星級扒房 (已結業)

行完好景買game，轉個灣行過仁安大廈個商場就見到呢間扒房，一入去時個感覺好似係神戶時食個間神戶牛餐廳，先上條樓梯，再到餐廳內，餐廳內座位亦好闊落，而上面位置有個自助沙律吧，同小食區，只要係套餐就可以自由取吃，無限任添！嘅然係扒房，當然要一嘗個扒先至知道龍與鳳！餐牌有牛豬羊嘅選擇，我當然係最愛嘅套餐～安格斯頂級穀飼肉眼牛扒$248，任吃任添嘅沙律吧，當然先吃過夠啦！選擇都多，有栗米，蘋果沙律，炸薯條，火腿腸！食物會不停填補！抵讚！是晚跟餐餐湯是忌廉湯，香滑濃郁，加埋塊搽滿蒜蓉牛油嘅香脆法包，真係一個好嘅開始！果然唔會欺騙你，大大塊嘅肉眼牛扒，真係差不多將碟子遮蔽，重有都好厚身，一切下去肉汁流出，我就要五成熟，外面封住了肉汁，而煎得唔會太生，恰到好處！入口個種軟滑肥美嘅感覺，又令我回想在神戶時吃和牛嘅感覺！雖然未去到入口即刻熔化嘅感覺，但入口時個種肉汁同肥美脂肪嘅感覺亦非常不錯！一個人吃真係有啲膩！當然我就完全吃完啦！最後上埋甜品朱古力泡芙，同香滑嘅咖啡就完成了今晚嘅晚飯！以價錢計係一個不錯嘅選擇，足料！

放工同細妹 出去旺角行開街，佢話想食西餐鋸扒下扒，醒起上次朋友介紹煙廠街呢間星級扒房有個半自助牛扒晚餐，非常抵食，啲扒嘅質素仲有番咁上下。 於是趁仲早六點零鐘拿拿林趁冇乜人走上去。轉咗幾條樓梯 終於 上到去啦， 樓梯比較 窄所以上嚟記得要小心啲呀旁邊係半自助餐嘅食物枱 ，係沙律吧同埋放咗一啲小食睇下佢個menu，其實都有幾款牛扒餐俾你選擇， 款款都好吸引， 介紹得亦非常仔細詳盡， 幾款都令人好難取捨。每個餐都會有一碗餐湯同法包跟埋， 今日係南瓜忌廉湯同埋蕃茄雜菜湯 ，我選擇咗 番茄雜菜湯 食下菜感覺好似健康啲飲完湯再喺沙律吧 ，自製造一個啱心水嘅健康沙律作為餐前小食， 蘋果同埋菠蘿都好鮮甜， 其他嘅雜菜沙律食都非常新鮮。當中我最愛就是這個咖哩角， 脆卜卜 非常香口惹味， 平時啲食咖哩角都會點茄醬，今次試下點千島醬原來係咁好味㗎。安格斯極上西冷牛扒（$198）點咗五成熟， 肉質鮮嫩 口感軟腍， 炭燒嘅香味更令整體味覺層次提升不少。 以呢個價錢食到呢個質素嘅牛扒絕對有賺曬。最後 食埋個泡芙 完結今晚嘅晚飯， 滿足的一餐

好多時行過門口都會見到人等位，但我就一直都望唔清楚原來有半自助餐食。今日細心留意下隻牛，原來價錢都幾經濟下，百幾蚊到三百幾蚊的 semi buffet，大把選擇可以揀好喜歡餐牌介紹大家點樣 order 牛扒要幾多成熟呢？今晚唔食得牛肉，我自己就選擇了豚肉代替牛肉，男人就食牛扒。選擇好扒之後，開始 enjoy 我的 1.5小時半自助餐。+$38 就可以享用自助沙律吧，又有特色小食又有薯條。先來餐湯，是濃郁的蕃茄雜菜湯。炭火烤日本黑豚扒佐蜜糖芥末籽 $125。炭火烤的特別香，日本黑豚扒肉質粉嫩，口感柔滑。再佐以蜜糖芥末籽醬汁，提升了鮮甜味道。仲有是日主廚甜品，味道不錯的朱古力泡芙添最後在嘆埋杯cappuccino

係街口睇到bill board 話牛扒自助餐，以為仼食牛扒，去到睇清楚先知只係配菜任食。唔想再搵餐廳又冇人等就上去試下。上到去已經見到個自助bar, 款式唔多，都係d 沙律菜，菠蘿，粟米，薯條等等但係首先要叫左個餐揀左個扒就會包1.5鐘自助salad bar, 不過我地揀左S2 再加一個B 餐，B餐唔跟自助吧，要另加$38 唔加唔得。但係個自助吧d 食物有陣怪味，我夾左小小都唔想再食。等到個主菜，個steak ok gei. 唔係話好差，但係唔算好juicy， 唔太值呢個價錢。 但係另外個黑豚肉就有驚起，佢肥瘦岩岩好，好香，個source 亦都好特別好好味，steak house 返而豬肉煮得仲好。 但係整體食物唔值呢個價錢，試過就算喇。 自助吧餐唔推介，反而另外a la cart 可以一試。

呢排晚晚都有飯局，今晩又係MK開餐，我地去咗食牛扒，聽聞呢間餐廳專食扒，咪試下如何質素，看餐牌我就點咗安格斯極上西冷牛扒呢度有自助吧，趁未上菜先去看看有乜嘢食先有生果&疏菜選沙律醬有3款，小食有薯角&炸角同泰式札肉鳳爪。我就食咗一輪小食先先來蒜蓉包夠脆香再來餐湯飲完湯再出去食多碟沙律，之後主菜出場Size適中色澤唔錯，切開看看肉質嫰滑，仲見到紅色層次分明，咬入口啖啖肉汁出晒來接住係甜品朱古力泡芙，再飲番杯即磨熱咖啡再食多小小沙侓中和番才收手

比男人的左去好景買PS4，佢買咗玩具就好開心，我就要食返啲好嘢彌補下心靈嘅空虛近近地行過一條街，佢咁鍾意食牛，就帶咗我去食 steakhouse 。一上樓梯就見到呢個自助沙律吧，我最鍾意佢個蘋果沙律，upgrade 好可以1.5小時任食餐湯嘅羅宋湯好香濃，蒜蓉包都唔錯呀！男人食牛我就食羊慢火煎香草澳洲羊扒佐紅酒燒汁 $192。侍應還貼心地問羊扒要幾多成熟，我就揀咗七成，上枱果然啱啱好。而且肥瘦肉均勻，食落去鮮嫩香羶餐後仲飲左杯紅棗茶，夠晒滋潤！是日甜品仲有朱古力忌廉泡芙，大滿足！坐得舒服又夠寬闊，傾計談心都唔會太嘈！

今年團年飯順應家人的要求，轉換下口味唔食中菜食据扒！因為臨時決定而且同長老去當然要坐得舒服啦，見食評好壞參半但因為想食嘅幾間都Book唔到，咁啱呢間有位就試試佢。Book 左7點半但老人家心急七點已經入座，侍應態度都幾好可以比提早入座，一入去環境算唔錯雖然偏暗但大部份座位都有射燈。我地揀1.5小時半自助+牛扒套餐, 價錢由$148 ~ 308 不等。最後叫 3份安格斯極上西冷牛扒 七成熟 & 2份烤澈澳洲M7和牛腹肌伴紅酒蜜梨 5成熟。大約等30分鐘左右上牛扒, 係等上牛扒時, 我明白點解會有自助吧食沙律, 洋蔥扎肉沙律夠開胃& 薯角都好好食, 大家都食左唔少! 開頭仲擔心會唔會食沙律食飽左= =" 點知份安格斯牛扒真係好唔掂.....叫7成熟已經碟上, 但就咁睇都覺得係十成熟.. 又"鞋"又好有趙口.... 每啖都要趙成分幾2分鐘都食到幾攰。 老公揀 M7和牛腹肌反而好少少, 起碼係5成熟有血得來外面係熟熟地, 入口有烤肉味但都係好有趙口...如果要比分, 我只會比65分, 收得咁既價錢而且仲要叫係食扒既地方但D扒比沙律仲要失色...大X樂嘅扒都分分鐘好食過佢，真係唔會再考慮返去食。

嬲到要寫食評。本身想食隔離個間oxio，但太多人排隊又太肚餓所以入咗呢間。點知。。。中哂伏。揀咗個貴啲既咩半自助牛扒Set，因為本身個餐咩都無包，講緊連飯、意粉或薯條都無，咁諗住佢個自助bar夾番幾條薯條/薯角。點知佢話沽清！！個陣8點半咋。都算，終於等到舊西冷到。叫5成熟點知黎到我諗得2,3成熟，血淋淋。叫佢係咁易整番熟小小。第二次黎我諗4,5成熟。總共淨係食咗2舊仔，每舊都趙咗我成5分鐘，隔硬吞先吞到，d筋多到呢。要唔要食大家自己考慮啦。

晚上6:30左右入這餐廳，經理安排近樓梯口的座位。環顧四週，只有3枱客，對他表示想坐入餐廳些，他以不悅的語氣，帶我到一個出入挺不方便出入的座位給我。過了近一個鐘，老公來到立刻落單，因首次光顧，心怕中伏，我倆同樣點了特級西冷牛扒餐$138，經理隨即以輕蔑的語氣及態度下單。比這裡高級的餐廳都去過，待客態度比這裡好得多！牛扒也有炭燒味，但肉味就普通，這個價值這個質素可接納，太肚餓的情況下，忘記影相。因為沒有飯或意粉跟，取了2碟沙律、薯角和咖哩角吃。我覺得沙律的配菜選擇比我想像多和潔淨，吃後都沒肚痛，老公還讚咖哩角好吃😋。餐後甜品蠻好，但凍咖啡就，味道很淡。總體而言，這樣的價錢算食得過，可惜服務態度就！

專賣牛扒店，晚餐選擇簡簡單單，一款牛扒配沙律吧，牛扒夠厚切，始終炭燒牛扒香d，你話好頂級又唔係，服務都係不過不失，舉手有人應，唯一就係等耐左少少d牛扒。有圖有真相，完

Price N/AMy girlfriend found this restaurant via Groupon so it was very cheap for us.Service 4/5Although it states that we are requires to make a reservation 24 hours prior, they accommodated our last minute reservation which I am very grateful for. The staff are very hospitable catering to our needs consistently and always ensuring my glass has water.Steak 1/5We got the cheapest steak so we didn't have that much of an expectation but the steak was rough and have the taste of water (assuming it

比個朋友陰左入黎，塊扒完全係有牛肉味既香口膠，條筋闊過彌敦道,個阿姐仲要勁hea serve 唯一好處係坐好耐都冇比人趕...........(可能因為冇乜客XD)

今天初次試咗這間下午茶！店員有禮貌及熱情地方舒服不嘈吵係旺角好少咁好的店舖！但食物質素有參差，店舖推介牛扒三文治沙律味道一搬冇驚喜，可能的牛扒太過火！所以感覺的牛扒三文治和他餐牌上差距很大！反之他們的炸魚有驚喜入口不硬而且的魚新鮮有魚香味！至於個抺茶紅豆也有重重抺茶味道！不錯也會再比多次機會這間店！

1.自助餐D嘢食唔ok2.自助餐D碟仲係濕3.間餐廳主打嘅星級牛扒頗韌: 一D都冇水準4.個經理私下轉左餐湯唔出聲: 佢幫我地落咗香辣海鮮湯，售罄又唔單聲，最後求其比咗個雜菜湯我地5.服務態度差個餐只值$88講完

中秋節難得補假，行旺角經過呢間餐廳好多次想試下.....今日就來左......地方細細但看來幾高級餐廳feel.....anyways，set lunch都幾多選擇，最後同朋友叫左一個意粉一個魚.....點知原來有呢個扒餐連salad bar，有機會再試....overall, the food is great but the service from the waiters and waitress need more training..... 上主菜後，該女侍應突然「唉」左一聲....... 想點呢？