星群地中海餐廳 (已結業)

成於環境，敗於服務。今日天氣咁好，諗住去d戶外餐廳哂下太陽，食吓下午茶，咁去左黄金海岸商場揾食，呢間餐廳既戶外位置係贏哂，但係服務態度太差，上年黎過，都知態度唔太好，到而家都未有改善，冇下次喇

It's the very first time that I wrote a review...didn't expect the long waiting time for dishes while the service for the boss's friends is soooo good. Both me and my hubby sat next to the table of the boss's friends(knew from their conversation) and the point is: we arrived much earlier and order a pizza and 豬手. Coincidentally, one of the boss's friends ordered 豬手. We had our pizza and while waiting for the 豬手, all the dishes of the friends were delivered, including a 豬手. We ended up checked wi

The food is really so bad. i went there with my family yesterday. the experience is so bad that i can't help myself seriously writing a comment!!we ordered several dishes and they were all so bad!the hummus dip and lamb with pita bread.. the pita bread were so cold! and the lamb was just to hard to bite and cold to eat.the ralvioli was using those ready-to-eat tomato sauce to make it. it is really bad.the curry chicken... the sauce is so watery that i would believe it is made by keep on addi

這個餐廳嚴重缺乏人手, 服務奇差. 安排凌亂, 等位待應叫你排隊，但無清楚指示, 個個顧客入去都不知道究竟在哪裡排隊.有個看起来像部長的女待應全程黑口黑面, 另一個放食物碟大力放下, 非常粗魯.當天叫了兩個午餐套餐,  套餐的餐包似足普通茶記的餐包.也叫了辣牛肉醬tortilla chips, 味道總算不错.總結除了食環境, 露天的座位海景之外, 食品質量是OK, 不是特別好, 和價格不成比例, 没有下一次.

我同老公間中都會去黃金海岸行下，每次試下唔同的餐廳，星期六中午來了這間餐廳吃午餐，餐廳內地方很大，有室內也有露天的座位，坐露天的位置可以對住望到黃金海岸停泊的遊艇幾好view. 不過今天天氣比較涼，我們還是坐室內好了。坐下來後店員很快遞上餐牌，我點了鮮蕃茄海鮮意粉，老公點了 洋蔥汁牛舌意粉。先來餐湯羅宋湯，沒有什麼特別，老公的主菜先來，份量比我們想像中多，牛舌有4大塊，也煎得很香，汁也很配合😋之後到我的主菜來了，雖然外表看起來平平無其，但吃起來又幾好味，裡面材料好豐富，有好多樣海鮮（帶子、蜆、蝦、魷魚、魚肉）仲有雜菌、洋蔥、蕃茄，加起來整個味道很好呀。

環境十分好，可以望到遊艇會。食物質素滿意，叫左焗豬排飯和牛脷意粉。點餐也等了足十分鐘才有人應單。但服務態度十分差，焗豬排飯等了45分鐘還未有上枱，所謂話到事的人還以不屑的語氣說話。以後不會再來

專程黎黃金海岸，想食個美味的下午餐，步入餐廳的一刻，都感覺一般。但因為太肚餓，所以是但就坐低。叫餐時，那個待應已經好古怪，食物到後，味道都不錯，但不算好特別。最後，結賬時也遇到一點問題。所以總括而言，呢間餐廳十分之差。

同朋友行完山行左大量樓梯，帶住疲倦身軀去嘆翻杯relax一吓因家住附近，星期六晚容易揾位嘅地方，入到餐廳全自助式，自己揾位，侍應都唔多理你，自己攞餐牌⋯⋯餐廳主打燒烤，可惜茄子賣哂。兩人只好叫羊鞍、雞翼同薯皮。羊鞍乾身，唔多肉汁，麻麻地雞翼熱辣辣好脆，醮醬汁食才覺有味辣肉醬薯皮用料十足味道亦不錯，有飽肚感，醮醬汁另有風味，整餐分數都歸功於個辣油醬汁

我第一次入黃金海岸係為左去附近見工，朋友介紹話地中海餐廳晚餐燒豬手唔錯，就試下啦！點知午餐中伏！普通茶餐廳食物，叫左個焗豬扒飯同肉醬意粉，唔知點解成間餐廳得我地兩個客，職員都唔招呼我地，無水飲，叫都唔睬。餐湯只有味精味，等左好耐45 分鐘後，終於兩個飯到左，焗豬扒飯無咩味，豬扒好薄好鞋，飯無味道，茄汁都好乾無咩味道。而肉醬意粉就太咸，無咩汁撈意粉，乾哽，最慘係叫左好耐先有水飲，餐飲搞錯左.... 可能我未習慣黃金海岸嘅銷費，咁樣百鬆啲蚊好貴....或者我應該聽朋友話，去食晚餐好過午餐啩？下次試完晚餐再寫食評。

留意這一間餐廳已經好幾年，但數年前只會光顧旁邊的香辣屋，可惜香辣屋質素日漸衰落更倒閉了因此很久沒有再特意來臨黃金海岸。 本以為這一間地中海餐廳的質素應該保持頗好不然不能屹立多年卻事與願違。首先推開門後客人並不多，服務生有許多名但沒有一位留意到我舉起手及不斷示意需要協助，後來一名服務生終於留意到我卻自己走去拿餐牌而不是先行帶位。這位服務生目無表情，我能體諒他們的辛苦疲憊但已經笑容滿面的我不斷說謝謝和麻煩曬，卻換來她差勁的態度，感覺很不好。要了一份公司三文治，$99未加一，原以為質素應該可以抵消心中不滿卻發現三文治裡的生菜太過濕潤，煙肉太乾，更有一份三文治的番茄只有手指頭大小，其餘的還可以接受，但絕對不是以這個價錢去嘗試。值得一提的是薯條，炸得頗脆口，為這碟菜加回一點分數。跟餐附送的飲料選了熱柚子蜜，正常。後來叫了一份外賣雞肉及豬肉沙爹串，十分失望。大約$80卻是這些質素，味道普通，份量更是驚人地少，真的心感不忿。這次送來的服務生應該是學生兼職因此很有禮貌，印象很好，因為這位小姐心情未至於極差。總結，以後不會再光顧。

今晚和老公去食佢嘅生日飯仲有奶奶(老公阿媽)， 食左800幾蚊。 肉眼扒288味道ok. 其它都麻麻地， 特別係焗薯皮， 根本就係焗薯片。 有個戴眼鏡年長少少， 皮膚較黑嘅女待應服務幾好。 另外一個服裝比較斯文嘅女部長簡直不知所謂， 黑口黑面。 另一個年輕少少嘅女待應就像遊魂， 雙眼冇對焦。 山長水遠去黃金海岸就為了放松一下， 估唔到一個高消費餐廳， 大排檔服務都不如。

今晚生日，諗住去間有情調嘅餐廳食飯，點知揀左間極差嘅。去到座底叫左個燒烤套餐C，已經等左45分鐘，追單時，侍應只回覆左一句：已經燒緊，全部生燒，係耐d㗎喇。我都算，點知送到上檯嘅時候，成堆垃圾咁。所有野放哂喺一隻碟度，完全無味道及賣相可言。問返侍應有無落醬汁去燒，佢好老實咁答：完全無，只係靠沾個燒烤醬。好老實，我完全唔覺個所謂燒烤醬有咩咁好味囉。最終d野無食，就埋單走人。總結：呢間野，只此一次，絕對唔會再幫襯。

高級收費，大牌檔都不如嘅服務。等位叫你排隊，正常，但明明已經係正門等緊，但叫你去正門等。。。。問服務員即係邊到等，個個都好似唔知咁，問極都無反應。點完菜，未點飲品，已經想攞走晒啲菜牌，如果有負星，我一定俾負

屯門黃金海岸附近能選的餐廳不多~夏天就選了這間室內的享受一下冷氣。點了2個午餐~豬手和牛舌,配了沙律,可以配紅豆冰。主餐的味道很正常。紅豆冰....好像很水~不過還好吧唯獨可惜是服務吧？很有茶記的感覺，也會像茶記叫人換位0。0

睇左咁多年openrice都無諗過要寫食評，好食唔好食食完就算。但呢間野令我頂唔順到要花時間特登註個冊留個言。食套餐Grill$409，食物燒到變炭，亂疊在兩隻碟上，見到條炭茄子嗎？下面有條德國腸，兩隻羊架，一塊安格斯，三隻雞翼，仲有條秋刀魚，見到真係嚇一跳然後得啖笑！得返蝦、德國腸同埋個青椒食得吓⋯塊安格斯，据足一分鐘都据唔開，做咩姐而家！？樣樣野都有試，無厘味道得炭味，但因為真係太過炭最終放棄！龍蝦帶子天使麵$188，碟麵外表好似ok但原來金玉其外，帶子正常，龍蝦雖乾爭爭但味道正常，天使麵乾得黎又無汁無味，爛得有漿糊既口感，食左幾啖就算。個麵加三十蚊有個餐湯和餐飲，可唔可以講成餐飯最好食係個餐包？我唔係食家，但未試過一間餐廳可以難食到咁，但見佢晚市時間都幾多人食，我唔知，可能佢有其他野好好食掛？定係地中海菜係咁架？埋單$690，永不會再來！早知試隔離間法國菜。