星月居

营业中

休息中

久聞星月居大名，由於餐廳不設散座，終於湊齊一圍朋友去晚膳，菜單都是根據我們的喜好和budget安排，雖然比坊間其他順德菜館貴一點，但一來沒有時間限制，而且每味菜式都份量十足，算物有所值。個人喜歡蛋白蒸蟹鉗和桂花炒素翅，蟹鉗隻隻又大又好肉，絕不欺場；炒素翅夠乾身，有囗感又不油膩。至於壓軸的臘味生炒糯米飯更是精彩，飯料比例恰到好處，糯米粒粒煙靭彈牙，即使飽到上心口，仍要食夠兩碗，今晚可謂真正大滿足！

今晚「生哥」終於回復昔日「順德聯誼會」功力！甚至有過之而無不及！👍🏻👍🏻😘除咗最後個甜品：蛋白杏仁茶、冇蛋白、微溫及杏仁未磨得好細緻、口感差！其實呢個杏仁茶以前「順德聯誼會」都未好食過！😅今晚乳鴿、野雞卷炒鮮奶、桂花翅、玻璃蝦、釀鯪魚、梅子鵝有水準！👍🏻👍🏻👍🏻😘蛇羹、柚皮、生炒糯米飯水準一般！但可接受！👌🏻😘😘是晚菜單：花膠燴蛇羹 脆皮燒乳鴿 野雞卷拌炒鮮奶玻璃大蝦球桂花炒素翅家鄉釀鲮魚蝦子海參油皮梅子香芋鵝生炒糯米飯蛋白杏仁茶

上個月中「星月居」仍在試業期間，好榮幸地XO仔已有機會親嚐多道順德美食，當時亦即時為大家作出詳盡報導。睇過細佬篇食評後，多位長輩都話好有興趣一試，所以晚輩就喺餐廳正式開幕後搞咗次大食會聚餐。離聚餐日約兩個星期前已收到「星月居」o既短訊，通知新店成功領有酒類牌照，自來酒品均會酌量收取開瓶費；細問下得悉普通750ml裝紅、白酒每樽收$200，明顯自己並非VIP。唔知係咪冬至將近o既關係，除咗六間廂房之外，今次大堂中央仲增設咗張大圓枱。樓面伙計全部都忙得團團轉，認得小肥o既都好友善地上前打招呼，不過佢地o既同事中亦有幾位黑面神，真係唔知幾時得罪咗佢地囉！因深知餐店只招待預先訂座之顧客，及必先預設菜單，小弟就憑上次經理哥哥所派o既咭片以whatsapp與其通訊。經理哥哥第一次傳黎供參考之「新張誌慶菜單」如下：順德魚蓉羹翡翠玻璃明蝦球大良野雞卷伴鮮蟹肉炒鮮奶日本吉品鮑扣柚皮菜遠炒黃皮老虎班球脆皮妙齡乳鴿12隻生炒腊味糯米飯養顏蛋白杏仁茶12位用$13800多謝加一服務费（請参考！多謝！）價格及餸菜都跟上次食嗰席有好大差異，似乎經理誤會咗XO仔為第二個客人，所以自己就送上存檔之相片記錄，要求重寫菜

美人姐姐同迷人uncle收到風，得知前「順德聯誼會」位大廚新哥最近喺灣仔有新搞作，新店「星月居」將於11月29日正式開張。打鐵要襯熱，二人即襯上週餐店剛開始試業大宴親友一圍，順道為其居美返港遊玩o既長姊餞行。餐廳佔用大廈三樓圓月形o既面積全層，現階段仍有地方正在裝潢中，故牆上都只係簡單掛出抽象o既水墨畫作裝飾。由於店子只招待預先訂座之顧客，所有菜單要提前寫好，大堂並無設置任何散座，用餐處基本上只有六間可打通o既廂房，每間都可坐十幾人，間隔巧妙地砌成彎月形，設計同個店名「星月居」真係好夾。當晚十四人被安排入座圓月星光燈下o既弧形大房，餐具酒杯齊全，中西合璧得黎感覺光鮮企理。就連白雪雪o既餐巾都衛生過人。全新o既碗碟都印有不同o既國畫圖案，極富中國色彩。因樓面好多運作仍在適應中，晚宴o既菜譜都未黎得切印出，不過單憑轉盤上o既菊花及卜卜脆，全枱人都估到晚餐將由蛇羹打響頭炮。花膠拆燴五蛇羹：熱辣辣o既蛇羹好大鍋，每人分咗一大碗都仲有得添。羹中o既蛇絲幼嫩甜美，花膠爽脆潤滑，蛇羹鮮香濃郁，窩心暖胃，滋味無窮。黃皮老虎斑兩味之莱遠炒球：老虎斑球厚肉得黎一啲都唔實，入口鮮甜嫩滑，魚皮亦柔韌可口，實屬