星滙酒家 (已結業)

總結： 正常屋村酒樓。抵食夾大件 。但係等候時間比較長同屋企人去屯門食飯12月尾嘅時候，平日夜晚去食 嗌咗好多個餸，好抵食。 有片皮鴨兩食都係100幾十蚊 佢成日都有啲特價嘅Menu，孖寶點菜平好多 真係抵食夾大件嘅。 最抵係隻長腳蟹，本來尋日要1680 ，今日1220。但係個蟹肉就一般般，唔係特別鮮甜。其他小菜正常發揮。不過，要改善嘅係服務時間。因為我哋又點菜到上菜都要成45分鐘。真係媽媽地喎。同埋上菜嘅時候，啲食物都唔係特別熱。估計係煮完之後冇樓面攞菜上枱

星期日既早上，第一次幫襯，見現場坐唔滿，都唔多人，買左5個點心外賣自取，買時話要即蒸，要等15-20分鐘，最後竟然要等足一個鐘，多次吹都只係話等等，都冇人跟進，不能接受既服務，野食又唔好食，冇下次

今日屋企人生日就試咗呢間屯門嘅星滙酒樓「意想不到」咁好食😋一入到去就已經見到好多人全場爆滿估唔到咁好生意😍😍成間酒樓都洋溢着香噴噴嘅味道今晚我哋叫咗乳豬，長腳蟹，雞煲龍躉球炒西蘭花，炒蟶子每樣都係高質水準重點真係一啲都唔貴生日聚會一定會再返嚟食呢間酒樓屯門人一定要試！乳豬係外脆內軟，未食過咁脆卜卜嘅乳豬而且調味啱啱好，唔會太鹹長腳蟹咁大隻，又新鮮，搣開勁多蟹膏同埋蟹肉，啲蟹肉係可以一絲絲搣出嚟，勁鮮甜雞煲係有少少麻辣嗰種口味，好惹味😍龍躉球炒西蘭花🥦炒得啱啱好，有鑊氣，龍躉肉大大嚿豉汁炒蟶子有濃郁香味，個汁仲可以用嚟撈飯,搶唔到聖子嘅鮮甜，又有豉汁嘅香味，呢個下次都一定要嗌總括嚟講， $100都有99分因為佢嘅價錢性價比，食到咁樣嘅食材同埋咁樣嘅味道，真係超加分！

是咁的~ 呢日同女朋友仔喺屯門區打等夜晚想食打邊爐但又唔想食牛x果d日式邊爐放題，想搵d平平地嘅選擇搵搵下就搵到呢間酒樓有做火鍋放題地點雖然唔係太就腳但勝在價錢抵星期五晚正價時段都只係168全包啫係免加一！仲可以食埋任食雞煲不過我地得兩丁友食唔到咁多野所以都係直接打邊爐算除左火鍋配料紙上面可以剔嘅野食之外仲可以喺出面拎好多火鍋嘅配料（牛栢葉、水魷果d）同埋野飲其中包括一堆熟食炸物 而且全部係新鮮炸起我地試左炸多春魚 炸海鮮卷 炸蝦角 全部都唔錯而且間中都見到職員會喺廚房攞新野出黎refill 所以真係新鮮製造Menu上面可以寫嘅野食都唔算少 肥牛 羊肉 豬呢d一定有，仲有包埋脆肉鯇片同骨腩呢個價錢都真係算性價比唔錯喇至於食物質素方面，當然唔好期望可以同出面268一位嘅做比較啦大家可以當係以前冇連鎖火鍋專門店果陣只係得酒樓會做任食火鍋果d質素但佢勝在計埋熟食其實都好多選擇樣樣嘅質素都平均最驚喜係脆肉鯇片，超大片 而且夠曬爽脆 鐘意食魚嘅必食雖然今次嘅食評簡簡單單 但其實正正就係酒樓打邊爐嘅特色簡簡單單打番個邊爐有時唔係人人都想俾2、300百打個邊爐又要逼自己為左回本係咁食肉呢間酒樓應該t

星期三中秋節翌日出來嘆下午茶，假期日子客人也不多，只是疏疏落落幾枱客，上到來沒人要理你，完全當你透明，沒人帶位，隨便坐下後差不多十分鐘仍然沒人搭理。手揮到發酸才有個執枱的阿姐説要坐去別的位置。好啦，好不容易有侍應來招呼，叫了茶後點心紙又無，又要開口問才拿過來。受到這種怠慢對待，對這餐已經興趣缺缺了，當然，肚子還是餓，再多講也無謂。點了以下三款：如圖所見，雖然服務不好，但食品的賣相、質素及份量都是不錯的。

雖然中秋過左一排，不過依家先補番夜晚餐做節飯😂。屯門酒樓仔就無咩特別要求，屋企人都係想坐得舒服啲，又係c區可以book定位。唔詳細分享，都係普通大路酒樓菜式，無乜伏😂。🔅潮蓮燒鵝(半份) $258都幾香，唔鞋唔痴牙唔肥我已經收貨😂。🔅菠蘿咕嚕肉 ($98)當日下晝係食之前包膠過既米芝蓮指南推介過既生記，其實真係同呢碟差唔多…係色水無咁靚。🔅燒汁薯角牛柳粒 ($128)薯仔煎過先去炆好好食，牛柳粒都唔錯，無筋，不過鹹左少少。🔅上湯波士頓龍蝦伊麵 (套餐$368)伊麵好大份！龍蝦都多既，不過食得比較麻煩。🔅清蒸沙巴龍躉仔 (套餐$368)🔅清湯蘿蔔牛腩煲 ($98)🔅蠔皇北菇玉掌 ($98)🔅竹笙羅漢上素 ($108)💬呢間平時打邊爐就好抵，不過基本上依家去親都係食日式火鍋😂。平時屋企人都幾常黎飲茶，都係大路普通酒樓點心。

以前舊時東城好好多 今日同朋友去兩個人坐低等咗成九個字先開始黎個雞煲 仲要途中問返我哋有冇落單再叫我落多一次單 但係明明已經寫咗好多次 出面嘅食物簡直不知所謂 款式又小 準確來講我成晚淨係食菜 唔會再有下次 依間野唔值150 我諗$88就差唔多

平時怕等位，怕早起，好少去飲茶，已經成年冇去過酒樓😂難得今個星期日同屋企人飲茶🍵唔揀連鎖酒樓，試試星匯酒家。以前試過晚巿任食火鍋，好抵食！對星匯都幾有信心，所以今日飲茶就鎖定呢間！ 12點到酒樓，全場坐滿，以為等位要好耐，但酒樓安排幾好，即使十幾張枱都只係等左十幾分鐘。茶位$8，小中大點價錢合理叫左幾個點心，一碟炒麵，小菜。腸粉係必點之選！ 今次叫左兩款腸粉 - 蜜汁叉燒腸 - 齋素腸腸粉皮香滑！ 餡料多並唔咸！流沙奶皇包仍係必點😂 係街店都只買到普通奶皇包.. 流沙一定要係酒樓叫好彩都冇令我地失望 食奶皇包最幸福時刻就係爆漿瞬間😆 包皮鬆軟 奶皇濃厚 甜度適中炸海鮮卷亦好好食 炸皮鬆脆 沙律醬都好多😂另外點左一碟炒麵 - 豉椒什會炒麵麵底炸得剛好 唔會過油 醬汁略嫌太咸..但以$68 甘大碟 又足料黎講好抵另粉麵可加 $35多碟小菜揀左款平時係屋企自己煮唔到 手工複雜 要先炸魚後落煲嘅 -薑蔥魚骨腩煲- 魚係用鯇魚骨 呢種淡水魚 骨刺特別多..如果價錢貴少少而轉用斑腩會更好雖然服務員不會熱情招待，但有求必應，亦好勤力換茶！ 一見到水壼冇水 唔洗舉手都會自動換。3個人 食左5款點心 1

一家人去食晚飯唔想出咁遠近近地去咗屯門置樂轉左新老闆後食物質素好左好多嗰日係紅日，但係價錢都無大幅提高，算抵食😇海參扣玉掌煲估唔到酒樓會原條大大條海參上碟夠晒份量豐富海參 鴨掌都炆得林身入味沙巴大龍躉兩味分別有西蘭花炒球同金蒜雲耳蒸頭腩西蘭花炒球龍躉肉質比較爽趣脆有咬口！金蒜雲耳蒸頭腩龍躉肉質比較嫩滑用蒸的烹調手法保留到魚肉的原汁原味翡翠花枝蚌片去酒樓晚飯都必叫的一道菜！芝士焗海生蝦伊麵平時好多酒樓為咗慳時間可能只會求其煮伊麵但呢一間好有驚喜伊麵上層真係有少少燒焦的芝士香味而且醬汁分量十足不怕乾身！楊枝甘露糖水超級足料豐富又好味仲有我最愛嘅花奶估唔到酒樓嘅甜品都做得咁好值得再試

假日成人$148全包是沒錯，真的如此平，是星級平民美食，還有自助生料、熟食、甜品雪糕吧，酒家一半位置是晚飯小菜，一半是任飲任食火鍋雞煲，所有食物無限量添加。入座當然多人等位，不過值得等，有位之後選雞煲或火鍋（只有一個爐位啦）然後點選需要的肉類（可以交很多次，先別急著點太多），肉類是基本的美國肥牛、黑豚肉、羊肉、魚片等。點好之後，可以出發去拿生料，有各種蔬菜、丸類、炸魚皮等等，熟食有咖哩飯、蒸包之類，種類都算多，簡直有自助餐的感覺。然後所有雪櫃的罐裝飲品都可以拿，包括獅威啤酒。連調味都有這麼多選擇。雪糕是雀巢的。有即製泰式小食、炸物。鴛鴦鍋底無論從什麼角度看，都是物超所值的一餐，非常非常非常滿意！

天氣開始涼涼地, 最啱就係約埋班朋友一齊去打邊爐, 任飲任食又可以吹水原本置樂係有兩間自助火鍋嘅, 但咁啱嗰日經過見到有一間已經冇做囉 於是就試下另外一間, 呢間叫做星滙酒家, 任飲任食火鍋雞煲, 雖然都好多人等緊位, 但我哋都只係等咗十分鐘就入得去啦呢度就每人送兩隻鮮蝦, 雖然有啲少, 但算數啦, 好過其他火鍋咁叫極都唔嚟. 佢呢度除咗有火鍋同雞煲食之外, 出面仲有好多熟食, 有炸雞翼呀炸薯條馬拉糕等等, 可以等火鍋料未嚟嗰陣就食d野先咁, 我哋就叫咗個醉雞嚟食. 雖然話係醉雞, 但酒樓都落足本真係有酒香味㗎, 落去個火鍋度真係幾正幾惹味 . 其他食物我哋顧住食都唔記得影相呀 但感覺上去冇走過單, 啲嘢嚟得好足而且好快嚟到. 出面仲有得任食雪糕添, 同朋友吹水吹得耐,. 過曬鐘都冇趕我哋走, 算係咁啦

星期天落雨天喺屋企附近嘅星滙飲茶，坐低叫咗幾款點心。包括得意牛肉腸，懷舊鴨腳扎， 潮州點心拼盤， 糖醋炸餃子。 腸粉好 爽滑 ，魚肉釀青椒 魚肉彈牙青椒 爽脆。 糖醋汁酸酸甜甜 中和炸過的餃子 嘅肥膩，配合得啱啱好 非常好食。

屯門置樂區食肆林立，但酒樓就主要得兩間，一間係開左好多年嘅天悅，另一間就係多次易手，新開既星滙，本人居住係屯門多年，甚少去要上樓個間，畢竟食物質素向來麻麻，最近見佢新酒樓開張，而且鄰居之間都對佢評價唔錯，就襯新年放假期間，一家人去食個晚飯。我地叫左燒鵝例牌、大蝦炒蛋同蒸左條斑，燒鵝雖然只係例牌，但份量一Ｄ都唔少，而且皮脆肉嫩，仲有用蜜糖煮過嘅黃豆墊底，吸埋鴨的油香，非常好食。另外不得不提大蝦炒蛋，蝦唔係平時Ｄ蝦仁仔，係成隻手掌咁長嘅大蝦，確實誇張，推薦一試。另外蒸左條斑，生鮮有魚味，亦唔鞋，好快俾我地掃晒，個個都捧住個肚飽飽咁走！

初三係赤口，有人會去廟拜神，我地都唔例外，出發前一家人去樓下酒樓飲個團年茶再出發！新年酒樓都好旺，而且新酒樓無係新年乘機加價，值得一讚！！由於好多人，我地等左近半小時先入到去食，我地一行八個人，叫了多款點心，燒味拼盤同櫻花蝦炒飯，因為太旺，等候食物既時間比平常慢，好在份量同味道水準不減，而且唔會話唔夠熱，的確唔錯！個人覺得點心拼盤咩都有，大份又抵食！飽魚燒賣好食又唔賣，新年食更加係好意頭，而櫻花蝦炒飯炒得夠乾身，同樣值得一試，新年食餐好既再出發入廟，行個大運先！

新一年新開始，初一去屯門置樂花園的家人屋企拜年，打完麻雀，夜晚無煮飯，就一家人浩浩蕩蕩去附近新酒樓食個團年飯😁😁聽講新酒樓質素唔錯，都所以都預左要等，去到嚇左一跳，等位既人排到落樓下，我地無book檯，問知客要等45分鐘左右，好彩住附近，下次要預先reserve定先😂入到去，真係座無虛席，場場爆滿，我地叫左杏汁豬肺湯，炸蝦球等多個菜色（唔係我叫唔知咩名哈哈），全部都抵食夾大件，而且好味唔口乾，值得再去，老闆都好有心思，臨走更送左一碟桔，令我地認真感受到個份節日氣氛！