星洲名廚 (已結業)

豬扒牛脷都幾好食，海南雞都不錯，咖哩夠味道衛生欠佳，幾次都見到有大大隻曱甴，都幾恐怖希望可以改善，可能要搵人滅蟲或者裝修，佢哋係開放廚房，嗰個地下黐立立好似近幾次少左人食，在改善都好難搞

話說兩條友喺呢條街盪咗半個鐘，揀嚟揀去，最後入去試吓☺️肉骨茶加配油炸鬼，大大煲，可惜唔係餐牌講嘅明爐肉骨茶，放低10分鐘已經凍晒，要同時間競賽，快快手飲晒啲湯先得，材料都多，味道夠濃，但冇藥材味嘅😟小食拼盤$150嚟講，好似有啲貴，雞翼同春卷冇乜特別，串燒豬肉燶燶哋有焦香味，最好味反而係咖喱角，個辣味喺個口度徘徊咗好耐，好味道😋最後個咖喱牛腩農夫包，真心推介，個包外脆內軟，啲牛腩有少少筋，軟淋淋唔柴唔痴牙，個咖喱汁夠濃郁，點包一流，好味道😋飲品嗌咗鹹檸碧，冇乜特別，青檸梳打就係溝出嚟嗰啲，冇青檸的，只能少甜，冇得走甜🥲

《平民抵食嘅新加坡街坊店新加坡🇸🇬》1. 海南雞飯套餐 ($69)味道正常，雞肉肉質一般，油飯好香雞油香，飯都唔會太淋，不過醬料太少唔係好夠點雞，醬料味道正常，不過薑溶同埋黑醬油比較淡。🌟 評分: 6/102. 秘製黑豉油撈麵 配招牌厚切豬排 ($58)炸豬排個皮好薄，而且冇翻炸熱辣辣，肥瘦均勻肉質鬆軟，而且好大塊。撈麵麵底係公仔麵，麵質適中，亦都好夠黑豉油。🌟 評分: 8/103. 拉茶味道好淡，似係沖粉沖出嚟。🌟 評分: 4/10🎖️整體評分🎖️❤️ 味道: 7/10🧡 環境: 7/10💛 服務: 7/10💙 性價比: 8/10✨星洲名廚 📍土瓜灣北帝街35號#hkoverfood_土瓜環

我真係好失望呀，呢間星洲餐廳嘅食物真係唔好食。我叫咗一份海南雞飯，但係啲雞斬到好多碎骨，又冇咩肉。有幾舊仲要血淋淋，但係啲肉就鞋颯颯。一係就成舊都係雞皮同肥膏，一係就全部都係骨得少少肉。收得呢個價錢，食啲咁嘅嘢，真係唔值得。去隔離街燒味檔斬盒切雞飯都冇咁嬲。而且啲服務態度都唔好，餐牌唔清楚想問下都唔理人。總之，呢間星洲餐廳嘅餐點同服務真係好令人失望。如果你想食正宗嘅星洲美食，我建議你揾其他嘅餐廳啦。

這間叫星洲名廚，看名就知吃星馬泰的食物，而且有名廚這個名，加上午餐定價高於其他食店，那就令我大大提高對這間餐廳的食物質素。入到來就叫一客海南雞飯。食物很快就到，海南雞飯有齊三款調味料。雞的份量都幾多，不過是沒有去骨的。所以就吃得沒有啖啖肉的爽。雞肉很厚，但不知是否與雞的部位有關，雞肉不滑，很鞋，亦沒有味，所以那那調味醬就顯得很重要。跟海南雞飯的油飯不錯，飯粒分明，有與料頭一起煮的味道。這個餐還有菜和湯，都是滿足的一餐，就是主角海南雞的水準比下去。見其他人點炸豬排，份量好似很多和美味，都可以一試，但主打的海南雞飯就算了。神級無味食評師-阿偉

入到黎土瓜灣，知道呢度有好多平民小食店，誤打唔撞之下，試試呢一間食海南雞飯/喇沙面嘅舖頭撞正lunch時間，呢間己經滿座，等左十分鐘左右終於有位!🔸招牌厚切豬扒喇沙 $56(可以選擇米粉,油麵或者摻摻)我選擇咗米粉，一黎到我嚇左一跳，估唔到咁大碗。個炸豬扒都幾有驚喜，豬扒炸得好香，好厚身又唔鞋口，外面仲炸得脆脆地，食得出有d香茅味，好好味🤤喇沙湯濃濃嘅辣香椰汁味，有豆卜，魚蛋，半隻蛋好豐富^^ 豆卜好索湯，吸曬d湯底，每一啖麵都好滿足：）

今日無意中經過北帝街，就行下睇下有咩食見到星洲名廚，諗起好幾年無食過，就入去懷緬一下記得以前好多人等位，好好生意，遲少少去都有排你等，估唔到而家係咁冷清，唔知係轉左手定味道變差7點入去都係得一兩枱有客，唔怪得阿姐叫我隨便坐今日食左肉骨茶，味道偏甜，不過都有藥材香味，3條排骨，最開心係有冬菇，所以覺得ok$67有肉骨茶有一小碟菜仲有白飯連野飲，我覺得價錢ok, 環境就無乜變，都係咁窄，不過人少所以唔會逼服務都ok, 一叫就有人，而且都好有禮貌如果下次再去嗰邊，我會試返豬頸肉撈丁，睇下係咪真係咁差

十分之難的食物，堅硬程度可以打死人嘅豬扒一樣，沒有味道的喇沙同一向好飲的咖啡,好似喝水一般都變了淡而無味！應該話水好飲過這杯咖啡。員工只會傾計沒有服務。全塊雞扒可放在豉油碟上！真的不似餐廳! 不會再幫襯。

📍星洲名廚｜土瓜灣評分8.5/10🔹某日經過土瓜灣 見到呢間小店感覺都幾抵食感覺似街坊食堂咁食完覺得有驚喜可以同大家介紹下🔸秘制豬頸肉飯$60呢個豬頸肉係我今年食過最好味！豬頸肉油脂夠多 用蜜糖燒過後好香口 忍唔住食完一塊又一塊🔹海南雞飯$65海南雞肉質嫩滑 冇多餘肥膏雞皮下面仲有啫喱🔸Lunch set仲送例湯同飲品例湯都好足料性價比好高🤪🔹舖頭入面裝修簡約行平民小店風人均消費：$100以下

有一次在完全沒有計劃之下，又走到來這條街道上，我看到那次的新式港式餐廳食個午餐都差不多要$60 ，倒不如進來這間新加坡式港式餐廳試試其他菜式吧。自然無論咖哩或是海南雞飯都只是$60左右，不過我在夏天經常不太想吃熱飯，於是之前就是了這間的喇沙喇沙的湯底不算太過杰身，不過味道都算香濃，而且不算太辣，湯底唔夠熱，叻沙摻摻就是油麵以及米粉兩溝，兩種麵條雖然都不算怎麼煙韌彈牙，不過上湯能力相當不錯。另外它的豬頸肉，雖然很快便端來，不過想不到味道相當好，燒完之後還肉汁勁多，完全沒有乾身的感覺，內裏除了汁醬之外，還保留大量肉汁，非常之可口。雖然它是白咖啡，不過完全沒有味道，不論咖啡本身的味道定係白咖啡的甜味，都好像比較缺乏。不過自己間餐廳在這條街來說，應該算是比較狹窄的，內裏的座位都比較狹小

以前也一直有幫襯開，不知是否疫情關系，有沒有轉過人就不得而知了，今日閒來一試，真係勁失望果隻，午餐時份人不多，進去後已覺得裝修倍顯殘舊了，沿用多年台椅都沒變，最慘就係連冷氣機都沒變，係33度既今日，開晒冷氣同風扇都只比街外低一兩度，真係攞苦黎辛，以前賺落咁多整整佢啦，點左個㗎喱牛腩農夫包，凍咸檸碧，另一位係肉骨茶餐配奶茶，無錯，好似另一位師兄講，牛腩多肥膏同筋膜，肉尚算林既，個句就只又近邊位比較脆少少， 味道ok,勉強可以接受既，由於個包唔包飲品，只能用正價叫個咸檸碧，只有八份一個檸樣，仲唔咸，咪同阿靚女講啦，靚女話你篤下佢啦，我話篤到爛啦喎，佢話好咸架啦，我話真係唔咸，妳飲啖勒，佢係都要話好咸，我飲果個都唔知？係要同我拗，最後仲唔理我走左去添，真吹漲，對家果位都表示，杯奶茶淡到無味咁

放假緊係要出街振興經濟 今日同屋企出咗去好多好野食嘅土瓜灣 紅磡 行下街 之後見到哩間餐廳就入咗去試試醫肚 食得多茶記同酒樓飲茶係會悶嘅 所以比個機會自己 試下新野 話唔定會有驚喜 去到叫咗個肉骨茶套餐 來到熱辣辣都幾香藥材味 趁熱飲返啖湯先 個湯又真係足料濃郁又唔油膩 啲肉香滑唔鞋口 哩個價錢哩個質素都算係咁 食完個飯仲有個小甜品 雖然都知來貨多 唔緊要啦 哩餐都算係抵食同好食嘅 總括來講都還可以 大家經過哩面真係可以比個機會自己來試試哩間餐廳😂

日日都出街食飯/ 豪買外賣食, 食得多真係會破產架, 所以今日目標係搵間平平地嘅餐廳食飽飽。好耐之前食過覺得好味, 價錢又算平平地, 所以就鎖定「星洲名廚」。🥢星加坡咖哩飯配招牌厚切豬扒 (送老火湯)厚切豬扒嘅數量真係為之驚人, 見到都覺得滿足, 豬扒即使厚身都係好多肉汁, 質感軟腍。咖哩汁用嘅香料同一般咖哩唔同, 偏辣, 同有少少配料味道, 配有一舊軟綿綿嘅薯仔, 好味又飽肚。唯一挑剔地方係無任何青瓜/ 蔬菜做配菜。整體食物質素幾好, 價錢亦相對便宜, 值得再食。

🇭🇰星洲名廚·我地本身諗住食隔離個間天園餃子架 但係我地太遲去到 佢已經截左單啦 所以我地就入左黎呢間😎😎·招牌厚切豬扒娘惹喇沙$58 l 海南雞套餐$67佢個厚切豬扒真係超級厚切 而且佢係一D都唔韌 面頭仲脆脆地 食落口感同味道都好好🐷不過可能因為我地太夜 所以佢個豬扒係暖既姐 唔算話超熱辣辣 要點湯食先熱D😈😈之後佢個湯地都唔錯既 豆卜好索湯 係個魚片粉左少少 之後佢個掺掺比例都唔錯既 不過如果再多D油麵口感應該仲正🤤佢個海南雞就一般般啦 佢個調味比較淡 食落似白切雞多D 好在佢D雞肉都嫩既 不過都係個厚切豬扒出色D🤣🤣··📍土瓜灣北帝街35號

今日去開土瓜灣一帶，肚子有d餓入左一間星州名廚食星加坡嘢。跟住我同我老公就叫咗一個招牌厚切豬扒㗎喇沙$56，同埋海南雞飯$65仲加咗$8要個凍拉茶同埋加$15嘅紅豆冰。個招牌厚切豬扒喇沙呢好有驚喜，個豬扒又厚啦又唔鞋口又好香香茅味，個喇沙又好濃郁的蝦味同埋椰汁味，真心唔錯。而個海南雞飯呢就比較失色啲啦，海南雞呢係冇幫你脫骨嘅，啲骨呢仲多過肉，同埋隻雞唔係好夠味。可以唔洗試！到最後就係加左$8的凍拉茶，冇特別唔洗加。而紅豆冰係需要加$15的，更加不需要普通過普通。整體來說星州名廚的喇沙可以一試。