春水堂 (新都會廣場)

营业中

休息中

魯肉飯(小碗): 唔夠餸, 魯肉味道普通, 飯麻麻. 如果能換掉碗型, 較易入手撈混來吃.麻辣涼拌牛筋: 牛筋普通, 麻辣適中, 姜絲配上, 味道是可以的.凍珍珠奶茶: 一般, 冇驚喜.總括來說, 不重味, 如喜歡不濃味的會很喜歡. 賣相是精美的, 坐位也舒適.最欣賞就是食物擺盆賣相, 真的很精緻.

週末來到時間尚早所以唔洗等。係台灣飲過一次珍奶不過人太多冇 walk-in到試~ 見今日唔洗等就一試！食物都正常好食, 飲品好好飲😆😆😆春水堂嘅珍珠係細珍珠！叫左朱古力珍珠奶茶，有啲脆脆咁幾好咬！有層次感！牛肉麵同菜就正常水準，冇咩特別~~之後叫左個芋米糕)? 煙韌有啲芋頭味咁，幾好食不過少飽🤣🤣但我個人幾喜歡食！!!!!!Overall 上菜都幾快，而且環境幾好，空間都幾大幾好坐~~幾好嘅體驗！

最近去了葵湧新都會廣場的春水堂，品嚐了他們的招牌菜半斤半肉蕃茄牛肉麵，以及其他一些小吃。整體而言，這是一個令人滿意的用餐體驗。 半斤半肉蕃茄牛肉麵是他們的招牌菜之一。這碗牛肉麵湯頭鮮甜濃郁，牛肉片鮮嫩多汁，配上蕃茄的酸甜風味，味道相當平衡。麵條彈牙有嚼勁，整碗麵食豐富而滿足。 除了牛肉麵，我還點了他們的手工麻香麵線。這道小吃以細緻的麵線為主，麻醬的香氣和微辣的味道使這道麵線更加美味。 另外，春水堂的鹵香牛肚和黃金地瓜條也非常不錯。鹵香牛肚口感嫩滑，搭配上他們的特製醬汁，風味獨特。黃金地瓜條則外酥內軟，甜而不膩，是一個絕佳的小吃選擇。 最後，點了一杯鐵觀音凍飲來當作甜點。這杯凍飲清涼解渴，有著濃郁的茶香和微甜的口感，非常適合結束一頓美食之旅。 總的來說，春水堂提供了美味多樣的台灣小吃。食物品質不錯，價格合理。如果你對台灣美食感興趣，不妨去春水堂一試，保證能滿足你的味蕾。

今日去葵芳，想搵個地方飲下午茶～ 諗起去好耐無去嘅春水堂啦雖然好想叫杯珍珠奶茶，但真係想飲純粹嘅茶於是揀咗金萱烏龍送上嚟見到完整一set，感覺唔錯至於味道，無咗金萱烏龍嘅奶香少咗清甜感，比起我印象中嘅金萱烏龍更似傳統嘅凍頂烏龍睇嚟下次都係叫返珍珠奶茶

細細粒的紅豆和珍珠， 珍珠無咩咬口， 因為細， 紅豆都係， 可憐的幾粒。 唯一可以欣賞的地方係奶茶夠熱。 拿走到15分鐘後回到家還是熱的。 除此之外， 想唔到還有什麼優點， 可一不可再

成日聽朋友講春水堂好好食，但去親門口都見大排長龍，今日來到新都會㩒定The Point 飛終於食到 ✌🏻我們點了兩個便當：鹵肉雞翼便當；鹵肉豬手便當．雞翼有三隻，炸得脆口；．豬手都有三件，淋身、入味，一啖一啖骨膠原送入口🤪．鹵肉足夠混合飯來食，不過如果多啲汁同份量就更好啦．有數款菜，每款一、兩條；兩隻東菇。．半隻蛋．便當包含一碗有一粒牛丸的清湯，喝了口喝了一個下午😅。便當份量比想像中大，店舖環境舒適，店員服務殷勤，贊👍🏻

食晚餐時間周圍都多人，經過呢間價錢都幾抵食，一於試吓。見到牛肉麵要$90碗好貴，$50 $60嘅撈麵又覺得冇乜餸唔係好抵，一於叫幾樣細嘅小食同第二個朋友一齊share。叫左肉燥菜 ，牛肚，細碗滷肉飯，蛋，蒜泥白肉，湯同紅豆奶茶。✨✨肉燥菜就屬於最難食，明明係灼菜，但係竟然係辣嘅，應該加咗好多薑；牛肚都炆得幾入味，蒜泥白肉唔辣，唔似四川嗰種；滷肉飯同蛋就正常發揮，加啲餸一齊食都OK；燉湯都幾足料，但就要等耐少少；紅豆奶茶冰嘅成份比較多，唔係好飲都有奶茶味，奶味就有少少，紅豆應該淨係杯面嗰一羹紅豆。如果人均$150有其他更好選擇。

同朋友喺葵廣掃完街，總覺得差少少野。不約而同咁講就係差杯珍珠奶茶啦。呢區咁多手搖飲品入面，我地都係簡飲返春水堂🤪凍珍珠鐵觀音奶茶 💰HK$36呢到最出名就係珍珠鐵觀音奶茶，所以我都係簡返呢個招牌，叫咗走冰三份甜。呢到嘅珍珠係細細粒果種，有咬口得嚟又唔會太甜。茶底方面會感受到茶味好濃郁，而又不失奶味！整體甜度適中，真係茶濃奶香～

星期六行程非常忙碌，下午兩點幾經過葵芳要醫下肚，我們來到春水堂剛好有最後一張枱，決定在這裏吃個快閃午餐 首先試咗麻辣牛肉麵，麻辣味好香，牛肉和牛筋都好入味，煮得夠淋，不過食食吓都要飲下珍珠奶茶解解辣 珍珠奶茶茶味好香，珍珠份量好多，細細粒又夠Q彈 另外試咗兩個小食，分別是蒜泥白肉和招牌豆干。蒜泥白肉好好食，有咁多青瓜夾埋一齊食， 感覺好清新。 招牌豆干比想像中辣，可能因為我們食辣力不高，心諗好在無叫辣味個款。 但個醬汁是很惹味。 服侍員的態度是比較冷淡， 但我們的要求都一一做到。 我們主要為快閃個午餐， 食物質素比較重要， 下次都會再來。

見食評麻麻地，都係抱住試一下的心態，果然「無下次」！整體價錢偏高，90幾蚊一碗麵，仲要都幾唔好食！麵的質地唔爽，硬和好「滯」的口感！麵有好多油，牛肉唔算好林但都可以的。魯肉飯都唔錯，正常！滷水拼盤：味道唔錯，但以這份量，$88 真的唔抵食！珍珠奶茶尚可但不算優質。服務態度差總之性價比不高。

自取餐, 去到通知receiption no, 她們說未有。等咗十幾分鐘再問, 原來食物一早已放在櫃面。問為什麼剛才說沒有？ 扮聽唔到, 道歉亦無一句！原全沒有幫客人跟進, 態度又差, 又不懂道歉！無下次！！

今晚去左葵芳睇電子用品，順道喺新都會廣場食晚飯，於是去左春水堂用膳。我哋叫左鹽酥骨便當、麻辣牛肉麵同一杯珍珠奶茶。最先送上嘅係珍珠奶茶。春水堂用嘅珍珠偏細，亦唔算好有咬口。茶味非常淡，畀奶味蓋過，三十幾蚊一杯黎講可謂失敗。便當方面，其實只係將炸豬扒同其他配菜放入盒，無任何醬汁，以致便當味道有啲單調。最後牛肉麵嘅牛肉既唔無牛味，肉質都係韌嘅，只得麵質係彈牙。埋單兩個人食每人要畀近百二蚊，咁樣嘅質素真係太貴。此品牌日後應該可免則免。

今次係第一次試春水堂，但亦只此一次！先講紅燒牛肉麵。牛肉同牛根 口感似咬緊 橡筋，完全無正常紅燒牛肉既水準！極之失望。再講下另一碗 麻香鳥雞骨湯麵。湯底 一入口，感覺似乎係出前一丁麻油面既湯底。。。份量唔多，但價錢貴，仲要有加1服務費。整體食物評價 - 大伏！

lunch time與幾個同事一齊吃飯，見到中午12:45左右都有位，好快就入咗嚟坐。叫咗碗牛肉麵，份量都算大，另外都叫埋嘢飲，桶一份小食。牛肉麵係半筋半肉，麵條Q彈，不過個麵湯就比較鹹啲。有送鹹菜，不過個人就唔係好鍾意食，就冇落。想講佢哋嘅小食—鹽酥雞好好食，外焦裏嫩，係有肉汁嘅

$34.「走冰」做到真係無冰。「微糖」仍有少少過甜，走糖應該更好飲。.茶味、奶味都幾好。珍珠係細size，口感不算軟糯，但也不會硬。.總結：不算便宜，份量不大，但有中上質素，能做到客人request，而且超快取茶。滿意 👍🏻