舒服，有啲望窗嘅位置真係可以坐足一日，特別節日嘅話佢哋都會有唔同嘅杯售賣，絕對係星巴克買必定要到訪嘅其中一間

臨近聖誕星巴克一定有聖誕特飲，今年有啲唔同，多咗一款新出嘅咖啡味道，所以決定去試吓。　去咗利苑三期嘅星巴克旗艦店。紅絲絨燕麥咖啡，紅絲絨味道獨特，咖啡味道香濃，配上燕麥奶，內有粒粒燕麥有咬口。

又到栗子季節，全港最多分店嘅Starbucks 今年好進取，推出一系列「栗子」甜品，本人分別試左「栗子牛角包」「栗子芭菲」已經食咗兩次有「栗子牛角包」我㨂左將佢雪凍食，拎住都覺得重手 。牛角包巳經吾脆，但栗子蓉超多，仲加多三大粒原粒栗子增加咬口，味道不也太甜，和咸咸地嘅牛角包都估到咁夾👍🏼個人推介！「栗子芭菲」幾層layers 由上至下栗子蓉、栗子 mousse 、cream 、消化餠底。栗子香濃郁度沒有想像中咁高，栗子 mousse 甜左少少，好彩有消化餅底中和一下，喜歡栗子的可以一試。

去咗Starbucks Réserve , 今日發生咗打尖事件。 我好似平時咁排隊買野飲， 由於social distance 所以我同前面隔咗一個位。 係呢個時侯有個黑色衫的人就攝咗係前面。 於是我等左一陣，終於到我嘅時候，有個白色衫從左邊行過嚟，收銀居然yap 佢過去俾錢, 一次又係咁， 兩次又係咁，咁我就同收銀講，話我排緊隊，佢居然話睇唔到我。 後尾我終於買咗野飲，但原來落錯單，我買mocha, 佢出咗matcha . 最後先換返。 感到好失望😮‍💨。味道亦好普通。 但主要是態度不佳，本身想搵一個休息地方，但搞到咁。

今年Starbucks既月餅好精緻主題以銀河系星空 外型設計成燈籠 拎出去食住月餅 一路賞月咁就襯晒分別有3款口味月餅❤️流心焦糖咖啡❤️伯爵茶麻糬❤️燕麥奶奶黃我自己最愛燕麥奶奶黃口感軟滑香甜 配番配Espresso就perfect 💕

經過Starbucks，入去買左一杯燕麥奶日式焙茶，雖然天氣比較熱，不過都係點左一杯熱飲，因為睇落好似幾吸引，飲落去其實都幾正，有一種燕麥的香味，然後又會有一種濃茶既味，呢種味道都係第一次試到XD可惜既係，價錢方面有少少貴，如果價錢平少少的話會更加吸引。

今日試吓利園這家Starbucks, 這兒樓底很高，空間感十足，而且裝修有型有格，看著路旁的綠樹，感覺寫意。奶白咖啡這flat white 特別選擇了精選咖啡豆，咖啡味道格外甘香、醇厚，帶一點幽幽的果香，再配上燕麥奶，口感香滑，奶味濃郁，這杯咖啡比平曰的Starbucks 好，很不錯。

前排朋友送咗張Starbucks禮卷所以就瘋狂咁試佢哋嘅新品😅不得不讚原來依家可以揀全脂/低脂/豆奶而且全部飲品都可以自己客製化😙例如加/減咖啡量，朱古力醬等等❤️咁就唔怕個味道唔鍾意飲啦！價錢嚟講的確偏貴，出面手搖頂多$40而且整體味道方面又唔會話邊款超好飲☺️當然啦你叫全脂一定會好飲啲哈哈哈如果冇禮卷小妹應該就唔會買lu🫢小妹飲品排名：🍫 凍甜入心三重朱古力鮮奶咖啡（特大）$53 🍓 草莓夢幻忌廉星冰樂（大）$49🥃 鮮奶日式焙茶（特大）$46🍵 清香甜梨酪香鮮奶抹茶（大）$49☕️ 凍特濃咖啡酪香鮮奶抹茶（特大）$50🥤 凍綿雲海鹽焦糖咖啡（大）$49小妹食物排名：🥛 雜莓希臘式乳酪杯 $39🫐 藍莓乳酪杯 $32 🍰 士多啤梨櫻花抹茶雪芳蛋糕 $35 ⭐️ CP值：🐘🐘🐘⭐️ 打卡able：🐘🐘🐘.5⭐️ 舒適度：N/A⭐️ 再食指數：🐘🐘.5（5 星為滿分）

很欣賞Starbucks推陳出新的精神👍🏻總會配合節日推出不同的新產品，今日同朋友試咗Starbucks新出嘅浪漫心形紅莓蛋糕及雞批，合乎情人節嘅主題，心型嘅紅莓蛋糕造型非常吸引，以多層士多啤梨慕絲、忌廉、朱古力蛋糕組成，中間還有一層酸酸甜甜的紅莓醬，味道清新，蛋糕大小剛好，吃完不會太膩滯，十分推薦😋😋😋反而雞批味道麻麻，中間的雞肉及醬汁混合在一起，吃下去一嚿嚿，真係唔知自己食緊乜，不推薦🙈🙈🙈

銅鑼灣間間Starbucks 都超級多人，難得呢間人少少，職員服務態度好👏🏼👏🏼今日試左重出既特濃咖啡醇香鮮奶綠茶，一飲落去超香綠茶味，咖啡味相對無甘出，但混合埋一齊好香好正👍蘑菇雞批味道一直都在水準，開心用餐

喺太古返工，最鍾意就係樓下嘅starbucks喇，中午時候嘆返一杯，下午做嘢嘅時就精力充沛啦。 今日我就喝了好特別嘅杏仁咖啡，杏仁味好濃沃同咖啡味配合得相得益彰。太古starbucks有好多特別口味咖啡，可以供大家選擇。另外佢環境舒服加上悠揚嘅音樂令人有舒適，放鬆嘅感覺。

買嘅時候就叫你update埋貴D咖啡豆嘅咖啡，俾多啲錢等咗半個鐘咖啡又搞錯order。半路都問過你個服務員又話個order唔係我嘅，之後又話補番個order，隔一陣又話部機壞咗，你估我喺度乞你嘅咩。咁嘅服務唔怪之得啲人越嚟越唔飲星巴克，下次咪搞我，貼錢買難受，施捨張咁嘅爛鬼coupon唔係人人都氣稀罕。美心唔該睇睇，唔係是但搵啲爛鬼豆返嚟加多你幾蚊就當係Premium咖啡，服務配合唔到都係垃圾。

好耐冇飲過星巴克，最近天氣轉涼，見佢哋都出咗新餐牌，佢哋而家出咗啲關於聖誕嘅飲品，見到有薄荷朱古力咖啡，睇落都唔錯，所以入去試吓。而且鍾意呢度座位舒服，而且佢有Wi-Fi，所以都唔錯，適合喺度坐吓傾吓計，不過今次我自己一個，見到佢好飲，所以試吓，都適合一個人呢個新出的薄荷朱古力咖啡，味道唔錯，薄荷味比較淡，希望佢可以做得突出啲，不過朱古力同咖啡互相平衡，做得幾好，咖啡味唔算好濃郁，朱古力味比較重，我諗適合唔鍾意苦味嘅朋

🌹星期天，一早起來準備出門去行山的時候，突然狂風大驟雨，我們戶外活動要停止，真令人失望，惟有轉往商場逛逛！🌹首要食個豐富早餐，到銅鑼灣區選擇一間商場內的餐廳，是熟悉的《星巴克咖啡》，這間分店與別不同，供應的早餐有多款可選，不只是麵包糕點咁簡單，而且地方寬敞，有空間感，窗邊還可有樹景，感覺很不錯。早餐我們點了：煙三文魚溏心蛋天然酵母麵包⭐️⭐️⭐️⭐️豐富組合特濃朱古力咖啡⭐️⭐️⭐️⭐️朱古力味香濃菠蘿牛角包⭐️⭐️⭐️菠蘿包面層脆口，甜度適中個人評分食物味道⭐️⭐️⭐️⭐️飲品味道⭐️⭐️⭐️⭐️服務⭐️⭐️⭐️⭐️環境⭐️⭐️⭐️衛生⭐️⭐️⭐️抵食⭐️⭐️⭐️回頭率⭐️⭐️⭐️

星巴克咖啡 (銅鑼灣)放工等朋友，自己一個人，在銅鑼灣行逛，發現皇室堡原來開了星巴克咖啡店。於是便入去買一杯咖啡，慢慢休息。今次揀了一杯凍的牛奶焦糖咖啡，牛奶和咖啡的比例是50 50 ，焦糖味濃，但不會太甜，不過咖啡味當然沒有手拉咖啡的味道，畢竟是連鎖店，每間的品質也有一點分別。不過銅鑼灣這間分店的咖啡也不錯，如果大家想有一個空間坐一坐，飲一杯咖啡，或食一件甜品，不妨不妨也可可以到此一遊，順便在皇室堡的冒險樂園遊玩。地址：銅鑼灣新寧道1號利園三期1樓101-110號舖