春陽茶事 (租庇利街) (已搬遷) 新店位置

第一次飲呢一間台式飲品，可能佢係啱營業嘅關係好多配料都冇得揀。於是我就叫咗杯檸檬烏龍茶，而我朋友就叫咗杯奶蓋紅茶。檸檬烏龍茶飲落去好似檸檬愛玉嘅味道但係我覺得同烏龍嘅味道唔太夾，可能係烏龍嘅味道太濃。相反，奶蓋系列我個人比較推薦因為奶蓋嘅味道除咗有芝士味仲加咗啲雲呢拿嘅味道飲落去甜甜地又鹹鹹地，再加上茶嘅味道，飲落去感覺十分之夾，而且仲有好順滑的感覺。 員工服務方面都不錯地理位置亦都頗方便，如果再有機會經過我會是珍珠奶茶！

今日有個app推廣好多午餐或飲品只係$8，公司附近有間春陽花事，今日特價是凍黑糖珍珠鮮奶🥰🥰🥰，$8之餘仲有9折，即係$7.2...超抵茶味較淡，珍珠好QQ,鮮奶好滑

口痕買杯黑糖珍珠鮮奶飲覺得唔好飲，個人唔like細珍珠，同埋飲落有d滑曬曬既feel，好奇怪，可能佢飲茶會好d，下次唔買呢杯啦，試下d茶先，希望d茶會好飲，唔會失望啦

今日難得入到中環，又有人問起飲唔飲呢間野，未試過緊係要去trytry佢啦🤩🤩🤩中午時段，店內都淨係得一個哥仔係度收銀同沖嘢飲，難免等待時間會長少少。布丁烏龍鮮奶茶（少甜少冰）平日飲開珍珠多，今次朋友推薦呢款布丁嘢飲。杯底係一大舊原舊布丁！！🍮🍮🍮好足料！反轉chok勻佢，佢都痴實係底🤣🤣少甜之後甜度都算適中飲落奶味好出色，配合大大啖布丁，簡直大滿足，好享受另外朋友亦有推薦甘蔗綠茶同甘蔗鮮奶，我飲咗一啖，冇想像中咁甜，而且好解渴，下次一定會試！呢間野雖然貴咗小小，但一定會返轉頭

珍珠鮮奶茶|$26春陽茶事黎咗香港咁耐都未有機會試過，今日路過就買咗杯珍珠鮮奶茶。珍珠好Q好彈，奶茶甜度亦適中（叫咗正常甜度）。不過本身係天仁茗茶忠身粉絲嘅我就始終覺得天仁啲珍珠大粒啲、好咬口啲。

Test marketing 做得唔錯， 用OpenRice 去order ， 係指定時間去羅， 唔駛排隊等。 建意： 如果唔介意唔太凍， 可以去冰， 因為太多冰， 會沖淡本身既味道。 讚👍🏻：1. 1/3 糖（則微甜）做得唔錯2. 仙草份量都算多3. 奶味重及滑可改善： 😀1. 茶味唔夠重

上次經過中環見到黑人黎做新店開慕儀式之後行過就試下啦😋黑糖珍珠鮮奶 $30 黑糖幾香，但都是攪拌之後珍珠失去黑糖味🙁都係做唔到李圓圓既珍珠附著黑糖味既感覺😟攪拌之後鮮奶帯有微微嘅黑糖味亦唔會太甜😗整體黎講唔錯😋.

中環嘅手搖飲料店開到成行成市，真係有排都試唔哂😹1️⃣布甸烏龍鮮奶🍼(M) $31布甸大大舊🍮，啜極都仲有，而且布甸係佢地親自整㗎，唔係就咁擺個7-11買嘅布甸🍮入去。烏龍鮮奶🍼沖出來好層次分明，巧靚靚！就咁望都係一種視覺的享受👀。茶味唔算特別濃郁，反而鮮奶嘅味道更香濃厚滑。🙆🏻‍♀️美味指數:7.62/10💡整體來講，性價比不錯，店家用料比較有要求🥰！

中環都愈來愈多台灣過江龍。經過呢間見舖面裝潢有啲復古又幾靚，就試下。一睇menu見到除咗間間大熱黑糖珍珠鮮奶外，5大人氣推介之首係檸檬蜜烏龍，於是就叫一杯試下。同一般手調飲料一樣，有得揀唔同冰塊程度同糖嘅程度，個收銀員都好nice 咁話如果怕太甜可以點微糖。等緊嘅時候，望到入面都幾大幾寬敞，內部環境整齊企理望落似乾淨👍🏼都等咗十分鐘左右，杯野飲就準備好。飲落又真係好在叫咗微甜，可能因為有蜜糖關係，所以都偏甜。茶味一般，夾少少甜就岩岩好，若正常糖就會over咗了

次次行街經過cwb都想試，但因為太多野唔岩飲所以一直未試，再加上最近夏天減肥飲少佐好多台飲。今日返工太得閒自己行街，經過佐2次，終於決定入去一試。見佢有幾杯野飲前邊有個logo，我諗應該係招牌，因為真係全部都唔係我特別喜好ge飲品又好想試，最後都係揀佐熱紅豆烏龍鮮奶走糖(本人平日好茶，但其實不好奶茶，更唔太食紅豆)，其實叫完之後有少少後悔。可能因為平日飲開比較濃ge茶，對我黎講，黎杯茶我係完全飲唔到茶味，我應該都係鍾意不要對我尖叫多d。但佢個奶味好實在，同平時飲開果種怪怪地ge死實味唔同，覺得真係用鮮奶，而且奶好滑，所以係加分ge。其實如果飲開台式奶茶ge人應該會好鍾意，因為奶多過茶係一貫台飲特色我唔可以怪佢冇茶味。要讚ge係佢ge紅豆好，我平時連十勝紅豆都話難食ge人接受到，首先佢冇乜“衣”(以平日試飲男友係其他台飲店買ge紅豆奶茶作對比)，唔硬但同時唔會溶到令人覺得冇口感，所以滑ge紅豆加滑ge奶茶都算perfect match。最重要係我走完甜之後，佢唔會好似平時咁，奶茶苦到澀，紅豆因為浸過糖水仲係甜到喊果種液體同固體分離ge奇怪體驗。黎間ge紅豆真係得返好少甜，隻味好自然感覺係

珍珠奶茶的熱潮一直都未有減退，而且仲越開越多。作為一個奶茶控，當然要試盡18區唔同嘅奶茶啦😌今日同男朋友行街嘅時候，就黎到租庇利街嘅春陽茶事，我當然唔會放過任何買奶茶嘅機會啦😂拉停男朋友買返杯台式飲品。可能係晏晝2、3點，比較少人，好好彩唔洗排隊，可以快速落單。值得一讚係店員好好禮貌，而且笑容十足，服務又好好👍🏻👍🏻👍🏻諗左一陣，終於都係揀返我最喜歡嘅配搭：布丁烏龍鮮奶❤️布丁烏龍茶 $28一啖飲落去，好有台灣嘅味道，飲左咁多間唔同嘅布丁奶茶，春陽茶事暫時係我心中嘅第一位。奶茶口感好滑，奶同茶嘅比例岩岩好，唔會有茶嘅澀味之餘又保留到奶嘅滑溜。布丁最有驚喜，三個字講哂：香甜滑。連平時唔飲奶茶嘅男朋友都爭住飲，第一次買大杯裝嘅奶茶係唔夠飲。p.s.經過一定會再買!

我知道呢間飲品店係香港既分店唔多，佢並唔係好出名；我認識呢間既事源係我行市集見到佢好醒目咁擺檔於炎炎夏日之下，賣著劃一價$35的不同飲料，就決定要去門市到飲，不出所料，門市係平少少既佢賣既飲品都同市面上既大同小異，size都好合理，價錢大都合理，係某一兩杯價錢有啲over但我覺得加珍珠只係$3，好抵（因為佢量極多，多到唔會食得晒）嗌咗一中一大既飲品，兩杯都十分好飲！！！！！左邊係碧螺春綠茶加珍珠（半糖少冰），右邊係檸檬蜜烏龍（半糖少冰）店員會於落單時候主動建議不同飲料既甜度，覺得好好！碧螺春綠茶加珍珠（半糖少冰），呢杯既茶十分十分濃郁，稱得上係我飲過台式飲品中最澀既茶，我好中意！如果唔中意茶香既就唔好試了。佢既珍珠係standard咗既細珍珠，雖然唔夠天仁既珍珠甜，但也是有咬口的，有啲味會更優秀！至於檸檬蜜烏龍（半糖少冰）係我無意想過既咁好飲！檸檬唔會太酸，酸咗第一啖會隨即有烏龍既澀中和，味道好夾！但飲到後面因為有冰溶，就無咁濃味，檸檬味隨後都無咁出，我會建議走冰我拎完飲品之後都越黎越多人黎排隊，呢到都有一個小小休憩空間。總括而言，我真係好中意佢既茶，佢茶既來源似乎好高質，茶真係好濃郁

當初喺蘋果動腦Q見到宣傳，老闆係大生銀行家族第三代後人，對呢樣生意十分有計劃。喺台灣春陽茶事有好多藝人力捧，成日都喺黑人仲有佢啲藝人朋友嘅ig見到宣傳，皆因佢係台灣春陽茶事嘅股東。春陽茶事一黎sell名人效應，二黎都宣傳自己部分材料係由台灣進口，飲品質素同知名度理應係有番咁上下。但春陽茶事喺香港嘅知名度遠遠比喺台灣低，可能因為主要宣傳嘅都係台灣藝人，喺香港嘅影響力相對較低。至於飲品質素方面，香港老闆宣傳時介紹材料係由台灣進口，咁講應該係代表台灣茶葉等質素係好啲，但可惜茶味都係唔夠香，感覺平平無奇。黑糖珍珠鮮奶方面，亦無法同其他專門賣黑糖珍珠鮮奶嘅舖比。整體而言都係比較普通。

「春陽茶事。檸檬蜜烏龍」又一間台灣過江龍。食Lunch口乾乾想飲杯飲品又唔想太heavy咁岩就見到呢間開咗幾個月嘅台灣過江龍店舖裝修比較文藝風簡單、不算起眼，但舒服順眼餐單上有4個「春陽推介」分別是檸檬蜜烏龍、甘蔗鮮奶、葡萄柚綠茶、黑糖珍珠鮮奶。我&同事都試咗檸檬蜜烏龍。店舖用台灣出產的高山烏龍茶。味道比較香濃，茶味突出。檸檬都係用台灣來的新鮮檸檬，特別清新，沒有澀味，酸酸甜。我叫的是微糖飲完都唔會有罪惡感感受好健康。其實甘蔗鮮奶都好特別好少見～下次再試！！

今日下午經過中環，終於有機會一試春陽茶事呢間台式飲品店。晏晝三四點呢個鐘數冇乜人排隊，睇完餐牌之後，決定點熱薑汁烏龍鮮奶茶，大約等左幾分鐘，店員已經沖好一杯熱嘅薑汁烏龍鮮奶茶。店員好細心，沖出嚟嘅烏龍茶唔係非常熱，可以買完即刻飲，唔使再另外攤凍本身好鍾意飲薑味嘅嘢飲，第一次試有薑味嘅烏龍茶，呢杯奶茶薑味唔算非常濃，不過飲落幾溫胃同埋飲得出真係鮮奶，唔係落奶精～再加上烏龍茶既味，呢個配搭幾新鮮，味道唔錯，試得一試另外，春陽茶事個杯design得好靚，值得一讚 hahaa