景霖正宗四川麻辣米線 (金龍商業大廈) (已結業)

前日學完瑜珈堂，真係太肚餓，就一下衝左入呢間米線店到食。其實之前都經過左好多次，但一直都未有機會試，今次就終於餓住個肚去食啦。我叫左個豆腐卜小腐米線，加豆漿飲。不過今次唔記得左訓走堆肉碎同芽菜等配料呢。一反到黎，就有點難搞啦。不過有點失望，唔知係因為我太肚餓定咩，我覺得堆芽菜附過米線好多，好像好快就食完米線，得反一大碗芽菜係到甘。的確係有點失望的。同埋杯豆漿又係好無味，完全係加工野，真係唔可以係甘飲，要避免下。不過因為太肚餓，都無計，食左呢間。應該唔會再有下次...

每次見到都會想入去食嘅景霖米線！雖然唔係咁肚餓，但係佢嘅下午茶真係好抵食！一餸米線加飲品加兩隻雞翼$38咋！兩餸米線加飲品都係$35！今次我叫咗魚皮餃清湯米線～魚皮餃幾彈牙！米線好爽口！青湯底味道都唔錯！真係唔好意思！食到一半先記得影相，哈哈，我太為食啦～呢度嘅雞翼我覺得好好食！有麻辣同香草口味，我揀咗香草雞翼，超惹味！好香口～雞肉好食有肉汁！得兩隻真係唔夠喉呀！今日唔想飲凍野，飲品我轉左杯熱檸水，正正常常！仲有好多款配料！下次要試吓先

平時食開譚仔，今日試下呢一間景霖，都有幾間分店。晚上八點幾，店內不是很多客人，不用等位。同老公嗌左一個大大碗share（$57）份量不少，兩個人都夠食👍🏼配菜豐富，包括牛肉、豬肉、雞肉、腩肉、豬膶、魚蛋、枝竹、豆卜、黑木耳、火腿、酸菜、炸醬及生菜 | 每碗附有芽菜、韭菜及腐皮佢仲有另一款海鮮大大碗，下次可以試下呢間的米線較幼身，都爽滑👍🏼湯底叫左小辣，無咩辣，食得辣的可以試下中辣，感覺味精不是太重，因為食完没有很口渴的感覺再叫了兩串麻辣牛肉串燒，牛肉很嫩，麻辣醬很配合，甜甜的同麻麻辣辣的😋😋

以前夜晚喺尖沙咀跑完步，沖個涼就會行去紅磡嘅景霖食米線，貪佢收得夠夜！次次都兩個人食一碗過橋少辣，最最最鍾意佢個炸醬，真係精萃嚟！！雖然次次嚟食過橋啲料都有啲唔同，因為我諗係我嚟得晏，通常都係仲有咩靚料就執啲咩比我😝😝不過我咩都食，加上佢個湯底正，次次食完都唔夠喉，就會加個雞翼😝都係煎得好靚好香口！-而家成日夜晚要去油麻地上堂，好彩哩度都有景霖😍哩度個menu 同紅磡有少少唔同，好似哩度多啲款式😝哩度仲有個frd極力推介嘅擔擔面😍不過上次我食時無晒拉麵，轉咗米線😭佢個醬汁係好正，配米線都未係最完美😭咁啱個frd食蝦籽丸就比咗兩粒我，開心返🥳-今晚我一個人嚟食，一於就嗌單餸米線齋配佢個肉醬😝😝好鬼滿足😍真係真係必試！

呢度對於我黎講，都幾多回憶下😌之前係呢度附近返工，經常係呢度解決lunch食咩呢個麻煩問題，由啱開始獨自一人黎呢度食lunch，之後有左男朋友之後都經常兩個人黎呢度撐檯腳💕但轉左工之後就好少黎，於是前日同男友就黎翻呢度，品嘗返呢個熟悉的味道❤我就叫左一個兩餸米線，通菜同豬肚小辣，男友就要左個精選，同以前一樣大大碗，分量十足，而且呢度嘅辣辣的好過癮🌶小辣已經好辣，唔食得辣嘅就要注意下啦😂而且下午茶套餐有包飲品，都幾抵食下，值得一試。

係彌敦道，食飯時間可以唔使等位，咁就入左去呢間景霖米線，點知就出事。佢新開張時我曾經食過一次，印象唔差。事隔數月，水準不再。想吃雞翼，所以order了碗生菜手打魚麵，諗住有菜又有肉。這便是生菜手打魚肉麵$33搞混碗麵，我都係見到得兩條菜😨😨😨向職員了解返，冇錯既！生菜手打魚麵係只有兩條菜既😈而剩手打魚麵都係有兩條菜既😈即係一樣咁話。如果想吃菜，麻煩加錢叫菜食啦😈😈😈😈生菜手打魚肉麵要33蚊，但如果你想吃手打魚麵，其實可以加9蚊就轉到，不用那麼笨😈仲有碗麵份量得一半，我竟然食得晒。平時既我，食米線係唔會清到既。而且魚麵較粗身，比烏冬還要粗，但口感較煙韌，其實飽肚感較強。下次我都係揾譚仔三哥食算了。

景霖米線在紅磡時，已經經常光顧，經過十幾年時間發展之後，近年在旺角、油麻地、佐敦、荃灣都有分店。今天在油麻地附近，便來試試。這裡座位比紅磡總店舒服和闊落。我點了下午茶三餸米缐，和麻辣雞翼(2只)，凍咖啡，共$48。三餸米缐少麻辣，包括炸醬、大腸、冬菇。炸醬肉碎有根位，酸酸辣辣，可惜唔記得另上，很快溶化在麻辣湯內。大腸沒有腥味，絕對算好味。冬菇經過炆煮帶點甜味。至於湯底和總店一樣咁嘅味道。米缐帶點嚼勁。凍咖啡都夠濃。麻辣雞翼燒得好香，外脆內軟，肉汁豐富。

今日係周圍行行下之後，就想食米線，咁岩又見到佢，於是就入咗黎食了。首先叫咗個小食，就係香口嘅雞翼，不過佢個雞本身無乜味，而面層有層辣粉，結果就好似食緊齋辣粉咁。除咗小食，當然要叫米線正餐啦。好鐘意佢大大碗，乜都有，可以一次過試晒唔同嘅餸。炸醬、酸菜令到個米線惹味，加上有豬肉、牛肉、雞肉，令到個米線好豐富一碗其實都好大，如果細食嘅可以share，再另外加啲小食咁 咁就會大家都試到唔同款嘅餸之餘又唔會太飽～推介！

本來已經覺得譚仔呀,三哥呀,南記呀所謂嘅雲南米線已經唔好食,所以試下呢間點知可以難食到ㄧ個點!我自己求其煮仲好食!再ㄧ不可再no no no no no! 我唔知自己食咗D乜囉!酸辣湯底可以無味只有少少辣味!似溝咗水嘅辣味湯!打邊爐食剩嘅湯底好飲過佢!!!

午餐好多時都係求其食碗粉就算景霖係我其中一間常去嘅午飯之選佢夠平夠抵食，湯底唔需要加錢而且有好多選擇，除咗一般麻辣同酸辣，佢仲有蕃茄湯底，亦都可以配番茄酸辣湯底而且惠顧午市仲送一杯豆漿一餸的話＄30有找可以有碗粉仲有埋嘢飲，相信都係非常抵食食物選擇除咗米線之外，佢亦都有魚麵，同埋一啲小食，試過佢的雞翼，都烤得幾乾身，同譚仔嘅土匪雞翼不相伯仲因為想食多啲餸，今次叫咗佢嘅金牌米線，有牛腩、蟹子丸、炸醬、鱈魚豆腐同時菜，味道方面不算差，但湯底同牛腩偏咸，食唔慣重口味嘅人應該會覺得好口渴唯有飲一杯佢送嘅豆漿解渴論食物份量同價錢，佢性價比都係算不錯所以佢都加入左我午飯飯堂既清單入面

譚仔不知不覺成為大集團，於是今次決定不幫襯大集團，幫襯旁邊的這間米線。最鍾意d自稱「正宗」的餐廳，然而今次去完只留下一句：不好意思，你真的很差。我不會再來。首先是服務。走入店中兜了個圈，無人招呼，然後叫你坐在一條奇怪的自閉巷子中。這不打緊，最緊要食物好吃。湯底中很多碎屑肉末，帶油。而湯本身並不濃厚。感覺並不是「煲出來」的湯，而更似是「滾完餸」的熱水。不由得與譚仔比較一下，（雖然我對譚仔湯底製作過程有保留）然而譚仔湯底真的好喝很多。這裡唯一可取的是米線的彈性。正確來說是韌性。比較起譚仔、南記的米線，這裡的米線有一種回彈的感覺，飽滿有咬口。衛生狀況不算理想，間中有飛蟲。配菜方面，揀了雞肉和鱈魚豆腐。（因為鱈魚豆腐貌似比較罕見）所謂鱈魚豆腐其實只是星形的魚片而已。完全是油膩的加工食品，抱歉不該對你有期望。雞肉則正常，但不夠新鮮。總結食落覺得相當不濟，上openrice一睇。驚覺佢有咁多分店，如果其他分店質素都相若的話，我不會再去。

見到景霖而家好多地方都有，但係又係行過經過未食過，所以今日決定去食下叫咗小辣但係湯底都唔辣，其實我呢個都唔知係麻辣定係酸辣，兩個味都唔似，真係冇乜味，但係唔算好多油，米線比較硬身，又無味，唔太鍾意，牙菜很多，雞肉份量不算多，而且真係冇乜味朋友呢個係蕃茄湯底，好濃郁，但係朋友話炸醬唔夾蕃茄湯底，都係一樣地米線好硬 如果有得揀唔會再食，同埋一路食嘅時候有好多蚊，同烏蠅係咁飛來飛去，令人感覺環境不太衛生！

今日和好友來吃。友人點了上海麵炸魚蛋和魚皮。她對上海麵讚口不絕。而我偏愛這裡的炸醬和酸菜。點了小酸辣，略嫌不夠酸。酸菜酸酸甜甜很可口，炸醬味道濃厚。現在仍有豆漿附送。便宜。

油麻地新開左間米線，雖然朋友話好似之前佐敦搬過泥，但對於油麻地既朋友泥講，終於有新野可以試下。對比於某大集團米線，佢的確係特別而且都幾正！點了一碗豬腸米線中辣。首先湯底方便，絕對唔會好咸，食完會好渴。相反，佢係麻辣係真係有麻辣的感覺，而且個湯都好濃味。至於豬腸都好大份，可能因為只係點一個送，所以份量就會多d，但係每片既豬腸都好厚，絕對唔係薄切咁簡單。而米線份量都好夠，米線麵質唔會好硬，都易入口的。最特別係，惠顧一碗米線就會送一杯豆漿，真係幾好呀！雖然豆漿唔係大杯，但送既又點會有咁多要求喎

油麻地好多米線，但多數都唔包餐飲同得一嗰餸。呢間景霖都有幾間分店，最鐘意佢杯豆漿同碟麻辣雞翼。雖然喺週末，都唔洗點等就可以入坐。我叫咗碗酸辣，老實講有啲失望，佢嗰底本身係好清，格硬加咗啲酸菜，但米線唔入味。好彩叫咗炸醬做餸～