春陽茶事 (樂道)

营业中

休息中

春陽茶事是一家專注於台式手搖飲品的外賣店， 我們今日經過叫了兩杯飲品， 感受相當唔錯。我試了他們的珍珠奶茶和覆盆子烏龍茶。珍珠奶茶的珍珠口感QQ彈牙，茶香濃郁，奶味適中，一口咬下去完美融合。 覆盆子烏龍茶，覆盆子熬製成果漿，搭配醇厚烏龍尾韻回甘，酸甜滋味超消暑，喝上一口讓人感受到清新的滋味，同時不會過於甜膩，讓人回味無窮。 另外，春陽茶事在選材上也顯得十分用心，無論是茶葉還是其他配料都維持著高品質。值得一提的是，他們的飲品可以根據個人口味調整甜度，這對於喜好控制糖分的人來說無疑是個好消息。

店名：春陽茶事地點：尖沙咀樂道菜式：台式飲品店餐牌：原茶系列、紅豆系列、芝士瑪奇朵系列、鮮果系列、鮮奶系列、甘蔗系列、古早味系列。有中有大兩個size，可加配料。大size飲品真係大大杯，等左3分鐘都唔洗。飲管獨立包裝自己攞。珍珠鮮奶茶 大 $32珍珠鮮奶茶底層有好多黑糖珍珠，我將成支飲品上下倒轉搞混先飲，奶茶好滑溜而黑糖珍珠好有咬口。叫左少甜同少冰，我就覺得甜度係剛剛好。覆盆子烏龍 大 $30覆盆子烏龍既覆盆子味道好濃，而烏龍茶就較爲淡，我覺得係我鍾意既濃淡度，叫左少甜同少冰，我都覺得甜度係剛剛好，好似果汁多過似茶，但係甜得黎有帶微微茶香。總括而言，兩杯都好飲，效率非常高，等左兩分鐘就有。By the way，食牛品嘅晚市牛御品套餐會送春陽茶事嘅嘢飲。

呢間台式飲品係I Square 附近既樂道 ，都幾多款式，花多眼亂之下最終揀左珍珠鮮奶茶同百香果綠茶珍珠鮮奶茶 $32 - 珍珠好煙韌，珍珠份量都幾多，基本上每一口都飲到珍珠, 揀左微糖少冰都唔會太過甜，而鮮奶個奶味好香，絕對係一種飲極都唔會厭既台式飲料之一!😍百香果綠茶 $30 - 飲落滋味酸甜，每一口都飲到好多百香果籽，又唔算太甜，而綠茶味都好清新，完全冇苦澀味，而且依款飲落非常解渴, 行街行到攰真係一流呀~😋

琴晚同家姐係樓上的牛品打邊爐，試埋呢間係地面的茶飲店。因爲叫「牛御品」套餐會送一杯「春陽茶事」飲品。落完單就有職員送上，好方便。之前同事請我飲過，屬於健康茶飲，因爲正常甜度等同出面的半糖，所以飲完無罪惡感。突然想飲珍珠奶茶，就叫左半糖！size係細杯裝，好夠飲。奶茶香滑，d珍珠屬於有咬口，最重要係不甜，可以健康地飲。地鋪都幾容易見到，經過都可以試下。🥢春陽茶事 (樂道) 🌏尖沙咀樂道32-34號地舖

📍 春陽茶事（尖沙咀）位置尖沙咀嘅一條樂道小巷，有一間好細間嘅台灣特色手搖飲品店，經過都唔太起眼，但係款式好多，仲係台灣新鮮直送嘅鳳梨，或者當季新鮮嘅生果，有啲仲係期間限定！而家喺隔離牛品，食晚市牛御品套餐會送春陽茶事 ，趁仲有依個優惠，大家快啲過嚟試吓！唔洗額外再買，有得食又有得飲🤭✨鳳梨烏龍酸酸甜甜的鳳梨果香搭配茶香不再另加蔗糖跟其他香料鳳梨蜜跟烏龍茶的清香完美結合交織出香氣洋溢的氣息甜度適中喝起來超級消暑💦✨珍珠鮮奶茶唔會太甜 飲得出濃厚的茶味珍珠亦都唔會軟爛 非常Q有嚼勁是奶味比較重的鮮奶茶 珍珠比較煙靭飲得出茶香味🫶🏻

今日行過尖沙咀 I Square ，見到呢間台式茶飲店，都幾多款式，有d都幾特色，選擇困難症下，最終選擇咗2杯，分別係珍珠鮮奶茶同百香果綠茶。呢2杯都非常唔錯，下次會試埋其他款式。珍珠鮮奶茶 $32珍珠非常煙韌，珍珠份量都幾多，唔會太過甜，而鮮奶個奶味好香，好濃，夠晒涷，mix埋珍珠，係非常絕配。百香果綠茶 $30飲落酸酸甜甜，勁開胃，唔算太甜，而綠茶味都好清新，完全冇苦澀味，呢款飲落非常解渴，非常fresh。

📍春陽茶事 (樂道) (尖沙咀)尖沙咀樂道32-34號地舖做完野係尖沙咀牛品打邊爐，叫「牛御品」套餐送一杯「春陽茶事」台式飲品🥤飲品有幾款可以揀，早啲落單會多啲款式。QR code落單等左一陣就有職員幫我哋拎飲品上黎火鍋店，呢個安排非常方便。👉🏻珍珠鮮奶茶本身打邊爐食到飽飽唔想叫啲咁飽肚嘅飲品，但店員推介就試下。奶茶香滑珍珠軟糯有咬口。👉🏻老烏梅汁食得肉多整杯酸酸甜甜嘅烏梅汁飲下，原味都已經幾甜，建議直接揀無糖，飲完無負擔。

經過尖沙咀，好想飲嘢⋯仲要係想飲珍珠奶茶！😛咁啱見到呢間未試過嘅春陽茶事，於是忍唔住買咗😂原來都好多選擇🤣「珍珠鮮奶茶」 $32🍽️：茶同奶嘅比例合適，微糖少冰係最佳配搭！😆珍珠嘅口感都適中。因為我比較怕飲到啲奶偏多又死甜，跟住又唔係用鮮奶嘅珍珠奶茶。.「鳳梨蜜烏龍」 $30🍽️：呢個係佢新出嘅飲品，鳳梨同茶真係好夾，飲品裡面真係有一塊塊嘅鳳梨肉，所以飲落口感唔錯，同埋唔會太甜。值得一試！

香港越開越多唔同嘅台式飲品舖頭，到底有邊幾間先係真正高質好飲⁉️⁉️ 建議大家經過尖沙咀可以試吓呢一間，感覺佢哋嘅台式飲品好正宗，真係好似台灣飲嗰啲咁！有一個好特別嘅飲品，叫甘蔗鮮奶🎋🥛，其他地方好少見到，好推介大家試吓，口感細滑得黎又唔會太甜，推介推介！今次嚟到同朋友就分別嗌咗黑糖珍珠鮮奶🧋$38 同埋 翡翠檸檬愛玉🍋 $32，幾欣賞佢呢度嘅黑糖珍珠，比起市面上嘅冇咁死甜，真係有焦香嘅黑糖味，另外翡翠檸檬愛玉，味道非常清新，又唔會太甜，愛玉嘅份量非常多，大杯先$32好抵飲呀！🫶🏻🫶🏻

行過見到，朋友話呢間係台灣過黎，飲過覺得唔錯，得返唔係好多地方有分店，難得呢到有就買左2杯飲。檸檬翡翠愛玉茶底非常清甜，愛玉好滑，比jelly更加滑，飲個時一下就滑入喉嚨，帶小小檸檬味，岩晒行到熱辣辣嗰陣時飲，真係夠晒refreshing 百香綠茶茶底係綠茶帶有新鮮既百香果粒，中和番甜味，令成杯手搖變得酸酸甜甜，好解渴。員工出飲品都算快手，小小既店 原來周圍都貼左Alton 既poster 同埋呢間係應援店，鍾意Alton 既黎打卡啦🤣

最近討論度很高的台式茶飲，以台灣出產的茶葉作茶底，茶味更突出了，尤其香港熱死辣辣🙂‍↕️，真的很需要一杯透心涼的飲品。這次點了黑糖珍珠奶茶和新推出的胭脂芭樂茶，前者是人見人愛肥仔水，後者是夏天限定，要飲趁早！果味香濃，再加寒天，解渴又清爽。（建議點少糖，感覺落糖幾重手😂

「喜如春陽，笑談茶事」 春陽茶事係一間嚟自台灣嘅地道好茶，依家喺樓上嘅牛品晚市打邊爐食牛御品套餐送春陽茶事靚茶一杯，食飽飽消滯解渴一流~我哋揀咗盛夏限定發售嘅胭脂芭樂冰茶，選用彰化盛產紅心芭樂為基底，搭配嫩芽採摘萃玉綠茶，酸甜清爽，解膩之算！另一杯係甜蜜嘅荔枝蜜烏龍，選用香氣十足嘅黑葉荔枝蜜，香氣十足搭配招牌鹿谷烏龍茶，層次豐富~加埋荔枝果肉口感更佳~佢哋嘅杯係同 YAMAMA 聯名嘅設計~為茶飲加添童心趣味。飲嘅時候都特別療癒開心❤️p.s. 尖沙咀分店仲係Alton 嘅「蛋白粉」應援店~

台式飲品，真的好難抗拒。這家的店名好特別，首先是被他的店名吸引住。看看他的飲品是不是也特別好喝。種類蠻多的。翡翠檸檬愛玉 （3分甜）$32香比較濃，而且他用的檸檬非常的香，檸檬茶底搭配得非常不錯，配料是愛玉，口感比啫喱還要軟滑，一口茶一口愛玉，口感非常清爽。鳳梨蜜烏龍 （3分甜）$30台灣鳳梨出名，我看到這杯就想。烏龍茶底一點喝不出苦澀的味道，因為鳳梨蜜非常香甜，而且每一口都喝很到鳳梨肉，我得喜歡，真的非常清甜順喉。總結，甜甜的台式飲品，怎麼都好喝。不過甜度有比較高一點，3分甜對我來說已經算是最高甜度了，如果甜度可以再調整一下，應該好很多。

最近試左春陽茶事新出嘅兩款茶飲 🙌🏻 分別係胭脂芭樂冰茶同荔枝蜜烏龍，兩款都係清爽路線，非常適合炎炎夏日，相當解渴，叫埋少甜對於我嚟講啱啱好 😝😝✨胭脂芭樂冰茶芭樂味道十足，相當突出，有種特別嘅果香味，喺香港比較少接觸嘅味道 🙌🏻 飲晒成杯都唔覺得甜膩，舒服嘅味道！✨荔枝蜜烏龍清新怡人，甜度岩岩好，荔枝味道天然，蜂蜜味就唔算重，不過記憶點就唔及胭脂芭樂冰茶咁深刻😛📍春陽茶事尖沙咀樂道32-34號地舖

喺尖沙咀行街路過見到有一間茶飲店 春陽茶事 期間限定係芭樂系列 叫左一杯胭脂芭樂冰茶仲有一杯荔枝蜜烏龍 平時飲開呢啲都係會叫少冰同埋半甜 我諗用芭樂嚟做飲品都真係比較少見 飲落去都真係好重芭樂味 如果平時都唔鍾意食番石榴嘅人 可以唔洗試😂 鍾意食嘅你會愛中呢杯野飲 另一杯荔枝蜜烏龍無特別大驚喜 中規中矩啦 不過佢茶底係做得唔錯 荔枝蜜唔會得死甜會有淡淡荔枝香 不過最唔好係佢隻杯唔係透明無得打卡！不過佢隻杯個圖案都好可愛 但係睇唔到入面會容易撈亂天氣熱行過都可以一試