星馬茶室 (Wetland Seasons Park)

营业中

休息中

之前嚟同旧同事屋企，去过附近食一间烧味嘅茶餐厅真系好出色，本来想覆桌。但系上次食完之后烧烤真系食唔落嘢，今次系又系烧烤，所以都系唔好咁过分。同埋搦住劲多海鲜，都系唔好行咁远，直头喺佢屋企楼下揾间餐厅食，就算本身book mark左一间星马餐厅，但系未食早午餐都系食少少饭填一填，又想食肉燥，噤就拣咗呢一间。入到嚟都有啲惊晏昼四点几下午茶时间得两台客。隔离米线舖劲多人，但系又唔想食米线。咁照硬着头皮入去啦。其实都已经谂好咗肉燥鸡扒饭配洛神花茶。个茶冇我想像中咁甜，合我口味。等咗唔够10分钟，就上餐。谂住都系煮定㗎啦，都冇乜特别嘅要求，都系快快地食完之后上去准备烧烤啲嘢。食落第一啖肉燥㗎味系几特别嘅，唔似传统台湾嘅肉燥嘅味道，但系又唔系唔好食，不过呢个唔太咸嘅口味我都觉得唔错。跟住试吃埋个鸡扒，咬落去超惊喜，块鸡皮系超脆，感觉唔系炸鸡扒真系煎到咁脆，问心出边好多餐厅都做唔到呢个效果，估唔到咁偏远嘅地方都真系卧虎藏龙。个盐酥鸡都同我预期有少少落差，唔系一粒粒系一片片，但系佢又唔会炸得太干身。唯一系薄片个口感怪咗少少。但我觉得住附近嘅人真系可以支持吓！