星座冰室 (已搬遷) 新店位置

第一次試食呢間懷舊茶餐廳，入到去你就好自然覺得好有港式好傳統個隻冰室氛圍，如果唔係人地介紹，我應該都唔知呢間係乜同基本上唔會去食，因為間舖頭位置好入，好隱蔽🤣🤣🤣我地兩個人，各人都叫左一碗面，我叫既係馳名蕃茄撈蛋面🍅🍳，我個frd就叫左蕃茄芝士撈麵🍅🧀，我地個面底都係跟左出前一丁麵以往茶餐廳叫親出前一丁都要額外加錢，呢間就竟然唔駛👍🏻碗面蕃茄味好出，d面質又煮得啱啱好，唔會煮到好林，食落去唔會有好膩既感覺👍🏻份量係食得飽既，但如果嫌淨食面太寡既朋友，就可以另外再加配料，例如雞翼、豬扒、芝士腸等等，會豐富好多

聽講星座冰室就黎結業 就去食多次對上一次去已經係4 5年前了～fyi當時係無覺得特別好食嘅😂今次再番去覺得佢個茄湯係比起以前更淡 淡嘅意思係蕃茄味淡 並唔係個湯淡😂個湯係有小小死咸嘅感覺 但未至於係咸到入唔倒口果種嘅🧐我撈到個湯底有...豉油(?)牛肉都算幾嫩.. 芝士就...其實如圖就係一塊就咁放喺個麵嘅面 你自己撈～佢係真係好舊式嘅裝修 如果你想食個回憶或者感受下老冰室嘅感覺～唔好對食物太大期望就去睇最後一面啦😂

好耐冇食，知道星座就快唔做，嗱嗱臨過去食最後一次。冇期望冇失望，之前食過都麻麻，係想搵番少少回憶嘅味道。叫左芝士茄牛麵+凍檸茶，蕃茄撈蛋意+凍鴦。茄牛麵加芝士真係冇咩特別，加唔加芝都一樣味🤣牛肉都好食，可惜得三塊，至於茄湯真係冇之前咁茄味同好食，臨尾仲好鹹。 茄撈蛋意就一般啦，味道偏淡。到比錢真係嚇一跳，承惠$125，芝茄牛麵$42，茄蛋意$37 ，每杯凍飲$23。唔抵亦唔會再食

今日行過尖沙咀做野，攪掂之後肚餓就更係搵食啦，諗一諗附近有咩好野食，突然諗起附近有間茄蛋麵，十幾年前想去果陣因為禮物係休息冇開門😤，有幸今日有時間点都去試一試，坐低有個呀姐好好招呼，我点咗兩碗麵，冷熱飲各1，西多一份！果兩碗麵⋯⋯⋯⋯！奶茶就⋯⋯⋯！果份西多⋯⋯⋯！有人請我去都唔會再去，其他睇完相自己估下啦！

岀名茄牛麵嘅大排檔、冰室有好多間，勝香園、華嫂冰室食過，尤其我呢啲蕃茄控特別喜歡。星座冰室可以話係傳聞中數一數二嘅餐廳之一，另外，佢嘅招牌麵 - 蕃茄撈蛋麵係只此一家，之前有傳聞話佢會結業，點知今次經過尖沙咀原來仲未執，趁呢個機會就試食係咪真係咁好食🧐。冰室係尖沙咀香檳大廈地庫入面，位置比較隱蔽，無門牌無水牌，如果唔係熟客、唔問附近啲店舖，真係揾唔到🔦。入到去，除左店內有數十張枱，店外都有兩大張長枱，懷舊冰室同大排檔嘅感覺👴🏻。芝士蕃茄牛麵 $42 (4/10)牛肉肉質尚算鮮嫩，湯底比較杰身，重口味得黎但無芝士味，蕃茄味淡到基乎食唔岀，靜係得個咸字，湯底完全唔合格❌！芝士番茄撈蛋麵 $42 (2/10)湯底同樣好咸，都係無芝士味，呢碗蕃茄撈蛋更加連個少少嘅蕃茄味都無，加左蛋都唔見得好滑🤯！一心期待，傳聞中嘅隱世食店，點知兩個所謂嘅招牌菜，味道比預期差，連最基本嘅蕃茄味都無，仲要勁爆咸，真係好失望🤦🏼‍♀️！

這家位於尖沙咀的老店，我已經係常客，好有人情味，這碗蕃茄鮮牛肉撈蛋通心粉，足料又大碗😋，蕃茄味十足，鮮牛肉嫩誘，加番隻撈蛋成碗通心粉即刻濃郁豐富起來👏🏻yummy yummy!每次去必食😊

Boyfriend read somewhere that Star Cafe was going to close as the whole building was to be renovated. When that will happen is unknown. But he said it was going to happen. So, we went there one more time before it did. Star Cafe is a cha chan teng that has been here since 1966. Located in a building that once held a lot of hourly hotel rooms for prostitutes, it's now a run down shopping center where you can find old stores selling old camera parts and other knick knacks.  In the basement of the

喺IG度見過好多人推薦呢間食蕃茄湯通粉嘅店舖，我自己本身係一個好鍾意食番茄湯米線通粉同埋蕃茄類製成嘅食物，所以一睇到有好多人推薦就即刻搵朋友一齊去食。首先就帶咗個IG就見到最多人推薦嘅芝士蕃茄撈公仔麵，我朋友就帶咗個番茄牛肉湯通粉。公仔麵一嚟到嘅時候同圖片上係一樣嘅，但係食落反而冇好濃郁嘅蕃茄味，反而芝士嘅味道更為突出，成碗野整體來講偏鹹。所以我並不是10分喜好！反而如果係食湯嘅話蕃茄味會相對較好，但味道依然偏淡。

今日又係尖沙咀返工嘅日子，放工唔知食乜好，最後決定同朋友去就嚟就結業嘅星座冰室食！佢嘅位置係喺香檳大廈嘅底層，落咗去仲要轉過彎先會搵到，當初都係朋友帶我嚟所以先食到，位置有少少難搵，如果唔係朋友帶路，我應該都唔會搵到哈哈哈。同以往一樣我都係食番茄撈蛋通粉，雖然賣相有少少嘔心，但係最緊要係味道本身！呢度嘅番茄撈蛋通粉味道唔係特別驚艷，但真係好有家嘅味道，老闆仲好好人好細心，價錢都幾平，希望佢結業之前有機會再嚟食多次！

因在網上見到報導，星座冰室將要結業，所以便特意過來吃。因冰室最出名的是芝士蕃茄蛋麵，全部是個人喜愛的食物，所以很期待。不過地點的確有點難找，利用手機地圖也要一點時間才找到。裝修好有8,90年代香港的感覺，所以枱椅都有一定使用時間，但這就是冰室的風格和情懷。芝士蕃茄撈蛋麵其實就是蕃茄蛋蕃加上一片芝士撈公仔麵，但和坊間吃的撈丁或撈公仔麵不同，星座的是有少量湯汁般較濕。但比較可惜是芝士是一片的，而且未有事先溶化，所以芝士味不大而且不明顯，對喜愛芝士的人可能要失望了。冰檸茶茶味不錯，真的有舊式冰室的味道。如果對星座的蛋麵有興趣，真的要把握最後機會來試了。

今日去咗呢期好出名無線劇《今宵大廈》取景🎥📽既香檳大廈行一行！😃睇吓呢個大廈有幾特別！🥰當然要試下呢度到一樣咁出名既懷舊茶餐廳，星座冰室！♌️⛎♈️呢度裝修都比較懷舊！👍🏼而且人流較少比較偏靜！☺️叫咗呢度既招牌蕃茄撈蛋麵！🍅🥚佢有好多配菜俾你揀！而我就叫左叫左牛肉🐮同豬扒底！🐷小妹就覺得比較偏鹹！牛肉同豬扒尚可！😃不過呢度裝修勝在夠懷舊！😃如果過黎打下卡影下相📷📸懷念下昔日懷舊冰室的時光也不錯！😃#星座冰室#尖沙咀金巴利道16-20號香檳大廈地庫36號舖#吃貨Girl

來到近期人氣爆燈模仿👉🏻金宵大廈👈🏻😼既嘉賓大廈 😺 最近好出名星座冰室～位於香檳大廈既地下室～好懷舊既感覺～仍然保留60年代古舊既風格～黎到好似返左去60年代甘🕶黎到一定要試最出名既蕃茄撈蛋牛肉麵～見到個賣相已經好吸引😋麵一黎到就聞到好香嘅蕃茄味道啦～份量都唔細碗添🍜蕃茄好濃味食落好新鮮🍜公仔麵煮到好彈口🍜蛋好柔軟～牛肉好嫩口如果你鐘意食芝士仲可以加芝士😋價錢仲好適中～唔係好貴🥰

懷舊冰室近年買少見少，【星座冰室】嘅大廈聽聞都就嚟被收購，日後仲保唔保留到都係未知之數😭【芝士蕃茄撈蛋麵】碗入面裝住滿滿嘅蕃茄撈蛋，酸酸甜甜嘅芡汁代替咗公仔麵嘅味精湯，賣相雖然真係唔係幾好😅不過那些年嘅味道係無可取代。【芝士蕃茄牛麵】茄牛麵加咗芝士芡汁，入口唔及蕃茄撈蛋麵咁濃稠，個人覺得撈咗芝士都算係perfect match😋趁仲有機會懷舊，有時間真係要再嚟encore呀👍🏼

聽到佢話結業呢個消息真係好唔開心😭，因為呢星座冰室係由我同我先生拍拖👫嘅時候已經開始幫襯，大大話話都幫襯咗10幾年， 而佢最出名嘅蕃茄🍅🐮牛肉公仔麵，我基本上次次都係食呢款，但有時我都會有啲變化嘅， 咁佢都可以叫🍅🐮番茄牛肉公仔麵🍳撈蛋或者🍳煎蛋🍳太陽蛋同埋🥚熟蛋， 我仲會叫埋佢過魚蛋啦。。。仲有叫🥬大菜 , 因為佢🥬白菜都有分🥬大菜同埋🥬細菜嘅。。。最最最。。。緊要梗係叫埋佢支支裝大可樂啦。 而家支裝可樂已經唔係周圍有， 有嘅都可能係細可樂， 而可樂先係最好飲嘅

香港的懷舊冰室，買少見少了。這間地下冰室仍然保持60年代的裝修，聽說這間老牌冰室做到9月底咋。來過幾次，都是摸門釘，不是因為東主有喜就是中秋節休息☹️ 終於這次嘅星期六晚上去到，我遇到它有開門營業✌🏻芝士蕃茄撈蛋麵 (HK$42) 配玻璃樽支裝忌廉 (HK$14)面頭有一大片芝士，之後有一層新鮮蕃茄加上香濃蛋花的芡汁，底下就是即食麵，三樣撈埋一齊食，味道真好😋 配埋一支玻璃樽裝的忌廉，感覺回到未來呀😜