普光齋

营业中

休息中

1.必要點心: 鹹水角. $2.5 美味沙葛餡, 沒有菇絲花生等等,新鮮的話,質素絕頂.2.九時後豉油王炒麵, 銀芽胡蘿蔔絲+/-捲心菜絲作配料.沒有菇絲蛋絲最稱心. $183.九時後油鹽水浸韭杞,蔥菜作配料,清淡得宜. $184.茶不必提:極差. 宜喝滾水.

必叫點心:鹹水角$1.5,沙葛餡美味,沒有花生菇絲,新鮮的品質相當有保證.九時後油鹽水浸韭杞:$18.蔥菜作配料,清淡宜人!九時後豉油王炒麵: $18,沒有蛋絲菇絲最稱心.

今日出門時，大雨突然而至，來不及開遮，又冇躲避處，衣衫盡濕，鞋及褲更成重災區，但一到中午，陽光猛烈，好像之前未有發生過大雨事件，走在街上，真是熱得不亦樂乎！一行四人，在此炎炎夏日，一致決定都係食素好Ｄ。可能係慣性，不其然便走進此店。今次由一位侍應哥哥招呼我們，雖然都係由持素人氏發辦，但係都很樂意接受侍應哥哥的熱誠推介。﹡酥炸魚塊﹙推介菜式﹚普通嘅素魚塊，醮飽糠炸好，拌以沙律醬來吃，好一般嘅菜式，不過炸得幾酥脆又一Ｄ油都冇，加分。﹡沙律骨又係好普通嘅素肉，用破幼了的竹遮穿住，上面唧咗沙律醬，真係普通過普通。﹡鮮腐皮皇帝菜﹙推介菜式﹚用鮮腐皮卷住皇帝菜切段來蒸，上面洒少許素蟹柳，打一個琉璃獻，清新可口，滑滑的猶如食緊蒸蛋，各人一致讚好，上菜時己經眼前一亮，有暑氣盡消的感覺。﹡炒蘿蔔糕用一大塊雲吞皮炸成元寳型，上面放置用菜梗車厘茄拌以濃濃醬汁炒好的一舊舊蘿蔔糕仔，賣相好靚，但係食落就覺得過咸，雲吞皮炸得唔鬆脆，扣唔少分。今次菜式味道都好普通，呢次食評都係因為﹝腐皮皇帝菜﹞而寫，不過呢度個厨師肯定期設計一Ｄ新菜式推出，值得一讚，如果十年如一日都冇變，真係揾人嚟食都得喇，特別係素菜，捧場客已不及

昨晚同我阿姨去食dinner , 因我阿姨長期素食的, 所以諗著帶她黎呢間昔日很不錯齋店試下...可惜稍失望囉.以往我時常去買20蚊齋鹵味外賣的, 也覺得味道不錯, 但今期,我們無選擇了樓下的自助餐, 散叫,因望落自助餐d食物都不是我們想吃的. 上樓上, 服務員就很好, 我們先叫了碟齋鹵味30.00 , 再叫了個雀巢炒素丁, 加一碗粟米粥, 這幾味只是一般齋鋪最普通的送菜了...上台, 齋鹵味, 講真好一般, 酸齋完全唔酸, 面頭有d素鵝, 更是不脆的,淋的腐竹似的. 第2味上台是雀巢黑椒炒素丁<--- 先講個巢, 唔脆且有點油益, 而個素丁<-- 全部都解素肉丁+ 磨菇丁, 完全無任何腰果or 夏果, 我們吃了2口就同waiter 講, 取消了, 因真係太難吃, 不是便宜的也要58.00 取消後, 改叫了一個葡汁焗4蔬, 這味菜上台時也算不過不失, 4蔬係, 薯仔, 西蘭花, 椰菜花, 草菇, 其實嚴格黎講都唔算係4蔬, 我一向食開的都是4款蔬菜.最後的粟米粥反而是全晚最欣賞的一道菜餚...

今日一行數人又嚟聚會。同呢班朋友出嚟食飯多數喺去食素，一來大家平日都係食肉，間中食吓素，就算食肉獸都唔會反對，二來我地當中有持素者，大家遷就吓就真係食得開心，玩得放心。我地本來喺一大羣人，係做運動認識嘅，後來有Ｄ因工作闢係離開，有Ｄ因為搬遷後反眼不識人永不聯絡，更有真係辭世而離去，最後剩下十個ハ個，而經常走在一起就得番幾人，我地之所以闢係良好，都係全憑互相忍讓，互相闢心，珍惜緣份。今日我地試吓Ｄ套餐，雖然唔似得上次所食嘅款款都比較特式，但係都幾好架。﹡上湯菜肉餃～佢除咗有餃之外，仲有枸杞菜，清清地，有湯有菜，而且個素餃仲幾可亂真添，呢個我最鍾意。﹡鐵板鴛鴦串燒～係用鮮竹粒同青紅椒串起，用鐵板上，算幾特式。﹡芋頭南瓜煲～最差的一個菜，汁唔夠濃，如果加椰奶會好好多。﹡芝士什菇焗長通粉～幾香，通粉好食，朋友個個讚。﹡咖喱海鮮飯～都係幾香，唔辣，極怕熱氣果個朋友都有食。呢一餐大致上冇乜特別，不過我想講嘅係呢間齋舖而家喺菜式上肯花吓心思，味精唔覺多，清得嚟唔覺寡，仲有嘅就係侍應態度好，例如上焗飯之類時會提醒我地小心熱，上水餃時會另外再用碗同我地分，有詢問時唔會不耐煩，要寫番張單都好快送到，而家咁

是日係十五前夕，跟朋友到尖沙咀念佛。我係第一次去，原來個度凈係念佛號：阿彌陀佛！一小時之後完畢，就去食午飯，佢地每次都係嚟呢度食，而且都係食自助餐。我地一行六人，被安排到樓上坐，因為樓下早己滿座，而食物都係放係樓下，因為唔想走上走落，於是叫小菜食。佢有一個特別餐牌，圖文並茂，於是就睇相叫餸，點菜後部長問我地要唔要齋鹵味，於是要了一碟，本來食慣齋嘅人都唔會叫呢Ｄ食，例如芋頭魚呀，粟米粥呀，羅漢齋之類。不過其他朋友鍾意食咁就冇所謂啦！不過亦好彩叫咗，因為好耐先上菜，可以暫時頂住肚先。菜式：*石頭粥–用韓式石頭鍋上，有靈芝菇，腐竹同菜梗，幾特別，唔覺有味精。*好有趣–炸米粉塾底，上面係素肉之類，有南乳味，炸得脆脆，好似食緊雞仔餅咁，味道幾特別。*沙律雞串–用一般串燒木棒串起來煎，上面加沙律醬，都幾神似。*松子黄魚–紫菜腐皮包住Ｄ不知名物體來炸，用糖醋汁加幾粒松子仁，咸甜酸味道適中，因為用上紫菜，腥腥地，又幾似魚味噃，可惜松子少得可憐，因為我都幾鍾意食。*九孔鮑魚–用茄瓜塾底，上面加一小片鮑魚形狀的物體，另上一青椒装着醬汁用來醮吃，整個菜靠哂呢個汁調味。呢一餐俾我一個驚喜，因為每個菜都好特別，

呢日大病初癒，所以食齋。我地見佢個午市自助餐四十幾蚊咁平咪去試下囉，點知裡面冇乜野食。個ｄ染色齋菜好難食，其他炒飯呀、菜呀全部都凍冰冰，個布丁ｄ奶皇甜到漏，好難頂，最後只係件窩夫食得落。但係用幾十蚊食個窩夫，傻唔傻ｄ呀？

11月8日晚，我與朋友到很久沒有去的普光齋食飯，經理給我們介紹新菜，我們點了崧子糖醋魚($58)，龍崗白玉($50)，及一窩石頭粥($50)，崧子糖醋魚賣相很吸引，食落非常香脆可口，加上味道酸酸甜甜，感覺很開胃但不肥膩，龍崗白玉的賣相與半隻白切雞十分相似，而且跟羗茸一起入口的感覺與真的沒有分別，石頭粥上檯時仍然滾熱，侍應還提我們小心鍋子燙手，十分細心，而入口味道亦鮮甜非常

我去的那一間就在商務隔離,我諗應該係呢間掛??!知道永安大減價,諗住買番兩個平靚正喼,供本月工幹及旅遊之用. 午餐就懶健康地話要食齋,如意素食摺左之後又唔想行去德寶咁遠就只係醒起呢度.其實次次食齋都係想食那些齋點心同小食,今次都唔例外,酸齋鴨腎等必叫,但呢度實在係又貴(三十幾蚊一小碟)又唔好食,其他齋燒賣粉果等都唔好食又油,點心小食唔掂,小菜都唔見得好,要左個七彩粉皮、上湯腐竹時菜、咖喱海鮮焗飯全部都一般過一般. 價錢唔算平,四個人都好似三百幾蚊,結論係唔值又唔好食.

我女朋友第一次帶我去,食齋自助餐都係頭一次,但絕對冇上兩位食家所講咁多樣野食,基本d 野食好簡單好普通,但價錢屬於抵果隻, 基本上食得過0既~

今晚約左Miss仲有5位同學(共7位)一齊食野傾計,因為Miss 係食素既,我地就選左呢間食野,仲選左去試佢地既自助餐。入左去佢地俾左個樓上位我地,我地仲驚諗住可能到時攞餸會好麻煩,不過好彩,原來d侍應會幫我地拎上去既~~而且佢地除左去大枱攞野食之外,仲可以點佢地紙上既小菜食...食既時候我地都差唔多樣樣都試,佢地大枱d餸都去得幾快,有一d我地都冇食到添=p不過我就覺得d餸就鹹左d同油左d....其他都一般啦!!^^"

２９／３同男友去左食，ｌｕｎｃｈ　ｔｉｍｅ係12:00-2:00,$43(要加一，即＄47.3)１２：０５去到經已有好多人，多以中老年食客為主～野食方面都ｏｋ得喎，ｄ野食夠熱，幾新鮮，野食都密密出，重會成日轉換，唔錯，ｔｈｅｎ最緊要係ｄ菜唔多油，（平時既我出街食飯都會用ｄ水過一過ｄ肥膩既食物，但係今次我都懶得過水，因為其油膩程度可接受）FOOD大致有以下炒飯＆炒米粉各一／椒絲”fu"乳炒椰菜／炒生菜／炸芋頭／炒香菇炒瓜等約１０款倒／有幾窩野，如咖哩薯仔，蘿蔔支竹，酸甜豆腐等／有粟米粥（正），有個冬菇羹／點心有叉燒包，粉果（好食），燒賣／甜品小食方面令我有ｄ意外，估唔倒會有即製格仔餠（有花生醬，牛油，士多啤梨果醬，煉奶）ｄ格仔餠重好足料下，夠厚，好好食／麥芽夾餠，自製既，有埋竹籤俾你／烚芋仔，蕃薯（出得唔多）／齋滷味（唔錯）／有盤有ｄ糖漿淋於炸野面既野，味道似馬仔，ｏｋ啦／炸芋條（有ｄ砂糖0係面）／紫米糕，馬蹄糕，椰汁馬豆糕，水晶糕（紅豆，花生醬，奶皇）／一碗碗熱燉旦又係唔多出）大約有咁多野食啦，＄４０幾蚊有咁多野食抵到爆啦，但係ｄ侍應就真係唔係好掂，無ｄ笑容，成個木頭人咁，ｔｈｅｎ呢度

經過見倒貼住ｄ單張，問下個亞姐，佢ｓａｙ（ｄ時間同＄唔係好ｓｕｒｅ記得，大概咁上下啦）ｌｕｎｃｈ１１：３０－２：３０（＄４０幾）；ｔｅａ３：００－５：００（＄３５）；晚（＄８０幾９０倒）免茶介，好似要加一～０個日５點倒見倒，見有ｄ長木台放左一盤盤野，又有幾大窩野（可能係湯，粥，糖水卦）都好似好多野食咁，ｔｈｅｎ個環境都好似幾光鮮下ｔｉｍ～等我下次食下先～＊初一十五無自助餐供應架，記住喇！

If you are looking for special vegetarian food, this may be the one you will like.

係門口見佢好似幾得,咪入去食啦,小菜可以order,又有得出去自取甜品,但任點小菜得十零個choice,比起寶蓮素食差得遠. 但係好多人去,平日都差不多full house,可能因為平啦!任點小菜重要係好general個d菜式,好似係椒鹽豆腐,時菜扒豆腐,豆醬炒豆角,八寶辣醬,辣子雞丁(呢個唔錯,辣味夠,但係點解用料同八寶辣醬勁似?)節瓜甫(節瓜係涷的,係預早做了....)炸脆奶(呢個唔錯,因為真係即做,個脆奶好滑).自取食物都多choice,抵讚的係佢會不停refill,又不停有新款食物,雖然酸齋賣相好似好乾身,但佢同齋燒都好味,咖哩齋,素雞都no,酸辣湯幾辣,但稀個頭,賣相唔好,素食應有的粟米粥又無,換來係一個白粥,唔....又扣分啦!!甜品的蛋散食落好似有渣咁,唔得鬆化.西米糕d西米硬晒,原本都應該幾好食..炸菸頭卷好味,好粉,正啊!!涼伴粉皮都好味,夠爽口,又有幾個sauce比你任點,有個素雞卷就好好味啦,腐皮好滑,正!甜品有好滑的豆腐花同埋有人即席煎pancake,有埋花生醬,牛油,奶比你點,都好正!waiter全部係新移民,manner好差,又懶叫極都唔理人,搞錯!!唉..