春水堂 (MOSTown新港城中心(4期) (已結業)

網上資料寫營業至晚上8點半，去到店舖又寫8點，有時早少少last order都明白，但呢間早成20分鐘，7點40分就冇得落單，已經不止一次是這樣。去到店員話只可以落小食唔可以落嘢飲，我見店員已經開始清洗預備收工，如果係咁不如營業時間直接寫7:30閂門，唔使等人哋白行一趟。而且多次落單叫咗微糖都沒有微糖到，品質控制得唔好。其他春水堂也沒有這樣的問題，旺角雅蘭、沙田店及觀塘店也有幫襯過，味道很好，服務態度也比馬鞍山店好。成日去到都買唔到，令小朋友十分失望，麻煩春水堂正視問題

杯紅豆奶茶好味, 但職員態度欠佳！我order紅豆奶茶, 吾清楚不可熱飲, 女微胖小姐好“掘”答：“红豆奶茶無熱飲!”...ok ok, 無就無囉！ 結果$37買了熱紅豆珍珠奶茶, 換來了一肚氣！！

春水堂😆😆朱古力奶茶$33及胚芽奶茶$29朱古力特飲係限定飲品，整到好靚，上面有d朱古力脆脆😋😋，好濃朱古力味，又有咬口👍而胚芽奶茶都唔錯😃整體評分：4/5環境：4/5味道：4/5價錢：4/5

入馬鞍山搵舊同事食飯，對方已經買好左晚餐，所以我哋就喺附近買啲嘢飲上去，之前喺觀塘飲過春水堂嘅奶茶，覺得味道唔錯，所以今次都揀番佢。🎈珍珠苿香奶茶🎈珍珠鐵觀音奶茶但係今次我哋都有啲失望，因為馬鞍山呢間分店嘅奶茶味道冇觀塘飲嘅咁好味，之前喺觀塘飲茉香奶茶係有淡淡的茶香，但係哩一間分店就無，奶茶有啲稀。朋友都話佢嘅鐵觀音奶茶茶味唔夠突出。而佢嘅珍珠仍然都係細細粒，質感都煙韌，但係今次就稍為偏硬一啲。整體來講，如果下次入馬鞍山都未必會買哩間嘅奶茶，想飲都會去返觀塘店。

細珍珠好得意😎好煙韌 呢度嘅珍珠奶茶有分紅茶 綠茶 鐵觀音😌雖然講完都唔太知有咩分別🙈🙈🙈今次揀返最Basic嘅紅茶底先 叫左少甜 (仲有微甜可以選30%)少甜系50% 都幾好飲 茶味好香濃好持久ar!!! 入口過咗一陣都仲係有茶香 奶味都有 加埋一齊好融合 面層有好綿滑嘅泡 加埋啲碎冰 一流👍🏻👍🏻👍🏻等左5分鐘左右就有啦😍😍😍夜晚時間唔算多人排隊 😌😌諗得過😍😍話晒呢間係台灣都幾出名 🤤🤤🤤

🔸珍珠茉香奶茶 ($31)原來呢個就係平時飲開嘅 珍珠奶綠 🍵🤣呢度嘅珍珠細細粒 好有咬口 唔會淋到一pat pat 👍🏻上次喺台灣叫過3分甜 都係好甜☹️今次喺香港再飲返3分甜 甜度剛好！果然迎合返香港人嘅口味😋 🍎👧🏽最怕就係飲到 只有奶味而冇茶味嘅奶茶好彩呢度正正相反～茶味超香🍃🥰😍店員幾好笑容 仲介紹期間限定嘅🥭芒果珍珠茉奶 下次去試吓先！😆⭐評分：8/10－－－－－－－－－🏝環境：N/A🛋服務：7.5/10💲價錢：7/10💥翻兜指數：7.5/10

見新開過左黎試下，我叫左杯珍珠鐵觀音奶茶同黃金香酥雞，我覺得杯奶茶好有茶味，唔會太甜，啲珍珠係細粒個啲都幾好咬口。個黃金香酥雞就咸咗小小，但都炸微好香脆既，下次會叫佢小鹽。

源自台中既春水堂成立於1983年，係珍珠奶茶既始祖，我自己就未試過台灣版本，一於係香港試試佢啦。💁🏻‍♀️order咗【珍珠鐵觀音奶茶$31】另外個staff都好nice，又好醒好主動問哂需唔需要少甜小冰，值得一讚👍🏻話哂始祖開發珍珠奶茶，諗住味道點都會有保證啦，我自己都專登叫鐵觀音，諗住佢既茶味🍵會出啲，點知一試之下有啲失望；👧🏻同🥚既comment一致係：冇咩特別。春水堂用上碎冰，茶味好單薄，但係奶味又唔係特別濃郁，整體上有啲唔上唔落既感覺。而且春水堂用上細粒珍珠，相對沒有很喜歡喔🤭

第三次飲香港既春水堂，真係好失望！我發誓唔會再有第四次！同老公食完拉麵口渴我就話不如飲春水堂，再比多次機會杯鐵觀音奶茶，我今次直接問甜度有無得揀，店員講有「正常甜，少甜，微甜，走甜」，我平時飲開其他店都係微甜&走冰，咁我今次既然有微甜，當然飲微甜啦！ 第一次飲飲正常甜，第二次飲飲少甜，第三次飲飲微甜，但結果係一！模！一！樣！甜到根本無辦法飲落去！原本好口渴，變到更口渴！！真係無辦法再接受！！無人排隊真係完全明白了！

食完飯想飲下野就去左春水堂，雖然天氣熱但成日飲凍野唔好，所以叫左杯熱珍珠紅豆鮮奶茶，佢地既珍珠比一般舖頭細粒，好處係易吸，而壞處都係因為太易吸好容易吸入喉嚨🤣 紅豆味唔算太濃，整體感覺一般。因為見觀塘店成日排長龍所以期望幾高，但飲落又唔係咁surprise，質素實屬一般。

今日飲過最伏的台式珍珠奶茶店， 不要被它有始祖之稱令你覺得有保證，在美食沙漠的馬鞍山確是連杯好飲的珍珠奶茶亦容不下。第一次可以講下服務，我問店員有沒有「芋香珍珠奶茶」(紫色嗰種)，第一次他聽唔清楚，我重覆一次，佢都聽唔明，指了另一款「苿香奶茶」給我，咁好啦，聽他意思試一試，叫了少甜。 結果完全沒奶味，有少少茶味，價錢不是便宜，有比糖水好飲少許。第二次覺得可以再來試「珍珠奶茶」，結果仍是失望，味道依舊，奶茶走奶味？ 連最簡單嘅珍珠奶茶都調得差，難怪飲了兩次也不用排隊，所以不會再幫襯

今日同老公去馬鞍山打完邊爐口好渴就諗住去春水堂買野飲。 咁岩我老公又想食炸野，所以我地點左一份香酥雞（$48）同埋一杯鐵觀音奶茶（$26）其實正常一間飲品店都會有甜度同冰量可以比人揀，仲會打埋出黎menu到，呢間春水堂身為台灣始祖珍珠奶茶店居然無打出黎，只有講某d野飲唔可以走冰而已，感到有d失望。上次叫左杯鐵觀音凍飲少甜，但結果都係太甜，所以今次諗住嗌半甜，點知出單都係少甜，令我好失望，即係只有少甜呢個選擇？咁唔飲咁甜既人點算？等左約五到十分鐘就叫到我地，香酥雞係真係幾好味，炸得夠酥同埋夠juicy ，只係以台灣小吃黎講，加d九層塔可能會更好食。（因為老公係台灣人，所以對無九層塔有少少失望，以為春水堂同其他店唔一樣，點知分別唔大）至於鐵觀音奶茶我叫左少甜走冰，但都係好甜，正如一開始所講，佢好似只有少甜呢個選擇，不禁有d失望。今次無影到相，有再補返。

叫了凍珍珠奶茶，叫了少甜少冰， 唔知係唔係溝通有問題變咗走茶走奶，茶味沒有，奶味沒有，總之無味!!!! 夾硬要講嘅話就係有少少甜味嘅水，仲要收你29HKD!!!!! 難聽d講句你去隔離啲台式飲料店都唔會畀杯咁嘅嘢你囉，人地仲要平d!!以後唔再幫襯