普光齋

营业中

休息中

父親節嗰晚去咗呢間 so called 比較出名嘅普光齋,本來以為好 ok, 點知最後都是失望而回...嗰晚叫咗幾碟嘢,包括:-齋滷味:一般好吃. (不過要做得難食都要有一定嘅"功力",所以無驚喜可言.) -_--咕嚕肉:其實喺素火腿,一吃就知放咗N年,凍冰冰...-芋頭魚:都炸得幾好,食落去熱辣辣,唔錯! -豉油蒸茄子:最差!上菜嗰陣個樣好似Ｄ用 plastic 整嘅 model dish. 吉落去又唔 lum, 嗰Ｄ"模型茄子"白 lai 柴, 完全唔似用豉油蒸過. 叫個 captain 嚟,又話Ｄ茄子本身就是咁,講咗Ｎ世先肯cancel! 扣分扣分扣分!!!!!之後Ｄ嘢都一般一般,都喺嗰Ｄ"行貨"整體上都喺一般,試一次都無所謂,再去就咪搞啦...

去了很多次，每次和朋友們一起去都是上二樓叫菜，都很開心。吃過很多不同菜式，最鍾意都係梅菜五花腩。

出面氣温得8度，行過佐敦咪入去試吓下午茶，其實都有十幾款食物選擇，還不斷補充，算係咁啦，味道普通，但非常經濟，連加一都係$39.6一位，坐2粒鐘避寒，仲想點？

行完街諗住飲下午茶，經過佐敦道，咪試呢處既下午自助餐啦！佢呢度既自助餐款式都係一般既齋點心啦，無咩特別驚喜，但勝在經濟。唯一唔好就係地方細，有濟迫。

朋友一向告知午餐Buffet齋菜$45一位，而且還要訂位才有枱，於是即管一試，但其實午飯人流不算多，只是舖面略細，才顯得人頭湧湧要訂枱，Buffet款式有齋滷味、點心、粥、炒飯麵、炒菜、枝竹煲和夾餅....種類都算繁多，味道也尚可，但人多地方少，人頭湧湧取食物有點困難，而且補充速度慢吞吞，吃得斷斷續續，很難食得大快朵頤，但真的勝在經濟抵食，當中值得一讚的有馬蹄糕，不太甜且清香，夾餅即叫即做，吃時燙咀的。整體水準都未常不可吃，加上經濟抵食，值得推介一試。

想去食齋buffet好耐今晚同朋友一同book定位去去到七點但野食已經冇咩又少但點都拿住少少吃住先見到人地有得打邊爐心諗有就更抵但原來個自助餐都包埋打邊爐心想抵d 佢會跟一攬菜的野比我地打到7點幾先開始refill d野refill速度真的很慢到我地8點幾先開始快款都開始多左下次都可以吃多次但要隔耐一點一提最好book 位如果唔係會比佢放係樓上坐要落番下層先有野食拿.$96 + 10%服務費沒有野飲只有茶

晚餐buffet,有自己拿有點菜齋舖的菜一般較油,這店亦不例外refill都算快,但竟然無酸齋炸芋頭魚有”酸叔”味沒有任何食物可推介

今天和家人一共3人去了佐敦普光齋食下午自助buffet,滿心歡喜的我....倒頭來竟然.....唔好食囉!!款式不多,味道又不夠,refill又慢!!全場最好食的,我個人認為是"格仔餅"(即是出面街買10蚊一底個d)其他的,不敢恭維了!!我下次一定不會再去了!!

食到我想嘔呀!一入到去d服務都唔錯呀唔係我想像中咁差啦，都有d笑容我地入去個時無乜人但係過式一陣就好多人啦講番d野食先有粟米粥(無味，要自己落salt and pepper)有個好似酸辣湯既野(我無食，但個茨多過料)有個芋頭西米露咁既野有炒飯﹑炒麵﹑菜﹑瓜﹑菇﹑炸茄子(好多油，無味)﹑炸芋頭卷﹑素雞粒煮磨菇﹑翠玉瓜草菇﹑齋鹵味﹑豆角﹑西蘭花豆干另外有四鍋菜：蕃茄豆腐﹑毛豆冬瓜﹑蘿蔔枝竹﹑仲有一個唔記得左有夾餅，佢會幫你整，但係可以自己塗配料(個餅硬左d，但都幾好味)有麥芽糖夾餅，無味唔鬆既旦散甜點：馬豆糕﹑啫喱﹑紫米糕﹑馬蹄糕﹑水晶餅﹑西米布甸﹑糖芋頭點心：春卷﹑咸水角﹑素燒賣﹑素粉粿﹑素餃總括來說都不錯啦，但我覺得無乜味(我sure無味精，少鹽﹑少糖)，油稍為多少少(有d)

前天和朋友去了吃3時段自助餐.每位連加一40元,都覺得唔抵食.情顠去飲茶好了.食物方面:腸粉唔夠滑,鞋口! 炸矮瓜裡面冇矮瓜後塊紫色皮邊.整舊都係炸粉,咸水角口感咬落很軟,都OK,但係外層糯米粉太厚,樣樣炸物都係好厚粉.. 太部份都係炸物,幾油~ 有炒飲,瓜類,菜,一般素食.一樣有酒樓飲荼皂叉燒包,粉果,糯米卷,點心.仲有喱啫,馬豆糕,紅豆糕.沒有其他.味道淡..以前去食還有豆付花,PANCAKE,粟米粥.而家咩都冇.. 認真麻麻地.. 食過一次唔想再去食.

逢初一十五食齋，早兩日十五，唔得閒自備齋菜，所以老遠由尖沙咀行去佐敦普光齋買外賣。原來每天都有2款"快餐"供外賣，只售$15 (仲有飲品及點心一款), 價錢好吸引不過賣相唔吸引；所以另外叫了一碟"福建炒飯"外賣，外賣部阿姐已經話今日齋期，會等耐啲，心諗20分鐘咩都煮起啦，故繼續等.....結果等了35分鐘...仲要比人(熟客)打尖, 遲來先上岸。算啦, 阿姐都警告過我...其實對上個初一都同朋友係到食飯(散座), 當日叫了芝士焗西蘭花, 齋鹵味, 及雲耳炒麵。齋鹵味好快到，成碟食完再等了30分鐘先上炒麵, 再等5分鐘上埋西蘭花，因為當日樓面同廚房都掛住招呼"周秀蘭"個枱。味道ok啦, 不過西蘭花就有啲失望, 都係食啲真正齋菜好。下次都係唔好懶，行遠少少去"六榕仙館" 好過(雖然佢地啲廚房食肉, 上次去到聞到好大陣肉味, 原來廚房蒸魚, 佢啲樓面又大大聲講馬經, 不過食物味道比普光齋好)很懷念小時候跟家人到"東普陀" 食和尚煮的真正粗齋。

友人在每一年情人節,也會來一個食齋團.以抗衡這個"有異性,無人性"之節日.連續數年,風雨不改.意義深遠.情人節看不成Franz Ferdinand,小弟近年只是打散工,剛好合乎出席之要求.這一次,眾團友在佐敦普光齋,共同渡過一個"清心寡慾"之情人節.雖然名義上吃齋,但菜式如獅子頭,扣肉,芋頭魚等等,在心靈上,依然擺不脫吃肉的心理.罪過罪過.話須如此,整體上也很有水準,芋頭魚外面炸得香口,芋茸亦不是泥漿摔角之腳色.獅子頭亦吃到近乎原裝正貨的味道.一眾友人舉杯過後,互祝希望下年,不要再在此見面.這一夜,比小弟戲稱為"玫瑰革命",這個光榮傳統,會否繼續保持下去?當同日Franz Ferdinand在新伊館台上,大唱Why don,t you walk away之同時.同一時間的另一邊,小弟心裏正哼著另一首Franz之名作So if you lonely,you know i,m here waiting for you.)究竟,我唱比邊個聽呢?引伸閱讀:http://community.webshots.com/album/556829171fSSELS

今日食，也是因為探病。兩口子都倦了，不想再四圍找，況且尖咀的除夕，如果要吃得好點的便會被掠水，所以來這裡。都係$48自助，坦白講，今次的款式和質素也不及上次。只為填飽肚，是可以的。最好味係齋鹵味同炒粉絲。其他差不多碟碟也是各類瓜菜配清一式冬菇，悶!如有下次，還是準時9點到會比較好。

一行三人到佐敦普光齋開飯, 一到大門口便被她的金碧輝煌所吸引, 因少有做齋的店如斯講究. 我們叫的都是很基本的齋菜: <這是我的意見>(1) 齋鹵味<賣相普通,味道每款都分別不大,唔酸又唔咸>(2) 萄汁焗四蔬<好像沒有入過焗爐,只菜上淋上萄汁>(3) 香芋紫菜卷<尚可>(4) 韓式石頭粥<價錢是$55,用石頭窩盛著,味道不及一般的粟米粥>最神奇是齋店的廁所內竟像酒店, 並不是酒店的設計或清潔度, 而是有位嬸嬸在內比毛巾和收小費, 需雖然並沒有人或好少好少人付款, 總覺得在齋店內出現此情形很怪, 和樸實的佛性有點矛盾.雖然如此, 但依然人山人海, 可能好的齋店在香港真的很少吧, 如要吃齋, 我提意去黃大仙某商場內的齋店, 但我忘記了店名, 味道在普光齋之上.

終於有機會食。星期六晚探完病，已經近9點了，遇啱呢度會9點後$48任食，無茶芥，加上食齋係我杯茶，所以實揀呢度啦。選擇都算多，鍾意佢的甜點，好味。小菜係好油，食完爆瘡。佢有一個煎pancake的爐，但不是常有人駐守的，有些客人自己來，但倒漿時唔太識控制，剪到好大塊，好好笑。好飽的一餐。值得一讚係呢度服務唔錯，有禮貌。整體來說，呢度食客一半是上年紀的，一半是後生仔女，亦有外國客。Toilet要去樓上，原來上面的佈置靚d。臨走時見佢有支裝鳳梨醋賣，好似好健康咁，心郁郁想買，但比老公扯走了。