星洲名廚 (已結業)

今晚約左同事係土瓜灣行街，咁行到咁上下，就梗係要搵野食啦！行到呢間野出面，見到個menu好似幾吸引咁，就 walk in 入去準備開餐！利申，我真係5識分泰國菜同埋新加坡菜，唯一知ge係胡椒蟹係新加坡菜囉，其他咖哩呀，喇沙呀果d真係傻傻分不清。不過話知佢啦，好味咪得囉。入到去，我叫左個咖哩豬扒飯，我同事就叫左個海南雞飯。咖哩最忌有粉味，無論係用咖哩粉定咖哩磚定其他野開出尼ge咖哩，開得5好ge話都好容易有陣粉味，尤其是係茶餐廳，好容易食到有粉味ge咖哩。我好中意呢間野d咖哩，因為佢d咖哩冇粉味不特止，仲有我勁中意ge香茅味！淨係個咖哩汁已經夠我ko成個飯！再講個豬扒，冇厚粉不特止，仲夠哂脆，正呀！而我同事就同我講個海南雞飯d雞好滑，同埋個油飯好香，一面倒正評呀！下次可以再尼食過！！

平日晚上來都好滿 要 搭枱坐試了 厚切咖哩豬扒飯和 厚切豬扒叻沙味道很正宗 喇沙係香港算係少有地好食自問喺香港食過咁多喇沙呢間係其數一數二價錢亦算平 150元兩人 食到飽如果你喜歡星馬菜值得一試包你食完不會後悔

我好鐘意叻沙,但香港好食嘅叻沙真係唔知邊度搵.........見呢間正面食評有好多,一於過黎試下係咪咁好味先。鋪頭係茶餐廳格局,多數野食配餐飲,我地叫左蝦叻沙,要左2種mixed嘅面底,雖然係新加坡式叻沙,但都係奶香同椰香唔夠入味,湯底一般,比較稀蝦食得出係新鮮蝦,但偏細,整體效果一般,無驚喜,反而杯拉茶好出色,香味重,又夠滑另外嘅豬排撈面,面無味,但豬排有驚喜,好厚身juicy!!配埋個汁好好味iced lemon tea無咩味道.....大家如果黎呢度,可以試下個豬排!

土瓜灣有好多好野食，上次黎晚市都要排隊，見今日唔駛就去試下。名廚咖哩厚切豬扒飯餐送例湯($57)，金黃色的厚切豬扒肉質鮮嫩而扎實，炸得好鬆脆。咖哩好香滑，質地都幾結身下，有塊薯仔係入面，好入味。青瓜雖然係配菜，但係都幾好味，有醃過，唔係拌碟青瓜。豬扒叻沙($55)湯底十分香濃，配菜仲有魚片、豆卜、雞蛋和芽菜，真材實料，一D都唔馬虎，感覺很地道。配米粉食就最能吸收到湯的精華。豬扒同上一樣咁滋味。餐茶有白咖啡，另加$12可轉拉茶，與奶茶十分相似，可以一試。

今晚情人節，老公的約會臨時取消了，因此可以和我吃晚飯，昨晚吃不得厚切豬排，老公當然想再吃啦，來到時見到已經有二、三班客在等，好彩我們兩個人可以直入不用等。海南雞飯套餐$62，另凍檸茶$3－雞剛剛熟悉，肉好滑而沒有血水。油飯充滿雞油香味，仲有少量香茅的味道👍點雞有三種醬料:黑醬油帶點紹興酒的香味👍呢個好特別，我很鐘意😍辣椒醬－有少少醋唔算太辣羗蓉－加了少許鹽凍檸茶茶味濃，甜度適中👌厚切豬排喇沙$55包熱飲，喇沙湯底有濃郁椰香味及蝦味。豬排肉好鬆帶少許肥，皮好香脆，有少少香茅味👍👍👍白咖啡－冇黑咖啡苦，好香滑。

是晚呀媽冇煮飯, 放工返到屋企已經好累, 所以就咁0係屋企附近食算lu~~其實呢間星洲廚房我地已經幫襯過好多次係今次終於的起心肝寫返篇食評基本上男友每次來都會order 呢個豬扒蛋飯, 因為d 豬扒係超足料的. 岩哂佢呢d 啖啖肉的食肉獸仲有, 不得不提係佢個汁, 酸酸辣辣咁, 用來送飯真係一流!就算我呢d 唔係特別中意食肉食飯的人, 都覺得好好味! 必食之選!反而我今次點左呢個蝦麵就幾令人失望, 淡而無味其實我平時通常order佢的咖哩or 喇沙麵來食, 兩個都good的, 今次諗住試下新野啦, 點知係伏賣相同佢menu 爭好遠!!! 就算問佢拎左d 辣椒醬來調味, 都係唔多掂下次都係叫返喇沙麵算, 哼!!

星洲？個名叫星洲，但星洲炒米絕對唔係食客再次幫襯嘅主因，皆因星洲名廚嘅豬扒飯同海南雞飯非常岀色，唔信？試下咪知囉！泰國水門雞飯係我的最愛，估唔到香港星洲名廚嘅海南雞飯都可以列入我的最愛，實力當然有反咁上下！老公最愛佢嘅豬扒飯，啱哂！唔洗爭食！

很久沒有來這裏吃飯了，自從剛開張時係個一次，之後就沒有來過了。今晚晚飯在這裏吃，本來想吃喇沙，原來已經賣晒，見到餐牌上咖喱豬扒飯好吸引，就叫一個來吃，來到時見到豬扒好厚好大塊，而且味道好好，可惜咖哩有點苦味，如果唔係應該攞滿分。下次早點來吃豬扒喇沙，再試下是否好味。

今晚再嚟試豬扒喇沙，因為琴晚吃不到，叫了豬扒喇沙套餐，包括一杯白咖啡。豬扒一樣咁厚咁大份，槮槮係米粉+油麵，有兩件魚片及半隻蛋，湯底有椰香及少辣。咖啡味道特別可以一試。$55一個晚餐算不錯

同同事做完野 緊係要醫肚見到星洲菜 忍唔住就好想食海南雞即刻沖左入去椰青 青甜多汁 椰肉鮮甜嫩滑豬頸肉喇沙豬頸肉香口 烤得恰度好處喇沙湯底有進步空間 如果再濃稠一點會更惹味海南雞肉夠軟 但不夠口感 雞味略嫌較淡但海南雞汁夠味 用黎撈黃油飯一流咖哩牛肉包咖哩香辣而有層次 質地濃厚適中麵包烤得香趣 用黎沾咖哩口感非常好真係幾多個都食得落牛肉煮得夠軟 而且一啲都唔老 一流肉骨茶湯頭濃郁 豬肉煮得夠冧而且加埋香趣油炸鬼 吸收香濃湯汁藥材足料 飲完飲人舒暢

玩個GAME令到我會去多左唔名地方, 當做下運動又幾好喎!!!行左咁多路更係搵下附近有咩食架啦. 這區真係無咩做功課都係隨便走入一間食就算. 友人勁想食海南雞飯, 我地就係OR搵到這間都不錯就入來試下. 星期六晚上6點多來, 人唔多. 但聽亞姐同其他人講一到7點就要排隊... 友人點左個海南雞飯餐跟凍檸茶; 我就點左椰漿飯跟熱檸茶. 這裡都有晚市套餐一般都係六十幾蚊左右, 如果唔想食飯佢地都有D喇沙套餐. 點餐後, 亞姐就送上老火湯...估唔到個湯無咩味道又有D瓜菜食下都幾岩D成日出街食都有啖湯水飲下既人士. 再來我既椰漿飯先來..一睇個樣就非常吸引. 份量十足, 最喜歡係個飯呀有微微椰香再配埋旁邊有咖哩牛腩唔錯, 牛腩炆得夠淋身個汁帶點椰香. 而友人既海南雞飯都唔錯, 雞肉夠滑雞油飯都好夠味, 配埋D醬汁真係好正...相比好多以海南雞為主既餐廳, 這裡做得不錯而且價錢實惠 整體上食物真係唔錯份量又足, 下次有機會來都想試埋佢地既喇沙. 地址:土瓜灣北帝街35號

專程過黎食, 見到個肉骨茶好似幾正, 最愛咁深色既肉骨茶肉骨茶餐, 本來都好期待, 呢個肉骨茶雖然夠藥材味, 但似乎重手得滯, 有D 苦, 好唔好味見仁見智不過好的地方係舊排骨都幾靚幾淋另一個海南雞餐, 雖然係脾翼雙飛, 但個人覺得中伏 了雞唔夠滑又無雞味, 油飯應有既油香味都無, 飯仲有少少硬, 好失望有脾有翼都咁難食, 好難想像雞胸有幾難食

如果成日食日本韓國野，想試下濃味少少，不妨去食下新加坡野之前在新加坡工過一段時間，所以知道當地人因為天氣太熱，為左增加食慾，會落好多醬、糖、鹽、香料，令到每碟菜都濃味d，咁就開胃d不過香港人普遍食得清淡d，但間唔中食確實好美味尤其係呢間的招牌菜：咖哩厚切豬扒飯每件豬扒都炸得均勻鬆化，無得彈！唔會太乾身，亦唔會軟淋淋，好香口而且咖哩香濃，淋上去豬扒到，令每塊豬扒都滲入微辣的咖哩，真係出面食唔到次次黎都嗌呢個飯羊鞍都係值得一試，最重要都係伴埋d咖哩汁鋪面同一般茶餐廳差不多，上菜快，食物熱騰騰！

午巿套餐，海南雞及啦沙豬排，凍白加啡，椰青。海南雞、油飯有水準。啦沙就完美！！！！！！！！！一上台就香味十足，食落又滑又有，蝦及椰汁香絕配，麵吸了汁但唔會斷開，最後整碗連湯KO

又到一點，路經北帝街，就進星洲名廚試一試。可能正值午飯時間，人也頗多，唯有在門口等一下吧。大概十分鐘，終於可以就坐。叫了一客海南雞飯，比我想像中快就來了。雞弄得不錯，也頗嫩滑，油飯我就稍嫌略硬，但配合醬汁吃也不錯的。見午飯時間，也不想阻人翻枱的機會，怱怱吃完就走了。有機會再試試其他菜色吧⋯⋯