星座冰室 (已搬遷) 新店位置

時間流逝，無論值不值得、無論願不願意，總會把舊有事物淘汰，又一將結業的回憶，今次是在尖沙咀。位於香檳大廈，尋尋覓覓才找到下去地庫的樓梯。從樓梯到通道、從招牌到桌椅，無不是舊時的痕跡，環境就是不好不壞、平平淡淡，以前從不當一回事的，然而這天彷佛有些感觸。餐牌一張，都是茶餐廳該有的食品，價錢不便宜，想想這裡是尖沙咀，也只能勉強接受。要吃就吃好吃滿，點了芝士蕃茄牛麵，再另外+$5撈雞蛋，上桌時滿滿一碗，用以前家裡常見的瓷碗盛著，沒賣相可言，卻讓人有種回家吃飯的錯覺。費勁地把麵拌好，可惜熱度不夠，芝士沒完全融化。味道的話，就像家裡煮的蕃茄肉碎撈蛋，以前常常拿來拌飯，可以吃上兩三碗，太久沒吃到，現在加上芝士和牛肉拌麵，清淡的蕃茄味，撈蛋後順滑好入口，不是驚艷的好吃，但吃得滿足。好評給的，是家常味道啊。

趁佢結束營業前來試下完全超唔掂，環境非常惡劣地方好偏僻，係The ONE旁邊一棟大廈行入去。同同事3個人分別叫芝士牛肉麵，餐肉雞翅麵和番茄豬扒米粉，再加奶茶!完全係凍上，芝士都融唔到，米粉碎到用筷子夾唔到，服務員態度好差，飛碗麵上臺，完全唔當你係客人，好無禮貌，埋單每人58元，都唔知食左乜落肚，咁多人捧場唔知係唔係厄like總之覺得超級超級中伏，未試過食一餐咁唔好食又超貴既午餐!太可惡!太失望了!唉！

每次過開嚟尖沙咀, 要買外賣返公司食, 都會即刻諗起星座😋 第一次食已經係好多年前, 第一印象係位於地牢嘅餐廳好似衞生麻麻, 不過佢又真係好出名, 每次去親都坐滿人😲 外賣都唔係等好耐, 大概五至十分鐘已經有得食, 拎返公司開餐喇🍽芝士番茄牛肉麵加蛋番茄酸酸地好醒胃, 芝士牛肉呢個配搭撈麵真係冇得輸咁多年來佢嘅水準都冇變, 算係好難得, 最近聽講佢就嚟要結業喇, 如果係真嘅都相當之可惜😢... 好食嘅嘢越來越少.. 希望唔會係事實啦!

第2次黎星座冰室，對上一次黎已經係3年前，印象中e間餐廳野食都唔平，唔算好貼地的價錢，但個蕃茄湯底係出名，事隔3年已經記得當年係咩味，又聽聞e間冰室好似遲d會執??今日咁岩又黎到尖沙咀就懷舊一下。餐牌d相就唔貼了，好多人post過，一碗粉大概40蚊。個蕃茄湯係ok ge，似乎無落味精。我叫左蕃茄豬扒意粉加撈蛋，撈蛋要加5蚊，埋單好似依碗要47蚊。都ok好食的，只係份量少左少少，47蚊一碗粉無其他野配，男仔應該勉勉強強飽。而且e間冰室樣樣野食都係單叫，抵食就唔算，但味道正正常常咁啦

之前睇到Facebook講間店所在大廈可能會清拆，所以愛好蕃茄嘅我地就來店試試依度聽聞好食嘅蕃茄野。食落口感覺得好滑，番茄同埋蛋嘅份量較少，有點失望；另外少啲鹽味少啲湯可能會好啲。其實本來想叫番茄牛肉通粉，不過叫錯咗唔緊要啦！牛肉好林，配合蕃茄湯味道唔錯；但係都湯都係太過鹹。聽到好多人叫奶醬多本來想叫嘅，但係食左麵都好飽。坦白講，味道其實唔係話好好味，但係勝在感覺好街坊，同埋估唔到周圍商場酒店林立嘅地方㗎仲有依種大廈地庫有呢個茶餐廳。如果依棟大廈真係會重建，依間地庫茶餐廳值得一試。最後，原來俾錢可以Alipay, haha, 估唔到。

新聞話香檳大廈就快拆，梗係喺啲人未一窩蜂去告別佢之前就食一次先啦~嗰日晏晝去食好彩唔使等位，食完仲可以坐一陣先走，唔使趕住俾位人。蕃茄撈蛋雞翼出前一丁麵($42+5)。鹵水雞翼有三隻，不過都唔係重點，蕃茄撈蛋先係主角。番茄蛋好夾都唔係第一日嘅事，呢度切到番茄一粒粒，所以個醬唔會一pat pat無咬口。蕃茄撈蛋底下嘅湯都係一貫嘅味粉湯，而啲麵亦唔會煮到淋曬，啱曬我口味。細白菜($18)。有啲湯浸住，唔會乾噌噌又有鹹鹹哋嘅味。我次次嚟食都會叫。

曾被喻為四大平民美食嘅星座冰室 又點可以無試過先前幾日睇新聞見到佢好似要執 所以喇喇淋衝去食返次一如既往 蕃茄味好濃 試過哂通粉米粉意粉 撈公仔麵真係最夾!!! 蕃茄迷就一定唔可以錯過另外一提 佢嘅多士都唔錯 可以一試而環境真係十分一般 不過喺尖沙咀咁平民嘅價錢 你都唔應該挑剔啲咩啦

由於尖沙咀既香檳大廈即將拆除 因此位於呢度既香港奇食——星座冰室都就快要結束。既然被稱為香港奇食 就一於在結束前再去拜會一下。呢度主打蕃茄 而且係非一般的茄底叫左蕃茄牛肉通粉，呢度既茄湯底出名是杰達達的，但真係杰到完全唔係湯。之前食過，都覺得係呢度特色，因此接受。但今次一食落去，嘩！！！！！！鹹到痴線.一. 留意，我是叫鮮牛肉，都鹹到痴線！！我老公仲叫左鹹牛肉添呀⋯⋯⋯⋯真係為腎臟加添壓力！呢度環景好差 好唔乾淨，此為一奇！電話📞由以前完全收唔到信號，到依家收到，叫有改善，但就冇左一奇。餐廳在好隱蔽既位置 唔係人人都識黎好多好多以上既奇特之處 都令佢成為奇食，但就真係唔好食⋯⋯

其實我都好少寫唔好嘅嘢，但接受唔到個侍應將食物送錯枱，而個客人又用筷子🥢撩過碗野食，你可以即刻連客人撩過嗰對筷子就拎嚟俾我，我點知個客有無食過對筷子架？個客仲係咁流鼻水，真係接受唔到！話就話換過碗俾我，結果拎入去都唔使2分鐘又出返嚟！又係同一碗！阿姐，你唔換都執執碗野個樣啦！換返塊芝士都好丫！真心覺得好無誠意！隔左一陣送去第二枱時，又話唔知係咪呢枱，仲話入面無清楚的指示送邊枱，咁自己唔問清楚d先架咩？見報導話就嚟要回收，先嚟再食下，結果，一個後差的回憶！其實食物也非一般的說很好味！更加不能說抵食，芝士、番茄、蛋、通粉。。。收成四十幾蚊一碗

最近有消息報導，星座冰室 所在的香檳大廈被收購將會進行重建因此租約在今年9月屆滿的冰室便面臨結業的可能喔 ...其實我很多年前也有來過吃這家出名的芝士番茄撈蛋麵剛好看到報導再加上朋友們亦想吃就約了這天晚上一起去囉香檳大廈是一座舊式商住樓宇，而冰室則是在這大廈的地庫以前的話，訊號收得不好~所以用餐時根本沒辦法玩手機現在再來這煩惱已解決 (*´∀`) 不過裝潢卻沒怎樣變動過喲這裡的招牌是 芝士番茄撈蛋麵 ，但當然也有其他的選擇！另外也有一些特別的飲品，亦有多士、三文治之類。上餐的速度不算太快，所以要耐心等一下喔紅豆咖啡 ($23) - 是看到報導介紹，所以想試。這杯不會超甜~咖啡很滑身、紅豆很有咬口芝士番茄撈蛋麵 ($42) - 一片芝士就這樣放在麵的上面！吃之前記得先好好拌勻 (๑´ㅂ`๑)‎麵底是出前一丁，不會煮得很稔身。用番茄和蛋做成的醬汁呈粉紅色～帶微酸的味道夾起來是很有趣吧！但如果認為重點是"番茄" ...就會失望喔~因為這碗的麻油味很重！奶醬多士 ($14) - hm...這片麵包好像比平時小?不過花生醬有厚厚的塗就是囉 .... 鮮牛肉三文治 ($33) 烘底+$2肉片吃起來

星座冰室可能九月結業， 佢一直係我 to eat list入面，今日故意路過尖沙咀。星座冰室位於一個唔起眼嘅香檳大廈仲要喺地庫，我都搵咗一陣先搵到。可能始終仲有一段時間先結業，所以仲未有排隊人潮。我揀咗芝士蕃茄牛麵($42)，食得出係真番茄無味精， 芝士味就要食中塊芝士先有芝士味 牛肉醃得好入味唔會鞋口。 其實就係一碗 好平凡喺屋企都煮到嘅蕃茄麵 所以都真係好佩服佢可以煮到咁出名。我諗佢出名嘅原因係喺香港都幾難搵到冇味精嘅真蕃茄麵，因為真係要用好多個蕃茄煮先得。 最後成碗嘢我 all in清曬 👍

一知道好快冇得再食茄米，我個心已飛左去冰室到！點都要黎食番昔日成日黎食午飯嘅地方，除左想尋回嗰種味道、地方，仲想尋回當日一起食粉嘅人和事！我叫左個雞翼蕃茄米，湯仍然甜，甜酸度係我喜愛嘅，朋友叫左個西多、茄蛋餐肉麵，反而我從未食過茄蛋，原來都幾野味！果然係馳名之選！

今日終於來到有53年歷史的星座冰室（尖沙咀），一場來到必試招牌“芝士蕃茄撈蛋麵”$42，另外再加多杯凍檸茶$18，湯底是鮮蕃茄肉，內有蛋花，先飲第一口湯底，鮮蕃茄甜味帶微酸，吃起來每一口盡是蕃茄香，撈埋芝士片再夾公仔麵來食，芝士慢慢溶化，令麵條更芝味滑溜，加上麵條掛了不少蕃茄湯汁，令人開胃解了芝士膩口，原來蕃茄跟雞蛋再加上芝士的組合，三者的味道都很搭配，味道恰到好處，美中不足杯凍檸茶的茶底太濃，有少許苦瀝，地方環境比起澳牛較簡陋，地址在美麗華酒店旁的香檳大廈地庫，香檳大廈到九月就被人收購，想一嚐星座冰室的招牌蕃茄麵就要及早

心血來潮💘 跑黎尖咀星座冰室食個晚飯😏作為一個對茄味無愛既男子，今次只係第二次食呢間茄麵🍅🍅 穿過燈紅酒綠既花街，一條濕潤既樓梯，到達猶如秘密基地既星座冰室🤖👾👽門口（其實我分唔清係咪真係門口），用上幾十年前仿美國快餐店既字體，入面既每事每物，都帶有80年代味道，而當知道呢個地方就快消失，畫面都泛起微黃⏳講番嘢食，茄麵掛帥，唔揀蕃茄同你去壽司店要食意粉一樣咁不該😅😅 叫咗蕃茄🍅撈蛋豬扒麵加芝士🧀，茄🍅牛🐂餐肉🐷麵，仲有杯紅豆咖啡☕加芝士係要自己攪均佢😝 佢既茄撈蛋係麵係帶有少少湯汁，未至於一pat杰達達，令到丁麵有少許分離，可以比茄汁乘虛而入😈 每一啖都可以有湯，茄味，同丁麵👍三個主角都有精湛演出💘豬扒切到好細條, 肉質還好，但最多只人緣奧斯卡最佳男配角😝茄牛餐肉麵將佢既茄味倍大，留意佢係無茄既酸味🤩🤤，茄味同牛有種不可抗力，係超夾架喎，餐肉反而好似唔多啱🤨紅豆咖啡令我對人生有疑問，其實有啲事同人，係唔啱既無謂夾硬拉埋一齊😂😂食咗三樣嘢，埋單120左右，未至於係80年代價，但係平過其他地方唔少😏

星座冰室位於尖沙咀香檳大廈一個不顯眼嘅地方，完全不起眼，但係佢哋嘅蕃茄蛋牛麵10分出色，而且價錢相宜，絕對係尖沙咀平食之選。蕃茄味十足而且牛肉爽口作為下午茶或午餐係一個不錯嘅選擇。加配凍奶茶簡直係完美嘅一餐。