春水堂 (東港城) (已結業)

一路都聽春水堂係珍珠奶茶嘅始祖，所以一直都好想試吓呢間過江龍✨ 好期待😎春水堂同大部份嘅台式料理唔一樣，行嘅中價路線，入到去地方都好闊落，但座位唔算好舒服～原來除咗珍珠奶茶之外佢哋都仲有好多台灣嘅特色美食，我哋揀咗麻辣牛肉麵、麻油麵線、滷水牛筋同埋主角珍珠奶茶💕原來滷水嘢都係台灣美食嘅特色之一，佢哋嘅滷水食落同香港嗰啲唔太一樣，感覺比香港嘅再濃味好多。珍珠奶茶都絕對冇令人失望，佢哋嘅珍珠奶茶比出面嘅茶味更加突出更加濃，飲落亦冇出邊珍珠奶茶個種化學味，舖頭門外可以直接買珍珠奶茶，唔一定堂食先飲到☺️

好耐無2人撐枱腳不過熱到無咩胃口食野我只叫左個小吃加杯野飲黃金香酥雞剛剛炸好熱辣辣而且吾會太咸珍珠茉香奶茶（凍、少冰、微甜）珍珠鐵觀音奶茶（凍、少冰、少甜）珍珠細細顆又煙韌燒牛肉麵牛肉軟軟的好入味

東港城間間都食過，係未食過呢間，一向鍾意飲珍珠奶茶嘅我，茶木剛執了，所以試下轉來春水堂試下之前搭西鐵，都試過飲春水堂嘅珍珠奶茶，就覺得好一般，珠好細粒（我自己個人喜歡有咬口大大粒），味唔夠濃，今次俾多次機會試下（因為身邊有朋友話好味）食lunch 時間，店鋪唔多人，鋪裡裝修幾特別，好似入左竹林咁，環境幾舒服有便當，但我想叫麵食，就要散點點左杯珍珠奶茶，紅燒牛肉麵（半筋半肉），仲有烏龍豆干血米糕紅燒牛肉麵先嚟，大大碗，$83好多筋位，牛肉味好重，啱晒鍾意食牛嘅人如果有餐推出就好，$83一碗稍為有啲貴珍珠奶茶味道比較淡，仲要係細珠，食唔到煙韌感覺再一次失望食唔出台灣嘅風味成日聽血米糕、血米糕，今次第一次叫來試下叫之前，問左職員係咩嚟先，職員都好有耐心解答，話我知係唔同動物嘅血，加埋糯米去做出來，好有口感一上碟聞到好大陣紅棗蓉味，食落口暖暖嘅，反而食唔到烏龍味🤣🤣🤣我係咪認錯左定叫錯左不過都唔差嘅，第一次食總括來講，飲品唔應該試珍珠類飲唔到台灣嘅感覺食物反而整得比飲品出色，但貴左啲😭😭😭

早2星期男朋友已經想食不過人多要排隊所以無食到今日吾洗排隊已經有位坐低男朋友已經想好食咩我仲係到左想右想紅燒牛肉麵男朋友最愛每次食台灣野佢吾會叫第二樣麻辣牛肉麵麻辣一般辣牛肉做得不錯，夠軟入口即容不過戒左好耐小麥食左三分一碗已經食吾到早知叫個小食算朱古力奶茶幾得意珍珠紅豆鮮奶茶（少冰、微糖）珍珠細細粒好易入口紅豆吾甜

今日約左朋友行東港城，行左一陣有少少攰，朋友想食春水堂，見到唔多人我地就入左去食野。環境都唔錯既，幾好坐都算舒適，我地兩個人比左四個人位我地，我地坐得耐都無趕我地，幾好的。今日我叫左個豬手便當 。黎到見到個擺盤好靚，顏色好鮮艷。菜既粉量都唔少，不過可惜係菜無乜味，啖啖地 ，感覺一般般。反而係個豬手好好味，夠哂入味，而家唔會好硬，非常之岩餸飯，份量亦都好足夠。鐘意食豬手既可以試下

第一次食係係台灣，好味既晚上無得堂食，唯有叫外賣啦我同寶寶食開蕃茄牛肉麵（半筋半肉）既，仲會加多個滷水拼盤同珍珠奶茶。外賣點都比堂食差小小既，但都唔會差太多，最好食既就係滷水拼盤。佢入邊嘅牛腩牛肚牛筋豬腸都好正，如果番茄牛麵入邊個牛腩牛筋都咁正就好了，但可惜蕃茄牛肉麵啲牛腩牛筋無滷水拼盤咁正，所以想食正嘅牛腩牛筋就要叫滷水拼盤啦。真係有滷水正好多！飲品嗰方面唔使講㗎喇，唔會失望。始終都算係大品牌，兩個面$186加一個小食+2杯嘢飲 三百零蚊算係咁啦

春水堂既麻辣牛肉麵同珍珠奶茶令人念念不忘！真係好有台灣風味，以午市計冇套餐價，散叫價錢唔算平，但質素有保證。食過幾次春水堂，一如以往都係叫麻辣牛肉麵（我印象中好似粗面會好咬口過幼面，唔肯定有冇記錯，今次係食幼面）不過味道相對濃d，食開清淡口味既我就要飲多d水；珍珠奶茶，茶香奶滑，珍珠好Q，最深得我心。

同朋友去完camping 翻到市中心 諗唔到食乜方便就腳就食春水堂 唔係經常食 但都食過幾次⭐️叫咗個茶 但忘記咗咩名好香嘅茶葉 飲熱茶養生吓先😂⭐️黃金香酥雞係春水堂食過幾次呢味 佢永遠都唔會炸得好乾仍然係外脆 𥚃面好juicy 好多汁 又無骨 方便食⭐️半筋半肉蕃茄牛肉麵我超愛食蕃茄湯 但其實紅燒都好食嘅鍾意食牛腩但更鍾意食牛筋感覺有滿滿嘅Collagen 需要補補😏⭐️茶香肉燥娃娃菜第一次食呢個菜 啲菜甜嘅但唔知用咗咩整 有啲怪 好似有洗潔精味咁我諗純粹係我唔鍾意個調味啫😂

食飽飯諗住搵個地方坐下，傾吓計。見到春水堂有位，就入去坐低買杯嘢飲，我哋諗住每人嗌一杯唔同嘅嘢飲，可以交換試吓。於是叫咗一杯普通嘅珍珠奶茶少甜同埋一杯黑糖珍珠鮮奶茶，想睇吓加咗黑糖有咩唔同。普通果杯珍珠奶茶，就正常發揮，茶香味濃，叫咗少甜，所以就啱啱好唔會太甜。黑糖呢杯唔夠膽少甜，驚佢會冇咗啲黑糖味。除了有茶味仲有濃香黑糖味，好飲過普通嗰杯珍珠奶茶。兩杯嘅珍珠都係細細粒，煙靭有趙口，味道沒有特別。堂食除咗杯嘢飲比外賣貴$3之外仲要+1，杯黑糖珍珠鮮奶茶你總共貴咗~$7。如果淨係純粹想飲杯嘢建議外賣，一路行一路飲。

之前食過佢個炸豬扒便當，同抹香珍珠便當ok, 不過價位如果係$60-$70 會合理啲， 抹香珍珠就真係好飲， 茶味香濃， 要呢隻味先好飲，鐵觀音就真係好普通， 不過試過幾次啲珍珠個心好似有啲啲未熟， 不過算啦，整體好飲都ok今次主要試下佢嗰甜品因為照片都幾吸引結果係一般咁啦，沒有驚喜， 始終唔係主力做甜品最敗筆其實係話要等20分鐘真係等咗不過個多士只係微暖, 失望咗😔仲要唔脆啲cream係完全冇味嘅最好食係佢個紅茶雪糕， 夠特別， 仲要有兩球都係嗰句，試過一次就算，唔會翻兜我會寧願食附近icio/pizza hut嗰waffle配雪糕起碼个waffle熱辣辣脆邊

大約下午三時在右，客人不多，但店內居然嘈雜，只因為一班服務員大聲聊天嘻笑。我在用餐差不多完時再落單加一份小吃，但等了大半天都未見蹤影，只好離去。雖然明知這是一間擁有多間分店的店舖，不能期望有什麼特別好的服務態度，但都希望店員能對顧客有少許尊重。（顧客是阻礙他們聊天的物體）再講，店員對餐單內容知識不足，問他們問題就完全得不到確實答案。這間食店我曾到訪過其他分店，服務水平沒有這麼差，不知是因為新開張而訓練不足或是管理有問題呢？（到訪分店：將軍澳東港城31/12/2021）

聽講世界第一間珍珠奶茶就係出於春水堂，去春水堂最鍾意就係叫紅燒牛肉麵，同埋佢嘅鐵觀音珍珠奶茶🧋不過今次我哋就試第樣嘢。愛民芒大蝦手作麵愛民芒不嬲喺香港都好難食到，今次配大蝦手作麵，感覺都唔錯，清香嘅芒果味配鹹鹹地嘅大蝦手作麵非常之合襯。香煎沙朗肉燥飯牛肉味濃，流心蛋一流，配埋佢嘅肉汁撈飯，飯都食幾碗。愛民芒系列，點可以唔試愛民芒沙冰。仙草奶茶🧋呢個一定要試，因為口感非常特別。

先講環境，冇乜特別似茶餐廳，幾迫下！職員的服務態度係最高分，主動有禮貌但至於食物上就點咗一杯珠奶，好細杯，味道係正常水平；食物就點咗一碟鹵水牛筋，夠淋份量足但偏咸；仲有一碗麻香骨烏雞麵，味道算係幾好，似某品牌嘅即食碗麵味道麵的份量夠，但肉就完全失望，咁嘅價錢，得三舊極細兼骨多過肉嘅烏雞不如食返即食碗麵其實一年前去過太古分店食過牛肉麵，味道係幾好但極細碗，朋友食便當話極難食！貴夾伏！真心唔會再幫襯！

今日下午嚟呢間環境清幽有詩意嘅台式試下，朋友都幾鐘意食台式粉麵，門口係沖調台式飲品嘅水吧位，有一兩張枱，原來行入去餐廳裏面好大，灰紋嘅牆上掛滿一幅幅畫及字畫，客人亦唔多，感覺都幾舒服。我哋叫咗小食及麵，朋友係咁話好好味。鐵觀音可可流沙包，奶茶公仔好得意，包又熱又軟，朱古力流心唔會覺得好甜好漏。紅燒牛肉麵，朋友係咁話好味。御品三寶牛肉麵，牛肚唔會太淋有咬口，牛肉，牛𦟌又夠淋，湯都好味。凍茉香奶茶。熱珍珠奶茶，熱飲應該唔好揀珍珠。

喺咁多奶茶舖之中，我最鐘意飲嘅都係春水堂，路過東港城見到開左一間，即刻入去買杯過吓奶茶癮先🤤珍珠鐵觀音奶茶（$34）每次去春水堂都係嗌依杯，茶味比較重啲，唔會覺得太甜，加上煙韌嘅珍珠同脆脆冰碎，令口感更加豐富😋