星座冰室 (已搬遷) 新店位置

第一次黎，間野同食物外觀非常唔吸引不過食落又有驚喜喎，好香嘅蕃茄味，一上枱見只得一塊芝士仲要唔放面，有少少懷疑連一片芝士都冇不過一食，芝士同蕃茄味都好夠，反而個牛完全唔特別，如果多d款揀就好，好似蕃茄芝士午餐肉之類呢度野飲要分開叫，見係咁就冇叫整體算好味，今次叫左兩款，芝士蕃茄撈蛋公仔麵，芝士蕃茄牛麵埋單$80,冇加一，晚餐黎講$40/人算抵食芝士蕃茄蛋麵芝士蕃茄牛麵下面係芝士蕃茄牛麵撈完嘅樣

🧀🍅芝士蕃茄撈蛋麵（$39)呢間好出名既隱世茶仔 #星座冰室 ，好多人為依個撈蛋麵而黎，係咪真係咁好食先🤔？佢同 #新記芝士麵 位於同一棟舊式大廈，但佢仲要落一層地庫，真心講行樓梯落去果下係有少少恐怖，怕污糟既朋友仔要注意下。叫左個撈蛋麵同蠔油雞中翼，芝士蕃茄撈蛋麵個賣相就一pat野咁，有啲嘔心。不過食落就幾得意，味道唔錯，但就唔係好食到咁誇張，OK la ，個雞中翼就還可以既。經過咪試下囉，專登過黎就算啦😂

自從朋友帶過我黎食之後 成日都好想再食 今日終於再黎食喇😊😊 呢間餐廳都幾隱蔽 要係香檳大廈再地庫 如果唔係朋友帶我黎都唔知有呢個地方😅 而且呢度環境好舊 完全唔會覺得有野食 今次我都係叫左呢個 👉🏻 豬排芝士蕃茄蛋出前一丁見到個湯都知好香濃 因為個湯好厚 所以每一啖面都可以沾到湯 好正👍🏻 呢個湯底 有蕃茄嘅甜 芝士嘅咸咸香香 蛋花嘅口感 加埋佢嘅秘製豬排 實在係冇得彈👍🏻 芝士仲要係原塊 認真抵食👍🏻 加埋杯凍檸茶 埋單都係67蚊 抵食又好食！🤗

幾次都見FB IG有人介紹尼間野好好食，咁本人就因為極中意食蕃茄蛋一直都想去試。第一次去搵時因爲地面轉左幾個圈都搵唔到就放棄左啦，終於前2日有時間再去搵，原來係地庫個層，一到門口就見到懷舊式冷氣，懷舊式裝修，好有feel雖然睇過相話蕃茄蛋芝士撈都覺得賣相麻麻，但既然咁出名應該係有佢過人之處嘅。朋友就叫左蕃茄牛面啦，又話出前一丁面，黎到一夾睇落都唔似嘅😥一食落口，說好的蕃茄湯呢😓湯都冇紅色，就咁放蕃茄粒就算，蛋花太碎，食唔到蛋味。再試試個蕃茄牛，點解要係蕃茄湯落麻油😑尼2樣都係我最愛，但放埋一齊就好有問題啦，唯有可以讚就係牛肉都唔錯起身賣單，見張bar枱擺哂一碗碗啡啡黑黑嘅野好核突。唔深究係咩啦,30幾40蚊碗野，呀姐我整仲好食多幾廿倍過2個鐘番到屋企，肚仔出事了🤢痾左2次都算，第二朝痾到番工番到半路都要call sick回府再痾總結，間野不可一不可再，又唔好食又唔乾淨，極度失望😑😑😑

第一次食見到個賣相真係唔係好吸引，但食落真係世界級，番茄芝士同蛋全部都係最中意食嘅嘢，食落雖然冇咩番茄味，但芝士同蛋花嘅味道都好濃，完全滿足到芝士迷。而西多士入面包住滿滿嘅花生醬，加埋糖漿同牛油真係一流啊！

呢間隱藏係地庫嘅冰室真係好有古舊嘅感覺🤣佢無華麗嘅裝修但週末去到嘅時候人流無停過😆佢個蕃茄湯底都幾濃郁😌唔係水汪汪咁😆加埋芝士都幾唔錯😆不過如果蕃茄味再重少少會再開心啲🙈This cafe is hidden in the basement in an old building of tsim sha tsui😆 it definitely gives you the feel of an old traditional hk cafe as it doesnt have any fancy decorations🤣 the tomato soup base is super thick and the cheese goes really well with it😌

對上一次到訪星座冰室，已經係10年前既事，突然間又有d掛住，又唔想晚飯食得太飽，決定再訪。餐廳位於著名的香檳大廈，老實說，周邊既環境，不甚討好，但係有時候就係咁樣咖啦，要食好野，就要付出。芝士蕃茄牛肉麵加蛋$45 事隔多年，佢地既蕃茄蛋牛麵，依然吸引，今次我order佐芝士蕃茄牛肉麵加蛋，$45，合理既價錢啦，芝士一大塊，湯底好濃夠漿口，公仔麵用上出前一丁，食落特別有口感，味道依然是好。呢度既野食真係唔錯，只係大家要忍得住個環境的話，便一定要試。

地點位置很隱蔽，位於the one格離，而入口要經過貌似五金鋪電器鋪才找到食店（以前想不到內面竟然有餐廳）餐廳裝修是一般懷舊茶記，懷舊香港茶記買小見小吃的是一種情懷點了 芝士蕃茄牛肉出前一丁 （有蕃茄粒粒的，湯底不算十分濃，牛肉也沒有煮過火，好食！）蕃茄雞扒撈蛋出前一丁 （朋友說好食，雞扒非常多）餐蛋治蛋士 （雞蛋不吝嗇的，而餐肉有一片，比例還好）凍咖啡 （還好）凍檸茶 （朋友點的）總結 ：地道港式情懷茶記，食的不只是食物而是感受茶記的人情味；會再來食呀！

係香檳大廈嘅地下室 見到好多貨倉同雜貨舖就岩😂 $40 賣相係有dd核突 上面d芡有點似鼻涕😂 但撈落其實味道都ok的 蛋好柔軟 可惜無乜蕃茄味 同好水 以前水平好啲架😢 不過撈翻芝士成件事又好食啲 食落唔係差 但唔會想encore了🤕 📍 星座冰室 香港金巴利道16-20號香檳大廈

重遊舊地的一天， 一間很久以出名的食店，但設立的位置並不起眼，最難得還能在尖沙咀生存，當然有佢的特色，就是這間設立在地庫的❴ 星座冰室 ❵設在一地庫內左轉右彎先能見到， 環境絕比不上地面的餐廳， 整間舖只有兩三個員工( 其實家庭生意)舖內環保持很舊的裝修就連橫行也設座位今次叫咗一個鮮茄豬扒公仔麵， 濃郁的鮮茄配上極有口感新鮮的豬扒，老闆也很細心將豬扒全部切件，他這裏出名的是以鮮茄配搭的麵類[ 有豬扒、餐肉、魚片等等]一杯美味的凍㗎啡這一輩並非普通的物件， 其實是一些惹味的菜譜， 用嚟撈公仔麵也很不錯簡簡單單的菜牌，便介紹了餐廳的特色提醒各位如果到這裏幫親切記帶現金

之前去香檳大廈睇相機都唔知原來地下有間星座冰室。見到大都酒店水牌入去落樓梯轉右就係星座冰室。短短嘅路程感覺好似入左時光隧道咁，周邊殘舊得黎好地道，裏面用吊落黎嘅風扇，再配奶白嘅燈光，望住碗麪，啲影閃下閃下咁好治愈。一坐低就叫左碗蕃茄撈蛋麪加五香肉丁 ，一上枱睇落好似粟米肉粒飯，因為成個表面都係蛋，即刻撈撈去，五香肉丁比得幾足，但蕃茄肉就唔係好夠，所以食落無茄味，蛋味好濃郁，如果落多少少五肉肉丁嘅油會再香啲，仲有佢地用出前一丁，煮得較軟身。雖然佢無乜茄味有啲失望，但其實都已經幾好味，連湯底都飲埋！下次要試埋佢嘅純茄底加！@852whatever

香港特色的冰室已是買少見少，這間以「蕃茄湯底」見稱的小店，雖然位處尖沙咀區，但少為遊客所熟悉，食客以港人居多。店內裝潢破舊，感覺雖然有點不修邊幅，但反而多了份老味道！今日又突然心血來潮，想一再回味一下這間小店。蕃茄牛肉通粉價錢比之前漲價了，可謂物價騰貴。通紅的蕃茄蓋過了通粉，喝一口蕃茄湯底，吃得出完全不是用罐頭的茄醬做成，味道微酸，顏色比較淸透，很有一種樸素自然的味道，再者牛肉嫩中帶點嚼勁，而且份量頗多，每一口都吃到番茄跟牛肉的精華，水準依舊！正所謂「人不可以貌相」，星座冰室雖然外貌殘舊，但卻是隱藏著美食的地方，這家庭式經營的樸素老店，值得支持！

#跟住男友好伙食系列難得我地出城拍拖男友帶我呢隻孤陋寡聞既新界牛黎到星座冰室前往開餐既途中，完全唔覺得我地係去緊食野，好有拍電影去做假證既感覺，鄭中基嗰隻呢！行到入鋪頭，係一般舊式茶記既格局，新界牛表示感覺舒服😌因為第一次黎，男友叫左一個撈蛋，我叫左個蕃茄湯，咁就可以試哂兩樣啦🤗但係個蕃茄湯我都加左炒蛋😂😂😂雖然都係番茄同埋蛋，但係食落感覺係完全唔一樣！番茄撈蛋湯嘅感覺就好似番茄蛋花湯但係係極濃郁杰身嘅蛋花，而番茄湯茄炒蛋就好有屋企番茄炒蛋嘅感覺，真係番茄而唔係茄膏。我哋叫咗一個米粉一個公仔麵，平日食公仔麵嘅罪究感真係好大，但係今次因為番茄味實在太清新啦，完全唔覺得番茄公仔麵係一件唔健康嘅事！正呀！食完面仲可以飲埋個濃濃既湯添！大滿足！

果日中午出開黎尖沙咀行街，順便食埋野先番去。通常同朋友去尖沙咀都係夜晚，食親既餐廳都係響商場，所以都要二三百蚊一個人。反而晏就我就覺得隨便食就好，所以就黎左香檳大廈既星座冰室。呢間野要行樓梯落去地牢先到，途經幾塊夜總會招牌，同屋人去食，都有少少嚇親老人家，以為我帶佢去Ｄ咩地方。今次叫左蕃茄牛肉麵，星座冰室最出名就係蕃茄麵，同其他餐廳Ｄ蕃茄麵唔同既係，佢地個湯汁比較杰，每一口都全粒粒蕃茄，非常足料，Ｄ麵索曬蕃茄麵，惹味飽肚。

超級喜歡這間冰室:懷舊,美味,隱蔽! 在尖沙咀有這一處小地方實在是驚喜!番茄湯底美食好味到不得了!!! 價錢實惠抵食! 很難形容太多 真係要親身去試先會明有幾好食和幾特別!!! 希望一直保留這間冰室, 去尖沙咀都總是很想去食呢！