星馬茶室 (Wetland Seasons Park)

营业中

休息中

叫了雞絲米粉，一上枱已聞到有雪味，一吃不得了！向店員反映，說問下廚房，之後都無回覆要不是肚餓，焗住食真係飲杯野算基本沒服務，水都是要自己斟，除了埋單是最快的永不回頭

本人其實對服務業要求一直都好低，但係呢位姓何嘅中年男子服務態度真係好差，自問都唔係麻煩客又好聲好氣，但佢西口西面又態度傲慢真係不能接受。食物方面下午茶係好抵嘅，嗌咗星馬拼盤同炒蘿蔔糕，味道正常不過好油。

之前嚟同舊同事屋企，去過附近食一間燒味嘅茶餐廳真係好出色，本來想覆桌。但係上次食完之後燒烤真係食唔落嘢，今次係又係燒烤，所以都係唔好咁過分。同埋搦住勁多海鮮，都係唔好行咁遠，直頭喺佢屋企樓下搵間餐廳食，就算本身book mark左一間星馬餐廳，但係未食早午餐都係食少少飯填一填，又想食肉燥，噤就揀咗呢一間。入到嚟都有啲驚晏晝四點幾下午茶時間得兩檯客。隔離米線舖勁多人，但係又唔想食米線。咁照硬着頭皮入去啦。其實都已經諗好咗肉燥雞扒飯配洛神花茶。個茶冇我想像中咁甜，合我口味。等咗唔夠10分鐘，就上餐。諗住都係煮定㗎啦，都冇乜特別嘅要求，都係快快地食完之後上去準備燒烤啲嘢。食落第一啖肉燥㗎味係幾特別嘅，唔似傳統台灣嘅肉燥嘅味道，但係又唔係唔好食，不過呢個唔太鹹嘅口味我都覺得唔錯。跟住試吃埋個雞扒，咬落去超驚喜，塊雞皮係超脆，感覺唔係炸雞扒真係煎到咁脆，問心出邊好多餐廳都做唔到呢個效果，估唔到咁偏遠嘅地方都真係臥虎藏龍。個鹽酥雞都同我預期有少少落差，唔係一粒粒係一片片，但係佢又唔會炸得太乾身。唯一係薄片個口感怪咗少少。但我覺得住附近嘅人真係可以支持吓！

攞左d物資去回收站之後，經過呢間星馬餐廳，坦白講附近餐廳生意非常麻麻，故打算入去試下食肉骨茶豬肚窩配米線，同埋叫左個椰子雞窩配銀針粉。每一set跟一杯熱飲。價錢不太貴，食物件量足夠，味道普通。但冇一個wow的感覺，overall is average level.

🍽 煎焗雞扒 🐓配腸仔、腸仔、火腿、炒蛋、斑蘭多士雞扒 🐓煎焗得香口，口感唔乾唔柴😊斑蘭多士🍞有幾多斑蘭醬yummy火腿、腸仔、炒蛋🍳 都正常味道餐飲檸檬薏米水🍋，份量都幾多，而且夠健康，唔會太甜。可坐高凳位望 👀街景，唔錯……休休閒閒🍽

煎焗雞扒 配腸仔、火腿、炒蛋、班蘭多士個雞扒好脆，完全唔會乾爭爭，幾Juicy，估唔到有驚喜。個多士裏面有斑蘭斕醬，令到個多士唔會咁單調。祿沖得啱啱好，唔會話淡。係個炒蛋樣衰啲，冇落牛油咁，似蛋皮。腸仔火腿就普通嘢～

一心搭車來食早餐，腸仔火腿餐肉公仔麵，麵送到已發脹發大一倍，難食到變得一堆粉。餐牌沒有寫明熱咖啡會落練奶，甜到不能飲，員工還說一早要講明不加練奶，態度勁差，還要收加一服務費，不會再次幫襯

一直都好想去香港搵最近似馬來西亞正宗肉骨茶嘅地方，今日行濕地公園咁啱就有一間主打星馬菜嘅小店，二話不說雖然係晏晝四點點咗一個肉骨茶午餐，店員已經講咗呢一個係香港味道嘅肉骨茶，所以其實冇乜特別期望我點解係一字骨，總共有四舊，份量算係充足不過好明顯係另外搵清水煲，所以有啲韌，可以做到骨肉分離，但係唔好食，好柴，冇味道得意嘅地方係佢竟然有好幾粒何首烏，食落去冇乜味道蒜頭，搵到一兩瓣，外邊通常係成粒蒜頭另外佢哋亦都有三份一條油炸鬼，但係比較厚身，食落去有一種好油嘅感覺最後想講謝就係佢個碗飯，其實都比較乾最後想講雖然佢標榜係有藥材嘅肉骨茶，但係始終缺少咗當歸嗰陣味道，反而偏甜，所以我成個餐好普通，價錢$65無+1

濕地公園旁邊食個早餐，睇到星馬茶座地方舒適，服務員態度親切，撰了個魚柳早餐家加奶茶和喇沙雞翼米粉加熱檸茶，早餐嚟到大大條魚柳，雖然唔係太厚亦都感到驚喜，仲有千島醬可以比魚柳調味，更加好味！魚柳脆口，外脆內軟，炒蛋亦都好軟滑，十分滿意！奶茶原來係茶走，唔需要落糖，飲落都算香滑，冇苦澀味，值得一讚！喇沙雞翼米粉亦都做得很出色，喇沙味完全有星馬嘅特色，雞翼都嫩滑爽口！環境都好整潔，坐得比較舒服，最啱星期日嚟慢慢嘆番個早餐，得閒仲可以入濕地公園走一轉！

行完濕地公園過來下午茶，加左肉骨茶，上餐時覺得好大份量。好值食！點知入口好甜，唔係平時吃開的肉骨茶味無胡椒味都無東歸味不過個銀針粉就OK下午茶來講都算值食不知佢海南雞又如何？

今日同朋友去濕地公園行吓，入公園前去附近睇吓有啲咩食！見到呢間星馬餐廳裝修唔錯喎，入邊都錯咗唔少人，於是就入去試一試！我哋叫左水煮牛肉，餐牌圖示嘅唔錯，但係食物嚟到時，我哋真係嚇咗一跳！食物好唔吸引呀，啲湯仲多個啲餡料，多個牛肉多個，牛肉得個兩三片今次係約咗女性朋友嚟食，佢食完都冇食過嘢咁，真係好失望呢間舖頭我哋應該都唔會再回頭㗎啦，拜拜

今日同老婆食左個晏，我老婆點左個咖哩炒飯，我點左個粉。個炒飯應叫濕炒咖哩波蘿炒飯，你會以為福建炒飯。濕嘅炒飯真係難食，咖哩無咖哩味得個色，波蘿仲有一個怪味似soda水味我食個粉就超重味精

須稱讚：-份量多，真的好多。每次堂食，都要用外賣盒帶走淨餸，一餐價錢可分作兩餐食。即使是一碗白飯，都會滿滿的奉上-味道好，食物有水準。不會像一般茶餐廳、所謂冰室，馬虎製作、但求客人快食快走的食品。牛肋條特別推薦，肉嫩味好-服務好。似街坊生意，廚師和服務員都有禮待人，會記得食客格硬批評：-海南雞飯不屬於香港頂尖級數。會有其他餐廳的海南雞飯比這間餐廳煮得好。但個人認為質素已不錯-肉骨茶未必屬頂級。對於嘴刁、要求吃正宗肉骨茶的食客，可能會有微言-飲品質素一般。普通茶餐廳飲品質素，不要有特別期望總結：推薦這家餐廳。所有食品有心製作，價錢合理，份量極多，味道好。唯食物的味道偏向低濃味，可能會有食客嫌不夠濃味。

由於時間嘅關係而附近沒有太多選擇之下，就決定行去最近嘅新屋苑搵食-「星馬茶室」。中午時間店舖都唔算多人，有卡位可以坐得舒服啲，食得安心啲打開午餐餐牌竟然有好多嘢想食喎海南雞飯拼馬拉藥材肉骨茶檳城傳統老鼠粉咖央鮮油多士（蛋黃）酥油餅配咖喱汁新加坡拉茶南洋咖啡海南雞飯拼肉骨茶，海南雞好滑，雞一啲都唔嚡，飯是香米飯，不是黃油飯，飯似有肉骨茶嘅味道，好食而碗肉骨茶唔會太重藥材味，仲有一條骨，好好啱我嘅口味老鼠粉即係我哋平時食嘅銀針粉，粉嘅面鋪左銀魚仔、花生🥜、蝦仁🦐肉碎同一隻雞蛋。粉嘅本身已好香醬油味，可能係黑豉油，將生雞蛋🥚拌埋一齊，蛋絲好似包住粉一齊咁，好味酥油餅其實係好普通，但佢嘅咖哩一樣香，唔太辣咖央多士我選擇左蛋黃味，但蛋黃味不太重，咖央唔會太甜，但件牛油多士可惜飲品就普通左啲，雖然係寫拉茶、南洋咖啡，沒有平時飲開星馬嘅咖啡奶茶咁甜，不知是否凍飲啦，好淡，唔夠香濃，或者應該飲熱至飲到真正味道。整體這間「星馬餐室」今日所食嘅嘢水準都很高，仲要價錢唔算貴，最衰佢唔喺我家附近，如果唔係可能會成為我嘅飯堂

星期六 2點多 餐廳好靜🫣抱住一試既心態我本人好鐘意飲 肉骨茶，但出面好多餐廳都好重味精。反而呢間個肉骨茶米粉淡淡地 但有肉骨茶味食完個口吾會好咸最驚喜系 班蘭味鮮油多士好邪惡 但好好味 有驚喜但奶茶一般