時時樂餐廳

营业中

休息中

差不多日日都黎食早餐,但係從未幫佢寫過食評,有d唔好意思!我最鐘意係佢既炸魚早餐,食得出魚肉而唔係大家樂個d炸粉餅. 另外個葡式餐都幾正,係葡式湯底公仔麵/通粉配腸仔粒/火腿粒/餐肉粒,好濃郁既湯底,非常開胃! 不過記得千祈唔好食撈/炒公仔麵,特別係五香肉丁炒公仔麵,無味架!

幾位同事早排突然興起，組成早餐派，每倨星期六均會約埋一齊食完早餐，吹一輪水才返工。，而我這貪飲貪食的人當然也加入了。我第一次參加，特一個早餐地方就是時時樂。聽同事講，佢既茄牛粒套餐幾正。其實即茄牛粒，再可選擇腸仔粒/火腿粒/餐肉粒配公仔麵/通粉/米粉。而我就配腸仔粒和公仔麵。好重蕃茄味的一碗麵，其實幾開胃，腸仔粒、牛肉粒幾爽口，而且仲加$1要多士，同埋凍奶茶，確實是個不錯的醒神早餐。大家有傾有講，吃飽飽後，再返上公司博殺。

14 January 2006 - 下午茶普普通通，尚算乾淨；食物一般，唔太差唔特別好；服務還可；價錢適中，算平！

首先, 呢間茶餐廳我以前都耐唔耐去食架啦!!!以前都OK起碼食物大碟d抵食d而家食物麻麻，一碟西蘭花炒斑片，價錢就＄３X，得10舊仔西蘭花，４舊斑片！！同個樓面阿姐講，佢就唔係好滿意咁拎入去再炒過最搞係我叫左一杯凍檸樂，可樂係罐裝，跟住畀個杯連冰同３片檸檬，檸檬放係冰上面，o個三片檸檬可以係高過隻杯架！！證明係成杯冰，我好有禮貌咁叫阿姐幫我倒咁ｄ出黎，跟住佢畀多個杯我，叫我自己倒！！咁算啦我自己倒啦，又好衰唔衰，淨趺左ｄ檸檬，我叫佢可唔可以直頭淨個一杯啦，少ｄ冰咪得囉！！佢都好唔滿意架啦，轉個頭畀一杯同之前一杯一樣咁多冰，仲要態度勁差，好似係我做佢生意咁我講多兩句佢居然鬧返我轉頭個阿姐係四眼架！！

很普通的一間茶餐廳，地方稱得上光猛和清潔，食物也不錯，特別炒的東西挺有鑊氣，唯一的問題是上菜很慢。