星滙酒家 (已結業)

酒樓轉左手後，第一次去試，天氣凍凍地就約幾個朋友打邊爐啦，七點幾去到，入面經已好多人，等左陣終於有位，坐低就叫左個芫荽皮蛋湯底，然後我地就分頭行事，一d人落單填火鍋料，一d人就出去夾小食，出面既小食令我好有驚喜，雖然免費但一d都唔馬虎，小食點心糖水甜品汽水啤酒樣樣都有，未打邊爐都已經食到有d飽添，到打邊爐啦，湯底唔錯芫荽味十足，夠清唔會有味精口乾既感覺，火鍋材料選擇唔算好多，但好似比同區其他火鍋酒樓餐廳既材料生鮮，唔係個種雪到冰晒既冰鮮料級數，而且勝在唔貴，確實值得再去

置樂呢個位置經常換酒樓，前身東城質素一般般，年尾終於捱唔住轉手，最近去左新酒樓試，發現質素提升，我地晚市時候去，叫左幾個小菜，唔貴，而且份量大，材料亦新鮮，唔覺得味精重，食完唔會口乾。三個人食，分別叫左欖角骨，戒菜煲，同狗仔鴨煲，味道不錯，很入味，欖角骨皮脆肉嫩，戒菜煲胡椒味十足，排骨夠「淋」，又入味，狗仔鴨煲外面好少地方可以食到，味道濃郁，鴨吸晒汁既味，非常好食。值得再去，已預訂團年飯一家人再去。