星月廊 (已結業)

「日航」酒店再見鳥，喺改名之前，總想懷緬一下，於是喺最後一日嚟呢度飲下野。柔和昏暗嘅燈光襯托五彩星光，仲有pop music，輕鬆舒服。預訂時講左要窗邊位置，我就可以舒舒服服坐低，其餘窗邊位已於八點前坐滿。夜幕低垂，寛大嘅落地大玻璃窗讓維港景色盡收眼底，好浪漫呀。晚上5-8 Happy hour 買一送一，我地要左世盃特色雞尾酒The Samba，菠蘿果香、薑啤及羅勒香辛刺激，香甜清新，富熱帶風情。食物方面，安排左牛肉漢堡包配薯條及沙律，牛肉厚厚嘅，鮮嫩味美，同半溶車打芝士及酸瓜碎，口感豐富好滿足呀。Fish and chips 厚魚柳鮮嫩幼滑，用薄薄脆皮包著，恰到好處，薯條脆卜卜，正。美味食物配醉人夜景，過了一個好愉快的晚上。希望酒店易手之後，可以保留呢個好地方，一個城市嘅綠洲。

返廣州開會2日~ 每日做足12個鐘~返黎真係身心疲倦...男友主動提議陪我飲下酒~~ 我當然贊成~~一早就聽過日航酒店，星月廊環境唔錯~~果然名不虛傳~~而且服務好好~~ 一入酒吧，職員好親切咁帶位~~坐到最後一張海景台~酒吧環境好暗~~ 天花係滿天星裝修~而且每逢星期2、4都會有Live Band~HH 有買一送一優惠~~真係平民價錢享受星級環境~~點左2杯啤酒，1客fish and chips~點完酒，好快送上Nuts~男友話係辣味栗一燒~等左15分鐘，fish and chips上台~~比想像中大碟~~ 薯角另上~~ 份量一樣多~~而且即炸！十分香口~~ 裡面滿滿薯蓉~~3大件炸魚柳~~炸漿唔厚~~ 抵讚~~魚柳夠厚~ 啖啖肉~~配埋他他醬~~~ 十分滿意~~2個人食1碟~ 已經夠飽~~浪漫環境~ 一邊同男友傾計~~一邊睇夜景~~ 加上Live Band~~真係唔願走~~~

星期四晚早左收工，於是約埋幾嗰同事去relax 下同飲下野。最後決定去hotel Nikko 既 Sky Lounge，一黎近公司，又聽人講佢個海景view好正，值得一去！一入到去就比個靚景吸引左，仲要有口位坐，正！諗左好耐都唔知飲咩好，最後聽左staff 既suggestion，order左個海鮮拼盤，有得食又有白酒送，唔錯有個同事唔識飲酒，staff 介紹佢飲okinawa,話係sky lounge 既自創cocktail.海鮮盤非常豐富，有5種海鮮，賣相吸引，味道又甜，yummy！仲有枝白酒送，真系超值！而同事杯okinawa佢話易入口又唔太甜.重點係happy hour buy one get one free,超抵!!

呢個地方都去過好幾次，都覺得唔錯，值得推介一下！我就比較喜歡早少少去，因佢地有happy hour ，嘢飲買一送一比較抵d！去過幾次，都有d特別嘅嘢！好似今次去就有個海鮮拼盤係fb 打咭就有支酒送，睇落好似幾抵，有機會都可以試下！今次我地飲左杯叫berrilistic，味道幾得意，酸酸甜有d莓味！另外一個叫hara kiri, 呢杯感覺好日本，因為有d wasabi 係入面，味道又幾有驚喜！

一步入SKY LOUNGE，真係店如其名，滿天星星。餐廳光線較暗，目的都係等顧客留意到窗外既維港美景。（小TIPS：可坐近餐廳門口既位置，可以望到既維港景會較廣）5pm-9pm係happy hour,但佢既買一送一係一定要同一杯飲品(我覺得這條例較rigid,應該唔同先可以等客人試多D佢地既飲品)而且live band只係星期二同星期四，相反較旺場既星期五又無....我叫左杯Blue Velvet($98),有blue curacao，所以入口有少少苦，有輕輕既橙味，重sparkling wine既氣酒味。次後同朋友交換，飲左佢杯tropical mango,明明同服務員講要重d酒味，但可能佢聽錯，成杯菠蘿汁咁，中間有一大舊菠蘿肉俾客人食。叫左$105蜜餞芝麻雞翼同$115焗釀方格。前者超好味，個皮脆脆既，又幾honey入面d肉又夠味，但連加一除番要$20一隻有D貴..........後者唔得，上桌已經唔夠熱，格薯稔曬既，英文又叫greek nachos，仲以為係栗米片!!!以景觀、日式toilet、超值飲品，絕對可以一試，但認為酒店方面仍有很多改善既地方，難怪星期五晚上都水靜河飛。　

上周五傍晚，機緣巧合提早下班，約同友人到尖東日航酒店十五樓的>>>Sky Lounge<<<來一round happy hour，輕談淺酌。到達時，大約六時左右，天還挺亮，坐在酒吧，可以清楚欣賞維港景色。雖然這是雨天，幸好天蠻清的，心境豁然開朗。Happy hour時段，飲品買一送一，所以冰和友人share這個offer，每人各飲了一杯Choco Dance。此cocktail以Vodka、Dark Cacao、Crème de bananes、Fresh Milk和Fresh Banana調製，朱古力味就沒有了，香蕉味倒也挺濃，而且很易入口，不喜歡酒精苦澀味或愛甜酒的朋友可以一試。由於店方規定每個人必須至少有一個order，適逢大家有點肚餓，故此點了一客焗釀方格薯 Greek Nachos。這個樣子不太吸引吧？味道不過不失，只是等候上菜的時間比較長。售價是酒店級價錢──港幣115元。 若不想花錢在食品上，大可狂吃蝦條，皆因這佐酒小吃是無限任添。總括而言，每人平均只需消費約港幣一百元，就可享用這清幽的環境，是物有所值哩。

平時都鐘意飲下野，和朋友傾下計，食下飯咁。咁啱前天朋友就約我去左黎度，開頭都找不到路，上完電梯仲要行多層，幸好有職員帶路先揾到。上到去，黑漆漆都幾浪漫，可惜我們倆都是女的。。我叫左柸mango味旳 cocktail。都幾好飲。不飲酒的人可以要求冇酒添靜靜地，可以上黎傾下計或者生意都得，又買一送-。不過，叫野食就耐左少少和没有吸煙區。

本身有一次會試呢間lounge，但突然有事去唔到，本次補番。先講下環境啦，暗暗地，就好似一般飲野的lounge咁，大部份都係sofa位置，坐得幾舒服ga，如果window seat就可以對住個海tim，不過張seat係sofa，有少少低，所以坐低左之後個view就睇少半喇。抬起頭，就會望到好多燈飾，應該就係match番個lounge個名....好似望住個好多星星gei天咁...環境十分ok的happy hour去，drink buy 1 get 1 free....我地一人飲左兩杯beer...虾條不斷refuill....食左4盤....而且虾條好好味...唔知係邊隻呢...我地又覺得係佢地可能自己再加左d調味粉，令個味重左...咁見坐坐下幾舒服，唔係好想郁...由hh變成晚餐，所以就order埋野食...我地叫左一個chicken wings一個天婦羅烏冬，chicken wings有芝麻，幾好味的!!!烏冬都足料幾好，都仲有d野食想試...不過留番下次啦。我地坐左3個鐘左右...唔太full 7-8台度啦..而且靜靜地，好岩傾計relax下。

其實都唔係第一次來今次來都係happy friday drink! 加上頭先係榮華川食完, 唔過海去blue bar, 就搭215X過來, 望下維港東無敵海景well, 其實佢地d cocktail 岩晒d酒量淺ge人(包括小弟) 一入口果陣酒味唔濃, 偏甜, 易入口, 連出面飲落去好掯ge long island都係咁, 可樂味蓋過酒味, sex on the beach直頭似杯peach juice成份話有蜜瓜甜酒, 但係一d都飲唔出有酒味但係.....景色令人醉倒, 同知己坐係咁正ge地方吹水, 真係夫復何求

食飽飯個FD叫去飲野, 難得復活節, 放幾日假, 咪陪佢癲下. 佢帶左我去日航酒店頂樓SKY LOUNGE. 環境俾我想像中好, 又靜, 唔似出面D BAR咁嘈, 又有少少海景睇下, 雖然唔係望唔哂成個維多利亞, 不過都好過無. 可能平時都有飲開COCKTAIL, 想飲杯特別D. 見到枱面張卡有杯COCLTAIL幾得意(讀得書少, 唔識讀杯野名) 呢杯係SAKE加西柚汁, 之前都未試過SAKE做既COCKTAIL, 唔知係咪得日航酒店先會咁做. 杯COCKTAIL有米香, 飲落去唔僧太重酒精, 可能有少少西柚汁帶返D酸味, 幾易飲. 而我個FD鍾意飲濃D,就叫左杯CLASSIC COCKTAIL, LONG ISLAND. 呢杯冇咩特別. 可能呢到氣氛好, 呢間可以ENCORE.

其實我都幾鍾意去d清bar飲野, 但係每一間清bar d服務同價錢都好唔同.前日, 我同老婆係日航酒店食完自助餐, 本來想去老蘭飲杯野, 但服務員話我知, 原來呢度14樓都有間清bar, 叫做sky lounge, 上到去發覺環境都唔錯,都幾浪漫同有太空feel, 咁我同老婆就點左兩杯野飲, 唔係好記得名, 不過係兩本杯日本feel既cocktail, 飲左一陣, 見有少少肚餓, 又口痕,咁我地就點左d小食, d種類都有好多, 有中西日三款, 真係一次過滿足晒你三個願望, 不過就等耐左少少, 但都幾好食, 推介有芒果鱈場蟹沙律同印尼炒飯, 正, 仲有個幾nice既侍應同我地傾下計, 問下d食物同野飲好唔好, 服務態度真係唔錯, 埋單每人大概$180, 酒店黎講, 算差唔多. 有機會可以同老婆再黎~

岩岩同朋友係尖沙咀行完街,好累想搵個地方坐下, 搵到呢間Lounge係日航酒店十五樓,佢地五點至九點有happy hour買一送一,計落同D街Bar差唔多.這裏還有多款小食,我就叫了(巴哈馬火腿)幾好食.兩個人每人飲了兩杯啤酒加小食都係$180蚊不算貴,值得. 有個無敵海景view 感覺上好似在海邊飲野咁好優閒啊!

假期前夕,小妹定必相約三五知己聚聚,今次不得不推介SKY LOUNGE~朋友仔推介,之前都未去過,係尖東有小小遠,不過未去過真係唔會有個噤o既地方上到去環境一流,超靚海景,好在個朋友訂左位,如果唔係冇窗口位～之後一人叫左一杯特色cocktail,靚靚又好飲,仲要買一送一添叫埋小食仲平過d街吧,仲要冇收Nut錢,早知一早黎呢度啦仲有五星級服務,正!不過等食物有d耐,好彩有個靚仔黎同我地講聲唔好意思. 順哂~

＜海＞總是給予我一份寧靜的感覺....總覺得它能替我帶走都市的煩囂。本人最喜歡搜挖一些有海景的餐廳、酒吧和情人燭光晚餐或是和三五知己相聚片刻...這次在報章上看到了一篇有關日航酒店星月廊的短篇介紹...故此決定上去一探究竟...一進門服務員禮貌地應聲說了聲Good evening ...然後徐徐地拿著menu帶領我們入坐長長的落地玻璃一覽無遺的維港景緻浦即坐下又細心的奉上佐酒小食：蝦條法國出產的紅酒是友人Jenny的最愛適逢Watson wine 做緊promotion我們最後選了一枝Sarget de Gruaud Larose St. Julien 既 2nd Wine口感還不錯...不知是否時間尚早,只有很少客人四周的氛圍也很寧靜、很舒適雖然陳設不能歸類為時尚感..可是卻出奇的感到和諧美中不中的是音樂不夠輕快...正當我們一行三人言談什歡的時候...服務員突然奉上了豬扒包...一問之下原來這是星期天happyhour才會送贈的豬扒包味道𣳈豬扒包和紅酒？？？可是味道卻出奇的match夜幕低垂抬頭望發現天花上佈滿了一點點繁星...它們都是根據星座的排列堆砌而成...這使這裡變得更神秘

今天約左成班中學同學去食飯聚一聚....大家都不知道去邊好...有D 又話想食日本野...有D又話想食西餐......傾左好耐.........都未決定好...結果...有個同學就提議去NIKKO　ＨＯＴＥＬ。。。。未去過就試下ＬＡＷ。。。去到先知道是酒吧，不知道有咩野食。。坐低就睇下飲咩，我就叫左柸ＮＩＫＫＯ SPECIAL..試下....佢地就叫左紅白酒....我柸COCKTAIL 都幾得意..有D MINT...又不重酒...都幾喏女仔飲.。..飲完後..待應就給第二柸我....我以為是REFILL..點知原來是買一送一.......等斎人之後....就睇下MENU 食咩......點知有幾本MENU 咁多...原來咩菜都有得食......日本野..中菜..西餐都有....同學仔咩都叫下來食....不過我最喜歡就是SUSHI 拼盤 和特色炒飯....EASY FOR　ＳＨＡＲＩＮＧ　和SEAFOOD夠新鮮。。。。。我們由７　點半坐到１１點　先走，好奇怪，成晚的音樂SYLE 一成不變，，好悶ＬＡＷ，希望下次會有改進,播下D R&B!